Connect with us

تازه خبرونه

بیات بنیاد د کابل ښار د اوومې ناحیې پر اړمنو او بېوزلو کورنیو خوراکي توکي ووېشل

خپور شوی

د

Last Updated on: سلواغه ۴, ۱۴۰۱

بیات بنیاد د خپلو ژمنیو مرستو په لړ کې د کابل ښار د اوومې ناحیې د اړوند سیمې پر لسګونه اړمنو او بېوزلو کورنیو خوراکي توکي ووېشل.

د بیات بنیاد مرستیال حاجي محمد اسماعیل د دغو مرستو په تړاو وايي: هر کال په ژمي کې مرستې وېشل کېږي. له نېکه مرغه، چې د کابل په څو سیمو کې مو مرستې ووېشلې او نن د کابل ښار اوومې ناحیې ته راغلو او پر یو شمیر مستحقو کسانو خوراکي توکي ووېشل شول.

د بیات بنیاد مرستیال حاجي محمد اسماعیل وايي؛ په دغو مرستو کې اوړه، وریجې او غوړي شته او پر هغو کورنیو ووېشل شول، چې د بیات بنیاد د سروې د ډلې لخوا مستحقې پېژندل شوې وې.

حاجي محمد اسماعیل  زیاته کړې؛ دغه مرستې به د ژمي تر پایه په کابل او د هېواد په نورو ولایتونو کې له اړو کورنیو سره روانې وي.

په ورته وخت کې هغه کسان، چې دغه مرستې یې ترلاسه کړي له نورو مرستندویه بنسټونو څخه هم غوښتنه کوي، چې په دې سختو شرایطو کې له اړمنو سره مرسته وکړي.

یوه مرسته اخیستونکي ویلي: زمونږ خلک خورا بېوزله دي او هره هغه اداره، چې مرسته کوي؛ اجر ترلاسه کوي.

یو بل مرسته شوی وایي: ټول وزګار دي او د خلکو اقتصادي وضعیت خراب دی؛ خلک ډوډۍ نلري؛ مونږ له ټولو بنسټونو څخه غوښتنه کوو، چې په ورته ډول له اړمنو خلکو سره مرسته وکړي.

په تېره یوه میاشت کې د بیات بنیاد د کابل په ګډون د هېواد په یو شمېر ولایتونو کې سلګونه اړمنو او بېوزله کورنیو سره د خوراکي توکو مرسته کړې او د مرستې دا لړۍ به ټول ژمی روانه وي.

تازه خبرونه

د ټرمپ حکومت له افغانانو ملاتړ پروګرام پای ته رسوي

د کورني امنیت وزارت د دوشنبې پر ورځ ویلي، چې دا پروګرام به د جولای پر دولسمه پای ته ورسوي.

Published

on

د ټرمپ حکومت د لنډمهاله ملاتړ پروګرام، چې له افغانستان څخه زرګونو خلکو ته یې خوندي ایستل وړاندې کول؛ پای ته رسوي.

د کورني امنیت وزارت د دوشنبې پر ورځ ویلي، چې دا پروګرام به د جولای پر دولسمه پای ته ورسوي.

د TPS پروګرام مهاجرینو ته اجازه ورکوي، چې د جګړې، طبیعي پېښو یا نورو مسلو له کبله خپلو هېوادونو ته ستنېدا یې خوندي نده؛ نو د ایستلو پرمهال لنډمهاله معافیت او د کار جواز ترلاسه کوي.  

د فډرالي احصائیو له مخې؛ د تېر کال پر پرتله له ۸ زره څخه ډېر افغانان د TPS لپاره تائید شوي دي.

TPS د وروستی ځل لپاره په ۲۰۲۳ کال کې د افغانستان لپاره تمدید شو او ټاکل شوې وه، چې په می کې پای ته ورسیږي؛ خو که د ټرمپ حکومت یې د بل تمدید پرېکړه ونکړي.

AfghanEvac  هغه ډله ده، چې د افغانانو په ځای پر ځای کولو کې مرسته کوي. دې ډلې په ایکس پاڼه کې لیکلي: “دا پرېکړه  د منلو نده او څپه‌ییزې اوږدمهاله اغېزې به ولري.

Continue Reading

تازه خبرونه

کورني پانګوال د حاجیګک په اوسپنې کان کې ۶۵۰ میلیون ډالر پانګونه کوي

دا اعلان د دوشنبې پر ورځ( د غویی دوه‌ویشتمه) د دغو پانګوالو او د ریاست الوزراء د اقتصادي مرستیال ملا عبدالغني برادر ترمنځ په لیدنه کې رامنځته شو.

Published

on

Last Updated on: غویی ۲۳, ۱۴۰۴

یو شمېر کورنیو پانګوالو اعلان کړی، چې غواړي د حاجیګک د اوسپنې کان د یو بلاک د سپړلو او کېندنې لپاره په ۳ پړاوونو کې ۶۵۰ میلیون ډالر پانګونه وکړي.

دا اعلان د دوشنبې پر ورځ( د غویی دوه‌ویشتمه) د دغو پانګوالو او د ریاست الوزراء د اقتصادي مرستیال ملا عبدالغني برادر ترمنځ په لیدنه کې رامنځته شو.

د دغو پانګوالو د څرګندونو له مخې؛ دا پروژه به له یوه بهرني شرکت سره په ګډه او مسلکي توګه پلي شي.

د کانونو پر کېندنې سربېره په هېواد کې د اسفنجي اوسپنې د پروسس کولو لپاره یوه کارخونه هم جوړیږي، چې له نړیوالو معیارونو سره سم او د پرمختللې ټکنالوژۍ پر کارولو به فعالیت وکړي.

دا کارخونه به د ورځني د اسفنجي اوسپنې د ۹ زره ټنو د پروسس ظرفیت ولري او د شمس اوسپنې په انګټونو کې به یې تولید د هېواد کورني اړتیاوې پوره کړي. همدارنګه دا پروژه به په مستقیم ډول د ۶  زره کسانو لپاره کاري فرصتونه رامنځته کړي.

ملا عبدالغني برادر د دې پلان د هرکلي ترڅنګ ټینګار وکړ، چې اسلامي امارت په دې برخه کې هر اړخیزې همکارۍ ته چمتو دی. هغه د کانونو او پټرولیم وزارت چارواکو ته سپارښتنه وکړه، چې له پانګوالو سره ګډ کار وکړي او د پرمختګ راپورونه وړاندې کړي.

Continue Reading

تازه خبرونه

د اوبو او انرژۍ وزارت چارسمبالي په یوه نړیواله غونډه کې د ګډون لپاره ازبکستان ته سفر وکړ

دا کنفرانس به “د دوامداره انرژۍ لپاره سیمه‌ییزه همکاري” تر سرلیک لاندې د می له دیارلسمې څخه تر پېنځلسمې پورې ترسره شي.

Published

on

د اوبو او انرژۍ وزارت چارسمبالی عبداللطیف منصور د اسلامي امارت د پلاوي پر مشرۍ د انرژۍ په پېنځمه نړیواله غونډه کې د ګډون لپاره د ازبکستان پلازمېنې تاشکند ته سفر کړی دی.

دا کنفرانس به “د دوامداره انرژۍ لپاره سیمه‌ییزه همکاري” تر سرلیک لاندې د می له دیارلسمې څخه تر پېنځلسمې پورې ترسره شي.

د دې کنفرانس موخه د سیمه‌ییزې همکارۍ پیاوړتیا، د انرژۍ په ګډو پروژو کې د پانګونې راجلبول، د تجربو تبادله او د شنې ټکنالوژۍ وده ده.

تمه ده، چې د دې کنفرانس په لړ کې عبداللطیف منصور د سیمې له هېوادونو سره د همکارۍ پراخولو، بهرنۍ پانګونې راجلبولو او د انرژۍ سرچینو مدیریت په برخه کې د بریالیو نړیوالو تجربو پر کارولو ټینګار وکړي.

په دې نړیواله غونډه کې د سیمې د هېوادونو د استازو په ګډون د ازبکستان، قزاقستان، ترکمنستان او روسیې او همدارنګه د نړیوالې اټومي انرژۍ بنسټونه او نړیوال بانک په څېر ادارو استازي هم برخه  ولري.

Continue Reading
Advertisement

Trending

Copyright © 2025 Ariana News. All rights reserved!