Connect with us

تازه خبرونه

امیرخان متقي د یوناما له مشر مارکس پوتزل سره وکتل

Published

 on

(Last Updated On: وږی ۳۱, ۱۴۰۱)

د افغانستان اسلامي امارت د بهرنیو چارو وزارت ویاند عبدالقهار بلخي د چارشنبې پر ورځ (د وږي ۳۰  ) په خپلو تویتونو کې څرګنده کړې، چې د بهرنیو چارو وزیر امیرخان متقي د یوناما له مشر مارکس پوتزیل سره وکتل.

د عبدالقهار بلخي د څرګندونو له مخې؛ په دې کتنه کې دواړو لوریو د افغانستان په اړه د ملګرو ملتونو د امنیت شورا د راتلونکې اوونۍ د غونډې او افغانستان ته د ملګرو ملتونو د ځانګړي استازي د راتګ په اړه خبرې وکړې.

په دې کتنه کې امیرخان متقي د ملګرو ملتونو د استازولۍ په ګډون ټولو نړیوالو بنسټونو ته د همکاریوډاډ څرګند کړ او د هغوی د کارکوونکیو د امنیت د تامین په خاطر یې د کلکو امنیتي تدابیرو د نیولو او د اړوند کارکوونکیو د تګ راتګ لپاره د زیاتو آسانتیاوو د رامنځته کولو ډاډ څرګند کړ.

په دې کتنه کې د بهرنیو چارو وزیر ټینګار وکړ، چې د بهرنیو چارو وزارت له نړۍ سره رغنده پالیسي تعقیبوي او یوناما په دې برخه کې مهم رول لوبولی شي.

تازه خبرونه

د امريکا په ګډون له ټولې نړۍ سره مو د خبرو اترو او همغږۍ لار خلاصه ده

Published

on

(Last Updated On: تله ۱۰, ۱۴۰۱)

د رییس الوزرا سياسي مرستيال د هېواد له يو شمېر علمي او فرهنګي شخصيتونو سره په کتنه کې ویلي؛ د امريکا په ګډون له ټولې نړۍ سره د خبرو اترو او تفاهم لار خلاصه ده او اړوند خبرې روانې دي.

د دې غوندې اصلي موخه له علمي شخصیتونو سره د نظام د ښوالي لپاره سلا مشورې دي.

د رییس  الوزرا سياسي مرستيال مولوي عبدالکبير ډاډ څرګند کړی، چې په دولتي ادارو کې د اصلاحاتو د راوستو لپاره يې په هېواد کې دننه مشورې پيل کړې دي.

نوموړي همدا راز زیاته کړې، چې د امریکا په ګډون له ټولې نړۍ سره د خبرو اترو او تفاهم دروازې خلاصې دي او دا مهال خبرې اترې هم روانې دي.

 مولوي عبدالکبیر ویلي؛ په دولتي ادارو کې د اصلاحاتو د راوستلو لپاره یې په هېواد کې د ننه مشورې پیل کړي او د اسلامي امارت رهبري هم د هېواد له حساسیتونو خبر ده

د هېواد يو شمېر پوهان پدې باور دي، چې اساسي قانون، ملي تفاهم او پر حکومت ملي او نړيوال باور د وخت تر ټولو مهمې اړتیاوې دي.

په دې کتنه کې د هېواد يو شمېر پوهانو ویلي چې اساسي قانون ، ملي تفاهم او پر سرپرست حکومت ملي او نړيوال باور د دې وخت له مهمو اړتياوو څخه دي.

د نجونو د ښوونځیو بیا پرانیستل د دغه پلاوي یو بل وړاندیز و.

ګل رحمن قاضي، چې د دغه پلاوي مشري یې کوله څرګنده کړې؛ د دې لپاره، چې افغانستان بشپړ بحران ته ولاړ نشي باید وار له مخه د جګړو او قومي شخړو مخه ونیول شي.

د رییس  الوزرا سياسي مرستيال ډاډ څرګند کړی، چې د اسلامي امارت رهبري د هېواد پر حساسیتونو پوهیږي او د حل لپاره یې کار کوي.

Continue Reading

تازه خبرونه

پر اسلامي امارت او چارواکو لګېدلي بندیزونه او محدودیتونه دې لرې شي

Published

on

(Last Updated On: تله ۱۰, ۱۴۰۱)

اسلامي امارت یو ځل بیا له نړیوالې ټولنې غوښتي، چې د افغانستان پر نوي حکومت او چارواکو یې لګیدلي بندیزونه او سفري محدودیتونه لرې کړي.

شاوخوا یوه نیمه میاشت وړاندې د اسلامي امارت د ۱۳ لوړ پوړیو چارواکو د سفر معافیت پای ته ورسید. که څه هم د ملګرو ملتونو امنیت شورا د اسلامي امارت د چارواکو د سفري معافیت د غزولو او یا ردولو په اړه دوه غونډې وکړې؛ خو د اختلافاتو له کبله دواړه غونډې ناکامې شوې او بې نتیجې پای ته ورسېدې.

اوس اسلامي امارت وايي، چې د افغانستان د نوي حکومت پر وړاندې د دغو بندیزونو دوام د هیڅ لوري په ګټه ندی او د اسلامي امارت د چارواکو پر سفري بندیزونو سربېره د نړیوالو ټول فشارونه او بندیزونه باید پای ته ورسيږي.

اسلامي امارت ويلي، چې د نړیوالو هیڅ ډول فشار ته به تسلیم نشي او نه به دا ډول فشارونه کار ورکړي.

د اسلامي امارت د ویاند مرستیال بلال کریمي ټینګار کړی، چې اسلامي امارت د نړۍ له ټولو هېوادونو سره پر مثبتو او رغنده تعاملاتو ټینګار کوي او د افغانستان پر نوي حکومت د نړیوالو فشارونو او بندیزونو دوام به د اسلامي امارت او نړیوالې ټولنې تر منځ واټن رامنځته کړي.

نړیواله ټولنه او لویدیځ هېوادونه وايي، چې که اسلامي امارت ټولګډونه حکومت جوړ کړي، بشري او د ښځو حقونو ته درناوی او له ترهګرۍ سره مبارزه وکړي؛ نو دا بندیزونه نرمیدای شي.

اسلامي امارت وايي، چې د نړیوال مشروعیت لپاره یې ټول شرایط برابر کړي او پر ټولګډونه حکومت سربېره یې د اسلامي شریعت په چوکات کې د ټولو افغانانو حقونه خوندي کړي دي.

Continue Reading

تازه خبرونه

له یو کال راپدیخوا په کابل ایمرجنسي روغتون کې له ۳۰۰۰ ډېر ټپیان بستر شوي

Published

on

(Last Updated On: تله ۹, ۱۴۰۱)

د کابل ایمرجنسي روغتون د جمعې پر ورځ څرګنده کړې، چې له یو کال راپدیخوا یې د رامنځته شویو چاودنو له کبله له ۲۷۰۰ ډېر ټپیان بستر کړي دي.

ایمرجنسي روغتون د یو ایتالوي نادولتي بنسټ لخوا تمویلیږي، چې د جګړې د قربانیانو په درملنه کې د تخصص لرونکی دی ویلي؛ د کابل، لښکرګاه او د پنجشیر د انابې ولسوالۍ په روغتونونو کې یې له ۱۶۰۰۰ څخه ډېر ناروغان تر درملنې لاندې نیولي دي.

په افغانستان کې د ایمرجنسي روغتون چارسمبالي دژان پانیک کابل روغتون ته په نغوته کې ویلي: یوازې په تېرو دوه میاشتو کې مونږ په خپل دې روغتون کې د چاودنو له کبله  ۱۱ ټپیان بستر کړي او مونږ هره ورځ د ټوپکو، ډزو، چړو، ماین چاودنو او چاودیدونکو توکو څخه د ټپیانو درملنه کوو.

نوموړي ویلي، چې امنیتي حالات په ځانګړي توګه په کابل کې بشپړ پېچلی دی.

نوموړي ويلي، د کابل په کاج ښوونیز مرکز کې د جمعې د ورځې له ځانمرګي بریده ۲۲ ټپیان وروړل شوي دي.

هغه زیاته کړې: قربانیان ټول د ۱۸ او ۲۵ کلونو ترمنځ دي، چې ډېري یې په ټولګي کې د ازموینې په حال کې ول. له ټپیانو څخه یو کس له رسیدو سره سمه ساه ورکړه او بل یې له داخلیدو وروسته مړ شوی دی.

د کورنیو چارو وزارت د جمعې د ورځې د چاودنې په اړه ویلي وه، چې ۱۹ کسان وژل شوي او ۲۷ نور ټپیان دي.

په افغانستان کې د ملګرو ملتونو مرستندویه پلاوي د شنبې پر ورځ ویلي، چې په دې چاودنه کې لږ تر لږه ۳۵ کسان وژل شوي او ۸۲ نور ټپیان دي، چې ډېري یې نجونې او میرمنې دي.

Continue Reading

Trending

Copyright © 2022 Ariana News. All rights reserved!