Connect with us

تازه خبرونه

حکومت د طالبانو له اختریز اوربنده هرکلی څرګند کړ

Published

 on

(Last Updated On: زمری ۷, ۱۳۹۹)

د افغانستان حکومت د لوی اختر په ورځو کې د طالبانو له درې ورځني اوربنده هرکلی وکړ او اعلاموي، چې د افغانستان امنیتي ځواکونه به هم اوربند مراعت کړي.

د ولسمشرۍ ویاند صدیق صدیقي ویلي، چې د افغانستان حکومت  د طالبانو له درې ورځني اوربنده هرکلی کوي او د ولسمشر د سپارښتنې له مخې افغان ځواکونه اړ دي، چې درې ورځنی اوربند مراعت کړي.

نوموړي زیاته کړې، چې د افغانستان خلک د تلپاتې اوربند هیله من او د خپلمنځي خبرو د پیلولو غوښتونکي دي.

د ولسمشرۍ د ویاند د څرګندونو له مخې؛ تر هغې، چې طالبان اوربند مات نکړي؛ افغان ملي، امنیتي او دفاعي ځواکونه به هم د طالبانو پر وړاندې عملیات نکوي.

د افغانستان لپاره د اروپایي اتحادیې ځانګړي استازي رولاند کوبیا د طالبانو لخوا د اوربند له اعلان وروسته دا کار د سولې په خبرو کې یو پرمختګ ونوماوه او څرګندوي، چې دا دسولې خبرو پر لوري یو نږدې ګام دی.   

نوموړي زیاته کړې؛ اروپایي ټولنه د څو ورځني اوربند پر ځای د اوږده اوربند هیله منه ده او غواړي، چې طالبان د اوربند غزولو ته وهڅوي. د افغانستان خلک نه یوازې سوله غواړي، بلکې باید ترې برخمن هم شي.  

دغه راز ولسمشر اشرف غني غرمه مهال د سام په ویدیوي ناسته کې له طالبانو وغوښتل، چې په اختر کې اوربند وکړي.

اشرف غني د سام په څلورمه ناسته کې وښوده، چې حکومت د سولې لپاره د دوحې د هوکړې له مخې د ۵۰۰۰ طالب بندیانو خوږشې کول هم بشپړوي.

هغه دا هم ویلي، چې له دې وروسته مونږ پرته له خنډه د پراخ او هراړخیز اوربند هیله من یو.

نوموړي له طالبانو وغوښتل، چې خپلمنځي خبرو ته دې راودانګي او دغه اوربند د راتلونکي لپاره ښه زیری لري.

دا په داسې حال کې ده، چې طالبانو نن مازیګر د لوی اختر په ویاړ درې ورځنی اوربند اعلان کړ او له ښکېلو خواوو یې غوښتي، چې په خپلو سیمو کې اختر ونمانځي او ترې خوند واخلي.

تازه خبرونه

د نجونو د لیسو د تړلو لپاره کوم اسلامي دليل نشته – عباس ستانکزی

Published

on

(Last Updated On: تله ۵, ۱۴۰۱)

په افغانستان کې د نجونو د منځنیو ښوونځیو او لیسو له تړل کېدو یو کال وروسته د بهرنیو چارو وزارت سیاسي مرستیال یو ځل بیا په ټول افغانستان کې د نجونو د ښوونځیو د پرانیستلو غوښتنه وکړه.

په کابل کې د ګرځندوى د نړيوالې ورځې د نمانځنې په مراسمو کې ویلي، چې زدکړه پر ښځو او نرينه وو فرض ده او هغه څوک، چې د نجونو د زدکړو مخالف دي او او تبعیضي چلند کوي؛ بايد شرعي دلايل وړاندې کړي.

د بهرنيو چارو وزارت سياسي مرستيال شېر محمد عباس ستانکزی وایي: تعلیم پر  نر او ښځه فرض دی؛ هیڅوک شرعي د لیل نلري او ژر باید ټولو ته د زدکړې زمینه برابره شي، چې دا د اسلامي امارت له د ندوه څخه ده او ستونزې باید د پوهنې وزارت عاجلې حل کړي.

ده په ټولو افغانانو غږ وکړ، چې د بښنې له حکم څخه ګټه پورته کړي او هېواد ته راستانه شي.

شېر محمد عباس ستانکزي له هغو سیاسیونو او افغانانو، چې له هېواده بهر دي د بېر ته راستنېدو غوښتنه وکړه.

هغه زیاته کړې، چې  په ګاونډ او سیمې هېوادونو کي غونډې او مخالفتونه نشي کولی  دوی ته ګټه ورسوي؛ ځکه، چې اسلامي امارت  به هیچاته د هېواد د نظم او امنیت د اخلال اجازه ورنکړي.

نوموړي ویلي: په تاجکستان، ویانا او ترکیه کې دا ناستې کومه ګټه نلري او تاسې بیا هم له بهرنیانو مرسته غواړئ؛ تاسې ملت استفراق کړي یاست او له پخوانیو تېرو تنو لاس واخلئ.

د اسلامي امارت د امربالمعروف او نهی عن المنکر وزارت مسوولینو بیا د زد کړو په اړه بل نظر لري او څرګندوي، چې زدکړه که د یني نه وي  بیا یې مباح بولي.

د اسلامي امارت د امربالمعروف او نهی عن المنکر وزیر مولوي خالد حنفي وایي: د نجونو تعلیم  مباح ده او که د اسلامي نظام د ګټې لپاره يي څوک کوي هغه بیا مستحب ده بیا دي وشي.

مولوي  خالد حنفي زیاتوي؛ مونږ په لومړیو کې احمد مسعود ته عذر وکړ؛ خو هغه رانغی او بغاوت يې وکړ. ولي د بغاوت څه اړتیاوه؟!

دغه راز د ګرځندوی د نړیوالې ورځې په ویاړ جوړې شوي غونډې ته د افغانستان د اسلامي امارت د رییس لوزرا اداري مرستیال عبدالسلام حنفي ویلي، چې د هېواد په ټولو ولایتونو کې کورنیو او بهرنیو سیلانیانو ته د سیاحت زمینه برا بره شوې ده.

د رییس الوزرا دوه یم مرستیال عبد السلام حنفي زیاته کړې: زمونږ په هېواد کې اوس سرتاسري امنیت ټینګ دی او په دې کې ټول افغانان او بهرني سیلانیان کولی شي د افغانستان له طبیعې ښکلا او تاریخي سیمو لیدنه وکړي.

په دې اړه د اطلاعاتو او فرهنګ وزارت سرپرست خیرالله خیرخواه وایي: مونږ کوښښ کوو د هېواد په کچه خپلو هېوادوالو ته آسانتیاوي برابرې کړو، چې د کورنیو سیلانیانو تر څنګ بهرني سیلانیان هم افغانستان ته راشي او اوس هم راغلي دي.

د اسلامي امارت مسوولین زیاتوي، چې په هېواد کې د ګرځندوی صنعت د پراختیا په  برخه کې به کورنیو او بهرنیوسیلا نیانوته آسانتیاوې زیاتې کړي، چې له دې لارې د سیمې او نړۍ د یو شمېر هېوادونو په څېر افغانستان ته هم له خپلو تاریخي او طبیعي ښکلاوو څخه د زیاتو عوایدو د ترلاسه کولو زمینه برابره شي.

Continue Reading

تازه خبرونه

د ملګرو ملتونو امنیت شورا د افغانستان د روان وضعیت په اړه غونډه کوي

Published

on

(Last Updated On: تله ۴, ۱۴۰۱)

د ملګرو ملتونو د اووه ورځنۍ غونډې له پای ته رسېدو وروسته ټاکل شوې، چې د دغې ټولنې امنیت شورا سبا سې شنبه د تلې پر پېنځمه د افغانستان د روان وضعیت د څېړلو لپاره خپله غونډه وکړي.

تمه ده، چې د ملګرو ملتونو د امنیت شورا په دې غونډه کې د افغانستان پر اقتصادي، بشري او د دې هېواد له خاورې پر امنیتي اندېښنو خبرې وشي.

د افغانستان د څوکۍ چارسمبالی نصیراحمد فایق به په دې غونډه کې ګډون او وینا وکړي.

په ملګرو ملتونو کې د افغانستان د څوکۍ چارسمبالی نصیراحمد فایق په یوه تویت کې څرګنده کړې؛ په دې غونډه کې به د افغانستان استازیتوب وکړي.

په ملګرو ملتونو کې د افغانستان د څوکۍ چارسمبالی نصیراحمد فایق څرګنده کړې: زه به د ملګرو ملتونو د امنیت شورا په هغه غونډه کې، چې د سپتمبر پر ۲۷ د افغانستان د وضعیت په اړه جوړېږي او تمرکز به یې د افغانستان د وضعیت په اړه بحث وي؛ ګډون او وینا وکړم. په دې مهمه غونډه کې به د تل په څېر د خپل ولس په استازیتوب د دوی غوښتنې او غږ پورته کوم.

د اسلامي امارت د ویاند مرستیال بلال کریمي وايي؛ د هرې هغې غونډې هرکلی کوو، چې د افغانستان له حکومت او خلکو سره د همکارۍ لپاره جوړېږي او ټینګار کوي، چې دا غونډې باید د افغانستان له نوي حکومت سره د تعامل او همکارۍ د پراخولو زمینه برابره کړي.

د اسلامي امارت له بیا واکمنېدو راپدیخوا د ملګرو ملتونو د امنیت شورا په غونډو کې د افغانستان وضعیت له تودو موضوعاتو څخه و او تر دې دمه دې ټولنې د افغانستان د اقتصادي، بشري او امنیتي اندېښنو په اړه څو ځانګړې غونډې کړې، چې وروستۍ هغه یې د روان کال د وږي میاشتې پر اوومه نېټه د روسیې په غوښتنه غونډه ده.

په داسې حال کې، چې د افغانستان اسلامي حکومت په تېرو نږدې څوارلس میاشتو کې هم له رسمي دریځه برخمن شوی ندی او په ملګرو ملتونو کې د افغانستان څوکۍ ورسپارل شوې نده او اسلامي امارت دا چاره غیرعادلانه او د نړیوالو اصولو او قوانینو خلاف بولي او ټینګار کوي، چې د مشروع دولت ټول شرایط یې پوره کړي دي.

Continue Reading

تازه خبرونه

شیخ یوسف القرضاوي وفات شو

Published

on

(Last Updated On: تله ۴, ۱۴۰۱)

د اسلامي نړۍ نومیالی عالم او د مصر د اخوان المسلمین روحاني مشر شیخ یوسف القرضاوي نن دوشنبه د تلې پر څلورمه د ۹۶ کلونو پر عمر وفات شو.

شیخ القرضاوي د اسلامي عالمانو د نړیوال اتحاد بنسټ ایښودونکی هم و.

د نوموړي له ۱۲۰ ډېر کتابونه خپاره شوي او په دیني علومو کې یې اته نړیوالې جایزې ترلاسه کړي. شیخ القرضاوي په اوسني وخت کې یو له خورا اغېزمنو اسلامي عالمانو څخه و.

نوموړي په الجزیره شبکه کې خپله د شریعت او ژوند خپرونه خپروله، چې په ټوله نړۍ کې له ۴۰ څخه تر ۶۰ میلیون لیدونکي لري.

القرضاوي د اخوان المسلمین یو له مخکښو فکري شخصیتونو څخه و، چې د خپل ژوند په ټول اوږده پړاو کې یې خپله سیاسي او دیني پوهه په ساده ژبه وړاندې کړه.

د افغانستان اسلامي امارت د خواخوږۍ په یوه پیغام کې څرګنده کړې، چې د شیخ یوسف القرضاوي مړینه د اسلامي امت لپاره یوه نه جبرانېدونکې ستره ضایعه ده.

Continue Reading

Trending

Copyright © 2022 Ariana News. All rights reserved!