Connect with us

تازه خبرونه

امنیتي ځواکونه دې د ټاکنو په بهیر کې ناپېیلي پاتې شي-عبدالله عبدالله

Published

 on

(Last Updated On: زمری ۱۳, ۱۳۹۸)

اجرائیه رییس وايي، امنیتي ځواکونه دې د ټاکنو په بهیر کې خپل ناپېیلتوب وساتي او د هیڅ فشار تر اغېزې لاندې دې نه راځي.

په داسې حال کې، چې د ولسمشریزو ټاکنو سیالۍ پیل شوي؛ د حکومت اجرائیه رییس په ټاکنو کې د پولیسو د لاسوهنې په اړه اندېښمن شوی دی.

عبدالله عبدالله ټینګار کوي؛ که امنیتي ځواکونه په ځانګړي توګه پولیس د کوم نوماند په ګټه هڅې وکړي، نو دغه کار به د خلکو باور ته داسې زیان ورسوي چې سمونه به یې ناشونې وي.

د حکومت اجرائیه رییس عبدالله عبدالله وايي، دغه ځواکونه باید هیڅ کوم فشار ته غاړه ونه نیسي او خپله بې طرفي، بې پریتوب او ناپېيلتوب په پوره توګه وساتي او که داسې نه وي؛ نو د خلکو باور ته به داسې ځان ورسوي، چې جبران به یې سخت کار وي.

د پولیسو د نړیوالې همغږۍ بورد مشر ټينګار کوي چې، د افغانستان پولیس دنده لري څو د ټاکنو لپاره امن فضا برابره او په ټاکنو کې بې طرفه پاتې شي.

له بل لورې د افغانستان پولیس لپاره ملاتړې هېوادونه هم غواړي، چې پولیس د ټاکنو په بهیر کې ناپېیلي پاتې شي.

 په افغانستان کې د بریتانیا سفیر الیسون بلیک وايي؛ د امنیتي ځواکونو دنده ده، چې د خلکو لپاره د امن فضا برابره کړي.

نوموړي څرګنده کړې؛ د افغانستان ټاکنې نږدې دي او مهمه خبره دا ده، چې امنیتي ځواکونه باید د ټاکنو له بهیره روښانه درک ولري او خوندي فضا رامنځته کړي. دوی باید په ټاکنو کې ناپېیلي وي که څه هم د دوی پر وړاندې زیاتې ننګونې پرتې دي.

د کورنیو چارو وزارت هم ټینګار کوي؛ د پولیسو دنده ده، په ټاکنو کې بې پرې پاتې شي.

د کورنیو چارو سرپرست وزیر مسعود اندرابي ویلي؛ دا وزارت د امنیت خوندي کولو ته ژمن دی او ژمنه کوي، چې په ټاکنو کې به بې طرفه پاتې  او خپل مسوولیت په ښه توګه ترسره کړي.

که څه هم د ناامنیو زیاتوالي د خلکو لپاره د ټاکنو په بهیر کې اندېښنې زیاتې کړي؛ خو امنیتي چارواکي ټینګار کوي، چې د ټاکنو بهیر د ترسره کیدو لپاره یې امنیتي تدابیر نیولي او خلک کولی شي، چې خپلې رایی وکاروي.

خبریال: رفیع صدیقي

تازه خبرونه

په ایران کې یوه افغان لس کسان پر چړې وژلي

Published

on

(Last Updated On: زمری ۱۸, ۱۴۰۱)

د ایران دولتي خبري آژانس ایرنا د کرمان ښار د چارسمبالي والي حسین رضايي د څرګندونو له مخې په ډاګه کړې؛ یوه افغان د یکشنبې پر ورځ د ایران په جنوبي ښار کرمان ولایت کې د شخصي دښمنۍ له کبله لس کسان پر چړې وژلي دي.

رضايي زياته کړې، شکمن د پوليسو لخوا هغه وخت ونيول شو، چې غوښتل يې ماښام  مهال له دې ولايته ووځي.

نوموړي د دغه افغان د ورور د څرګندونو له مخې ویلي؛ تورن ذهني بې ثباتي لرله او پر مخدره توکو روږدی و.

د رسنیو د راپور له مخې؛ په دې برید کې شپږ افغانان او څلور ایرانیان وژل شوي دي.

د دې سيمې چارواکي وايي، چې په دې پېښه کې يو بل تن ټپي شوى او تر درملنې لاندې دى.

Continue Reading

تازه خبرونه

په افغانستان کې مذهبي ډلې د خپلو مراسمو د ترسره کولو پوره آزادي لري

Published

on

(Last Updated On: زمری ۱۷, ۱۴۰۱)

د بهرنیو چارو وزارت سیاسي مرستیال نن په کابل کې د عاشورا نمانځغونډې ته وویل، د نامسلمانو په ګډون ټولې مذهبي ډلې کولی شي خپل مراسم په آزاده توګه ترسره کړي.

د اسلامي امارت د بهرنیو چارو وزارت سیاسي مرستیال شېر محمد عباس ستانکزی وايي؛ د افغانستان ټول مذهبونه او حتا غیر مسلم اقلیتونه د خپلو مذهبي مراسمو په ترسره کولو کې آزاد دي او په دې برخه کې کومه ستونزه نشته.

شېرمحمد عباس ستانکزي، چې د محرم پر لسمه يې په کابل کې خبرې کولې له خلکو وغوښتل، چې د اوسني نظام ملاتړ وکړي

نوموړي همداراز ټینګار کړی، چې ځینې هېوادونه د افغانستان د وضعیت په ګډوډولو کې خپلې ګټې ویني؛ خو مونږ په هېواد کې د ستونزو او جګړو د پای ته رسولو لپاره اړتیا لرو او خلک باید د دغو دسیسو پر وړاندې د اوسني نظام ملاتړ وکړي.

د بهرنيو چارو وزارت سياسي مرستيال په هېواد کې تېرو کورنيو جګړو ته په نغږته کې وايي، چې د پخواني شوروي اتحاد پر وړاندې د جهاد له بريا وروسته ډېرو کسانو د واک او شخصي انګېزو له کبله هېواد بې ثباته کړ.

شېر محمد عباس ستانکزي د خپلو خبرو په بهیر کې د داخلي مخالفتونو پر ختمېدو هم ټینګار څرګند کړ.

که څه هم د عاشورا د ماتم کوونکیو پر وړاندې د امنیتي ګواښونو په اړه اندېښنې موجودې وې؛ خو د عاشورا مراسم په بشپړ خوندي چاپېریال کې ترسره شول.

د یادونې ده، چې د محرم لسمه ورځ د امام حسین (ع) د شهادت د ویر او د هغه د غوښتنو او پوښتنو یادولو ته ځانګړې شوې ده.

Continue Reading

تازه خبرونه

په کابل کې د امریکا لخوا د القاعده د مشر وژل کېدل یوه ادعا ده – حکمتیار

Published

on

(Last Updated On: زمری ۱۷, ۱۴۰۱)

د حزب اسلامي مشر ګلبدین حکمتیار ويلي، د امریکا له لوري د القاعده د مشر ایمن الظواهري وژل یوازې یو تور دی او د دغه هېواد له لوري هیڅ ثبوت وړاندې شوی ندی.

حکمتیار د جمعې پر ورځ د خپلو خبرو په یوه برخه کې دغه عمل یو تروریستي عمل نومولی او وایي، چې امریکا د افغانستان له فضايي حریم او ملي حاکمیت څخه پوره سرغړونه کړې ده.

د حزب اسلامي امیر ګلبدین حکمتیار ادعا کوي، چې امریکا په افغانستان کې خپل فعال پوځي، استخباراتي او جاسوسي حضور روان ساتلی، چې ښايي د اسلامي امارت د ځینو مشرانو د وژلو پلان ولري. امارت باید د دا ډول بریدونو مخه ونیسي.

د حزب اسلامي مشر ګلبدین حکمتیار ويلي، امریکا له افغانستان څخه د جګړې د دوام په اراده وتلې او د غچ اخیستنې احساس د دغه هېواد د سیاسي او پوځي چارواکو له څرګندونو هم څرګندېږي.

نوموړی خبرداری ورکوي، چې د افغانستان هوايي حریم هم خوندي ندی او امریکا کولی شي خپل مخالفان په افغانستان او نورو ځایونو کې پر نښه کړي.

د امریکا حکومت ادعا کوي، چې ایمن الظواهري د تېرې شنبې پر ورځ په کابل کې د امریکا د بې پیلوته الوتکې په برید کې وژل شوی؛ خو د دې ادعا د ثابتولو لپاره یې اسناد وړاندې کړي ندي. اسلامي امارت د دغه برید پخلی کوي؛ خو تر اوسه یې په کابل کې د الظواهري د میشتېدو او د هغه د وژل کېدو په اړه څه ندي ویلي.

Continue Reading

Trending

Copyright © 2022 Ariana News. All rights reserved!