Connect with us

تازه خبرونه

حکومتي پلاوي د کاج ښوونیز مرکز د برید د قربانیانو له کورنیو سره وکتل

Published

 on

(Last Updated On: تله ۱۱, ۱۴۰۱)

د کورنیو چارو وزارت د دفتر رییس زین الله عابر په مشرۍ یوه پلاوي د کاج  ښوونیز مرکز د برید د قربانیانو له کورنیو سره وکتل او خپله خواخوږي ورته وړاندې کړه.

همدارنګه د کورنیو چارو وزارت دغه پلاوي له دوی سره د هر ډول همکارۍ ژمنه وکړه او د وژل شویو له کورنیو سره یې سل زره افغانۍ او له ټپیانو سره پنځوس زره افغانۍ نغدي مرسته وکړه.

پلاوي څرګنده کړې، چې د کورنیو چارو وزارت مشرتابه د قربانیانو له کورنیو سره ځان په دې غم کې شریک بولي.

پلاوي ویلي: دا قاتلین، دا وحشيان او دا جنایتکاران هیڅ دین او انسانیت نه پېژني او هر څه، چې کولی شي هغه کوي او مونږ ټول یې موخه یوو.

د افغانستان د اسلامي امارت د اقتصاد وزارت مرستیال او د قربانیانو له کورنیو سره لیدنې ته د راغلي پلاوي غړي عبداللطیف نظري ویلي، دښمنان د دا ډول کړنو له په ترسره کولو سره د ملت د وېشلو هڅه کوي.

نظري وایي: د افغانستان د ثبات، امنيت، پرمختګ او پرمختګ دښمنان هڅه کوي، چې د افغانستان د خلکو ترمنځ تفرقه، نفاق، تاوتريخوالى او کرکه رامنځته کړي.

د کابل په یوه ښوونیز مرکز کې د جمعې د ورځې خونړۍ چاودنه په کور دننه او نړیواله کچه پراخې غندنې راپارولې دي.

د کابل د پولیسو ویاند خالد ځدراڼ ويلي، د لومړنیو معلوماتو له مخې د کاج په ښوونیز مرکز کې چاودنې د هلکانو او نجونو په ګډون ۱۹ تنه وژلي او ۲۷ نور یې ټپیان دي.

د کورنیو چارو وزارت هم د چاودنې دغه مرګ و ژوبله تائید کړې ده.

دغه چاودنه د اسلامي امارت، افغان سیاسي مشرانو او بهرنیو دیپلوماتیکو ماموریتونو لخوا په پراخه کچه غندل شوې ده.

د اسلامي امارت ویاند ذبیح الله مجاهد په یوه ټویټ کې دغه برید غندلی او هغه یې یو لوی وحشت بللی دی.

د خصوصي ښوونځيو او کورسونو د قربانیانو کورنیو ویلي؛ لوړ پوړي چارواکي دې دوی ته د ټوپک اجازه ورکړي، چې دا مرکزونه په خپله خپل امنیتي تدابیر ونیسي.

دا په داسې حال کې ده، چې یوناما یا په افغانستان کې د ملګرو ملتونو سیاسي استازولۍ نن دوشنبه ويلي؛ د کاج په ښوونیز مرکز کې د چاودنې د قربانیانو شمېر مخ په ډېرېدو دی او تر دې دمه د ۴۶ نجونو په ګډون ۵۳  زدکوونکي وژل شوي او ۱۱۰ نور ټپیان دي .

تازه خبرونه

هالندي ځواکونه په افغانستان کې له یوه بریده ژوندي پاتې کسانو ته تاوان ورکوي

Published

on

(Last Updated On: سلواغه ۱۵, ۱۴۰۱)

د هالند حکومت اعلان کړی، چې په افغانستان کې د هالندي ځواکونو لخوا د ۲۰ ملکي وګړیو د وژل کېدو په اړه به د محکمې د پرېکړې پر وړاندې استیناف غوښتنه ونکړي.

د اسوشیېتد پرس خبري آژانس د راپور له مخې؛ د هاګ ښار یوې سیمه ییزې محکمې د تېر کال په نومبر میاشت کې د هالند له حکومته وغوښتل، چې د روزګان ولایت په چوره ولسوالۍ کې د ۲۰۰۷ ز. کال له هوایي بریده ژوندي پاتې شویو کسانو ته تاوان ورکړي.

د هالند دفاع وزارت هغه مهال ادعا وکړه وه، چې د هوايي برید له کبله په نښه شوې ودانۍ کې د اسلامي امارت ځواکونه ول؛ خو محکمې په ډاګه کړې؛ د هالند پوځ دومره معلومات نلرل، چې دغه ځای پر نښه کړي.

د هالند دفاع وزیر کایسا اولونګرین د جمعې په ورځ د خپل هېواد د پارلمان غړیو ته په یوه لیک کې څرګنده کړې، چې له پېښې ۱۵ کاله تېر شوي او اوس د وضاحت لپاره ډېر اسناد نشته.

هغه وایي، چې دوی به د محکمې د پرېکړې په اړه استیناف غوښتنه ونکړي او د رامنځته شویو زیانونو تاوان به ورکړي.

Continue Reading

تازه خبرونه

اسلامي امارت دې د رسمیت پېژندلو لپاره خپلې ژمنې پوره کړي

Published

on

(Last Updated On: سلواغه ۱۵, ۱۴۰۱)

د امریکا د ملي امنیت شورا د ستراتیژیکو اړیکو همغږي کوونکي ویلي، که طالبان( اسلامي امارت) د نړیوالې ټولنې لخوا پر رسمیت پېژندل غواړي؛ نو باید خپل مسوولیتونه ترسره کړي.

د امریکا د ملي امنیت شورا د ستراتیژیکو اړیکو همغږي کوونکي ویلي، چې اسلامي امارت له خپلو ژمنو څخه پر سرغړونه ځانونه نور هم منزوي کوي او د طالبانو دا کړنې به خپلې پایلې هم ولري.

جان کربي له امریکا غږ سره په مرکه کې څرګنده کړې: دوی (اسلامي امارت) غواړي، چې له نړیوالې ټولنې سره یو ځای شي او دوی په دې اړه ژمنې هم کړي. دوی په دوحه کې ژمنه وکړه او د کابل له نیولو وروسته یې په ځانګړې توګه ژمنه وکړه، چې په مسوولانه ډول به حکومت کوي او په افغانستان کې د ښځو او نجونو پرمختګ ته درناوی کوي؛ خو  مونږ ګورو، چې اوس دوی له دې ژمنو څخه سرغړونه کوي.

هغه زیاته کړې: له همدې کبله که طالبان (اسلامي امارت) وغواړي، چې مشروع وګڼل شي، که غواړي د نړیوالې ټولنې لخوا پر رسمیت وپیژندل شي، که غواړئ، چې په خپل هېواد کې د مالي مرستې او پانګونې غوښتونکي وي؛ نو باید خپلې ژمنې پوره او عمل پرې وکړئ.

د دې پوښتنې په ځواب کې، چې آیا امریکا په افغانستان کې د داعش پر وړاندې د اسلامي امارت پر مبارزه قانع دی؛ کربي ویلي، چې اسلامي امارت یې باید ځواب ورکړي.

هغه دا هم په ډاګه کړې: دوی (اسلامي امارت) په افغانستان کې د داعش تر دوامداره ګواښ لاندې دی. دوی څنګه او کله د داعش پر ضد عملیات کوي او یا یې څنګه تعقیبوي. دوی (اسلامي امارت) باید په دې اړه خبرې وکړي.

دا په داسې حال کې ده، چې اسلامي امارت تل د داعش د ځپلو او د هغو د هڅو د مخنیوي غږ پورته کړی او وایي د؛

 که نړيواله ټولنه غواړي، چې وضعيت ښه شي، اندېښنو او ستونزو ته د پای ټکی کېښودل شي، نړۍ باید  له اسلامي امارت سره اړيکې ټينګې  کړي او پر رسميت یې وپېژني.

Continue Reading

تازه خبرونه

مسکو راتلونکې اوونۍ د افغانستان په اړه د سیمې د هېوادونو د امنیتي غونډې کوربتوب کوي

Published

on

(Last Updated On: سلواغه ۱۵, ۱۴۰۱)

د افغانستان لپاره د روسیې ځانګړي استازي د جمعې پر ورځ تاس خبري آژانس ته څرګنده کړې، چې راتلونکې اوونۍ به په مسکو کې د افغانستان په اړه د سیمې د هېوادونو د امنیتي چارواکو په ګډون د یوې ناستې کوبتوب وکړي.

کابلوف ویلي، چې د افغانستان په اړه امنیتي ناستې ته د منځنۍ آسیا هېوادونو په ګډون د پاکستان، هند او چین د امنیت شورا سلاکاران رابلل شوي دي.

د افغانستان په اړه د لوړپوړیو امنیتي چارواکو ترمنځ د څو اړخیزو سلامشورو د څلورم پړاو کوربتوب تېر په مې میاشت کې تاجکستان کړی و.

روسیه په داسې حال کې د سیمې د هېوادونو د راتلونکې امنیتي غونډې ناستې کوربتوب ته چمتووالی نیسي، چې دغه هېواد تل په افغانستان کې د داعش پر شتون اندېښنه ښودلې ده.

کابلوف شاوخوا دوه اوونۍ وړاندې ویلي وه، چې په افغانستان کې د داعش حضور نه یوازې د منځنۍ آسیا د هېوادونو او د افغانستان د نورو ګاونډ هېوادونو د ثبات لپاره، بلکې د روسیې د امنیت پر ضد هم دی.

اسلامي امارت څو ځله ډاډ ورکړی، چې د افغانستان خاوره به د نورو هېوادونو د امنیت پر ضد نه کارول کېږي.

Continue Reading

Trending

Copyright © 2022 Ariana News. All rights reserved!