Connect with us

تازه خبرونه

باثباته، سوله ییز او سوکاله افغانستان د پاکستان لومړیتوب دی

خپور شوی

د

(Last Updated On: وږی ۲۹, ۱۴۰۱)

د پاکستان د بهرنیو چارو وزیر بلاول بوتو زرداري ټینګار کړی، چې یو سوله ییز، باثباته او سوکاله افغانستان د پاکستان لومړیتوب دی.

د افغانستان لپاره د امریکا له ځانګړي استازي توماس ویست سره په خبرو کې زرداري په افغانستان او بهر کې د تلپاتې سولې او ثبات لپاره د افغانستان له اسلامي امارت سره د نړیوالو اړیکو پر دوام ټینګار څرګند کړ.

د پاکستانیو رسنیو د څرګندونو له مخې؛ زرداري په نیویارک کې د افغانستان لپاره د امریکا له ځانګړي استازي توماس ویست سره په لیدنه کې ویلي؛ هغه په افغانستان او بهر کې د تلپاتې سولې او ثبات لپاره د افغانستان له لنډمهالي حکومت( اسلامي امارت) سره د نړیوالو اړیکو د دوام پر اهمیت ټینګار کړی دی. 

دواړو لوریو د افغانانو د کړاوونو د کمولو لپاره د نړیوالې ټولنې د دوامدارې همکارۍ او ښکېلتیا اړتیا هم ومنله. 

تازه خبرونه

له عربي متحده اماراتو څخه بلخ ولایت ته لومړۍ سوداګریزه الوتنه تر سره شوه

Published

on

(Last Updated On: کب ۴, ۱۴۰۲)

د اسلامي امارت له بیا رامنځته کېدو وروسته د لومړي ځل لپاره له عربي متحده اماراتو څخه د بلخ ولایت هوايي ډګر ته د هوايي دهلیز له لارې الوتنه ترسره شوه.

 د مولانا جلال الدین محمد بلخي هوايي ډګر مسوولینو ویلي، چې د بیات پاور شرکت ۱۶ ټنه برښنایي سوداګریز توکي له دوبۍ څخه مزارشریف ښار ته راولېږدول شول.

په دې اړه د مولانا جلال الدين محمد بلخي هوايي ډګر د ګمرک رييس عبدالله موحد ويلي: دا لومړى ځل دى، چې له دوبۍ څخه مزارشريف ته د هوايي دهلېز له لارې الوتنه کېږي. له سوداګرو سره خبرې اترې روانې دي او مونږ هیله لرو، چې دا دهلیز په راتلونکي کې هم فعال پاتې شي.

د بلخ د سوداګرۍ او پانګونې خونې چارواکي د هوايي دهلېز پر پرانیستلو او د هوا له لارې د سوداګریزو مالونو د لېږد د عمومي بهیر پر پیل ټینګار کوي.

د بلخ د سوداګرۍ او پانګونې خونې مشر اسدالله اسدي څرګنده کړې: د هوايي کارګو له لارې د سوداګريزو مالونو د لېږد په برخه کې ډېرې مهمې ستونزې شته.

دا په داسې حال کې ده، چې له دې مخکې هم د مولانا جلال الدین محمد بلخي هوايي ډګر د هوايي دهلېز له لارې جلغوزي او نور سوداګریز توکي د سیمې هېوادونو ته صادرېدل.

Continue Reading

تازه خبرونه

د اسلامي امارت د غوښتنو له منل‌کېدو پرته به د م.م په غونډو کې ګډون ونه‌کړو- مولوي عبدالکبیر

Published

on

(Last Updated On: کب ۴, ۱۴۰۲)

د ریاست الوزراء سیاسي مرستیال مولوي عبدالکبیر د دوحې په ناسته کې د اسلامي امارت د پلاوي د ګډون په اړه د ملګرو ملتونو وروستۍ پرېکړې ته ګوته ونیوله او هغه یې ناسمه وبلله.

مولوي عبدالکبیر په دې اړه څرګنده کړې؛ که ملګري ملتونه او هېوادونه د اسلامي امارت غوښتنې ومني؛ نو د ملګرو ملتونو او هېوادونو په راتلونکیو غونډو کې به د افغانانو استازیتوب وکړي.

د ارګ په خبرپاڼه کې راغلي، چې تېر ماښام (پنجشنبه د کب درېیمه) په کابل کې د افغانستان اسلامي امارت د رياست الوزراء سياسي مرستيال مولوي عبدالکبیر له سراج الاسلام دارالعلوم څخه د فارغو شویو عالمانو د دستار بندۍ پر مهال ویلي؛ که د اسلامي امارت غوښتنې ومنل شي؛ نو د ملګرو ملتونو او هېوادونو په راتلونکیو غونډو کې به د افغانستان پر استازیتوب ګډون وکړو.

د یادونې ده، چې د دوحې له غونډې مخکې د افغانستان بهرنیو چارو وزارت چارسمبالي له ملګرو ملتونو څخه د خبرو اترو او تعامل لپاره د استازیتوب غوښتنه کړې وه؛ خو د نه منل کېدو پر دلیل بیا اسلامي امارت په دې غونډه کې د نه ګډون پرېګړه وکړه.

Continue Reading

تازه خبرونه

په افغانستان کې د ګډو ګټو لپاره یوه ځواکمنه اجماع رامنځته شوې – ټوماس ویسټ

Published

on

(Last Updated On: کب ۴, ۱۴۰۲)

د افغانستان لپاره د امریکا ځانګړي استازي ټوماس ویسټ د پنجشنبې پر ورځ (د کب درېیمه) په ایکس پاڼه کې لیکلي، چې د فبرورۍ پر اتلسمه او نولسمه د دوحې له تر سره شوي دوه ورځني کنفرانس څخه واشنګټن ته راستون شوی دی.

ټوماس ویسټ د دوحې د غونډې په اړه څرګنده کړې؛ هیڅ هېواد نه غواړي، چې د تروریزم ګواښ له افغانستان څخه راپورته شي او ټول کار او ټولنیز ژوندانه ته د افغان نجونو د راګرځېدا او د منځنيو ښوونځيو، لیسو او پوهنتونونو د پرانیستې غوښتونکي دي.

د افغانستان لپاره د امریکا ځانګړي استازي دا هم ویلي، چې له افغانانو سره د مرستې لپاره کلکې ژمنې شته؛ خو د اقتصادي ثبات او د افغانانو د اقتصادي راتلونکي مالکیت په اړه اندېښنې شته.

ټوماس ویسټ د اسلامي امارت له‌خوا د کوکنارو پر کښت د بندیز د پلي کیدو یادونه هم کړې او وایي، چې ډېرو هېوادونو منلې او د ملګرو ملتونو د اړوندې ادارې د ارزونې له مخې د کوکنارو په کښت کې ۹۵ سلنه کموالی راغلی دی.

دغه راز نوموړي د افغانستان د مدني ټولنې له استازو سره ناستې ته نغوته کړې او ټینګار کوي، چې امریکا د ملګرو ملتونو پر مشرۍ د افغانستان په اړه د دغه راز غونډو له جوړېدو ملاتړ کوي.

همدارنګه په دې اړه وایي، چې د افغانانو او نړیوالو ګډې ګټې باید د دغو غونډو په‌سر کې وي.

دا په داسې حال کې ده، چې افغانستان د دوحې له غونډې مخکې د بهرنیو چارو وزارت چارسمبالي پر استازیتوب له ملګرو ملتونو څخه دې غونډې ته د لوړې کچې د خبرو اترو او تعامل وړاندیز کړی و؛ خو د نه منل کېدو پر دلیل بیا اسلامي امارت په دې غونډه کې د نه ګډون پرېګړه وکړه.

Continue Reading

Trending

Copyright © 2022 Ariana News. All rights reserved!