Connect with us

تازه خبرونه

برښنايي تذکرو ته نوي قومي نوملړ غبرګونونه راپارولي

Published

 on

(Last Updated On: کب ۲۵, ۱۳۹۹)

د مرکزي احصائې لخوا د برښنايي تذکرو په لښتیلیک(جدول) کې د یو شمېر قومونو زیاتولو پر دولتي چارواکو سربیره د خلکو غبرګونونه راپارولي دي.

مرکزي احصائې د الکترونیکي تذکرو په معلوماتي لښتیلیک کې د ځينو قومونو نومونه ځای پر ځای کړي، چې دې کار د یو شمېر کسانو غبرګونونه را پارولي دي.ځينې سیاستوالو ويلي، چې د مرکزي احصائې اداره غواړي د قومونو تر منځ نفاق او بېلوالی رامنځته کړي.

د ولسمشر دوه یم مرستیال سرور دانش ویلي، چې د مرکزې احصائې دا کار عملي ندی او د قومونو ترمنځ  تربګنیو، دښمنیو او بېلولو ته لمن وهي. 

د ولسمشر د دوه یم مرستیال د رسنیو د دفتر مشر ویلي؛ د بیړې  پرېکړې حکومت تر پوښتنې لاندې راولي او هم په خلکو کې کرکه او نفرت رامنځته کوي

د جمعیت اسلامي مشر صلاح الدین رباني ویلي، چې د مرکزي احصائې ادارې د یوه پلان شوي حرکت له مخې د ولسوالیو او کلیو تجزیه پیل کړې.

 عطا محمد نور ویلي، چې دا اداره قومونه په سمه توګه نه پېژني.

د بلخ د ولایتي شوری مشر محمد افضل حدید وایي: دا حکومتي اداره نه پوهیږي، چې د قوم او استوګنې د سیمې تر منځ پوپیر شته او دا ناشونې ده، چې یوې سیمې اوسیدونکي د سیمې پر نوم په قومي نوملړ کې ولیکل شي.

د ملي پخلاینې عالي شوری مشر عبدالله عبدالله ویلي؛ د مرکزې احصائي دا معلومات تېروتنه ده، چې باید سمه شي.

د مرکزي احصائې ادارې ويلي، چې د قومونو د مخورو او مشرانو په غوښتنه یې د الکترونیکي تذکرو په معلوماتي جدول کې د دې قومونو نومونه زیات کړي.

د مرکزې احصائې ادارې ویانده رویینا شهابي وایي: دا پرېکړه د اړوند قومونو د مشرانو د غوښتنې او د اساسي قانون د درېیم بند د څلورمې مادې له مخې په پام کې نیول شوې ده.

د دغې ادارې په خبرپاڼه کې راغلي؛ دغو قومونو له بېلابېلو رسمي سرچینو د ټینګار له مخې، چې په اساسي قانون کې یې د قوم نوم ښکاره ندی اخیستل شوی؛ په برښنایي پېژندپاڼو کې یې د لیکلو غوښتنه کړې ده.   

د افغانستان د اساسي قانون په څوارلسمه ماده کې د څوارلس قومونو نومونه یاد شوي؛ خو اوس د ۵۴ قومونو نومونه ډېر شوي دي.

ویل کیږي، چې مرکزي احصائیه غواړي له دې کار سره تاجک، ازبک او هزاره پر وړو قومونو ووېشي. په داسې حال کې، چې پښتانه یو قوم دی.

تازه خبرونه

د امریکا استازي او پاکستانيو چارواکو د اسلامي امارت د ښځینه‌وو پر بندیزونو خبرې وکړې

Published

on

(Last Updated On: سلواغه ۱۲, ۱۴۰۱)

د افغانستان لپاره د امریکا ځانګړي استازي توماس ویست پاکستان ته په دوه ورځني ( د سلواغې ۱۰ – ۱۱ ) سفر کې د جنرال سید عاصم منیر په ګډون له لوړ پوړیو چارواکو سره د ترهګرۍ او د اسلامي امارت د ښخینه‌وو پر تعلیمي بندیزونو خبرې کړي دي.

د امریکا سفیر د سې شنبې پر ورځ تویت کړی او د افغانستان په اړه یې د دوه ورځنیو ګټورو غونډو په لړ کې د پاکستان میلمه پالنه ستایلې ده.

ویست څرګندوي؛ هغه د پاکستان د پوځ له مشر جنرال عاصم منیر، سفیر محمد صادق او د بهرنیو چارو له سکرتر اسد مجید خان سره لیده کاته کړي دي.

د دې لیدنو په لړ کې توماس ویست ویلي، چې دوی د تروریزم او امنیتي وضعیت، نړیوال یووالي اړتیا او د میلیونونو افغانانو حیاتي مرستو او تعلیم ته د لاسرسي په اړه د طالبانو ( اسلامي امارت) خطرناکو اغېزو په اړه خبرې وکړې.

د امریکا یاد استازي د ملګرو ملتونو دا کار مهم ګڼلی او له پلي کوونکیو څخه یې د ملاتړ غوښتنه هم کړې، چې د ښځینه مرستندویه کارکوونکیو او ښځینه زده‌کړې په اړه د اسلامي امارت د بندیزونو د لغو کولو غوښتنه وکړه.

هغه ټینګار کړی، چې: له زړورو افغان ښځو سره مې وکتل؛ هغوی مهمې غوښتنې او نیوکې وړاندې کړې. په افغانستان کې چارسمبالې ښځې له کړاوونو سره مخ دي او نړیواله ټولنه باید د هغو اړتیاوو ته لومړیتوب ورکړي.

ویست ویلي؛ ښځې او نجونې، چې په کورونو کې محدودې دي، له سختو ذهني او رواني فشارونو سره مخ دي.

ویست پر زده‌ګړو ‌او کار بندیزونه بې رحمانه برید ګڼلی او ډاډ ورکوي، چې د پاکستان ترڅنګ ولاړ یوو.

هغه دغه راز په پېښور کې د تروريستي بريد له کبله د زياتو بې ګناه خلکو پر وژل کيدو هم ژوره خواشيني څرګنده کړې ده.

دا په داسې حال کې ده، چې د اسلامي امارت د رسنیو پر خپرونو د څار مشر عبدالحق حماد ويلي، د نجونو د زده‌کړې مطلق بندول افراط دی او بې چوکاته بریښودل یې تفریط دی. د اسلامي امارت تګلاره د اعتدال پر بنسټ ولاړه ده او افراطیت نه مني.

Continue Reading

تازه خبرونه

د ټیټ کیفیت څلور تانکره دیزل بېرته ایران ته وروګرزول شول

Published

on

(Last Updated On: سلواغه ۱۲, ۱۴۰۱)

د افغانستان د ستندرد ملي ادارې د سې شنبې پر ورځ وویل، چې دې ادارې د ټیټ کیفیت څلور تانکرونه بېرته ایران ته مسترد کړل.

یادې ادارې په ډاګه کړې؛ دوی د هرات ولایت په اسلام‌کلا بندر کې د تېلو د کیفیت له کتنې وروسته څلور تانکره بېرته ایران ته ستانه کړي دي.

د دغې ادارې د څرګندونو له مخې؛ دوی د بې کيفيته تېلو د واردولو د مخنيوي لپاره عملي ګامونه پورته کړي دي.

سربېره پردې دغې ادارې له سوداګرو وغوښتل؛ د وارد شويو توکو پر کیفیت دې خانونه ډاډمن کړي، چې د دې ادارې له معیارونو سره سمون ولري. که نه؛ نو دوی به له ورته پایلو سره مخ شي.

دا لومړی ځل ندی، چې دې ادارې ټیټ کیفیت تیل بېرته مستردوي . د بېلګې په توګه د جنورۍ پر لومړیو کې یې ایران ته د بې کیفیته تېلو ۲۶ ټانکرونه بېرته واستول.

Continue Reading

تازه خبرونه

د ټولنیزو مرستندویانو نړیوال فدراسیون له زیانمنونکیو افغانانو سره خپلې مرستې روانې ساتي

Published

on

(Last Updated On: سلواغه ۱۲, ۱۴۰۱)

د ټولنیزو مرستندویانو نړیوال فدراسیون ويلي، چې د ټولنیزو مرستندویانو نړیوال فدراسیون له زیانمنونکیو افغانانو سره خپلې مرستې روانې ساتي.

د دې فدراسیون عمومي منشي رو ري، چې کابل ته په سفر راغلی؛ د سې شنبې پر ورځ یې په یوه رسنیزه ناسته کې ويلي، چې دوی له زیانمنونکیو سره د رواني درملنې په برخه کې او همدا راز له اړمنو کورنیو سره به خپلې مرستې روانې وساتي.

د ټولنیزو مرستندویانو د نړیوال فدراسیون عمومي منشي او مرستیاله یې، چې له ناروې هېواده کابل ته راغلي؛ دغه راز یې په کابل کې له یو شمېر ټولنیزو مرستندویه بنسټونو سره د همکارۍ تړونونه لاسلیک کړل.

د ټولنیزو مرستندویانو نړیوال فدراسیون عمومي منشي رو ری وایي: مونږ د افغانستان وضعیت له نږدې ولیده او پوهیږو، چې میرمنې او ماشومان اوس نړیوال ملاتړ ته ډېر اړ دي او مونږ د دې موسسې د نړیوال شریک په توګه د افغانستان له خلکو خپل ملاتړ روان ساتو.

د ټولنیزو مرستندویانو د نړیوال فدراسیون مرستیاله آنا رادولسکو څرګندوي: مونږ د اوږد‌مهال لپاره له میرمنو، ماشومانو او د افغانستان له بشري ټولنې ملاتړ کوو، چې دوی ټولیزې آرامتیا او هوساینې ته ورسېږي.

د افغانستان د مرستندویانو فدراسیون رییس مسعود ایوبي هم په دې ناسته کې د ټولنیزو مرستندویانو د نړیوال فدراسیون د غړیتوب غوښتنه وکړه.

د ټولنیزو مرستندویانو نړیوال فدراسیون په افغانستان کې له اړمنو او بېوزلو سره د مرستې رسونې او همدا راز د رواني درملنې په برخه کې هڅې تر سره کوي.

Continue Reading

Trending

Copyright © 2022 Ariana News. All rights reserved!