تازه خبرونه
اوسني افغان واکمن د پاکستان له مخالفو عناصرو سره همکاري نلري – پاکستان

د پاکستان د لومړي وزیر د ملي امنیت سلاکار ويلي؛ د افغانستان اوسني حکومت د پاکستان د کمزوري کولو لپاره کوم ګام ندی اخیستی او افغان واکمن له پاکستاني ضد عناصرو سره همکاري نکوي.
د پاکستان د لومړي وزیر د ملي امنیت سلاکار معید یوسف په ډاګه کړې؛ ترهګري اوس هم د پاکستان، افغانستان او د سیمې د هېوادونو امنیت ته ګواښ دی، چې باید په ګډه ورسره مبارزه وشي.
معید یوسف وایي: هغه څه، چې ما له پخواني رژیم زده کړل هغه دا دي؛ د نوي افغان حکومت لخوا د پاکستان د حکومت د کمزوري کولو او د پاکستان له اپوزیسیون سره د هیڅ ډول ښکېلتیا لپاره قصدي هڅه نده شوې، خو اوس هم ترهګري شتون لري او مونږ باید دا ګواښ له منځه یوسو او دا د نه منلو وړ نده.
د افغانستان پخواني ولسمشر حامد کرزي هم یوې رسنۍ ته د خبرو پر مهال ویلي؛ اوس د دې وخت دی، چې افغانستان، پاکستان او چین له ترهګرۍ او افراطیت سره د مبارزې لپاره په ګډه کار وکړي.
نوموړی زیاتوي: مونږ باور لرو، چې اوس د دې وخت دی چې درې واړه هېوادونه متحد شي او له افراطیت څخه پاک راتلونکي ته لار ومومي. د دې پدیدې پروړاندې په ګډه کار وکړي، چې د سیمې امنیت نور ونه ګواښل شي.
حامد کرزي د اسلامي امارت له واک ته رسېدو وروسته په ټول هېواد کې د امنیت د خونديتوب ستاینه وکړه؛ خو د بېوزلۍ او بې روزګارۍ په ډېرېدو یې خواشیني څرګنده کړه، چې له کبله یې ځوانان له افغانستان وتلو ته اړ شوي دي.
هغه دا وایي: تر هغه ځایه، چې وضعیت پورې اړه لري؛ نسبي سوله ده، خو له بده مرغه بېکاري او بېوزلي د دې لامل شوې، چې زرګونه کسان له افغانستان وتښتي. اوس هم په بانکي سیستم کې محدودیتونه شته؛ خو د نړیوالې ټولنې په ملاتړ د افغانستان اصلاحاتو ته اړتیا ده.
اسلامي امارت په وار وار ویلي؛ اجازه به ور نکړي، چې د افغانستان له خاورې د ګاونډیو او نړۍ امنیت ته ګواښ پېښ شي او ډاډ یې ورکړی، چې د داعش په ګډون له نړیوالو ترهګرو سره به مبارزه کوي او اجازه به ورنکړي، چې د افغانستان امنیت له ګواښ سره مخ کړي.
تازه خبرونه
د ټرمپ حکومت له افغانانو ملاتړ پروګرام پای ته رسوي
د کورني امنیت وزارت د دوشنبې پر ورځ ویلي، چې دا پروګرام به د جولای پر دولسمه پای ته ورسوي.

د ټرمپ حکومت د لنډمهاله ملاتړ پروګرام، چې له افغانستان څخه زرګونو خلکو ته یې خوندي ایستل وړاندې کول؛ پای ته رسوي.
د کورني امنیت وزارت د دوشنبې پر ورځ ویلي، چې دا پروګرام به د جولای پر دولسمه پای ته ورسوي.
د TPS پروګرام مهاجرینو ته اجازه ورکوي، چې د جګړې، طبیعي پېښو یا نورو مسلو له کبله خپلو هېوادونو ته ستنېدا یې خوندي نده؛ نو د ایستلو پرمهال لنډمهاله معافیت او د کار جواز ترلاسه کوي.
د فډرالي احصائیو له مخې؛ د تېر کال پر پرتله له ۸ زره څخه ډېر افغانان د TPS لپاره تائید شوي دي.
TPS د وروستی ځل لپاره په ۲۰۲۳ کال کې د افغانستان لپاره تمدید شو او ټاکل شوې وه، چې په می کې پای ته ورسیږي؛ خو که د ټرمپ حکومت یې د بل تمدید پرېکړه ونکړي.
AfghanEvac هغه ډله ده، چې د افغانانو په ځای پر ځای کولو کې مرسته کوي. دې ډلې په ایکس پاڼه کې لیکلي: “دا پرېکړه د منلو نده او څپهییزې اوږدمهاله اغېزې به ولري.
تازه خبرونه
کورني پانګوال د حاجیګک په اوسپنې کان کې ۶۵۰ میلیون ډالر پانګونه کوي
دا اعلان د دوشنبې پر ورځ( د غویی دوهویشتمه) د دغو پانګوالو او د ریاست الوزراء د اقتصادي مرستیال ملا عبدالغني برادر ترمنځ په لیدنه کې رامنځته شو.

یو شمېر کورنیو پانګوالو اعلان کړی، چې غواړي د حاجیګک د اوسپنې کان د یو بلاک د سپړلو او کېندنې لپاره په ۳ پړاوونو کې ۶۵۰ میلیون ډالر پانګونه وکړي.
دا اعلان د دوشنبې پر ورځ( د غویی دوهویشتمه) د دغو پانګوالو او د ریاست الوزراء د اقتصادي مرستیال ملا عبدالغني برادر ترمنځ په لیدنه کې رامنځته شو.
د دغو پانګوالو د څرګندونو له مخې؛ دا پروژه به له یوه بهرني شرکت سره په ګډه او مسلکي توګه پلي شي.
د کانونو پر کېندنې سربېره په هېواد کې د اسفنجي اوسپنې د پروسس کولو لپاره یوه کارخونه هم جوړیږي، چې له نړیوالو معیارونو سره سم او د پرمختللې ټکنالوژۍ پر کارولو به فعالیت وکړي.
دا کارخونه به د ورځني د اسفنجي اوسپنې د ۹ زره ټنو د پروسس ظرفیت ولري او د شمس اوسپنې په انګټونو کې به یې تولید د هېواد کورني اړتیاوې پوره کړي. همدارنګه دا پروژه به په مستقیم ډول د ۶ زره کسانو لپاره کاري فرصتونه رامنځته کړي.
ملا عبدالغني برادر د دې پلان د هرکلي ترڅنګ ټینګار وکړ، چې اسلامي امارت په دې برخه کې هر اړخیزې همکارۍ ته چمتو دی. هغه د کانونو او پټرولیم وزارت چارواکو ته سپارښتنه وکړه، چې له پانګوالو سره ګډ کار وکړي او د پرمختګ راپورونه وړاندې کړي.
تازه خبرونه
د اوبو او انرژۍ وزارت چارسمبالي په یوه نړیواله غونډه کې د ګډون لپاره ازبکستان ته سفر وکړ
دا کنفرانس به “د دوامداره انرژۍ لپاره سیمهییزه همکاري” تر سرلیک لاندې د می له دیارلسمې څخه تر پېنځلسمې پورې ترسره شي.

د اوبو او انرژۍ وزارت چارسمبالی عبداللطیف منصور د اسلامي امارت د پلاوي پر مشرۍ د انرژۍ په پېنځمه نړیواله غونډه کې د ګډون لپاره د ازبکستان پلازمېنې تاشکند ته سفر کړی دی.
دا کنفرانس به “د دوامداره انرژۍ لپاره سیمهییزه همکاري” تر سرلیک لاندې د می له دیارلسمې څخه تر پېنځلسمې پورې ترسره شي.
د دې کنفرانس موخه د سیمهییزې همکارۍ پیاوړتیا، د انرژۍ په ګډو پروژو کې د پانګونې راجلبول، د تجربو تبادله او د شنې ټکنالوژۍ وده ده.
تمه ده، چې د دې کنفرانس په لړ کې عبداللطیف منصور د سیمې له هېوادونو سره د همکارۍ پراخولو، بهرنۍ پانګونې راجلبولو او د انرژۍ سرچینو مدیریت په برخه کې د بریالیو نړیوالو تجربو پر کارولو ټینګار وکړي.
په دې نړیواله غونډه کې د سیمې د هېوادونو د استازو په ګډون د ازبکستان، قزاقستان، ترکمنستان او روسیې او همدارنګه د نړیوالې اټومي انرژۍ بنسټونه او نړیوال بانک په څېر ادارو استازي هم برخه ولري.
-
سیمه ییز خبرونه3 days ago
د هند او پاکستان د اوربند له هوکړې وروسته د چاودنو راپورونه ورکړ شول
-
نړۍ2 days ago
امریکا او حماس په غزه کې د اوربند په اړه خبرې کوي
-
تازه خبرونه5 days ago
یو شمېر افغان کدرونه د مصنوعي ځیرکتیا روزنې لپاره چین ته لیږل شوي – د ایم سي سي مشر
-
سیمه ییز خبرونه2 days ago
ټول پیلوټان بېرته خپل کور ته راستانه شول – د هند هوايي ځواک
-
تازه خبرونه2 days ago
په افغانستان کې د اورښت کمښت مخ پر پراخېدو دی ـ اوچا
-
سوداگري2 days ago
امریکا او چین د تعرفو پر لنډمهاله کمولو هوکړې ته ورسېدل
-
نړۍ16 hours ago
ټرمپ منځني ختیځ ته د څو ورځني سفر لپاره سعودي عربستان ته ورسېد
-
تازه خبرونه4 days ago
هند پر افغانستان برید کړی؛ خو هند یې ردوي – پاکستان