Connect with us

تازه خبرونه

امیرخان متقي د یوناما له مشر مارکس پوتزل سره وکتل

Published

 on

(Last Updated On: وږی ۳۱, ۱۴۰۱)

د افغانستان اسلامي امارت د بهرنیو چارو وزارت ویاند عبدالقهار بلخي د چارشنبې پر ورځ (د وږي ۳۰  ) په خپلو تویتونو کې څرګنده کړې، چې د بهرنیو چارو وزیر امیرخان متقي د یوناما له مشر مارکس پوتزیل سره وکتل.

د عبدالقهار بلخي د څرګندونو له مخې؛ په دې کتنه کې دواړو لوریو د افغانستان په اړه د ملګرو ملتونو د امنیت شورا د راتلونکې اوونۍ د غونډې او افغانستان ته د ملګرو ملتونو د ځانګړي استازي د راتګ په اړه خبرې وکړې.

په دې کتنه کې امیرخان متقي د ملګرو ملتونو د استازولۍ په ګډون ټولو نړیوالو بنسټونو ته د همکاریوډاډ څرګند کړ او د هغوی د کارکوونکیو د امنیت د تامین په خاطر یې د کلکو امنیتي تدابیرو د نیولو او د اړوند کارکوونکیو د تګ راتګ لپاره د زیاتو آسانتیاوو د رامنځته کولو ډاډ څرګند کړ.

په دې کتنه کې د بهرنیو چارو وزیر ټینګار وکړ، چې د بهرنیو چارو وزارت له نړۍ سره رغنده پالیسي تعقیبوي او یوناما په دې برخه کې مهم رول لوبولی شي.

تازه خبرونه

د هېواد یوه ملي سوداګر زر ټنه  پیاز او الوګان خپلو هېوادوالو ته لیلام کړل

Published

on

(Last Updated On: وری ۱۲, ۱۴۰۲)
د روژي  د میاشتي له پیل کیدو سره د کابل په بازارونو کې د لمړنیو توکو، پیازو، الوګانو، رومیانو او نورو سابو بیې ډېرې لوړشوې او ان یو من پیاز نږدې ۵۰۰ افغانیو ته رسېدلي وه.

د هېواد یو ملي سوداګر مټې رابډوهلې خپل زر ټنه پیاز او الوګان یې د لیلام  پر بڼه خپلو هېوادوالو ته وړاندې کړل، چې وکولی شي ارزا نه او پر ټیټه بیه یې تر لاسه کړي.

د کابل په بازارونو کې یومن پیاز ۴۰۰ افغانۍ او یومن الوګان ۱۶۰ افغانۍ پلور ته وړاندې شوي وه، چې  ډېرو هېوادوالو يې د اخستلو او پېرودلو توان نه‌درلود؛ خو دهېواد یو ملي سوداګر زر ټنه پیاز او الوګان بازارته یومن پیاز پر ۱۵۰ او یومن الوګان ۱۰۰ افغانیو خلکو ته وړاندې کړل.

هېوادوال هم د خصوصي سکتور له دې اقدامه هرکلی کوي او له نورو سوداګرو هم غواړي، چې پخپلو هېوادوالو رحم وکړي، چې خلک وکولی شي د ژوندانه دا لومړني توکي پر ماسبه بیه تر لاسه کړي.

د کابل ښار اوسیدونکی مختار وایي: مونږ ډېر خوښ یوو او د دې سوداګر دې کور ودان وي، چې د پیازو او الوګانو بیه يي راټیټه کړې. مونږ هم واخستل. په عمومي مارکیت کې؛ خو څو برابره د پیازو بیه لوړه ده.

د کابل ښار یو بل اوسیدونکي پاچا خان نومی وایي: مونږ د پیازو د بیو د لوړېدو له کبله بیخي له پیازو استفاده نه‌کوله؛ خو اوس، چې یومن پیاز ۱۵۰ افغانۍ شوي ما هم وا خستل. د دې سوداګر دې هم کور ودان وي .

ظریف نومي کابل ښاري ویلي: د دې سوداګر دې کور ودان وي. له نور سوداګرو مو هیله ده، چې هغوی هم  په دې  سختو شرایطو کې د خپل ولس لاس ونیسي او ورسره همکاري وکړي.

د خصوصي سکتور غړیو ويلي، چې له دې کاره يي موخه د خپلو اړو هېواد والو سره په روانه مبارکه میاشت کې همکاري یادوي او د خصوصي سکتور له نورو غړیو هم  غوښتنه  کوي،  چې له خپلو هېوادوالو سره همکاري پراخه کړي.

د خصوصي سکتور غړی میرویس حاجي زاده وایي: مونږ باید د خپل هېواد په آبادۍ او هوساینه کې او له خپلو خلکو سره د همکارۍ لپاره راوړاندې شو. ما هم هڅه وکړه، چې زر ټنه پیاز لیلام کړم او دا لړۍ به تر راتلونکیو اووه ورځو روانه وي.

د کابل ښاروالۍ مسوولین د هېواد له نورو سوداګرو هم غواړي، چې د روژې په مبارکه میاشت کې دې د خپلو هېوادوالو دلاس نیوي لپاره راودانګي.

د کابل ښاروالۍ د مارکیت د تنظیم مرستیال انجنیر عصمت الله انصاري څرګنده کړې: مونږ د دې حاجي صاحب له دې هڅې هرکلی کوو. هیله ده، چې د خصوصي سکتور ټول غړي د دې ستونزې په مخنیو کې له خپل ولس سره همکاري وکړي.

د کابل ښاروال د کابل ښار ټولو مسوولینو ته خبر داری ورکوي؛ که هر څوک د ښاروالۍ له ټاکلې بیې په لوړه بیه پلورل وکړي؛ هټۍ، پلورنځی او مارکیت به يي وتړل شي. دا په داسې حال کې ده، چې د رواني  میاشت په بهیر کې لسګونه متخلفینو هټۍ ګانې بندې کړې دي.

Continue Reading

تازه خبرونه

عربي متحده اماراتو د افغانستان زلزله ځپلیو کورنیو ته ۳۸ ټنه مرسته رالېږلې

Published

on

(Last Updated On: وری ۱۲, ۱۴۰۲)

د جمعې پر ورځ ( د وري ۱۱ ) د عربي متحده اماراتو یوې الوتکې د افغانستان د شمال ختیځو ولایتونو زلزله ځپلیو  کورنیو ته ۳۸ ټنه خوراکي او طبي توکي رالېږدولي دي.

د عربي متحده اماراتو د بهرنیو چارو وزارت په یوه خبرپاڼه کې لیکلي، چې دا مرستې د ابوظبۍ د پرلپسې هڅو یوه برخه ده، چې له طبیعي پېښو څخه زیانمنو هېوادونو ته د بېړنیو مرستو د رسولو او همدارنګه له زیانمنونکیو کسانو لکه ښځو، ماشومانو او بېوزلو بوډاګانو څخه د بشري مرستو د ملاتړ زیاتولو په برخه کې ترسه کیږي.

د رییس الوزرا اقتصادي مرستیالۍ تویت کړی، چې د جمعې پر ورځ له عربي متحده اماراتو څخه ۳۸.۵ ټنه بشري مرستې کابل ته را رسېدلې دي.

د اقتصادي مرستیالۍ د څرګندونو له مخې، په دغو مرستو کې خوراکي توکي، جامې او درمل شته، چې د اړوند وزارتونو او ادارو لخوا به پر اړمنو کسانو ووېشل شي.

 د رییس الوزرا د اقتصادي مرستيالۍ ځانګړي سکرتر عبدالله عزام د کابل په هوايي ډګر کې د تسليمۍ پر مهال د عربي متحده اماراتو له دغو مرستو د مننې تر څنګ ويلي، چې له دې سره به د دواړو هېوادونو اړيکې نورې هم پياوړې شي.

نوموړي له نړيوالې ټولنې وغوښتل، چې د بنديزونو او فشارونو پر ځاى دې د تعامل لار خپله کړي.

په کابل کې د اسلامي امارت له بیا واکمنېدو وروسته عربي متحده اماراتو افغانستان ته ۲۸ الوتکې ۶۲۳ ټنه طبي او خوراکي توکي رالېږلي دي.

د عربي متحده اماراتو د بهرنیو چارو وزارت ویلي، چې له دې مرستو څخه ۸۵۰ زره ښځو او ماشومانو په ګډون څه باندې یو اعشاریه یو میلیون کسانو ګټه اخیستې ده.

Continue Reading

تازه خبرونه

له افغانستان څخه د امریکا پر مشرۍ د ځواکونو پر بې نظمه وتلو پښېمانه نه یم – لوید آستین

Published

on

(Last Updated On: وری ۱۰, ۱۴۰۲)

د امریکا دفاع وزیر لوید آستین د ولسي جرګې د وسله‌والو خدماتو کمیتې ته د څرګندونو پر مهال ویلي؛ له افغانستان څخه د امریکایي ځواکونو د بې نظمه وتلو پر څرنګوالي هیڅ پښیمانه نه دی.

د چارشنبې پر ورځ جمهوري غوښتونکیو د ولسي جرګې د وسله‌والو خدماتو کمیتې د ناستې پرمهال د پنټاګون د ۲۰۲۴ مالي کال د بودجې بیاکتنه هم وکړه.

د یادې ناستې پر مهال آستین ویلي؛ زه د [ولسمشر بایدن] د پرېکړې ملاتړ کوم او هیڅ پښېمانه نه یم.

جمهوري غوښتونکیو وکیلانو هم له افغانستان څخه د امریکا د ملکي یا نظامي مشرانو د بې مسوولیته وتلو پر څرنګوالی نیوکه وکړه.

د هغې پوښتنې په ځواب کې، چې آیا د پنتاګون په قومندانۍ کې داسې څوک شته، چې په افغانستان کې د ۲۰ کلنې جګړې د ناکامۍ مسؤلیت ومني؛ آستین وویل: تر هغې، چې زه پوهیږم، نه!

لوید آستین له لوی درستیزانو جنرال مارک میلي سره له راڅرګندېدو وروسته وویل، چې د جګړې په بهیر کې د امریکایي سرتېرو پر ستر کار او قربانیو ویاړي.

د چهارشنبې د ورځې دغه شاهدي په داسې حال کې تر سره شوه، چې د امریکا د ولسي جرګې د بهرنیو اړیکو کمیتې مشر مایکل مک کال د امریکایي ځواکونو د بې مسوولیته وتلو په اړه څېړنې ترسره کوي.

مک کاول په وار وار له بهرنیو چارو وزارت څخه د ۲۰۲۱ ز. کال په اګست کې د وتلو اړوند مسلو په اړه د اسنادو غوښتنه کړې وه؛ خو بهرنیو چارو وزارت د اسنادو په چمتو کولو کې پاتې راغی او مک کاول د دوشنبې پر ورځ د احضاریې حکم صادر کړ.

Continue Reading

Trending

Copyright © 2022 Ariana News. All rights reserved!