Connect with us

تازه خبرونه

جاپان د افغانستان له خلکو څخه د ملاتړ ژمنه وکړه

Published

 on

(Last Updated On: تله ۲۱, ۱۴۰۱)

په کابل کې د جاپان سفیر تاکاشي اوکادا د چارشنبې پر ورځ د افغانستان د بهرنیو چارو له وزیر امیرخان متقي سره وکتل او اسلامي امارت ته یې د خپل هېواد له ملاتړه ډاډ څرګند کړ.

د بهرنیو چارو وزارت د څرګندونو له مخې؛ متقي دغه پلاوي ته په اقتصادي په برخه کې له شویو پرمختګونو یادونه وکړه؛ له بهرنیو مرستو پرته د دولت د بودیجې تصویب، د عوایدو راټولول، له نشه یي توکو سره مبارزه، د روږدو درملنه او د بشري حقونو په اړه پر لاسته راوړنو خبرې وکړې.

د جاپان سفیر د افغانستان له خلکو سره په بېلابېلو برخو کې د جاپان له همکاریو ډاډ څرګند کړ؛ خو د بشري حقونو په برخه کې یې د پوره پاملرنې پر اړتیا ټینګار وکړ.

دا لیدنه او د ملاتړ ډاډ له هغې وروسته رامنځته شو، چې د بایدن ادارې پر ښځو او نجونو د بندیز لګولو له کبله د افغانستان اسلامي امارت پر اوسنیو او پخوانیو غړیو د ویزې نوي محدودیتونه ولګول.

د افغانستان اسلامي امارت پر ښځو د محدودیتونو او ځورولو ادعاوې رد کړې او وايي، چې نړۍ باید پر هغوی د فشار پر ځای له اسلامي امارت سره همکاري وکړي او د تعامل لاره خپله کړي.

د بهرنيو چارو وزارت ویاند ويلي، چې اختلافي مسئلې دې له ديپلوماتيکو لارو اوارې شي او داسې پرېکړې، چې د دواړو لوريو په ګټه نه وي؛ بايد پرې له سره غور وشي.

تازه خبرونه

د اسلامي اردو پر جوړولو  منظم او داډمن کار روان دی – دفاع وزارت

Published

on

(Last Updated On: سلواغه ۵, ۱۴۰۱)

د هېواد د وسلوالو ځواکونو لوى درستيز ويلي؛ د اسلامي امارت او دفاع وزارت لخوا د اسلامي اردو پر جوړولو منظم او ډاډمن کار روان دی.

د ملي دفاع وزارت ستر درستیز فصيح الدين فطرت د مخابرې ریاست د سرتېرو د فراغت په مراسمو کې ویلي؛ اسلامي امارت او دفاع وزارت تل د یوې داسې اردو د جوړولو هحې کړي، چې د ایمان او عقیدې پر وسله سمبال وي؛ ځکه، چې د اسلامي امارت ځواکونو په همدې وسلې د نړۍ د قدرتونو پر وړاندې بریا ترلاسه کړې ده.

دغه لوړپوړي امنيتي چارواکي له فارغو شویو سرتېرو وغوښتل، چې د خلکو او هېواد خدمت ته ژمن پاتې شي او په پوره اخلاص او صداقت ګامونه پورته کړي.

د هېواد دغه لوړ پوړي دفاعي چارواکی زیاته کړې، چې د اسلامي امارت ځواکونه د اطاعت له پلوه په نړۍ کې ساری نلري.

د ده په وینا د سرتېرو لخوا د خپل مشر اطاعت د نړۍ پر زبرځواکونه بریا ته ورسول.

نوموړي په افغانستان کې د اسلامي نظام د ټينګښت لپاره د اسلامي امارت د رهبرۍ اطاعت مهم وباله.

د مخابرې ریاست دې سرتېرو درې میاشتنۍ زده‌کړې بشپړې کړې او د فراغت سندونه یې ترلاسه کړل.

Continue Reading

تازه خبرونه

اسلامي امارت په هېواد کې معیاري ښوونیزو خدمتونو ته ژمن دی

Published

on

(Last Updated On: سلواغه ۶, ۱۴۰۱)

پرون د پوهنې وزارت د پوهنې د نړیوالې ورځې په مناسبت په یوه اعلامیه کې ویلي، چې زده‌کړه د هر افغان لپاره لازمه ده او دا وزارت ژمن دی، چې په هېواد کې معیاري ښوونیز خدمتونه وړاندې کړي.

په دې اعلامیه کې ویل شوي، چې زده‌کړه د هر افغان لپاره لارمه ده او اسلامي امارت ژمن دی، چې معیاري تعلیمي خدمتونه وړاندې کړي.

په اعلامیه کې راغلي، چې نړۍ باید دغه وزارت د معیاري تعلیمي خدمتونو په وړاندې کولو کې یوازې پرې نږدي.

د پوهنې وزارت په اعلامیه کې راغلي: د پوهنې وزارت خپلو خلکو او نړیوالې ټولنې ته ډاډ ورکوي، چې اسلامي امارت تعلیم او زده‌کړه د هر افغان لپاره اړینه ګڼي، له اقتصادي محدودیتونو سره سره یې ۱۹۰۰۰ ښوونځي او ۱۳۰۰۰ دیني مدرسې پرانیستي دي او دوه نیم میلیون نجونې هم ښوونځیو ته ځي.

د امریکا د بهرنیو چارو وزارت او د ملګرو ملتونو تعلیمي او فرهنګي ټولنې یا یونسکو دواړو ویلي، چې افغان ښځې او نجونې د زده‌کړو له حقه بې برخې دي.

د یونیسکو عمومي منشي آډري ازولي وایي: یونسکو غواړي سږکال دا ورځ افغان ښځو او نجونو ته ځانګړې کړي، مونږ غواړو، چې د ښځو او نجونو د کار او زده‌کړې حقونه پرته له ځنډه دوی ته ورکړ شي. د ښځو د کار او زده‌کړې پر وړاندې جګړه باید ودرول شي؛ ځکه هره نجلۍ او هلک د زده‌کړې حق لري.

ځینې محصلینې او زده‌کوونکې  له اسلامي امارته غواړي، چې تعلیمي او تحصیلي بندیزونه لرې کړي او دوی ته درسونو ته د ستنېدو اجازه ورکړي.

یو شمېر کارپوهان وايي، چې زده‌کړو ته لاسرسی د ټولنې د هر غړي اساسي او بشري حق دی او باید دا حق له هیچا وانه خیستل شي.

اسلامي امارت پر نجونو د ثانوي او پوهنتوني زده‌کړو محدویتونه دایمي نه بولي؛ خو تمې دادي، چې په را روان پسرلي کې به د نجونو پر مخ د ښوونځیو او پوهنتونونو دروازې پرانیستل شي.

Continue Reading

تازه خبرونه

کابلوف د افغانستان پر ورستیو تحولاتو د خبرو لپاره پاکستان ته سفر کړی

Published

on

(Last Updated On: سلواغه ۵, ۱۴۰۱)

د افغانستان لپاره د پاکستان استازي محمد صادق څرګنده کړې؛ د افغانستان لپاره د روسیې ځانګړي استازي ضمیر کابلوف د سیمې پر وروستیو تحولاتو د خبرو لپاره پاکستان ته سفر کړی دی.

محمد صادق د سه شنبې پر ورځ تویت کړ، چې له کابلوف سره یې د مسکو او اسلام‌آباد ترمنځ د نږدې همکارۍ پر اړتیا هم خبرې کړې دي. هغه کابلوف د پام وړ ښه او پوه دیپلومات په توګه وستایه.

کابلوف پاکستان ته له سفر مخکې په افغانستان کې د اسلامي امارت له لوړ پوړیو چارواکو سره هم کتلي دي.

د افغانستان د بهرنیو چارو وزارت د ویاند مرستیال حافظ ضیا احمد تېره اوونۍ څرګنده کړې وه، چې کابلوف د بهرنیو چارو له وزیر امیرخان متقي سره لیدلي او ټینګار یې کړی، چې روسیه د غربي حکومتونو په څېر نیوکې نکوي.

نوموړي زیاته کړې؛ کابلوف ویلي، هېواد یې په افغانستان کې اقتصادي پرمختګ او ثبات لیدل غواړي او د افغانستان په کورنیو چارو کې د دولت پر چارواکو نیوکې او لاسوهنه نکوي.

Continue Reading

Trending

Copyright © 2022 Ariana News. All rights reserved!