Connect with us

تازه خبرونه

خوشې شوي طالب بندیان د جګړې ډګرونو ته ستانه کیږي- راپور

خپور شوی

د

(Last Updated On: )

فارن پالیسي څرګنده کړې، چې خوشې شوي طالب بندیان د دوحې دهوکړې خلاف د قومندانانو یا جنګیالیو په توګه بېرته د جګړې ډګر ته ستنیږي.

د راپورونو له مخې، ډېري خوشې شوي طالب بندیان بیا وسله راپورته کوي او د حکومت پروړاندې جنګېږي.

 فارن پالیسي څرګندوي، چې طالب پېژندونکیو هر یو مایکل سمپل او فیلکس کوین د افغانستان د سولې خبرو اترو پروژې په اړه په شمالي ایرلند کې کوینز پوهنتون ته په یوه ناخپره شوې لیکنه کې څرګنده کړې، چې پخوانيو طالب بندیانو په جګړه کې برخه اخیستي، په جګړه کې وژل شوي، نیول شوي او یو له پخوانیو بندیانو ان د بدل اخیستنې په برید کې لاس درلود.

په راپور کې راغلي، چې د دوی د سروې له مخې د پخوانیو طالب بندیانو ۶۸ سلنه له ۱۰۸ کسانو څخه بېرته له طالبانو سره یو ځای شوي او جګړه یې  بیا پیل کړی او یا له طالبانو پاتې شوي، چې د جګړې نیت لري یا اردو ته وردننه شوي او یا په سیاسي جوړښت کې دي، چې د وسلوالو مخالفینو په څېر جګړه ییزې هڅې تر سره کوي.

په هغه لیکنه کې، چې پر دې موضوع لیکل شوې راغلي؛ یو شمېر پخواني بندیان له خوشې کیدو وروسته د قومندانانو په توګه ټاکل شوي دي.

د راپور له مخې: د دوه پخوانیو بندیانو ځایناستي د هغو وروڼه یا زامن ول؛ خو له خلاصیدو سره سم یې پخوانۍ دندې بېرته ترلاسه کړې… یو شمېر نور قومندانان شول او له طالب چارواکو سره یوځای شوي دي. د ولسوالانو په توګه د پخوانیو بندیانو ټاکل، چې په سیمه کې د پوځي او ملکي چارو څارنه کوي؛ اوس پراخه بڼه خپله کړې ده.

فارن پالیسي راپور ورکوي، چې د طالبانو څه نا څه اتیا سلنه مرکه شوي کسانو غوښتل بېرته د جنګړې ډګر ته ستانه شي؛ خو د کورنیو لخوا ورسره مخالفت شوی. پداسې حال کې، چې ۲۴ سلنه د بېلابېلا دلیلونو له مخې پرېکړه کړې، چې جګړې ته به ونه دانګي؛ ځکه، نو دوی غواړي نورمال ژوند ته وروګرځي.

فارن پالیسي په ډاګه کړې؛ یوه لوړ پوړي افغان چارواکي، چې نه یې غوښتل نوم یې واخیستل شي، څرګنده کړې، چې د راپور موندنې له هغه څه سره سمې دي، چې مونږ لیدلي دي.

دا په داسې حال کې ده، چې د تېرې اوونۍ د چارشنبې پر ورځ د امریکا او طالبانو د هوکړې له مخې د بندیانو خوشې کولو بهیر بشپړ شو او ویل کیږي، چې د افغانانو ترمنځ خبرې به هم راتلونکې اوونۍ په دوحه کې پیل شي.

تازه خبرونه

د اقتصادي کمیسیون دوه‌یمه ځانګړې غونډه د اسلامي امارت د رهبر پر مشرۍ ترسره شوه

د ریاست الوزراء د دفتر په ننۍ خبرپاڼه کې راغلي، چې د اسلامي امارت د رهبر پر مشرۍ د اقتصادي کمیسیون په دوه‌یمه ځانګړې غونډه کې د منظم میکانیزم پر بنسټ د کال د شپږ میاشتو لپاره بهرنیو هېوادونو ته د افغانستان د څارویو د صادراتو اجازه ورکړ شوه او له شپږ میاشتو وروسته به اجرائیوي اقدامات د پخوا په څیر روان وي.

Published

on

(Last Updated On: )

د ریاست الوزراء دفتر ويلي، چې د اقتصادي کمیسیون دوه‌یمه ځانګړې غونډه د ۱۴۴۶ لېږدیز سپوږمیز کال د شوال پر اته‌ویشتمه، نهه‌ویشتمه او دېرشمه د افغانستان اسلامي امارت د رهبر شیخ هبة‌الله اخوندزاده پر مشرۍ ترسره شوه.

د ریاست الوزراء د دفتر په ننۍ خبرپاڼه کې راغلي، چې د اسلامي امارت د رهبر پر مشرۍ د اقتصادي کمیسیون په دوه‌یمه ځانګړې غونډه کې د منظم میکانیزم پر بنسټ د کال د شپږ میاشتو لپاره بهرنیو هېوادونو ته د افغانستان د څارویو د صادراتو اجازه ورکړ شوه او له شپږ میاشتو وروسته به اجرائیوي اقدامات د پخوا په څیر روان وي.

په دې غونډه کې د چارو وزارت ته دنده وسپارل شوه، چې له اړوند وزارتونو سره د همغږۍ له مخې په دولتي ادارو کې د پانګوالو او سوداګرو د کار د ګړندي کولو او همدارنګه په ټولو سکټورونو کې د موجوده ستونزو د حل لپاره؛ یوه جامع طرزالعمل چمتو کړي.

د خبرپاڼې له مخې؛ دا طرزالعمل به د تصویب لپاره اقتصادي کمیسیون ته او بیا د منظورۍ لپاره د اسلامي امارت د رهبر دفتر ته واستول شي.

دغه راز څرګنده شوې، چې په دې غونډه کې د اقتصادي کمیسیون د لومړۍ ځانګړې غونډې د پرېکړو په اړه تعقیبي راپورونه وړاندې شول، چې د ۱۴۴۶ لېږدیز سپوږمیز کال د جمادي الاول پر درېیمه د اسلامي امارت د رهبر پر مشرۍ ترسره شوه.

په لومړۍ غونډه کې د چارو ادارې پر مشرۍ یوې کمیټې ته دنده سپارل شوې وه، چې له ښاري پلانونو سره سم طرزالعملونه رامنځته کړي، چې د دولتي ځمکو د ملکیتونو پلور او وېش او همدارنګه د ودانیو کرایه کولو لپاره آسانتیاوې برابرې کړي.

د همدې هدف لپاره کمیټې په دوه‌یمه غونډه کې د ارزونې لپاره تدوین شوی طرزالعمل وړاندې کړ، چې د وړاندیز شویو تعدیلاتو له شاملولو وروسته به د شیخ هبة‌الله اخوندزاده دفتر ته د منظورۍ لپاره واستول شي.

د دغه طرزالعمل له مخې؛ هېوادوال کولی شي په شخصي ځمکو کې د ځمکې د تثبیت پروسه په ۱۵ ورځو کې ترسره او په یوه میاشت کې یې نقشه ویزه او ودانیزې چارې یې پيل کړي.

همدارنګه په لومړۍ غونډه کې د کرنې وزارت ته دنده سپارل شوې وه، چې په ټولو ولایتونو کې د صنعتي پارکونو د جوړولو لپاره د صنایعو او سوداګرۍ وزارت ته اړینې ځمکې انتقال کړي. د دې پرېکړې د پلي کولو په اړه پورته ذکر شویو وزارتونو په دوه‌یمه غونډه کې خپل راپور وړاندې کړ، چې له مخې یې په ډېری ولایتونو کې ۸۰ زره جریبه ځمکه لېږدول شوې ده او په یو شمېر ولایتونو کې به دا بهیر ډېر ژر بشپړ شي، چې له دې سره به په ټولو ولایتونو کې د صنعتکارانو لپاره د ځمکې د کمښت ستونزه حل شي.

همدارنګه په لومړۍ غونډه کې د عامې روغتیا وزارت پر مشرۍ یوې کمیټې ته دنده سپارل شوې وه، چې د انساني، حیواني، کرنیزو درملو، روغتیايي محصولاتو او خوراکي توکو د قاچاق د مخنیوي لپاره ځانګړي طرزالعملونه جوړ کړي. دې کميټې دا طرزالعملونه چمتو کړل او د ارزونې لپاره یې وړاندې کړل، چې د وړاندیز شویو تعدیلاتو له شاملولو وروسته به د منظورۍ لپاره د اسلامي امارت د رهبر دفتر ته واستول شي.

د یادونې ده، چې د اقتصادي کمیسیون په لومړۍ غونډه کې د شویو پرېکړو د تطبیق په موخه اړوند وزارتونو او ادارو خپل راپورونه د اقتصادي کمیسیون په دوه‌یمه ځانګړې غونډه کې وړاندې کړل.

Continue Reading

تازه خبرونه

د زرګونه افغانان کډوالو له راستنېدو سره به بشري ناورین نور هم پراخ شي

د ملګرو ملتونو د کډوالو ادارې ویاند بابر بلوڅ د سې‌شنبې پر ورځ د ژینیو په یوه خبري کنفرانس کې ویلي، چې دا بنسټ کورونو ته له راستنېدونکو کورنیو سره د مرستې لپاره ۷۱ میلیون ډالرو ته بېړنۍ اړتیا لري.

Published

on

Afghan refugees returning from Pakistan
(Last Updated On: )

د ملګرو ملتونو د کډوالو ادارې (UNHCR) ویلي، چې په افغانستان کې یو ژور بشري بحران مخ پر زیاتېدو دی؛ ځکه، چې لسګونه زره افغان کډوال له ګاونډ هېوادونو څخه بېرته راستنېدو ته اړ ایستل کیږي.

د ملګرو ملتونو د کډوالو ادارې ویاند بابر بلوڅ د سې‌شنبې پر ورځ د ژینیو په یوه خبري کنفرانس کې ویلي، چې دا بنسټ کورونو ته له راستنېدونکو کورنیو سره د مرستې لپاره ۷۱ میلیون ډالرو ته بېړنۍ اړتیا لري.

بلوچ زیاته کړې، چې دا کډوال هېواد ته له راستنېدو وروسته له سختو ناهیلې کوونکو شرایطو سره مخ دي.

بلوڅ وایي؛ په اپریل کې له ۲۵۱ زره څخه ډېر افغانان له ایران او پاکستان څخه په ناوړه شرایطو کې راستانه شوي، چې په کې له ۹۶ زره څخه ډېر جبري ایستل شوي کسان دي.

هغه ویلي، چې UNHCR د ایران او پاکستان له حکومتونو هم ملاتړ روان ساتي، چې افغانستان ته راستنیدل باید په خپله خوښه، خوندي او باعزته وي.

 بابر بلوڅ زیاته کړې: ” د افغانان جبري ستنېدا یا فشار راوړل ښه پایله نلري او کولی شي سیمه بې ثباته کړي.”

له ۲۰۲۳ راپدېخوا له ۳.۴ میلیون څخه ډېر افغانان له ایران او پاکستان څخه بېرته راستانه شوي یا ایستل شوي دي، چې له ۱.۵ میلیون ډېر په ۲۰۲۴ کې ایستلو ته اړ شوي دي.

دغه راز ویل کیږي، چې افغانان په ۲۰۲۴ کال کې له آسیا اوقیانوسیې سیمې څخه اروپا ته د غیرقانوني رسیدونکو ترټولو لویه ډله (۴۱ سلنه) ګڼل شوې ده.

Continue Reading

تازه خبرونه

چین د کندهار له لارې راستنېدونکو افغان کډوالو ته خیمې ورکوي

د شینهوا خبري سرچینې د چارشنبې پر ورځ( د غویی لسمه ) د افغاني سرې میاشتې ټولنې د ولایتي رییس محمد شعیب حقاني د څرګندونو له مخې راپور ورکړ، چې دا خیمې د دې ولایت په تخته‌پل ولسوالۍ کې د راستنېدونکو افغان کډوالو لپاره درول شوې دي.

Published

on

China tents
(Last Updated On: )

په داسې حال کې، چې پاکستان د سلګونو زره افغانانو د جبري ایستلو بهیر روان ساتلی؛ چین د کندهار له لارې افغانستان ته د راستنېدونکو کډوالو لپاره سلګونه خیمې چمتو کړې دي.

د شینهوا خبري سرچینې د چارشنبې پر ورځ( د غویی لسمه ) د افغاني سرې میاشتې ټولنې د ولایتي رییس محمد شعیب حقاني د څرګندونو له مخې راپور ورکړ، چې دا خیمې د دې ولایت په تخته‌پل ولسوالۍ کې د راستنېدونکو افغان کډوالو لپاره درول شوې دي.

د راپورونو له مخې؛ شاوخوا ۱۰۰ زره افغان کډوال په اپریل کې خپل هېواد ته راستانه شوي، چې ډېرو یې یوازې هغه جامې درلودې، چې پر غاړه یې وې.

چین په تېرو څو کلونو کې د افغانستان خلکو ته د درملو، ژمنیو جامو، پټو او خوراکي توکو په ګډون بېلابېلې مرستې کړې دي.

Continue Reading
Advertisement

Trending

Copyright © 2025 Ariana News. All rights reserved!