د فرانسې ولسمشرۍ دفتر د سې‌شنبې پر ورځ ویلي، چې ولسمشر امانویل مکرون به د چارشنبې پر ورځ په پاریس کې د سوریې له ولسمشر احمد الشرع سره د یوې ناستې کوربه وي.

په دې خبرپاڼه کې راغلي؛ د ناستې په بهیر کې مکرون به د “آزادې، باثباته او خپلواکې سوریې د جوړولو لپاره د فرانسې ملاتړ بیا تائید کړي؛ ځکه د سوریې ټولنې ته درناوی لري.”

د سوریې د دولتي خبري سرچینې سانا د څرګندونو له مخې؛ د بشارالاسد له نسکوریدو راپدېخوا اروپایي هېوادونو ته دا د الشرع لومړی سفر دی، چې په کې به د څو امنیتي ننګونو په اړه په ځانګړي توګه د سوریې پر حاکمیت د اسرائیلو د پرله‌پسې بریدونو په اړه خبرې وکړي.

رویټرز راپور ورکړی، چې الشرع په فبرورۍ کې د مکرون لخوا فرانسې ته د سفر بلنه ترلاسه کړې ده.

په جنوري کې الشرع د سوریې د لنډمهاله ولسمشر په توګه وټاکل شو او ژمنه یې وکړه؛ یو پراخ انتقالي حکومت به جوړ او د دې هېواد ویجاړې شوې عامه ادارې ورغوي او تر ټاکنو پورې به هېواد اداره کړي، چې ترسره کول یې پېنځه کاله وخت نیسي.

په دې راپور کې راغلي؛ اسرائیل په دسمبر کې د اسد له واکه لرې کولو راپدېخوا پر سوریې پوځي عملیات زیات کړي؛ په ټول هېواد کې بمبارډوي او ځمکني ځواکونه یې سویل لویدیځ ته ننوتي. په داسې حال کې، چې په سوریه کې د غیر متمرکز او منزوي پاتې غږښتونکي دي.

ویل کیږي، چې الشرع یو وخت د القاعدې د یوې څانګې مشري کوله او په ۲۰۱۶ کال کې یې ورسره اړیکې پرې کړې او د اسلام د یوې مذهبي ډلې ډروز د ساتنې هیله یې خپله کړه، چې په سوریه، لبنان او اسرائیلو کې پیروان لري.

رویټرز د اسرائیلي چارواکو د څرګندونو له مخې راپور ورکړی، چې هېواد یې ممکن د غزې ټولې برخې په پراخو پوځي عملیاتو کې ونیسي.

د اسرائیلو لومړي وزیر بنیامین نتنیاهو ویلي، چې د فلسطین د حماس ډلې پر وړاندې به پراخ عملیات له هغې وروسته پیل شي، چې امنیتي کابینه هغه طرحه تصویب کړي، چې په کې د غزې تړانګې نیول او د مرستو اداره کول بنسټیزه برخه ده.

د اسرائیلو یوه دفاعي چارواکي ویلي، چې دا عملیات به راتلونکې اوونۍ منځني ختیځ ته د امریکا د ولسمشر ډونالډ ټرمپ د سفر له پای ته رسېدو مخکې پیل نشي.

دا پرېکړه د اسرائیلو او حماس ترمنځ د اوربند تړون ته د رسېدو لپاره له اوونیو ناکامو هڅو وروسته پدې ګواښ ټینګار کوي؛ هغه جګړه، چې په کور دننه د خلکو له ملاتړ کمیدو سره پر اسرائیلو نړیوال فشار زیاتوي، ممکن د نامعلوم وخت لپاره دوام وکړي.

د اسرائیلو د عامه ټلویزیون یو راپور، چې له جزئیاتو سره د بلد چارواکو د څرګندونو له مخې څرګندوي، چې نوی پلان به تدریجي وي او میاشتې وخت به ونیسي؛ ځواکونه به په پیل کې پر محاصره شوې یوې خبل شوې سیمې تمرکز وکړي.

د اسرائیلو لومړي وزیر په یو ویډیو پیغام کې ویلي، چې دا عملیات سخت دي او د غزې ډېر فلسطینیان به د خوندیتوب لپاره بې ځایه شي.

هغه دا هم ویلي، چې اسرائیلي ځواکونه له غزې څخه بهر د میشتو ځواکونو لخوا د لنډو بریدونو پخوانۍ تکتیکونه نه غوره کوي.

هغه زیاته کړې؛ هغه د نورو اسرائیلي چارواکو د څرګندونو له تکرار سره، چې هېواد به یې پر هغه ځمکه ټینګ ودریږي، چې نیولې یې ده؛ ویلي: “نیت برعکس دی.”

د اکسیوس د راپور له مخې؛ د منځني ختیځ لپاره د امریکا ځانګړي استازي سټیوویټکوف ویلي؛ اسرائیل یو خپلواک هېواد دی، چې خپلې پرېکړې پخپله کوي او همدارنګه یې راپور ورکړ؛ هیله من دی، چې د یرغمل نیوونکو او اوربند د تړون په اړه د ټرمپ له سفر مخکې یا په لړ کې پرمختګ وشي.

ولسمشر ولادمیر پوتین د یکشنبې پر ورځ په خپرو شویو څرګندونو کې ویلي، چې روسیه کافي ځواک او سرچینې لري، چې په اوکراین کې جګړه خپلې منطقي پایلې ته ورسوي؛ خو هیله من دی، چې د اټومي وسلو کارولو ته اړتیا پېښه نشي.

پوتین د ۲۰۲۲ زېږدیز کال په فبرورۍ کې زرګونه روسي سرتېري اوکراین ته واستول، چې له دوه‌یمې نړیوالې جګړې راپدېخوا د اروپا تر ټولو لویه ځمکنۍ جګړه او د سړې جګړې له ژوروالي هم د مسکو او لویدیځ ترمنځ ترټولو لویه سړه هغه رامنځته کړه.

په سلګونو زره سرتېري وژل شوي یا ټپیان دي او د امریکا ولسمشر ډونالډ ټرمپ هم پرله‌پسې ویلي؛ هغه غواړي “وینې بهیدل” پای ته ورسوي، چې حکومت یې د امریکا او روسیې ترمنځ نیابتي جګړه بولي.

په دولتي ټلویزیون کې د روسیې د غوره مشر په توګه پوتین د پېړۍ د څلورمې برخې په اړه په یوه فلم کې، چې سرلیک یې دی “روسیه، کریملین، پوتین، ۲۵ کاله” د یوه خبریال لخوا له پوتین څخه د اوکراین په جګړه د اټومي جګړې د خطر په اړه پوښتنه وکړه.

پوتین ویلي: د نولسمې پېړۍ د محافظه کار تزار درېیم الکساندر د انځور تر څنګ، چې مخالفان یې وځپل؛ وویل: “دوی غوښتل، چې مونږ وهڅوي، چې مونږ تېروتنه وکړو؛ د دې وسلو کارولو ته اړتیا نه‌وه … او زه هیله من یم، چې کارولو ته یې اړتیا نه‌وي.”

هغه وایي: “مونږ دومره ځواک او وسایل لرو او هغه جګړه، چې په ۲۰۲۲ زېږدیز کال کې پیل شوې؛ هغې منطقي پایلې ته ورسوو، چې روسیه ورته اړتیا لري.”

ټرمپ له اوونیو راپدېخوا نغوته(اشاره) کوي، چې هغه د جګړې پای ته رسولو لپاره د مسکو او کیف د ناکامۍ له کبله ناهیلی دی. که څه هم کریملین ویلي؛ دا شخړه دومره پېچلې ده، چې د ټرامپ د چټک پرمختګ غوښتنه په کې ستونزمنه ده.

د امریکا پخواني ولسمشر جو بایډن ژمنه کړې وه، چې روسي ځواکونه به مات کړي؛ ځکه، چې د اوکراین شاوخوا پېنځمه برخه یې نیولې ده.

پوتین جګړه له لویدیځ سره د مسکو په اړیکو کې د یوې مهمې برخې په توګه انځور کړه او وايي، چې په ۱۹۸۹ زېږدیز کال کې د برلین د دیوال له نړېدو وروسته ناټو د مسکو د نفوذ پر ساحه تېری وکړ، چې دا روسیې ځانته سپکاوی وګاڼه.

ټرمپ ان خبرداری ورکړ، چې شخړه کولی شي پر درېیم نړیوال جنګ بدله شي.

د سي آی ای پخواني مدیر ویلیم برنز ویلي، چې د ۲۰۲۲ کال په وروستیو کې یو رښتیني خطر شتون درلود، چې روسیې کولی شول د اوکراین پر وړاندې اټومي وسلې وکاروي؛ خو دا ادعا د مسکو لخوا رد شوې ده.

پوتین د KGB پخوانی ډګروال، چې د ۱۹۹۹ کال پر وروستۍ ورځ د ناروغ بوریس یلتسین لخوا ولسمشرۍ ته ورسېد؛ د جوزف سټالین راوروسته د کریملین ترټولو اوږد خدمت کوونکی مشر دی، چې ۲۹ کاله یې واکمني وکړه او په ۱۹۵۳ کال کې مړ شو.

د پوتین روسي مخالفان، چې ډېری یې اوس یا په زندان کې دي یا هم بهر؛ هغه ته د یوه ډیکټاټور پر سترګه ګوري، چې پر چاپلوسۍ او فساد ولاړ د شخصي واکمنۍ یو ماتېدونکی سیسټم یې جوړ کړی او غواړي روسیه د زوال او ګډوډۍ پر لوري رهبري کړي.

د پوتین ملاتړ کوونکو، چې د یوې نظرپوښتونکي له مخې د روسیې له ۸۵ سلنې څخه ډېره د تائید درجه لري؛ د یوه ژغورونکي په توګه ګڼي، چې متکبر لویدیځ یې پر شاته وتنباوه او هغې ګډوډي ته یې، چې په ۱۹۹۱ کال کې د شوروي اتحاد له ړنګېدو سره مل وه؛ د پای ټکی کېښود.