Connect with us

ساینس او ​​ټیکنالوژي

اپل شرکت خپل آیفون ۱۴ ګرځند په هند کې تولیدوي 

Published

 on

(Last Updated On: تله ۵, ۱۴۰۱)

اپل کمپنۍ د دوشنبې پر ورځ ( د تلې څلورمه) ویلي، چې په هند کې به خپل نوي آیفونونه تولید او پر چین خپله تکیه راکمه کړي.

د آیفون ځیرک ګرځند تولید او وېش مرکز اوسمهال په چین کې روان دی او شنونکي وايي، چې په چین کې د کووید – ۱۹ پورې اړوند پالیسیو او د واشنګنن او بیجینګ ترمنځ کړکیچونو د دې شرکت تولیدات زیانمن کړي دي.

اپل په په ډاګه کړې چې دوی به په هند کې د آی فون -۱۴ نوی ګرځند تولید کړي.

د کالیفورنیا میشته شرکت لا دمخه په هند کې د تایوان تولیدي شرکتونو لکه Foxconn له لارې د آی فون پخوانۍ نسخه تولید کړې. Foxconn د هند په تامل نادو کې تولیدیوي.

دا په داسې حال کې ده، چې ایل څو اوونۍ مخکې د نړۍ بازارونو ته د ایفون – ۱۴ ګرځند د وړاندې کولو اعلان کړی دی.

ساینس او ​​ټیکنالوژي

ایلان ماسک له یوې ټولپوښتنې وروسته د دونالد ترمپ ځانګړی تویتر فعال کړ

Published

on

(Last Updated On: لړم ۲۹, ۱۴۰۱)

د تویتر نوي مالک ایلان مسک پرون د ځینو بلاک شویو تویتر پاڼو بیا فعالول پیل کړل؛ خو د امریکا د پخواني ولسمشر ترمپ په اړه یې د ټولپوښتنې پرېکړه وکړه، چې د مثبتې پایلې له مخې بېرته فعال شو.

له دې سروې مخکې د دونالد ترمپ اکاونت، چې د ۲۰۲۱ ز. کال له جنورۍ راپدیخوا بند شوی و؛ بېرته فعال شوی دی.

د رویترز خبري آژانس د راپور له مخې؛ په دې ټولپوښتنه کې ۱۵ میلیون کسانو برخه اخیستې وه او په پای کې ایلان ماسک په یوه تویت کې د ترمپ د اکاونت د بیا فعالولو اعلان وکړ.

اوس د ترمپ اکاونت په رسمي توګه فعال شوی او د هغه زاړه تویتونه لیدل کېدی شي.

د دغې سروې د پایلو له مخې ۵۱ اعشاریه ۸ سلنه خلکو تویتر ته د دونالد ترمپ له راستنېدو سره موافق او ۴۸ اعشاریه ۲ سلنه له دې پرېکړې سره مخالف ول.

دا په داسې حال کې ده، چې مسک د تویتر له اخیستلو وروسته اعلان وکړ، چې اوس په دې لټه کې دی، چې د مینځپانګې د څارلو لپاره به یوه شورا جوړه کړي او پرېکړه یې وکړه، چې ځنډول شوي تویتر حسابونه بېرته څرنګه فعال کړي.

Continue Reading

ساینس او ​​ټیکنالوژي

ایلان ماسک د ترمپ د تویتر اکاونت د بیا فعالولو لپاره ټولپوښتنه پیل کړه

Published

on

(Last Updated On: لړم ۲۸, ۱۴۰۱)

د تویتر نوي چارواکي ایلان ماسک د جمعې پر ورځ له کاروونکیو وغوښتل، چې په دې ټولنیزه شبکه کې د امریکا د پخواني ولسمشر دونالد ترمپ د اکاونت د بیا فعالولو په اړه څه نظر لري.

په دې ټولپوښتنه کې، چې تر سبا پورې به روانه وي؛ میلیونونو کسانو ګډون کړی دی.

ماسک دا ټولپوښتنه له هغهې څو ساعته وروسته پیل کړه، چې هغه د درې نورو مشهورو شخصیتونو د تویتر حسابونو د بیا فعالولو اعلان وکړ.

ترمپ مخکې له دې، چې د ۲۰۲۱ ز. کال په جنورۍ کې یې حساب وځنډول شي؛ په تویتر کې له ۸۸ میلیون څخه ډېر پیروان درلودل. تویتر د ترمپ د اکاونت د بندولو لامل “تاوتریخوالی او هڅونه” نومولې ده.

د می په میاشت کې ماسک له تویتر څخه د ترمپ ګوښه کول اخلاقي تېروتنه او احمقانه دریځ نومولی و.

Continue Reading

ساینس او ​​ټیکنالوژي

د امریکا پوځي بې پیلوته فضایي الوتکه له ۹۰۸ څېړنیزو ورځو وروسته بیرته راستانه شوه

Published

on

(Last Updated On: لړم ۲۳, ۱۴۰۱)

د شنبې پر سهار د امریکا د پوځ یوې بې پیلوټه څېړنیزې فضایي الوتکې له ۹۰۸ ورځو تېرولو وروسته خپل شپږم ماموریت بشپړ کړ او بېرته ځمکې ته خوندي راکښته شوه.

دغه پر لمریزې برښنا چلېدونکې فضایي الوتکه، چې کوچنۍ سپوږمکۍ ته ورته ده؛ له خپل مداره د ناسا کنیدي نومي فضایي مرکز ته راکښته شوه، چې په پېنځم ماموریت کې یې ۷۸۰ ورځې تېرې کړې وې.

دا الوتکه بوینګ شرکت جوړه کړې ده.

د دې شرکت د مشر مرستیال جیم کالتن ویلي چې د (X-37B) نومې دې الوتکې د لومړي ځل لپاره په ۲۰۱۰ ز. کال کې فضایي الوت پیل کړ او هر ځل ډېره پاتې شوې ده.

کالتن ویلي، چې دې الوتکې د امریکا د هوایي تکنالوژۍ لپاره بې جوړې وړتیاوې چټکې کړې دي.

دې الوتکې فضا ته یوه وسیله وړې وه، چې د امریکا د بحري ځواکونو د څېړنو لابراتوار، د امریکا د هوایي ځواکونو اکاډمۍ او ځینو نورو ادارو پرې تجربې پیل کړې. دا وسیله په مدار کې له الوتکې جلا شوه او الوتکه په خوندي توګه بېرته ځمکې ته راکښته شوه.

په ۲۰۲۱ ز. کال کې فالکون – ۸ ستلایت، چې د حربي ښوونځي زدکوونکیو د هوایي ځواکونو له څېړنیز لابراتو سره په ګډه دیزان او جوړ کړی و؛ هم تجربه شو، چې تر اوسه په مدار کې دی.

د (X-37B) دې الوتکې تر دې دمه ۱.۳ میلیارد میله پرواز کړی او په فضا کې یې ۳۷۷۴ ورځې تېرې کړې دي.

Continue Reading

Trending

Copyright © 2022 Ariana News. All rights reserved!