Connect with us

سیمه ییز خبرونه

ایران د خپل نوي بالستیک توغندي مخکتنه وکړه

خپور شوی

د

(Last Updated On: غبرګولى ۴, ۱۴۰۲)

رویترز خبري آژانس څرګنده کړې؛ د ایران اسلامي جمهوریت نن پنجشنبه ( د غبرګولي څلورمه ) خپل دوه زره کیلومتره واټن ویشتونکی بالستیک توغندی بریالی وتوغاوه، چې ۱۵۰۰ کیلو ګرامه وزن لرونکې خولۍ هم لېږدولی شي.

د ایران دفاع وزیر محمد رضا آشتیاني څرګنده کړې: دښمنانو ته زمونږ پیغام دا دی، چې د هېواد او د هغه له لاسته راوړنو به ساتنه کوو. ملګرو ته مو پیغام دا دی، چې غواړو د سیمې له ثبات سره مرسته وکړو.

دا راکت د تاکتیکي وړتیاوو د رامنځته کولو لپاره د مایع تېلو پر پرمختلليو ماشینونو سمبال شوی دی.

د دغه راپور له مخې، دا توغندی پوره نښه ویشتونکی دی او وروستي پړاو ته له لارښوونې پرته ۲۰۰۰ کیلاومتره واټن ته ځان رسولی شي.

دا مخکتنه په داسې حال کې رامنځته شوې، چې د ایران پر توغندیز پروګرام تل امریکا نیوکه کړې او د دغه هېواد له لوري پرې بندیزونه لګول شوي دي.

سیمه ییز خبرونه

اسرائیلو په لبنان کې یوشمېر سیمې بمبارډ کړې

Published

on

(Last Updated On: وری ۱۹, ۱۴۰۳)

له هغې وروسته، چې د یکشنبې پر سهار حزب الله د اسرائیلو یوه بې پیلوټه الوتکه وویشتله؛ نو اسرائیلي ځواکونو د لبنان په ختیځ کې هوایي بریدونه پیل کړل او د دې ډلې بېخبناوې یې پر نښه کړې.

د رویټرز د څرګندونو له مخې؛ د اسرائیلو پوځ څرګنده کړې، چې اسرائیلي جنګي جټ الوتکو د لبنان د ختیځ په بعلبک ښار کې پر پوځي ودانیو او د حزب الله اړوند درې نورې بېخبتاوې پر نښه کړې دي.

د اسرائيلي پوځ د څرګندونو له مخې؛ دا تازه بريد يې د لبنان په هوايي قلمرو کې د حزب‌الله له لوري د دوی د يوې بې پيلوټه الوتکې د رانسکولولو په غبرګون کې کړی دی.

حزب الله د تېر کال د اکټوبر له اتمې راپدیخوا د لبنان په جنوبي پولو کې له اسرائیلو سره له هغې یوه ورځ وروسته ډزې وکړې، چې حماس پر اسرائیلو برید وکړ.

ویل کیږي، چې اسرائیلو د حماس د برید په غبرګون کې پر غزه له برید وروسته لږ تر لږ ۳۳ زره فلسطینیان وژلي دي.

Continue Reading

سیمه ییز خبرونه

د ایران پېنځه امنیتي ځواکونه په “ترهګریزو بریدونو” کې ووژل شول – دولتي رسنۍ

Published

on

(Last Updated On: وری ۱۶, ۱۴۰۳)

د ایران دولتي رسنیو د پنجشنبې پر ورځ څرګنده کړې: مشکوکو سني مسلمان وسلهوالو په سویل ختیځ سیستان- بلوچستان ولایت کې د سپاه پاسداران پر مرکز دوه بېلابېل “ترهګریز” بریدونه کړي او لږ تر لږه پېنځه امنیتي ځواکونه یې وژلي دي.

د ایران دولتي ټلویزیون ویلي، د ایران په ناکراره ولایت چابهار او راسک ښارونو کې د جیش العدل ډلې د وسله‌والو او امنیتي ځواکونو ترمنځ شپنۍ نښتې شوي او لږ تر لږه ۱۵ مشکوک وسله‌وال وژل شوي دي.

د ایران کورنیو چارو وزارت مرستیال مجید میراحمدي دولتي ټلویزیون ته په مرکه کې ویلي؛ په چابهار او راسک کې د سپاه پاسدارانو پر مرکز د برید هڅه وکړه، خو بریالي نشول.

رویټرز خبري اژانس د دولتي ټلویزیون د څرګندونو له مخې څرګنده کړې؛ په سیمه کې، چې ډېري وګړي یې سني مسلمانان دي، په نښتو کې ۱۰ نور امنیتي افسران هم ټپیان شوي دي.

د سني مسلمانانو وسله‌والې ډلې جیش‌العدل ويلي؛ دوی په ایران کې د بلوڅانو لپاره د حقونو او د ژوند د شرایط د ښه کېدا لپاره مبارزه کوي، چې د شیعه‌ګانو تر واکمنۍ لاندې دي. دې ډلې په وروستیو کلونو کې د ایرن په دې سویل ختیځ ولایت کې پر امنیتي ځواکونو د څو بریدونو مسوولیت هم منلی دی.

دغه سیمه، چې له افغانستان او پاکستان سره ګډه پوله لري؛ له اوږدې مودې راپدیخوا د ایراني امنیتي ځواکونو او سني وسله‌والو او همداراز د نشه‌یي توکو د قاچاقبرانو او ایراني امنیتي ځواکونو ترمنځ د جګړو ډګر دی.

په تېر ډسمبر کې دې ډلې د راسک په ښارګوټي کې د پولیسو په یوه مرکز برید وکړ، چې ۱۱ امنیتي ځواکونه یې ووژل او یو شمېر نور یې ټپیان کړل.

په جنورۍ کې ایران د دې ډلې د پاکستان میشتو دوه اډې پر توغندیو وویشتې او اسلام‌آباد هم ایران میشتي بلوڅ بېلتون غوښتونکي وسله‌وال پر نښه کړل.

Continue Reading

سیمه ییز خبرونه

په شمالي وزیرستان کې د جمعیت علمای اسلام پاکستان یو مشر ووژل شو

Published

on

(Last Updated On: وری ۱۵, ۱۴۰۳)

د پاکستان په خیبر پښتونخوا ایالت کې د مولانا فضل الرحمان پر مشرۍ د جمعیت علمای اسلام ګوند یو مشر نور اسلام نظامي وژل شوی دی.

پر نوموړی د شمالي وزیرستان په میرانشاه سیمه کې د افغانستان او پاکستان پولې ته څېرمه ناڅرګندو وسله‌والو برید کړی دی.

د پاکستان ایکسپریس ټریبیون ورځپاڼې د راپور له مخې؛ د اړوند سیمې د پولیسو چارواکو ویلي، چې نور اسلام نظامي د برید په ځای کې ساه ورکړې ده.

د نور اسلام نظامي د وژنې په غبرګون کې د دې ګوند مشر مولانا فضل الرحمن ویلي، چې په هېواد کې “قاتلان او وحشیان” حاکم دي.

له دې مخکې د جمعیت علمای اسلام مشر مولانا فضل الرحمان د ډېره اسماعیل خان په اړوند سیمه کې له یوه وسیله‌وال برید څخه روغ وتلی و.

Continue Reading

Trending

Copyright © 2022 Ariana News. All rights reserved!