Connect with us

ساینس او ​​ټیکنالوژي

ایلان ماسک د انسانانو په مغز کې د چېپ لګولو شپږمیاشتنی اعلان وکړ

Published

 on

(Last Updated On: ليندۍ ۱۲, ۱۴۰۱)

امریکايي میلیاردر او د نورالنک شرکت اجرائیوي مشر ایلان ماسک هیله څرګنده کړې، چې په شپږ میاشتو کې به د دغه شرکت چېپ د انسان په مغز او دماغ کې ځای پر ځای شي.

ایلان ماسک د نورالینک شرکت، چې د دماغ او کمپیوتر د پراختیا په برخه کې هڅه کوي؛ په یوه اړوند پروګرام کې ویلي: تمه ده، چې د راتلونکیو شپږ میاشتو په بهیر کې د یاد شرکت بیسیم چېپ پر انساني ازموینو هم کار پیل کړي.

اوسمهال د عصبي تکنالوژۍ دغه شرکت د دماغ او کمپیوټر د اړیکو پر پراختیا کار کوي، چې په اصل کې د یوې سکې پر کچه چېپ ۱۰۲۴ الیکترود مزي لري، چې د مغز حرکي برخه د عصبي تحرک لپاره هڅوي؛ لګول کیږي.

دغه شرکت د مغز د عصبي چېپ د پراختیا په حال کې دی او وايي؛ دا چېپ معلولو ناروغانو ته د حرکت کولو وس ورکوي او مغز اړ کوي، چې له اړوند اعصابو سره ونښلول شي.

دغه راز ماسک د چارشنبې پر ورځ د لیندۍ ۹ په خپله یوه وینا کې د سترګو د لید د بیا رغولو یادونه وکړه او دا یې د دې تکنالوژۍ له مهمو موخو یوه وګڼله.

ماسک ویلي، چې په انسانانو کې د نورالنک دوه لومړيتوبونه د کارونې دي؛ د خلکو د لید بیا رغونه او د عضلاتو د حرکتونو بېرته فعالول، چې نشي کولی اړوند فعالیتونه ترسره کړي.

هغه زیاته کړې: مونږ باور لرو او ان کولی شو د هغه چا لید بېرته راستون کړو، چې له زیږون راپدیخوا ړانده وي.

نورالنک، چې د تکزاس ایالت په سان فرانسیسکو او آستین ښارونو کې کار کوي. تر دې دمه یې پر حیواناتو ازموینې ترسره کړي او غواړي، چې د امریکا له اړوند ادارو څخه پر انسان د ازموینو د پیلولو لپاره هم تائید ترلاسه کړي؛ خو تر اوسه په دې کار کې بریالی شوي ندي.

ساینس او ​​ټیکنالوژي

یو فلزي ربات کولی شي پر بڼه بدلولو ځان نرم او د تېښتې لار خپله کړي

Published

on

(Last Updated On: سلواغه ۱۱, ۱۴۰۱)

پوهانو څرګنده کړې؛ یو کوچنی فلزي ربات کولی شي پر بڼه بدلولو په سختو ځایونو کې هم خپلې دندې بشپړې کړي او حتی له پنجرې تیښته وکړي.

د ساینسي څېړنو له مخې؛ ساینس پوهانو د روباتیک په برخه کې پرمختګ کړی او د داسې ربات پر جوړولو بریالي شوي، چې کولی شي ځان نرم کړي او د فلزې پنجرې په ګډون ځان له هر سخت چاپېریاله بریالی وباسي.

سمندري خیار یا بحري بادرنګ ته له ورته حیواناتو الهام اخیستل شوي دا کوچني رباتونه هم ځان نرموي او هم سختولی شي. له همدې کبله دوی د دې وړتیا لري، چې په بېلابېلو برښنایي او طبي څانګو کې یو لړ عملي خدمات چمتو کړي او پر هغو رباتونو غلبه ومومي، چې یو یا جامد حالت لري.

دا رباتونه کولی په سختو لارو کې حرکت وکړي. ان د اړتیا وړ توکي د انسان معدې ته وړاندې او له فلزي پنجرو څخه د تېښتې پروخت ځان نرم او مایع کړي.

د چین د هانګ‌کانګ پوهنتون انجنیر چینګ‌فینګ پان وايي: په رباتونو کې د مایع او جامد حالتونو ترمنځ د بدلون وړتیا د دوی هڅې نورې هم زیاتوي.

د دغه ربات په جوړولو کې څېړونکیو غیر زهرجن موادو ته اړتیا درلوده، چې وکولی شي په اسانۍ سره د خونې په حرارت کې د نرم او سخت حالت ترمنځ هم بدلون ومومي. دوی ګالیم ته مخه کړه، چې دا یو نرم فلز دی او د ۲۹ اعشاریه ۷۶ سانتي ګراد درجې لرونکی دی. دا درجه د انسان د بدن د حرارت له درجه یوازې یو څو درجې ټیټه ده. ان تاسې کولی شئ ګالیم یوازې په خپل لاس کې له نیولو سره ویلې کړئ.

څېړونکي هیله لري، چې دا ربات به د درملو په رسولو کې وکارول شي؛ خو تر اوسه په بشپړه توګه څېړل شوی ندی.

کارپوهانو ویلي؛ په راتلونکي کې باید نورې څېړنې هم ترسره شي او وښودل شي، چې دا رباتونه په طبي برخه کې څنګه کارول کیدی شي.

Continue Reading

ساینس او ​​ټیکنالوژي

د ناسا یوه پخوانۍ سپوږمکۍ به ډېر ژر پر ځمکه ولګیږي

Published

on

(Last Updated On: مرغومی ۱۹, ۱۴۰۱)

د ERBS په نوم د ناسا یوه ۳۸ کلنه له کاره لوېدلې سپوږمکۍ به ډېر ژر له آسمانه پر ځمکه ولګیږي.

د راپورونو له مخې؛ شونې ده، چې دغه سپوږمکۍ د یکشنبې پر شپه (د مرغومي ۱۸ ) سقوط وکړي.

ناسا اعلان کړی، چې د دې سپوږمکۍ راغورزېدل به انسانانو ته کوم ګواښ نه رامنځته کوي.

ناسا په خپله خبرپاڼه کې څرګنده کړې، چې پر انسانانو د دې سپوږمکۍ د پاتې شونو د راغورزېدو شونتیا ډېره لږ ده.

د ناسا چارواکو ویلي: ناسا تمه لري، چې د سپوږمکۍ ډېرې برخې به هوا ته له راننوتو سره سمې وسوځیږي؛ خو تمه کیږي، چې د هغې ځینې برخې د پاتې شي. په ځمکه کې د خلکو د ټپي کیدو خطر خورا ټیټ دی. یعنې په ۹۴۰۰ کې یو دی.

د ERBS سپوږمکۍ د ناسا د درې سپوږمکیو د ماموریت یوه برخه وه، چې په ۱۹۸۴ ز. کال کې د ځمکې ټیټ مدار ته استول شوې وه.

له بلې خوا په کالیفورنیا کې میشت فضايي شرکت Aerospace Corp ادعا کوي، چې دا سپوږمکۍ به د دوشنبې پر ورځ (د جدي ۱۹) سهار وختي راوغورځیږي او له آفریقا، آسیا، منځني ختیځ او د شمالي او جنوبي امریکا له لویدیځو سیمو تېریږي.

Continue Reading

ساینس او ​​ټیکنالوژي

په تویتر کې د سیاسي خبرتیاوو بندیز لرې شو

Published

on

(Last Updated On: مرغومی ۱۵, ۱۴۰۱)

تویتر د خپلې پخوانۍ پالیسۍ پر بدلولو څرګنده کړې، چې له دې وروسته تویتر سیاسي اعلاناتو ته اجازه ورکوي.

د راپورونو له مخې تویتر ویلي، چې دوی به په امریکا کې د هیله بښونکیو خبرتیاوو لپاره خپله خبرتیایي پالیسي نرمه او دغه راز به له تلویزیوني او نورو رسنیزو خبرتیاوو سره د سیالۍ ډګر ته راودانګي.

تویتر په ۲۰۱۹ کال کې پر سیاسي اعلاناتو بندیز ولګاوه او له هغه وروسته یې د ټولنیزو شبکو اړوند اعلانونه محدود کړل او د فیسبوک په څېر نورې ټولنیزې رسنۍ هم د امریکا د ولسمشریزو ټاکنو په اړه په خپلو پالیسیو کې د ناسمو معلوماتو د خپرولو له کبله تر نیوکې لاندې راغلې.

د تویترد هغه وخت اجرائیوي مدیر جیک دورسي د دې پرېکړې د اعلان په وخت کې ویلي وه: مونږ باور لرو، چې سیاسي پیغام باید پخپله د اوریدونکیو د نظرونو د جذبولو وړتیا ولري، نه دا، چې هغه واخیستل شي.

له هغه وخته، چې ایلان ماسک تویتر اخیستی؛ یو لړ ډېر محدودیتونه یې لرې کړي او اړوند هڅې ورسره پراخه شوې دي.

Continue Reading

Trending

Copyright © 2022 Ariana News. All rights reserved!