لوبی
انګلستان په نړیوال جام کې ایران ته ۶-۲ ماته ورکړه

انګلستان د دوشنبې پر ورځ د قطر په فوتبال نړیوال جام سیالیو کې ایران ته ۶-۲ ماتې ورکړه.
په فیفا نړیوال جام کې؛ جود بلینګام د ایران پر وړاندې انګلستان ته لومړی ګول وواهه.
په فیفا نړیوال جام کې ؛ د ایران پر وړاندې د انګلستان لخوا “بوکایو ساکا” دوه یم او رحیم سترلینګ درېیم ګول وواهه.
دا ګولونه د لومړۍ نیمايي لوبې ښه مناسبه استازولي وه، چې انګلستان پر پرلپسې توګه ایران ته ګوزار ورکړ.
په دوه یمه نیمایي کې لوبې لږ څه بدلون وکړ او دواړه لوبډلې چټکې شوې.
ایران په ۶۵ مه دقیقه کې د خپل ستوري مهدي طارمي د علی قلي زاده پر ښه پاس تر لاسه کولو یو ګول وواهه.
څو دقیقې وروسته تازه دمي مارکوس رشفورد، چې یوازې یوه دقیقه مخکې یې ډګر ته وردانګلي وه؛ ګول ووهه او بیا بل تازه دمي جیک ګریلیش له لنډې دمې وروسته شپږم ګول تر سره کړ.
په لومړۍ نیمايي کې د ایران ساتونکی علیرضا بیرانوند له خپل مدافع سره سخت ټکر وکړ، چې سر یې ټپي شو، خو له درملنې وروسته بېرته لوبې ته راستون شو.
ایران د لوبې په بهیر کې هڅه وکړه او دوه یم ګول یې وواهه؛ خو لوبه ۲ پر ۶ د انګلستان په ګټه پای ته ورسېده.
لوبی
آریانا تلویزیون د هند کرکت غوره لیګ د خپرولو دیجیتل حق ترلاسه کړ

آریانا تلویزیوني شبکې په خپل دیجیتل پلیت فارمونو کې د کرکت تر ټولو لویې او تر ټولو ډېرې کتل شوې لوبې د هند کرکت غوره لیګ د خپرولو حق ترلاسه کړی دی.
د هند غوره لیګ یا (IPL) سږنۍ سیالۍ، چې د جمعې پر ورځ (د وري یوولسمه / د مارچ یودېرشمه) پیلېږي؛ میلیونونه افغان مینهوالو ته به د آریانا او آریانا نیوز اوبپاڼو له لارې د لاسرسي او لیدو وړ وي.
دغه سیالۍ هره ورځ د آریانا نیوز او آریانا تلویزیون د اوبپاڼو له لارې په ژوندۍ بڼه خپریږي، چې هېوادوال کولی شي؛ دا په زړه پورې سیالۍ له واټن پرته په خپلو کورونو او هر ځای کې ننداره کړي.
په دغه لیګ او سیالیو کې به د لوبغاړیو په ګډون د کرکت د نړۍ یو شمېر مشهور ستوري یو ځل بیا د کرکت په یوه ستره سیالۍ کې خپل استعدادونه نندارې ته وړاندې کړي.
هغه څه، چې باید پرې پوه شئ:
دا لیګ او سیالۍ به د جمعې پر ورځ ( د وري پر ۱۱ / د مارچ پر ۳۱ ) پیل شي. د تېر کال د اتلولۍ لرونکې لوبډله ګجرات تایتانز به په لومړۍ لوبه کې له چینای سوپر کینګز سره مخ شي.
ټولټال لس لوبډلې به په دې سیالیو کې ونډه ولري او د اتلولۍ تر پړاو پورې به ۷۰ سیالۍ وکړي.
پای لوبه به د غبرګولي پر ۷ / د می پر ۲۸ د احمد آباد په نریندرا مودي لوبغالي کې ترسره شي.
آریانا تلویزیون څنګه په دیجیتل پلیت فارمونو کې وګورو؟
- د آریانانیوز اوبپاڼه کېکاږئ
- د آریانا تلویزیون اوبپاڼه کېکاږئ
د هند غوره لیګ کرکت سیالیو بشپړ مهالوېش:
- د سیالۍ مهالوېش
په سږني IPL کې رامنځته شوي بدلونونه:
سږ کال د هند کرکت بورد (BCCI) د IPL په قوانینو او بڼه کې بدلون رامنځته کړی دی.
- د هندوستان د کرکت بورد د غوره لیګ د شپاړسمې دورې د کورنۍ او بهرنۍ سیالۍ تنظیم کړي او لس لوبډلې یې پر دوه ګروپونو وېشلي، چې هر یو یې پېنځه لوبډلې لري. هره لوبډله به د لیګ په پړاو کې ۱۴ لوبې کوي، چې په کې ۷ کورنۍ او ۷ بهرنې لوبې په پام کې نیول شوي دي.
- سږنی لیګ به ۵۲ ورځې په ۱۲ بېلابېلو ځایونو کې ترسره شي
- او په سږني لیګ کې نور ټولیز بدلونونه راغلي دي
د سږ کال لیګ لوبډلې:
- د الف ګروپ لوبډلې: ممبي اندینز، راجستان رویالز، کلکته نایت رایدرز، دیلي کپیتلز او لکنو سوپر جاینتز.
- د ب ګروپ لوبډلې: ګجرات تایتانز، چینای سوپر کینګز، پنجاب کینګز، سانرایزرز حیدرآباد، رویال چلنجرز بنګلور
هغه افغان لوبغاړي، چې په سږني لیګ کې لوبیږي:
سږ کال به پېنځه افغان لوبغاړي په بېلابېلو لوبډلو کې ولوبېږي، چې نومونه یې دا دي:
- د کلکتې په نایت رایدرز لوبډلې کې رحمان الله ګربز
- په ګجرات تایانز لوبډله کې راشد خان او نور احمد
- په سانرایزرز حیدرآباد لوبډله کې فضل حق فاروقي
- په لکنو سوپر جاینتز لوبډله کې نوین الحق
د راپورونو له مخې، ټول افغان لوبغاړي هند ته رسېدلي دي.
لوبی
افغانستان له پاکستان سره په ۲۰ آووریزو لوبو کې له تاریخي بریا برخمن شو

د يادې سيالي پچه پاکستان لوبډلې وګټله او لومړی يې د توپ وهنې پرېکړه وکړه او وتوانېدله، چې د ۶ لوبغاړیو پر سوځېدو خپلې سيالې افغان لوبډلې ته ۱۳۱ منډې هدف جوړ کړي.
د افغانستان لپاره فضل الحق فاروقي ۲, راشد خان درې، نوين الحق او کريم جنت یوه ـ یوه ويکته ترلاسه کړه.
دغه راز افغان لوبډلې د رحمن الله ګربز پر ۴۴ منډو وکولی شول، چې په وروستي آوور کې ياد هدف ته ځان ورسوي او دغه ستره بريا ترلاسه او افغانستان د یادې لوبې ګټونکی شي.
د یادې لوبې غوره لوبغاړی فضل الحق فاروقي ونومول شو، چې په څلور آوورونو کې یې ۱۹ منډې جوړې او دوه لوبغاړي یې وسوځول.
د افغانستان د کرېکت په تاریخ کې دا لومړی ځل دی، چې پاکستان ته یې په یوه نړیواله لړۍ کې ماتې ورکړه.
بايد يادونه وشي، چې دغه لوبې د افغانستان پر کوربتوب، د اماراتو په شارجه لوبغالي کې ترسره کېږي، چې په پيل کې افغان لوبډلې د یادو سیالیو لومړۍ او دويمه لوبه وګټله او د دوشنبې پر ورځ به وروستۍ لوبه ترسره شي.
لوبی
د ټولو سترګې د افغانستان د دوهیمې شل آووریزې لوبې بریا ته اوړي

د جمعې پر ورځ د درې ۲۰ آوریزو لوبو په لومړۍ لوبه کې افغانستان، پاکستان ته تاریخي ماته ورکړه، چې ورسره سم مو افغان مینهوال د خپلې لوبډلې د دوهیمې لوبې ګټلو ته سترګې اړوي.
د ۲۰ آوریزو سیالیو دوهیمه لوبه نن یکشنبه د وري ۶ / د مارچ ۲۶ د کابل پر وخت د شپې ۸:۳۰ بجې د عربي متحده اماراتو په شارجه کرکت لوبغالي کې پیلېږي.
د جمعې پر ورځ، د افغان لوبډلې لوبډلمشر راشد خان د خپلې لوبډلې پر مشرۍ د پاکستان خلاف په شپږ ویکتو بریا ترلاسه کړه او په ۲۰ آووریزو نړیوالو لوبو کې یې د نورو پر پرتله خپله لومړۍ سیمه ییزه بریا ثبت کړه.
دمګړۍ پر پاکستان فشار دی او باید وکتل شي، چې دوی له دې ماتې څه زدهکوي!
د افغانستان کرکت بورد ويلي، د دواړو لوبډلو ترمنځ به درېیمه او وروستۍ لوبه د دوشنبې پر ورځ د وري ۷ / د مارچ ۲۷ ترسره شي.
-
روغتيا4 days ago
په افغانستان کې یو ناروغ له دایمي معلولیته وژغورل شو
-
لوبی2 days ago
آریانا تلویزیون د هند کرکت غوره لیګ د خپرولو دیجیتل حق ترلاسه کړ
-
تازه خبرونه3 days ago
افغان بیسیم د کونړ په چغان کې 3G خدمتونه فعال کړل
-
تازه خبرونه4 days ago
جاپان له افغانستان سره څه باندې ۲۱ میلیون دالر مرسته وکړه
-
بلخ @ps5 days ago
په بلخ کې د داعش د خراسانۍ ډلې درې مهم غړي ووژل شول – د استخباراتو ریاست
-
سیمه ییز خبرونه4 days ago
د چین ولسمشر شي د سعودي له ولیعهد سره په خبرو کې د سعودي او ایران له اړیکو ملاتړ څرګند کړ
-
روغتيا2 days ago
په چیلي کې د الوتونکیو د انفلونزا لومړنۍ انساني پېښه وپېژندل شوه
-
سیمه ییز خبرونه2 days ago
عربستان له شانګهای ټولنې سره د یوځای کېدو پرېکړه وکړه