تازه خبرونه
امیر خان متقي مسکو ته روان شو
دا لومړی ځل دی، چې د افغانستان اسلامي امارت د رسمي غړي په توګه په مسکو فرمټ کې ګډون کوي.
Last Updated on: تله ۱۵, ۱۴۰۴
د افغانستان اسلامي امارت بهرنیو چارو وزیر امیر خان متقي د افغانستان په اړه د مسکو فرمټ په اوومه مشورتي غونډه کې د ګډون لپاره مسکو ته روان شو.
دا لومړی ځل دی، چې د افغانستان اسلامي امارت د رسمي غړي په توګه په مسکو فرمټ کې ګډون کوي.
د بهرنیو چارو وزارت ویلي، چې ټاکل شوې په دې غونډه کې امیر خان متقي د افغانستان او سیمې ترمنځ د اړیکو د پراختیا لپاره د غړو هېوادونو ترمنځ د اسلامي امارت دریځ وړاندې کړي.
د افغانستان په اړه د مسکو فرمټ مشورتي غونډه د سې شنبې پر ورځ(د تلې پر پېنځلسمه) جوړیږي.
د دوشنبې پر ورځ د دې غونډې په درشل کې د چین، روسیې، پاکستان او ایران ځانګړو استازو په یوه ګډه ناسته کې د اجنډا او وروستی سند د چمتو کولو په اړه بحث وکړ.