Connect with us

نړۍ

امنیت شورا په اوکراین کې د کیمیاوي او بیولوژیکي وسلو پر ادعا خبرې وکړې

Published

 on

(Last Updated On: کب ۲۳, ۱۴۰۰)

بریټانیایي ورځپاڼې ګارډین څرګنده کړې، چې د ملګرو ملتونو په امنیت شورا کې د امریکا، روسیې او اوکراین استازیو په اوکراین کې د بیولوژیکي وسلو د ادعا په اړه تودې خبرې کړې دي.

په ملګرو ملتونو کې د امریکا استازې لینډا ټوماس ګرینفیلډ ویلي؛ واشنګټن په دې اړه اندېښمن دی، چې روسیې دغه ناسته له دلیل پرته راغوښتې او په اوکراین کې د خپلو کیمیاوي او بیولوژیکي وسلو د کارولو لپاره پلمې جوړوي.

په داسې حال کې، چې مسکو په اوکراین کې د امریکا د کیمیاوي وسلو د شتون په اړه د ملګرو ملتونو د امنیت شورا غونډه رابللې؛ خو روسیې پدې اړه کوم اسناد ندي وړاندې کړي. یوازې یې ویلي؛ په اوکراین کې د بیولوژیکي وسلو لابراتوارونه شته، چې د امریکا د دفاع وزارت لخوا ورسره مرسته کیږي.

کیف او واشنګټن دواړه دا تورونه ردوي.

دغه راز ملګرو ملتونو ویلي؛ په اوکراین کې د بیولوژیکي وسلو د پروګرام له شتون څخه خبر ندی او اندېښنه ښیي، چې روسیه په اوکراین کې د کیمیاوي او بیولوژیکي وسلو د استعمال لپاره د بهانې په لټه کې ده.

د بېوسلې کولو لپاره د ملګرو ملتونو عالي کمیشنرې ایزومي ناکامیسو ویلي، چې ملګري ملتونه په اوکراین کې د داسې بیولوژیکي وسلو د پروګرام په اړه هیڅ معلومات نلري.

په ملګرو ملتونو کې د بریټانیې استازې باربرا ووډوارډ د مسکو دا ادعا بې معنا بولي او وایي، چې روسیه نن په پور کې ډوبه ده او بهانې کوي؛ خو امنیت شورا باید په دې مسله کې ښکېله نشي.

د ۲۰۰۵ کال د تړون له مخې، د امریکا دفاع وزارت په اوکراین کې د عامې روغتیا له یو شمېر لابراتوارونو ملاتړ کوي.

نړۍ

د پاکستان د پوځ نوي مشر د قومندانۍ لښته ترلاسه کړه

Published

on

(Last Updated On: ليندۍ ۹, ۱۴۰۱)

د پاکستان د پوځ لوی درستیز جنرال قمر جاوېد باجوه د سې شنبې پر ورځ له خپلې دندې استعفا وکړه او د دغه هېواد د پوځ پخواني مشر جنرال عاصم منیر ته یې د شپږ کلونو لپاره د پوځي مشرۍ لښته وسپارله.

پوځ، چې په پاکستان کې پراخ نفوذ لري، په خپله خاوره کې د ځايي او بهرنیو وسلوالو پر وړاندې د جګړې روان ساتل یوه اړتیا بولي.

شنونکيو په ډاګه کړې؛ هغه یوه اړینه ننګونه، چې منیر ورسره مخ دی؛ د تحریک طالبان پاکستان وروستی ګواښ دی.

تي تي پي TTP د دوشنبې پر ورځ خپلو جنګیالیو ته امر وکړ، چې اوربند پای ته ورسوي او په ټول هېواد کې پر پوځ بریدونه بیا پیل کړي.

باجوه د خپلې دورې پر مهال د تي تي پي خلاف د یو لړ عملیاتو منظوري ورکړې وه.

باجوه د دې کال په سر کې له سره د سولې خبرې هم پیل کړې.

TTP د می په میاشت کې د افغانستان په پلازمېنه کابل کې د پاکستان له حکومت او پوځي چارواکو سره له خبرو اترو وروسته د نامعلومې مودې لپاره اوربند ته غاړه کیښوده؛ خو د دوشنبې پر ورځ یې د نویو بریدونو له اعلانولو سره اوربند پای ته ورساوه.

دا په داسې حال کې، چې د افغانستان د بهرنیو چارو وزارت په ستورې ماڼۍ کې د حنا رباني کهر پر مشرۍ له پاکستاني پلاوي سره د بهرنیوچاور د وزیر مولوي امیرخان متقي په مشرۍ د دې وزارت د اداري مرستیال په ګډون د رییسانو تر منځ پر سیاسي او اقتصادي اړیکو یوه ناسته ترسره شوې ده.

Continue Reading

نړۍ

له پاکستانیو پوځیانو سره اوربند پای ته رسېدلی –تي تي پي

Published

on

(Last Updated On: ليندۍ ۸, ۱۴۰۱)

 د پاکستانيو طالبانو تحریک له حکومتي پوځ سره اوربند پای ته ورساوه او خپلو جنګیالیو ته یې د بریدونو سپارښتنه کړې ده.

کابل ته د لوړ پوړي پاکستاني پلاوي د سفر پر مهال د پاکستان طالبانو تحریک اعلان وکړ، چې له حکومتي ځواکونو سره یې اوربند پای ته رسولی او خپل بریدونه بیا پیلوي.

د پاکستانيو طالبانو تحریک په یوه بیان کې له خپلو ټولو قومندانانو غوښتي، چې پر پاکستانيو پوځيانو بریدونه بیا پیل کړي.

پوځي شنونکی اسدالله ندیم په دې باور دي، چې د پاکستانيو طالبانو تحریک دومره فعال ندی، چې د دغه هېواد پوځ وننګوي.

نوموړي زیاته کړې، چې په پاکستان کې بې ثباتي د افغانستان پر امنیت او په ځانګړي توګه د سرحدي سیمو پر امنیت بده اغېزه کولی شي.

دغه راز سیاسي شنونکي صمد کارمند ويلي، چې په سیمه او په ځانګړي توګه د پاکستان په قبایلي سیمو کې بې ثباتي د افغانستان په زیان ده او د پولو امنیت له ستونزو سره مخ کوي.

پاکستان په وار وار په افغانستان کې د پاکستانيو طالبانو د تحریک د فعالیتونو په اړه اندېښنه ښودلې..

اسلامي امارت ويلي؛ په افغانستان کې د هیڅ دولت وسلوالې ډلې فعالې ندي، حکومت د دوحې د هوکړې له مخې هیچا ته اجازه نه ورکوي، چې د افغانستان خاوره د کوم بل هېواد پر ضد وکاروي.

Continue Reading

نړۍ

مونږ له ټولو حکومتي بنسټونو څخه د وتلو پرېکړه کړې – عمران خان

Published

on

(Last Updated On: ليندۍ ۶, ۱۴۰۱)

د پاکستان پخواني لومړي وزیر او د پاکستان تحریک انصاف (پي ټي آی) مشر عمران خان د شنبې پر ورځ له ټولو مقننه اسمبلیو څخه د وتلو اعلان وکړ، چې موخه یې له وخت مخکې ټاکن دي.

د پاکستان تحریک انصاف ګوند مشر او پخواني لومړي وزير عمران خان د راولپنډۍ غونډې ته په وينا کې ویلي؛ مونږ له ټولو اسمبليو د وتلو پرېکړه کړې او نه غواړو، چې نور د نظام برخه وو.

هغه دا هم ویلي، چې د دې پرېکړې عملي نېټه به بیا وروسته اعلان شي.

هغه وایي: ټول ملت انتخابات غواړي او مونږ له دې وارد شوي حکومته د ټاکنو غوښتنه کړې وه.

عمران خان څرګنده کړې؛  مونږ پر ادارو فشار راوړ، د اقتصاد حالت خراب دی او دوی ورته د حللار نلري.

دی وایي: زه ځواکمنو ادارو ته وايم، چې دا هېواد د خرابېدو پر لوري روان دی. کله، چې د يوه هېواد اقتصاد خرابېږي، د هغو ملي امنيت هم اغېزمنېږي.

عمران خان ټینګار کړی؛ زه په واک کې یوځای پاتې راغلم، ځواکمن کسان مې قانون ته تابع نه کړای شول.

ده وویل، چې د پاکستان د حساب ورکولو ملي مرکز یا (نیب) زما په واک کې نه و، بلکې د پوځ په کنټرول کې و.

نوموړي دا هم ویلي؛ کله به یې، چې د واک پرمهال د حساب ورکولو د نه ترسره کېدو پوښتنه وکړه؛ ځواب به دا و، چې ته باید پر اقتصاد تمرکز وکړې.

عمران خان د خلکو دې غونډې ته ډاډ څرګند کړ، چې پر ده د برید په دسیسه کې درې کسان اوس هم پر لوړو څوکیو پاتې دي؛ ما ته یې وویل، چې ممکن بیا برید وشي.

د عمران خان او ملاتړیو د امنیت لپاره یې هلته پر دنګو ودانیو سنایپر نښه ویشتونکي ځای پرځای شوی، چې د تحریک انصاف پر مشر د ممکنه برید مخه ونیسي.

د تحریک انصاف یوه بل مشر اعظم سواتي د پاکستان د پوځ مخکني مشر قمر جاوېد باجوه ته په خطاب کې وویل؛ باجوه صاحب! زه له تا پوښتم او دا په وار وار درنه پوښتم، چې ستا شتمني له کوم ځایه راغلې ده.

له خیبر پښتونخوا او نورو بېلابېلو سیمو د پاکستان تحریک انصاف ګوند په مشرۍ احتجاج کوونکي د پنډۍ- اسلام آباد ته تللي.د لاریونوالو مخکښان د پاکستان تحریک انصاف ګوند مرکزي مشران پروېز خټک، تیمور سلیم جګړا او علي امین ګنډا دي.

Continue Reading

Trending

Copyright © 2022 Ariana News. All rights reserved!