Connect with us

تازه خبرونه

امنیت شورا په کابل کې پرونی خونړی برید محکوم کړ

Published

 on

(Last Updated On: تله ۹, ۱۴۰۱)

د ملګرو ملتونو امنیت شورا په کابل کې پر پرونۍ خونړي برید غبرګون ښکاره کړی او د دغې تروریستي کړنې د عاملینو، تنظیموونکیو، تمویلوونکیو او ملاتړ کوونکیو د موندلو او محاکمې پر اړتیا یې ټینګار کړی دی.

دغې شورا له ټولو هېوادونو غوښتي، چې د نړیوالو قوانینو او د امنیت شورا د اړوند پرېکړه لیکونو له مخې؛ د افغانستان له واکمنو چارواکو سره په فعاله توګه همکاري وکړي.

د ملګرو ملتونو د امنیت شورا په اعلامیه کې راغلي: ترهګري په هره بڼه، چې وي د نړیوالې سولې او امنیت لپاره پوره ګواښ دی. اړتیا ده، چې د دغو کړنو عاملینو، تنظیموونکیو، تمویلوونکیو او ملاتړیو سره حساب او کتاب وشي.  مونږ له ټولو هېوادونو څخه غواړو، چې د دوی پر وړاندې ګډ دریځ خپل کړي.

دغه راز د ملګروملتونو عمومي منشي پرونۍ حمله هم وغندله او د تروریستي بریدونو د عاملینو د حساب ورکولو غوښتنه یې وکړه.

د ملګرو ملتونو عمومي منشي انتونیو ګوترش ویلي؛ له تېرو څو میاشتو راپدیخوا په افغانستان کې له ۱۰۰۰ څخه ډېرو ملکي وګړيو ته مرګ و ژوبله ده. له عاملینو سره  یې باید حساب وشي. د قحطۍ او وچکالۍ تر څنګ فقر، لوږې او بې اوزګارۍ خلکو ته ستر زیانونه اړولي دي. د دې نابرابره وضعیت یوازنی تاوان افغانان پرې کوي.  افغانان له څلور لسیزو ځوریږي.

اسلامي امارت ډاډ ورکوي، چې ځواکونه به یې د تروریستي بریدونو په ځانګړي ډول د پروني برید عاملین ونیسي او حساب به ورسره وکړي.

د افغانستان د ريیس الوزرا اداري مرستیال عبدالسلام حنفي په کابل کې وروستي بریدونه یو ستر جنایت بولي او څرګندوي؛ د اسلامي امارت ځواکونه هڅه کوي، چې د پرونیو بریدونو عاملین به ونیسي او حساب به ورسره وکړي.

د روسیې د بهرنیو چارو وزارت په کابل کې پر ښوونیز مرکز برید غندلی او له اسلامي امارت یې غوښتي، چې د ترهګرو پر وړاندې خپلې هڅې چټکې کړي.

تر دې دمه کومې ډلې یا چا د پروني برید پړه پر غاړه نده اخیستې؛ خو پخوا د دا ډول بریدونو پړه داعش پر غاړه اخیستې ده. په دې برید کې شاوخوا ۶۰ کسانو ته مرګ وژوبله اوښتې.

دا په داسې حال کې ده، چې یوناما د برید د غندلو تر څنګ ویلي؛ په پروني برید کې ۳۵ کسان وژل شوی او ۸۵ نور ټپیان دي.

تازه خبرونه

د حنا رباني کهر پر مشرۍ پاکستاني پلاوي له افغان مشرانو سره وکتل

Published

on

(Last Updated On: ليندۍ ۸, ۱۴۰۱)

د بهرنیو چارو وزارت په ستورې ماڼۍ کې د حنا رباني کهر پر مشرۍ له پاکستاني پلاوي سره د بهرنیوچاور د وزیر مولوي امیرخان متقي په مشرۍ د دې وزارت د اداري مرستیال په ګډون د رییسانو یوه ناسته ترسره شوه.

د پاکستان د دولت د بهرنیو چارو د وزیرې حنا رباني کهر په مشرۍ د راغلي پلاوي په ترکیب کې د افغانستان لپاره د دغه حکومت استازي محمد صادق خان او په کابل کي د پاکستان سفارت چارسمبالي عبیدالرحمن نظاماني اوګنشمېر نورو مسوولین ګډون کړی و..

د افغانستان د بهرنیو چارو وزیر مولوي امیرخان متقي راغلي پلاوي ته د ښه راغلاست ترڅنګ دوه اړخیزې اړیکې، ولسونو اوسیمې ګټورې وښودلې.

امیر خان متقي په پاکستان د افغان بنديانو د خلاصون، له یوه او بل حکومتونو د مسافرو د تلو راتلو او په لارو د اوښتو په برخه کې دسهولتونو د را منځته کولو، د تجارت او ترانزيت په برخه کي د پرمختګ او چټکتیا په اړه اړوند لوري ته یادونې وکړې.

دغه راز نوموړي په دې ناسته کې د تاپي، تاپ، اورګاډي د کرښې او نورو لویو پروژو پیل کولو ته چمتووالي وښوده او د سیاسی اړیکو، اقتصادي ودې او امنیت په اړه یې د اسلامي امارت موقف ورته څرګند کړ.

پاکستاني پلاوي په پاکستان کي د افغان مهاجرینو سره د ښه سلوک، د تګ راتګ پر لارو او د ویزو په برخه کې د ستونزو د حل په باب د همکاریو ژمنه وکړه او زیاته شوې، چې له افغانستان سره د تجارت او ترانزیت د پیاوړتیا او پراختیا په اړه به لازم ګامونه پورته کړي.

حنا رباني کهر څرګنده کړې، دا چي افغانستان او پاکستان دوه مسلمان همسایه هېوادونه دي او کلتوري مشترکات هم سره لري؛ نو دواړه حکومتونه باید یو له بل سره همکاري وکړي او دوه اړخیزې عامه ګټې خوندي وساتي.

Continue Reading

تازه خبرونه

د امریکا استازې کارن دیکر هم په تاجکستان کې د هرات د لسمې امنیتي ناستې ګډونواله وه

Published

on

(Last Updated On: ليندۍ ۸, ۱۴۰۱)

په افغانستان کې د امریکا چارسمبالې د سې شنبې پر ورځ ( د لیندۍ پر اتمه ) ومنله، چې هغې د تاجکستان د دوشنبې د هرات په لسمه دوه ورځنۍ امنیتي ناسته کې ګډون کړی، چې په کې د افغانستان د امنیتي وضعیت په اړه نظرونه تبادله شول.

د امریکا چارسمبالې کارن دکر د تاجکستان د دوشنبې په دوه ورځنۍ ناسته کې، چې د افغانستان د ستراتیژیکو مطالعاتو انستیتوت لخوا د هرات د امنیتي خبرو اترو  په اړه جوړه شوې وه؛ خپل ګډون تائید کړ.

کارن دکر تویت کړی؛ د هرات امنیتي خبرې اترې له ۲۰۱۲ کال راپدیخوا یو ډېر ښه فرصت دی، چې د افغانستان، تاجکستان، سیمه ییزو هیوادونو او اروپايي ټولنې له استازیو سره د افغانستان د وضعیت په اړه د نظرونو د تبادلې زمینه برابروي.

هغې څرګنده کړې: زه دلته د اوریدلو لپاره راغلې یم؛ خو زه چمتو یم، چې د افغانستان د خلکو او د خپل ځان او ګاونډیانو سره په سوله کې د افغانستان لپاره د امریکا قوي ملاتړ بیا تکرار کړم.

د افغانستان د ستراتیژیکو مطالعاتو د انستیتوت په دې غونډه کې سولې او پخلاینې ته د رسیدو لپاره د غونډې کډونوالو خپل اندونه او نظرونه وړاندې کړل.

د تاجکستان د بهرنیو چارو وزارت مرستیال فرهاد سلیم پدې باور دی، چې د یوه ټولګډونه حکومت جوړول؛ په افغانستان کې د ثبات او تلپاتې امنیت یوازنۍ لار ده.

د تېر حکومت یو شمېر سیاسي څېرې، روڼ اندي او علمي شخصیتونه هم د افغانستان د ستونزې لپاره د حل لارې د موندلو لپاره زاټول شوړي، چې له ګاونډ هېوادونو، د سیمې او نړۍ له هېوادونو سره په دوستۍ کې تلپاتې سولې ته ورسېږي.

د غونډې ګډونوال رنګین دادفرسپنتا ویلي: موخه دا نه ده، چې د افغانستان په شخړه کې ښکېلې خواوې سره یو ځای شي؛ بلکې موخه دا ده، چې د نظر خاوندانو او سیاسي مفکرینو نظریې را غونډې او د پالیسۍ جوړوونکیو په واک کې ورکړ شي، چې په افغانستان کې د سولې او ثبات لپاره ترې ګټه پورته کړي.

یو شمېر نور ګډونوال وايي، چې په افغانستان کې د یوې مناسبې سیاسي حل لارې د موندلو لپاره یو لوی نړیوال ائتلاف ته اړتیا ده.

تر اوسه اسلامي امارت په دوشنبه کې د هرات د امنیتي غونډې د غړیو د څرګندونو په اړه څه ندي ویلي؛ خو پرون د ريیس الوزرا سیاسي مرستیال ویلي وه، چې د افغانستان حکومت ټولګډونه دی او د ښځو حقونه د اسلامي شریعت په چوکات کې تضمین شوي او اوس ښځې په بېلا بېلو برخو کې کار کوي.

د هرات لومړنۍ امنیتي ناسته په ۲۰۱۲ ز. کې د افغانستان په اړه د سولې او امنیت پر موضوعاتو د تمرکز لپاره پیل شوې ده.

 

Continue Reading

تازه خبرونه

د سعودي عربستان او ازبکستان چارواکو د افغانستان په اړه خبرې وکړې

Published

on

(Last Updated On: ليندۍ ۷, ۱۴۰۱)

د سعودي عربستان د بهرنیو چارو وزارت څرګنده کړې، چې د دغه وزارت مرستیال عبدالکریم الخریجي د افغانستان لپاره د ازبکستان له ځانګړي استازي عصمت الله ایرګاشیف سره خبرې کړې دي.

دغه وزارت نن سهار (دوشنبه د لیندۍ ۷ ) په خپل تویتر کې لیکلي، چې په دې کتنه کې د افغانستان د پرمختګونو په اړه بحث او خبرې وشوې.

د سعودي د بهرنیو چارو وزارت په دې اړه نور جزئیات ندي ورکړي.

ازبکستان یو له هغو هېوادونو څخه دی، چې د افغانستان له اسلامي امارت سره ښې اړیکې لري.

دغه هېواد له افغانستان سره په ګډه څو سترې اقتصادي پروژې هم لري.

Continue Reading

Trending

Copyright © 2022 Ariana News. All rights reserved!