Connect with us

تازه خبرونه

خلیلزاد له قطري چارواکو څخه د سولې په رامنځته کولو کې مرسته وغوښته

Published

 on

(Last Updated On: چنګاښ ۲۱, ۱۴۰۰)

د افغانستان د سولې لپاره د امریکا ځانګړي استازي زلمي خلیلزاد د قطر د بهرنیو چارو له وزیر سره په لیدنه کې له هغه غوښتي، چې د افغان سولې خبرو پیلیدو ته لار اواره کړي.

د خلیلزاد په وینا قطر کولی شي، چې په افغانستان کې د سولې له ټینګښت سره مرسته وکړي.

د افغان سولې لپاره د امریکا ځانګړی استازی زلمی خلیلزاد قطر ته تللی او د دې هېواد د بهرنیو چارو له وزیر سره یې په کتنه له هغه غوښتي، چې د افغان سولې د خبرو د پیلیدو لپاره لازمې هڅې وکړي.

د ولسي جرګې ځينو غړيو له افغان حکومت او طالبانو غوښتي، چې د سولې لپاره د ملت تمه پای ته ورسوي او خبرې پیل کړي.

په ولسي جرګه کې د کابل استازی رمضان بشردوست وایي: د سولې خبرو دواړه خواوې د خپلو ځانګړیو ګټو د ترلاسه کولو لپاره په اختلاف کې دي. جګړه ورته ګټه او ځواک دی. دوی باید ژر تر ژره خبرې پیل کړي.

په ولسي جرګه کې د هرات استازی حمیدالله حنیف وایي: د سولې خبرې اترې باید ډېر ژر پایلې ته ورسیږي؛ خلکو زیانونه لیدلی او له جګړې زیانونه ویني.

دا په داسې حال کې ده، چې د افغان سولې لپاره د امریکا ځانګړی استازی زلمي خلیلزا له قطري چارواکو څخه د سولې په راوستو کې مرسته غوښتې او د طالبانو یوه پلاوي د ترکمنستان

پلازمېنې عشق آباد ته پر دوه اړخیزو موخو د بحث او خبرو لپاره سفر کړی دی.

د طالبانو د سیاسي دفتر ویاند ویلي، چې د طالب پلاوي مشري شېر محمد عباس ستانکزي کوي او د ترکمنستان د بهرنیو چارو د وزیر له مرستیال سره یې پر دوه اړخیزو اړیکو خبرې کړي دي.
افغان حکومت ويلي طالبان د سولې نیت نلري.

افغان حکومت پر طالبانو نیوکه کړې، چې له یوې خوا د سیمې هېوادونو ته سفرونه کوي او له بلې خوا د سولې نیت نلري او جګړه یې چټکه کړې ده.

د ولسمشر د عامه اړیکو او ستراتيژیکو چارو سلاکار وحید عمر وايي، چې طالبان د سولې خبرو ته نه حاضریږي.

دا په داسې حال کې ده، چې ولسمشر اشرف غني په ولسمشرۍ ماڼۍ کې له پخواني ولسمشر حامد کرزي، د ملي پخلاینې عالي شوری له مشر عبدالله عبدالله او جهادي مشر عبدرب رسول سیاف سره لیدلي او تينګار شوی، چې له طالبانو سره د سولې لپاره باید واحد صف او ګډ دریځ رامنځته شي.

تازه خبرونه

له افغانستان څخه د امریکا پر مشرۍ د ځواکونو پر بې نظمه وتلو پښېمانه نه یم – لوید آستین

Published

on

(Last Updated On: وری ۱۰, ۱۴۰۲)

د امریکا دفاع وزیر لوید آستین د ولسي جرګې د وسله‌والو خدماتو کمیتې ته د څرګندونو پر مهال ویلي؛ له افغانستان څخه د امریکایي ځواکونو د بې نظمه وتلو پر څرنګوالي هیڅ پښیمانه نه دی.

د چارشنبې پر ورځ جمهوري غوښتونکیو د ولسي جرګې د وسله‌والو خدماتو کمیتې د ناستې پرمهال د پنټاګون د ۲۰۲۴ مالي کال د بودجې بیاکتنه هم وکړه.

د یادې ناستې پر مهال آستین ویلي؛ زه د [ولسمشر بایدن] د پرېکړې ملاتړ کوم او هیڅ پښېمانه نه یم.

جمهوري غوښتونکیو وکیلانو هم له افغانستان څخه د امریکا د ملکي یا نظامي مشرانو د بې مسوولیته وتلو پر څرنګوالی نیوکه وکړه.

د هغې پوښتنې په ځواب کې، چې آیا د پنتاګون په قومندانۍ کې داسې څوک شته، چې په افغانستان کې د ۲۰ کلنې جګړې د ناکامۍ مسؤلیت ومني؛ آستین وویل: تر هغې، چې زه پوهیږم، نه!

لوید آستین له لوی درستیزانو جنرال مارک میلي سره له راڅرګندېدو وروسته وویل، چې د جګړې په بهیر کې د امریکایي سرتېرو پر ستر کار او قربانیو ویاړي.

د چهارشنبې د ورځې دغه شاهدي په داسې حال کې تر سره شوه، چې د امریکا د ولسي جرګې د بهرنیو اړیکو کمیتې مشر مایکل مک کال د امریکایي ځواکونو د بې مسوولیته وتلو په اړه څېړنې ترسره کوي.

مک کاول په وار وار له بهرنیو چارو وزارت څخه د ۲۰۲۱ ز. کال په اګست کې د وتلو اړوند مسلو په اړه د اسنادو غوښتنه کړې وه؛ خو بهرنیو چارو وزارت د اسنادو په چمتو کولو کې پاتې راغی او مک کاول د دوشنبې پر ورځ د احضاریې حکم صادر کړ.

Continue Reading

تازه خبرونه

د افغانستان په اووه ولایتونو کې ۶۴۵ کورنۍ سیلابونو ځپلي دي- اوچا

Published

on

(Last Updated On: وری ۱۰, ۱۴۰۲)

د ملګرو ملتونو د بشري چارو د همغږۍ دفتر (OCHA) څرګنده کړې؛ د افغانستان په اووه ولایتونو کې سختو بارانونو او سېلابونو شاوخوا ۶۴۵ کورنۍ زیانمنې کړې دي.

د ملګرو ملتونو د بشري چارو د همغږۍ دفتر (اوچا ) ویلي؛ مرستندویه ادارې د اغیزمنو سیمو ارزونه کوي او له اړتیاوو سره سم مرستې چمتو کوي، خو محدوده بودجه د مرستو رسولو د کچې وړتیاوې محدودوي.

د مهاجرت نړیوالې ټولنې په بلخ ولایت کې د وروستیو سیلابونو له کبله له ۵۰۰ څخه زیاتو زیانمنو شویو کورنیو سره نغدي مرسته کړې ده.

د بلخ ولایت د شولګرې ولسوالۍ یو شمېر زیانمن شوي کسان د مرستو له کموالي اندېښمن دي او وايي، چې ډېرو مرستو ته اړتیا لري.

د بلخ ولايت د شولګرې ولسوالۍ استوګن سلطان علي وايي: که زارع ولسوالۍ پوره مرسته ونه رسیږي؛ نو په راتلونکي کې به د خلکو لپاره ناوړه پايلې رامنځته شي.

د دې ولسوالۍ يو بل اوسیدونکي قادر خان ويلي: سېلاب مو څاه ګانې له خټو ډکې کړې؛ مونږ پاکې اوبه نه‌لرو.

له طبیعي پېښو سره د مبارزې وزارت ټینګار کوي، چې دوی په بېلابېلو ولایتونو کې له سېلاب ځپلیو سره یو څه مرستې کړې؛ خو ډېرو نورو مرستو ته اړتیا لیدل کیږي.

د دغه وزارت د څرګندونو له مخې؛ د ١٤٠٢ لمریز لېږدیز کال له پيل راپدیخوا د هېواد په ٢٣ ولايتونو کې د سېلابونو او زلزلو له کبله ١٠ کسان مړه شوي، ٧٦ نور ټپيان دي، ١٧٧٩ د استوګنې کورونه ويجاړ شوي او ٢٢ زره جريبه کرنيزه ځمکه سېلابونو وړې ده.

Continue Reading

تازه خبرونه

د ملګرو ملتونو امنیت شورا غړیو په افغانستان کې پر ملکي وګړیو د برید غندنه وکړه

Published

on

(Last Updated On: وری ۹, ۱۴۰۲)

د ملګرو ملتونو د امنیت شورا غړیو په ډاګه کړې؛ د کابل ښار د ملک اصغر په څلور لاري کې پرونی ځانمرګي برید وحشیانه نومولی او د هغه غندنه یې وکړه.

د دغې شورا په اعلاميه کې راغلي، چې ترهګري په هر نوم او بڼه، چې وي؛ په افغانستان او نړۍ کې د سولې او امنيت پر وړاندې تر ټولو جدي ګواښ دى.

د دې شورا غړیو څرګنده کړې؛ هر ډول ترهګریز عمل، له انګیزې پرته، په هر ځای، هر وخت او د هر چا له خوا، چې وي جنایت دی.

د دې شورا غړیو د دغه ډول بریدونو د عاملینو د محاکمې غوښتنه هم کړې ده.

د دې شورا په اعلاميه کې راغلي: د امنيت شورا د ملکي افغانانو پر وړاندې دغه تروريستي عمل په کلکه غندي.

د کابل ښار د ملک اصغر په څلور لاري کې پرون ځانمرګي برید شپږ ملکي وګړي ووژل او ګڼ نور یې ټپیان کړل.

د داعش خراسانۍ ډلې د دغه برید مسوولیت منلی دی.

Continue Reading

Trending

Copyright © 2022 Ariana News. All rights reserved!