تازه خبرونه
بیات بنیاد افغان ماشومانو ته د ماشومتوب د لومړني پړاو د ودې اپلیکیشن رامنځته کړ

بیات بنسټ (www.bayatfoundation.org) په افغانستان کې د یوه ستر خیریه بنست په توګه، چې د بیات ګروپ (www.bayat-group.com) غړیتوب هم لري؛ نه یوازې د افغانانو د هوساینې لپاره ډاډمنې هڅې کوي، بلکې د افغان ماشومانو د ماشومتوب د لومړني پړاو د ودې او پراختیا لپاره یې یو نوی نوښت هم رامنځته کړی دی.
د دې پروګرام موخه د ماشومانو د لومړنیو کلونو د اړتیاوو په اړه د پوهاوي لوړول او همدارنګه د میندو او پلرونو ځواکمن کول او هڅول دي، چې خپلو ماشومانو ته په ژوندانه کې غوره پیل رامنځته کړي.
دا له نوښته ډک اپلیکیشن “زه او ماشوم مې” نومیږي؛ میندې او پلرونه هڅوي، چې له خپلو ماشومانو سره ډېر ښه چلند او غوره اړیکې ولري او د یو لړ لوبو پر تر سره کولو یې کړنې سمې او ډادمنې کړي. لکه: وینم دې، چې اغېز یې د علم له مخې هم د ماشوم په وده کې پوره روښانه دی.
د بیات بنیاد اجرائیوي مشره فاطمه لیا بیات څرګندوي: ماشومان د ژوندانه له پیله لومړی مینې، بیا پالنې، پاملرنې او څارنې ته اړتیا لري، چې مغزي وده یې رامنځته او وړتیاوې یې لوړې شي. “زه او ماشوم مې” نومی اپلیکیشن د والدینو لپاره معلومات چمتو کوي، چې ماشومان ورته د ژوندانه په لومړنیو او له ارزښتونو ډکو کلونو کې ډېره اړتیا لري. علم او پوهه ښیي، چې همدا د اړیکو او خبرو اترو کوچنۍ شېبې دي، چې په ځانګړي توګه په خورا سختو شرایطو کې بدلون را منځته کوي.
دا اپلیکیشن په آیاواس(iOS) او انډرایډ (Android) عاملو سیسټمونو کې پر دري او پښتو دواړو ژبو وړیا شتون لري او حتا په پخواني او ټیټ ګرځند کې د کارولو وړ دی. دغه راز ډېري بنسټیز معلومات په ټولنیزو رسنیو، ایس ایم ایس، راډیو، ټلویزیون، چاپي او ډیجیټلي رسنیو کې هم د لاسرسي وړ دی.
د بیات بنیاد له بنسټ ایښودونکیو مشرانو څخه یو هم ډاکټر احسان بیات دی، چې وایي؛ هر افغان ماشوم پرته له دې، چې په کوم ځای کې اوسیږي؛ حق لري، چې په ژوندانه کې یو غوره پیل، پیل کړي.
هغه زیاته کړې: ښوونه او روزنه له ډېر وخت راپدیخوا د بیات بنیاد لپاره لومړیتوب لري او د “زه او ماشوم مې” میندې او پلرونه ځواکمنوي، چې له خپلو ماشومانو سره د دوی بشپړو وړتیاوو ته په رسیدو کې مرسته وکړي. په ځانګړي توګه په هغو ټولنو کې، چې د پوهاوی کچه په کې راټیټه او یا معلوماتو ته لاسرسی ورته محدودیت ولري؛ دا اپلیکیشن د لاسرسي وړ آسانه معلومات چمتو کوي، چې د افغانانو له ژوندانه سره بشپړ مطابقت هم لري.
د “زه او ماشوم مې” اپلیکیشن منځپانګه د ټولنې، نړیوالو نورمونو، جندر او والدینو د رول او همدارنګه په افغانستان کې د ځانګړیو دیني، فرهنګي او چاپېریالي عواملو د ژورې بشرپوهنې د شننو پر بنسټ ولاړه ده. بیات بنیاد د آسترالیا د سیډني پوهنتون د دماغ او دماغي مرکز په همکارۍ د آسترالیا له مینډرو فاونډیشن سره ملګرتیا لري او ډاډ ترلاسه کوي، چې د عصبي علومو او والدینو عصري کړنې له افغان دودونو سره یوځای داسې چاپېریال رامنځته کوي، چې له هر ماشوم سره عالي، ادراکي او احساساتي وړتیاوو ته په رسیدو کې مرسته وشي.
د بیات بنیاد په اړه معلومات:
بیات بنیاد، چې په امریکا کې میشت خیریه بنسټ دی؛ له ۲۰۰۵ زېږدیز کال راپدیخوا د افغانانو د ودې، پرمختګ او هوساینې لپاره کار کوي. د دغه بنسټ بنسټوال احسان الله بیات او فاطمه لیا بیات دي او دغه بنسټ په افغانستان کې د ځوانانو، ښځو، بېوزلو او بوډاګانو د وړتیاوو د لوړولو لپاره ۳۰۰ پروژې تر سره کړي دي. په دې پروژو کې د ١٤ زېږنتونونو جوړول هم شامل دي، چې تر اوسه پورې يې د درې ميليون ميندو او ماشومانو درملنه کړې ده.
دا پروژې په اړمنو سیمو کې پلې شوي او د بېخبناوو پر جوړولو سربېره یې د روغتیا، پوهنې، اقتصاد، سپورټ او فرهنګ په وده کې داډمن ګامونه پورته کړي دي.
د بیات بنیاد لوی مشر احسانالله بیات په ۲۰۰۲ زېږدیز کال کې د افغان بېسیم شرکت جوړ کړ. دا په افغانستان کې لومړنی بیسیم مخابراتي شرکت دی، چې جیاسام (GSM) او انټرنیټی مخابراتي خدمات وړاندې کوي. څه موده وروسته په ۲۰۰۵ کال کې يې د آريانا راډيو او ټلوېزيون نړیواله شبکه، آريانا راډيو (۹۳.۵افام)، ۲۰۱۴ کې آریانا نیوز، ټولنیزې شبکې او بیا یې د بیات رسنیز مرکز جوړ او رامنځته کړ.
تازه خبرونه
په قطر کې د افغانستان د پوهنې د راتلونکي په اړه درې اړخیزه غونډه شوي

قطر په افغانستان کې د ښوونې او روزنې د راتلونکې او هغو ننګونو په اړه، چې دغه هېواد ورسره مخ دی د خبرو اترو له کوربتوبه خبر ورکړی دی.
په دې غونډه کې د افغانستان اسلامي امارت د پوهنې وزیر مولوي حبیب الله آغا، د قطر د بهرنیو چارو وزارت مرستیالې لولواح بنت راشد الخطر او د تعلیم او تربیې بنسټ مشر فهد السلیطي او د یونیسف پلاوي ګډون کړی دی.
دا غونډه د افغانستان د اسلامي امارت د پوهنې د وزیر مولوي سیدحبیب آغا پر مشرۍ یو پلاوی، د یونیسف موسسې یو پلوی، چې مشري یې د سویلي آسیا لپاره د یونیسف ادارې سیمه ییز مشر جورج لاریا او د پوهنې په برخه کې د ستراتیژیکو همکاریو د لوی رییس پر مشرۍ ترسره او د افغانستان د پوهنې وزارت د ستراتیژیکو همکاریو د ادارې له رییس سره خبرې وشوې.
په دې خبرو کې ناصر فقیح هم ګډون کړی و.
د خبرو اترو په ترڅ کې، برخهوالو په افغانستان کې پر اقتصادي ننګونو، کمزورو بېخبناوو، محدودو بشري سرچینو، زدهکړو ته د ټولو په ځانګړي توګه د نجونو د مساوي لاسرسي په اړه خبرې وکړې.
ګډونوالو د ټولو لپاره د زدهکړې حق تضمینولو، له ننګونو سره د مبارزې لپاره یو ګډ لید رامنځته کولو او په ټولو سیمو کې د ټولو افغان زدهکوونکیو لپاره د لوړ کیفیت زدهکړې د فرصتونو چمتو کولو پر اړتیا هوکړه وکړه.
دا په داسې حال کې ده، چې د پوهنې وزارت د څرګندونو له مخې؛ نن د کابل په ګډون د ټول هېواد په سړو سیمو کې نوی ښوونیز کال پیل شو، چې له لومړي ټولګي څخه تر شپږم ټولګي پورې د نجونو لپاره پر خوندي چاپېریال، چې ښوونکې یې باید ټولې ښځینه وي هم ټینګار څرګند شوی دی.
تازه خبرونه
ملګري ملتونه د افغان هلکانو او نجونو لپاره پر باکیفیته زدهکړو ټینګار کوي

په افغانستان کې د بشری حقونو د وضعیت په اړه د ملګرو ملتونو ځانګړي راپور ورکوونکي ریچارد بینیت او نورو اړوند کارپوهانو ویلي، د نجونو د تعلیم مخنیوی هیڅ توجیه نهلری.
ملګرو ملتونو د دوشنبې پر ورځ په یوه اعلامیه کې څرګنده کړې، چې د چار شنبې پر ورځ د نوي ښوونیز کال له پیلیدو سره باید په ټول افغانستان کې د نجونو پر مخ ښوونځي پرانیستل شي.
د ملګروملتونو په اعلامیه کې راغلي: داسې ښکاري، چې د دوهیم پرله پسې ښوونیز کال لپاره به تنکۍ نجونې د خپلو زدهکړو له بیا پیلولو منع شي – افغانستان به په نړۍ کې یوازنی هېواد وي، چې نجونې منځني ښوونځي، لیسو او د لوړو زدهکړو مرکزونو ته له تلو منع کوي.
د اعلامیې له مخې، د ملګرو ملتونو د بشري حقونو د تړونونو د یوه غړي هېواد په توګه، افغانستان مکلف دی، چې د جنسیت او یا کوم بل بنسټ له تبعیض پرته د پوهنې حق ته درناوی ولري او ترې ساتنه وکړي.
دوی دا ټینګار هم وړاندې کړی؛ که څه هم پر زدهکړو بندیز بېرته واخیستل شي، مونږ د زدهکړې د کیفیت په اړه اندېښمن یو، چې د نجونو او هلکانو لپاره به چمتو شي.
دوی د هلکانو د ثانوي ښوونځیو په اړه هم ځورونکي راپورونه وړاندې کوي، چې له دیني ښوونکیو سره د وړ مسلکي ښوونکیو ځای په ځای کول، د ښوونځي په نصاب کې د پام وړ بدلونونه او د ښوونځيو د مضامینو محدودیت په ګوته کوي.
دوی له اسلامي امارت څخه وغوښتل، چې سمدلاسه ټول ثانوي ښوونځي او د نجونو او ځوانو میرمنو لپاره د لوړو زده کړو مرکزونه بېرته پرانیزي.
تازه خبرونه
فنلند د نړۍ له ټولو خوشاله او افغانستان خواشینی هېوادونه نومول شوي

د ۲۰۲۳ ز. کال د خوشاله هېوادونو د نوملړ له مخې، چې د دوشنبې پر ورځ خپور شوی؛ فنلند په پرله پسې توګه د شپږم کال لپاره د نړۍ تر ټولو خوشاله هېواد او افغانستان خواشینې هغه اعلان شوی دی.
د نړۍ د تر ټولو خوشحاله هېوادونو د ۲۰۲۳ کال په راپور کې راغلي: فنلیند په پرله پسې توګه د شپږم کال لپاره لومړی ځای لري.
په دې څېړنه کې جګړې ځپلی افغانستان او هم لبنان د هغو دوه خواشینو هېوادونو په نوملړ کې راغلي، چې د ژوندانه معیار یې (د ۰ او ۱۰ ترمنځ) د نړۍ د لس خوشاله هېوادونو پر پرتله پېنځه نمرې ټیټ دی.
په دغه راپور کې له فنلند وروسته د نړۍ د خوشاله هېوادونو په نوملړ کې د دنمارک، ایسلند، هالند، سویدن، ناروې، سویس، لوګزامبورګ او نیوزیلند نومونه لیدل کېږي.
په دې نوملړ کې، روسیه د سږ کال لپاره په ۷۰ ځای کې ده.
لیتوانیا په دې نوملړ کې یوازنی هېواد دی، چې د ۲۰ غوره هېوادونو په ډله کې راغلې، چې له ۲۰۱۷ کال راپدیخوا یې له ۳۰ څخه پورته مقام خپل کړی دی.
د نړۍ د خوشحاله هېوادونو راپور له ۲۰۱۲ کال راپدیخوا هر کال د ملګرو ملتونو پر لګښت چمتو کیږي او اټکل یې د سړي سر ناخالص کورني تولید، د ټولنیز ملاتړ کچه، د ژوند ته د هیلې، مدني دآزادۍ، د کار خوندیتوب، د فساد کچه او د عامه افکارو پایلو پراساس دی.
-
سوداگري4 days ago
د اسلامي امارت مشرتابه د ګمرکونو له مسوولینو سره وکتل
-
تحول5 days ago
تحول: کابل ته د عربي متحده اماراتو د دیني پلاوي سفر
-
روغتيا3 days ago
شونې ده، چې کرونا ویروس له کاونده سپيو رامنځته شوی وي
-
سوداگري2 days ago
د کندوز ولایت د صنعت او سوداګرۍ ریاست په عوایدو کې ۴۸ سلنه زیاتوالی راغلی
-
نړۍ2 days ago
په اکوادور کې زلزلې ۳۹۴ کسانو ته مرګ و ژوبله اړولې
-
تازه خبرونه3 days ago
له اسلامي امارت سره تعامل دې د دې ټولنې عمومي منشي وارزوي – د م.م امنیت شورا
-
تازه خبرونه3 days ago
په مزارشریف ښار کې د داعش یو شمېر غړي ووژل شول
-
تازه خبرونه3 days ago
په افغانستان کې مو مرستې د بودجې د نشتوالي له کبله کمې شوي