Connect with us

تازه خبرونه

ایران د هلمند سیند په اوبو کې پخپل حق یو ځل بیا ټینګار څرګند کړ

خپور شوی

د

(Last Updated On: وږی ۵, ۱۴۰۲)

د ایران د بهرنیو چارو وزیر حسین امیرعبداللهیان تېره ورځ ناوخته د افغانستان د بهرنیو چارو وزارت له چارسمبالي وزیر امیر خان متقي سره یو ځل بیا په هلمند سیند کې د ایران د ابو پر حق تیلیفوني ټینګار څرګند کړ او وایي، چې افغانستان ته د ایراني پلاوي وروستی سفر به له افغانستان سره مرسته وکړي، چې د ۱۳۵۱ لمریز هجري کال د اوبو هوکړه رڼه پلې شي.

د ایران بهرنیو چارو وزارت په خپله ایکس پاڼه کې لیکلي، چې حسین امیر عبداللهیان د افغانانو حضور ته په نغوته کې ویلي، چې تهران د افغانستان د ثبات او هوساینې لپاره د ټولو خواوو پر همکارۍ ټینګار کوي.

د دغه وزارت د خبرپاڼې له مخې، امیر خان متقي د کابل او تهران اړیکې نږدې او له ورورۍ ډکې یادې کړې او حسین امیرعبداللهیان ته یې کابل ته د راتګ بلنه ورکړه.

همدارنګه د افغانستان د بهرنیو چارو وزارت د ویاند مرستیال څرګنده کړې، چې د دې بنسټ چارسمبالي امیرخان متقي د جواد کریمی قدوسی پر مشرۍ د ایران اسلامي جمهوریت د استازو مجلس له ٧ کسیز پلاوي سره وکتل.

حافظ ضیا احمد زیاته کړې؛ په دغه کتنه کې د امنیت، نشه‌يي توکو پر ضد د مبارزې، سرحداتو د ساتنې او سوداګرۍ په اړه بښپړې خبرې اترې وشوې.

د بهرنیو چارو وزارت چارسمبالي امیر خان متقي په دغه ناسته کې ویلي، چې د افغانستان اسلامي امارت له راتګ سره سم په هېواد کې بشپړ امنیت ټینګ شوی او افغان امنیتي ځواکونه توانیدلي، چې داعش له منځه ویسي او سرتاسري امنیت نه یوازې د افغانستان بلکې د سیمې او نړۍ هیوادونو په ګټه دی.

دغه راز نوموړي زیاته کړې؛ له نشه‌يي توکو سره د مبارزې په اړه د افغانستان اسلامي امارت اغېزمن ګامونه پورته کړي او د کوکنارو کښت نیږدې صفر ته راکښته شوی دی.

 د بهرنیو چارو چارسمبالي ویلي، چې د ګاونډ هېوادونو په ګډون د سیمې له هېوادونو سره سوداګري او ترانزیت روان دی او افغانستان اوسمهال د هېوادونو تر منځ د اتصال پر مرکز بدلیدونکی دی. 

د یاد وزارت د څرګندونو له مخې؛ د ایران د استازو مجلس غړیو په دغه ناسته کې ویلي، چې د قاچاق د مخنیوي، سرحدي ستونزو د مدیریت، غیر مجاز خلکو د تګ راتګ مخنیوي په اړه باید دواړه لوري په ګډه سره کار وکړي او د حل لار ورته ومومي.

دا په داسې حال کې ده، چې د ایران دولتي خبري اژانس ایرنا د یوې ویدیو له خپرولو سره څرګنده کړې او لیکي، چې د شنبې پر ورځ ( د وږي ۴ ) د ایران یوه تخنیکي او مسلکي پلاوي د کجکي او کمال خان بندونو ته له نږدې سیمو لیدنه کړې او منلې یې ده، چې د دغو بندونو په لاندېنیو سیمو کې اوبه نه‌شته او خلک له ګڼو ستونزو سره مخ دي.

تازه خبرونه

نړۍ دې د دښمنۍ پاللو او بندیزونو پر ځای له افغانستان سره همکاري وکړي

Published

on

(Last Updated On: وری ۲۱, ۱۴۰۳)

د اسلامي امارت ویاند ويلي، چې د نړیوالې ټولنې هیڅ فشار ته به تسلیم نشي او د نړۍ لپاره غوره ده، چې د فشارونو او بندیزونو پر ځای له افغانستان سره همکاري وکړي.

د اسلامي امارت د واکمنۍ له دوه نیم کالو څخه ډېر وخت تېریږي او اوس هم نړیواله ټولنه پر اسلامي امارت فشار راوړي، چې د ټولګډونه حکومت په جوړولو کې پاتې راغلي او له بشري حقونو او په ځانګړي توګه د نجونو او میرمنو له حقونو څخه سرغړونې کوي.

اسلامي امارت وايي، چې هیڅکله به د نړۍ فشارونو ته تسلیم نشي او د بندیزونو او فشارونو سیاست د افغانستان د ستونزې په حل کې مرسته نشي کولی، بلکې نړۍ باید د تعامل لاره خپله کړي.

د اسلامي امارت ویاند ذبیح الله مجاهد وايي: لکه څنګه، چې په تېرو شل کلونو کې فشارونو او بندیزونو په افغانستان کې مثبته نتیجه نده ورکړې؛ د تېرو ترخو تجربو تکرار هم د افغانستان د ستونزې په حل کې مرسته نشي کولی.

ربیح الله مجاهد زیاتوي؛ په څه له پاسه دوه نیمو کلونو کې ګڼو هېوادونو له اسلامي امارت سره ښې اړیکې او تعاملات پیل کړي دي.

د نوموړي د څرګندونو له مخې؛ ځينې لويديځ هېوادونه اوس هم د تېرو جګړو له کبله له اسلامي امارت سره دښمني پالي.

کارپوهان په دې باور دي، چې نړیواله ټولنه او اسلامي امارت باید د ټکر سیاست یوې خواته کړي او د افغانستان مسلې له ډیپلوماټیکو لارو حل کړي.

د دوی د څرګندونو له مخې؛ د هېواد اوسنیو حالاتو ته پر کتو اسلامي امارت ته لازمه ده، چې له ملي ګټو او اسلامي ارزښتونو سره سم له نړیوالې ټولنې سره په خپله تګلاره کې نرم دریځ غوره کړي.

دا په داسې حال کې ده، چې په تېرو دوه نیمو کلونو کې هیڅ هېواد اسلامي امارت پر رسمیت ندی پېژندلی او نړیوالې ټولنې هم خبرداری ورکړی، چې که اسلامي امارت پخپلو سختو سیاستونو له سره غور ونکړي؛ پر رسمیت به یې ونه‌پېژني.

اسلامي امارت تل ټینګار کړی، چې د مشروع حکومت ټول شرطونه لري؛ خو نړۍ د اسلامي امارت په وړاندې دښمنانه دریځ خپل کړی دی.

Continue Reading

تازه خبرونه

د افغانستان لپاره د ځانګړي استازي پر ټاکلو بحثونه روان دي – م.م

Published

on

(Last Updated On: وری ۲۱, ۱۴۰۳)

د ملګرو ملتونو ویاند ويلي، چې د افغانستان په چارو کې د دې ټولنې د ځانګړي استازي په اړه خبرې اوس هم روانې دي.

د ملګرو ملتونو ویاند سټیفن دوجاریک د دوشنبې پر ورځ په یو خبري کنفرانس کې څرګنده کړې: دا بهیر روان دی. هرڅومره ژر، چې مونږ د عامه پوهاوي لپاره نوي معلومات ترلاسه کړو؛ نو هیله من یم، چې تاسې ته به یې وړاندې کړم.

د تېر کال په ډسمبر میاشت کې د ملګرو ملتونو امنیت شورا د افغانستان لپاره د ځانګړي استازي د ټاکلو غوښتنه وکړه؛ روسیې او چین دې پرېکړه لیک ته ممتنع رای ورکړه او اسلامي امارت هم د امنیت شورا د ځانګړي استازي د ټاکلو پر پرېکړه نیوکه وکړه.

اسلامي امارت په دې باور دی، چې د ملګرو ملتونو د ځانګړي ماموریت (یوناما) په موجودیت کې د افغانستان لپاره د بل استازي ګمارل نا اړین دي؛ ځکه، چې دا هېواد په جګړه کې ندی او اوس د مرکزي حکومت له حاکمیته برخمن هېواد دی.

د راپورونو له مخې؛ د ملګرو ملتونو د ځانګړي استازي دنده به دا وي، چې سیاسي هوکړې ته د رسېدو لپاره بین الافغاني ( خپلمنځي ) خبرې پیل کړي.

د جاپان ټایمز ورځپاڼې د یوې خپرې شوې مقالې له مخې؛ د افغانستان لپاره د ملګرو ملتونو د ځانګړي استازي د څوکۍ لپاره درې نوماندان وړاندیز شوي: تادامیچي یاماموتو؛ جاپانی ډیپلوماټ، چې له ۲۰۱۶ څخه تر ۲۰۲۰ ز. کال پورې د افغانستان لپاره د ملګرو ملتونو د عمومي منشي ځانګړی استازی و؛ په افغانستان کې د بریټانیا پخوانی سفیر نیکولاس کي او په کابل کې د ترکیې پخوانی سفیر جهاد ارګنای.

Continue Reading

تازه خبرونه

چین واخان سړک ته په نغوته کې افغانستان ته د همکارۍ ډاډ څرګند کړ

Published

on

(Last Updated On: وری ۲۱, ۱۴۰۳)

د کلیو د بیارغونې او پراختیا وزارت چارسمبالي محمد یونس اخوندزاده په کابل کې د چین له سفیر ژاو شینګ سره وکتل.

په دې کتنه کې د چین سفیر د چین تر پولې پورې د واخان سړک جوړولو ته په نغوته ( اشاره ) کې څرګنده کړه؛ هېواد یې له افغانستان سره د پراختیایي او بنسټیزو پروژو د تطبیق او پراختیا لپاره خپلې همکارۍ روانې ساتي.

دغه راز محمد یونس اخوندزاده له اسلامي امارت سره د چین د سیاسي او اقتصادي همکاریو د ستاینې ترڅنګ ویلي، چې د واخان – چین سرحدي سړک لومړني کارونه چټک روان دي او په نږدې راتلونکي کې به بشپړ شي.

ویل کیږي، چې د دغه سړک بنسټیزه جوړېدا نه یوازې د دواړو هېوادونو د اقتصادي ودې لپاره اړینه ده، بلکې د منځنۍ آسیا هېوادونو ته به هم ګټه ورسوي.

Continue Reading

Trending

Copyright © 2022 Ariana News. All rights reserved!