Connect with us

تازه خبرونه

خلیلزاد د خپلو سفرونو وروستي جزئیات له افغان مشرانو سره شریک کړل

خپور شوی

د

(Last Updated On: کب ۲۵, ۱۳۹۹)

د افغانستان د سولې لپاره د امریکا ځانګړي استازي زلمي خلیلزاد نن (دوشنبه د کب ۲۵) د قطر له درې اړخیزې ناستې وروسته په کابل کې د افغان حکومت مشرانو ته د خپلو سفرونو وروستي پرمختګونه وړاندې او پرې بحث او خبرې وشوې.

ولسمشرۍ څرګنده کړې، چې ولسمشر غني نن له غرمې وروسته له زلمي خلیلزاد سره ولید او خلیلزاد ولسمشر غني ته د خپلو وروستيو سفرونو، هڅو او غونډو په اړه معلومات ورکړل او دواړو لوریو د سولې بهیر او د ورپسې ګامونو په اړه خبرې وکړې.

دغه راز د ملي پخلاینې عالي شورا مشر عبدالله عبدالله هم له زلمي خلیلزاد سره لیدلي او وایي، چې د غونډې په بهیر کې د افغانستان د سولې پر وروستيو پرمختګونو، د پخلاینې عالي شورا د مشرتابه کمیټې د وروستۍ غونډې پر پرېکړه، په افغانستان کې د سولې په اړه د مسکو – ترکیې پر کنفرانس، د دوحې خبرو، د خبرو ګړندي کیدو پر بهیر او د تاوتریخوالي پر کمولو بحث وشو.

دغه راز د ملي پخلاینې عالي شورا سرچینو نن آرین نیوز ته ویلي، چې د ملي پخلاینې شورا مشر عبدالله عبدالله په مشرۍ د افغان حکومت یو پلاوی به د مسکو په ناسته کې ګډون وکړي.

سرچینې نور جزئیات ندي وړاندې کړي او د مسکو ناستې ته یې د ګډون کوونکیو استازیو کره شمېر هم  څرګند کړی ندی.

طالبانو هم منلې، چې د ملا برادر په مشرۍ به یې یو لس کسیز پلاوی د مسکو په ناسته کې ګډون وکړي.

د مسکو غونډه د روان زېږدیز کال د می میاشتې پر ۱۸ نېته جوړېدونکې ده، چې په کې به د امریکا په ګډون د سیمې د هېوادونو استازي ګډون کوي.

تازه خبرونه

افغان بیسیم د ننګرهار په حصارک ولسوالۍ کې ۳‌جي ‌او ۲‌جي انټرنیټي خدمات فعال کړل

Published

on

(Last Updated On: کب ۴, ۱۴۰۲)

د افغان بیسیم مخابراتي شبکې مسوولینو ويلي؛ د ننګرهار په حصارک ولسوالۍ کې یې د دوه‌یم او درېیم نسل ۳‌جي او ۲‌جي انټرنیټي خدمتونه فعال کړي دي.

د دې شبکې د مسوولینو د څرګندونو له مخې اوس په دې ولسوالۍ کې زرګونه کورنۍ له ۳‌جي او ۲‌جي  انټرنیټي خدمتونو برخمنې شوې دي.

دوی زیاته کړې، چې د دغه ولایت په نورو ولسوالیو کې به د انټرنټ نوی نسل ته هم د پراخېدو زمینه برابره کړي.

په ختيځ زون کې د افغان بیسيم مخابراتي شبکې مشر عطاالله ساحل ويلي: دغه ستن د اړوند معيارونو له مخې جوړه شوې او نن مو دلته د ۳‌جي او ۲‌جي انټرنېټي خدمات فعال کړل.

د دې ولایت سیمه‌ییز چارواکي د افغان بيسیم مخابراتي شبکې د انټرنېټي خدمتونو له پراخېدو هرکلی کوي او وايي، چې دغه خدمتونه باید په نورو ولسوالیو کې هم فعال شي.

په ننګرهار کې د مخابراتو او معلوماتي ټکنالوجۍ رییس ذبیح الله ذکي وایي: د افغان بیسیم یوه ستن فعاله شوه، چې دا مهال د ۳‌جي او ۲‌جي انټرنیټي خدمات وړاندې کوي.

د حصارک ولسوالۍ اوسیدونکي خوښ دي، چې د نوي نسل انټرنېټي خدمتونو ته لاس‌رسی لري او غواړي نرخونه يې راټيټ شي.

د ننګرهار د حصارک ولسوالۍ اوسیدونکي جنت ګل وایي: مونږ ډېر خوښ يوو، چې دلته د افغان بیسيم ستن فعاله شوه.

دا په داسې حال کې ده، چې په دې ولسوالۍ کې د مخابراتي او انټرنیټي خدمتونو د وړاندې کولو لپاره افغان بیسیم دوه سایټونه فعال کړل او د یو بل نوي سایټ د فعالېدو هڅې روانې دي.

Continue Reading

تازه خبرونه

د سوداګرۍ وزارت له ۲۲ بنسټونو سره هوکړه لیکونه لاسلیک کړل

Published

on

(Last Updated On: کب ۱, ۱۴۰۲)

د سوداګرۍ او صنایعو وزارت د دوشنبې پر ورځ (د سلواغې دېرشمه) د درې اعشاریه پېنځه میلیون ډالرو پر ارزښت له ۲۲ کورنیو بنسټونو سره د کوچنیو او منځنیو تشبثاتو د ودې، پراختیا او همکارۍ هوکړه لیکونه لاسلیک کړل.

د یاد وزارت د څرګندونو له مخې؛ د یادو هوکړه لیکونوموخه د کوچنیو او منځنیو تشبثاتو پراختیا او هڅونه ده.

دغه وزارت زیاته کړې، چې ټاکل شوې دغه پروژې د ۱۴ ولایتونو په بېلابېلو سکتورونو کې پلې شي او ورسره به ۶۰۴۵ کسانو ته د کار زمینه برابره شي.

Continue Reading

تازه خبرونه

ناروې په افغانستان کې د اقلیم د بدلون په اړه غونډه جوړوي

Published

on

(Last Updated On: کب ۱, ۱۴۰۲)

اسلامي امارت د افغانستان لپاره د ناروې د کمیټې د مشر تاريه مګنوسین د څرګندونو له مخې ویلي، چې ناروې به په افغانستان کې د اقلیمي بدلون د پایلو په اړه غونډه جوړه کړي.

نوموړي د اسلامي امارت د چاپېریال ساتنې چارو له مرستیال زین‌العابدین عابد سره په کتنه کې څرګنده کړې، چې دغه غونډه به په کابل کې دوه میاشتې وروسته جوړه شي.  

په دې کتنه کې موګنوسین زیاته کړې، چې دوی به په کابل کې د چاپېریال ساتنې له ملي ادارې او نړیوالو موسسو سره په افغانستان کې د اقلیم د بدلون په اړه غونډه جوړه کړي.

دغه راز زین‌العابدین عابد هم په کرنه، اوبولګولو، روغتیا او ځینو نورو برخو کې د اقلیمي بدلون د منفي پایلو په اړه خبرې کړې دي.

د تېر کال د سرطان په میاشت کې د ملګرو ملتونو د بشري مرستو د همغږۍ دفتر ویلي وه؛ افغانستان له هغو لس زیانمنو هېوادونو څخه دی، چې له اقلیمي بدلون او طبیعي پېښو سره مخ دي.

دې ټولنې په افغانستان کې د وچکالۍ د زیاتوالي په اړه هم خبرداری ورکړی او دا یې د خلکو هوساینې او لوږې لپاره ګواښ ګڼلی و.

د ملګرو ملتونو د اټکلونو له مخې؛ افغانستان د اقلیمي بدلون له خطر سره مخ څلورم او اتم زیانمن هېواد پر ګوته شوی دی.

Continue Reading

Trending

Copyright © 2022 Ariana News. All rights reserved!