Connect with us

تازه خبرونه

اوچا په افغانستان کې د ماین پاکۍ لپاره ۱۸.۳ میلیون دالرو ته اړتیا لري

خپور شوی

د

د ملګرو ملتونو د بشري مرستو د همغږۍ دفتر یا اوچا د دوشنبې پر ورځ ویلي، چې افغانستان په نړۍ کې د چاودیدونکیو توکو د ککړتیا له کبله د لوړې کچې لرونکی هېواد دی.

د اوچا د څرګندونو له مخې؛ له څو لسيزو جګړو وروسته دا هېواد د چاودېدونکیو توکو او ماينونو د شنډولو په برخه کې له جدي ګواښونو او ننګونو سره مخ دى.

دغه بنسټ تویت کړی: د ۲۰۲۳ ز. کال د سروې له مخې؛ د چاودیدونکیو توکو د شنډولو، د ماین پاکۍ، د خطر زده‌کړې او د ژغورونکیو مرستې لپاره شاوخوا ۱۸.۳ میلیون دالرو ته اړتیا ده، چې له ۴.۹ میلیون اړو خلکو څخه باید له ۱.۴ میلیون زیانمنو سره مرسته وشي.

له دې مخکې د سره صليب نړيوالې کمیتې (ICRC) په افغانستان کې له جګړو او ماينونو څخه د پاتې شونو او ناچاودېدونکیو توکو له کبله د مرګ و ژوبلې پر زياتېدو اندېښنه ښودلې وه.

آی سي آر سي ویلي، د ماینونو او ډول ډول ناچاودېدونکیو توکو شتون د افغانستان د وګړیو په ځانګړي توګه د دغه هېواد په کلیو کې تر ټولو لوی ګواښ دی.

اوچا په افغانستان کې له ۲۰۰۲ ز. کال وروسته د ماین پاکۍ پروګرام پیل کړ او هیله یې درلوده، چې تر ۲۰۱۰ کال پورې به له ماینونو او ناچاودېدونکیو توکو څخه یو پاک هېواد افغانانو ته وسپاري؛ خو د جګړو د دوام له کبله دا کار ونه‌شو.

تازه خبرونه

مولوي عبدالکبیر په کابل کې له ایراني پلاوي سره وکتل

مولوي عبدالکبیر له اسرائیلو سره په جګړه کې د ایراني چارواکو د شهادت د تسلیت وړاندې کولو تر څنګ ویلي؛ په تېرو څو لسیزو کې ایران د میلیونونو افغانانو کوربتوب کړی او نه باید، چې د کډوالو موضوع د دواړو ملتونو تر منځ د اړیکو د خرابېدو سبب شي.

Published

on

د مهاجرینو او راستنېدونکو چارو وزارت چارسمبالي مولوي عبدالکبیر له یوه ایراني پلاوي سره، چې  په کابل کې د ایران سفارت چارسمبالي علیرضا بیګدلي یې ملتیا کوله د افغانانو پر وضعیت او له هغه هېواد څخه د راستنېدونکو افغانانو د جبري ایستنې د پیل شوې څپې په اړه بحث او خبرې کړې دي.

د دې وزارت د خپرې شوې خبرپاڼې له مخې؛ په دې ناسته کې د ایران سفیر بیګدلي له اسرائیلو سره په جګړه کې د اسلامي امارت او افغان ولس له دريځ مننه وکړه او هغه یې د دوه ملتونو د یووالي څرګنده بېلګه یاده کړه.

علیرضا بیګدلي هرات او نیمروز ته د خپل وروستی سفر او له ایراني لوړپوړو چارواکو سره د خپلو لیدنو جزئیات مولوي عبدالکبیر ته وړاندې کړل.

نوموړي ویلي، چې د اسلامي امارت له چارواکو سره د راستنېدونکو افغانانو د ستونزو د حل په اړه لیدنې مهمې وې؛ د افغانانو شکایتونو ته د رسېدنې پر موخه دوه اړخیزې کمیټې کار پیل کړی او تر دې مهاله د افغان راستنېدونکو ګڼې ستونزې اوارې شوې دي.

د ایران سفارت استازي زیاته کړې؛ ایران د راستنېدونکو افغانانو پر ویزو جریمه معاف او د وسایلو او توکو پر انتقال یې ګمرکي تعرفې هم لغوه کړې دي.

همدارنګه نوموړي ډاډ څرګند کړ، چې د یوې طرحې له مخې به د اسلامي امارت د سفارت او د ایراني لوري لخوا افغانان خپلو پیسو ته لاس رسي پیدا کړي.

بیګدلي دا هم ویلي، چې لویه برخه افغانان په داوطلب ډول له ایران څخه راستانه شوي دي.

مولوي عبدالکبیر له اسرائیلو سره په جګړه کې د ایراني چارواکو د شهادت د تسلیت وړاندې کولو تر څنګ ویلي؛ په تېرو څو لسیزو کې ایران د میلیونونو افغانانو کوربتوب کړی او نه باید، چې د کډوالو موضوع د دواړو ملتونو تر منځ د اړیکو د خرابېدو سبب شي.

نوموړي له ایران څخه د افغانانو پر دواطلب ډول راستنېدلو ټېنګار وکړ او څرګندوي؛ ایراني چارواکي دې د افغانانو ستونزو ته پخپل وخت رسېدنه وکړي.

ویل کیږي، چې افغان لوري له ایراني چارواکو سره د افغان کډوالو د راستنولو په اړه پر یوه طرحه هوکړه کړې وه؛ خو په ایران کې د وروستیو حالاتو له کبله نیمګړې پاتې شوه.

Continue Reading

تازه خبرونه

جنوبي کوریا په افغانستان کې د ۱۰ میلیون ډالرو پر ارزښت یوه پروژه پلي کوي

دې بنسټ د چارشنبې پر ورځ (د چنګاښ اتمه) په ایکس پاڼه کې لیکلي، چې له دې پروژې موخه د خلکو د ژوندانه بیارغونه، له اقلیمي بدلون سره مبارزه او د ښځو پرپښو درول دي.

Published

on

په افغانستان کې د ملګرو ملتونو پراختیایي پروګرام ويلي؛ له سویلي کوریا سره به د همغږۍ له مخې یوه داسې پروژه پلې کړي، چې له ۳۵۰ زره خلکو سره مرسته وشي.

دې بنسټ د چارشنبې پر ورځ (د چنګاښ اتمه) په ایکس پاڼه کې لیکلي، چې له دې پروژې موخه د خلکو د ژوندانه بیارغونه، له اقلیمي بدلون سره مبارزه او د ښځو پرپښو درول دي.

د دې بنسټ د څرګندونو له مخې: “افغانستان له ګڼو بحرانونو، اقتصادي ناورین، د خوړو ناامني، اقلیمي بدلون او پر ښځو محدودیتونو سره مخ دی.”

ملګرو ملتونو ویلي، چې دا ګډه همکاري به د افغانستان په شپږ ولایتونو کې پلي شي.

Continue Reading

تازه خبرونه

په هېواد کې د اداینې د برښنایي کولو لپاره هڅې روانې دي – د افغانستان بانک

د افغانستان بانک ویاند حسیب الله نوري ویلي، چې خلک کولی شي خپلې مالي راکړې ورکړې د برښنایي کارتونو پر کارولو ترسره کړي.

Published

on

د افغانستان بانک چارواکو ويلي، چې د پیسو د فزیکي کارولو د کمولو او پرځای یې د برښنایي کارتونو له لارې د اداینې هڅې روانې دي.

د افغانستان بانک ویاند حسیب الله نوري ویلي، چې خلک کولی شي خپلې مالي راکړې ورکړې د برښنایي کارتونو پر کارولو ترسره کړي.

نوري زیاته کړې؛ دوی هڅه کوي، چې ابرښنایي راکړې ورکړې په داسې ډول ترسره شي، چې خلک وکولی شي له ټولو اټوماټیکو تادیاتو ماشینونو څخه کار واخلي.

د نوموړي د څرګندونو له مخې؛ د الکترونیکي کارتونو کارول کولی شي د پیسو د ضایع کېدو مخه ونیسي، چې راکړې ورکړې ورسره چټکۍ ترسره شي.

دغه راز یو شمېر اقتصادي کارپوهانو ویلي، چې د افغانستان بانک باید لومړی د دې سکټور په تخنیکي اړخونو کې آسانتیاوې برابرې او بیا د برښنایي کارتونو کارول دود کړي.

دوی په دې باور دي، چې د هېواد مالي او بانکي سیسټم د نړیوالې ټولنې تر فشار لاندې دی؛ د بانکي خدماتو د پراخولو هڅې کولی شي د هېواد پر ملي اقتصاد مثبت اغېزه ولري.

Continue Reading
Advertisement

Trending

Copyright © 2025 Ariana News. All rights reserved!