Connect with us

تازه خبرونه

داکتر عبدالله عبدالله د لوړې مراسم ترسره او ټولشموله حکومت اعلان کړ

خپور شوی

د

داکتر عبدالله عبدالله  هم نن د ارګ تر څنګ خپلو پلویانو ته وویل، چې د راتلونکې لپاره دیارلس د عمل برنامې لري او ډېر ژر به په یو شمېر ادارو کې د اصلاحاتو چارې پيل کړي.

عبدالله عبدالله په داسې حال کې، چې ترڅنګ يې په ارګ کې د ولسمشر محمد اشرف غني د لوړې مراسم روان ول؛ د لوړې مراسم ترسره او د ارګ تر څنګ یې خپلو پلویانو ته نه یوازې ځان ولسمشر اعلان کړ، بلکې د خپل ټولشموله حکومت لومړي توبونه یې هم وړاندې کړل.

د کاري زمینو برابرول، د بېوزلۍ له منځه وړل، متوازنه پراختیا، له کورنیو تولیداتو څخه ملاتړ اوهمدارنګه د خصوصي سکټور پراختیا د عبدالله عبدالله د حکومت لومړیتونبونه دي.  

عبدالله عبدالله د سولې لپاره هم خپل پروګرامونه اعلان کړل او پر طالبانو یې غږ وکړ، چې د خلکو او ټولنې غوښتنو ته درناوی وکړي.

عبدالله عبدالله همدارنګه په تېرو کلونو کې د اصلاحاتو پر بهیر د نیوکې ترڅنګ وویل، چې ډېر ژر به په یوشمېر ادارو کې بنسټیز اصلاحات رامنځته کړي.

ښاغلی عبدالله وايي، چې حکومت يې سولې ته هم برنامې لري او له طالبانو سره به د مذاکرې لپاره یو ټولشموله پلاوی او یوه ملي اجماع جوړه کړي.

که څه هم نن د زلمي خلیلزاد په ګډون یو شمېر بهرنیو دیپلوماتانو هڅه وکړه، چې د دواړو ټاکنډلو ترمنځ روغه جوړه وکړي؛ خو له غرمې وروسته د عبدالله عبدالله ټاکنډلې اعلان وکړ، چې د دوی خبرې بې پایلې پای ته ورسیدې.

خبریال: اکبر لودین

تازه خبرونه

څار: د صنایعو او سوداګرۍ وزارت د ستونزو او لاسته‌راوړنو ارزونه

Published

on

Last Updated on: چنګاښ ۲۹, ۱۴۰۴

Continue Reading

تازه خبرونه

د افغانستان او پاکستان نږدې ۳۰ زره ماشومانو ته د امریکا خوراکي مرستې به وسوځول شي

یو لوړ پوړي امریکایي چارواکي د چارشنبې پر ورځ ویلي؛ نږدې ۵۰۰ ټنه انرژي لرونکي بسکټونه، چې د خوارځواکۍ لرونکو کوچنیو ماشومانو لپاره د بیړنيو خوړو په توګه کارول کېدل؛ د دوبۍ په یوه ګودام کې یې د زیرمه کولو له کبله تاریخ تېر شوی دی.

Published

on

د امریکا د نړیوالې پراختیا ادارې له تړلو وروسته هغه خوراکي مرستې، چې ټاکل شوې وه په افغانستان او پاکستان کې ۲۷۰۰۰ وږو ماشومانو ته ووېشل شي؛ ډېر ژر به د ولسمشر ډونالډ ټرمپ لخوا د امریکا د نړیوالې پراختیا ادارې له تړلو وروسته وسوځول شي.

یو لوړ پوړي امریکایي چارواکي د چارشنبې پر ورځ ویلي؛ نږدې ۵۰۰ ټنه انرژي لرونکي بسکټونه، چې د خوارځواکۍ لرونکو کوچنیو ماشومانو لپاره د بیړنيو خوړو په توګه کارول کېدل؛ د دوبۍ په یوه ګودام کې یې د زیرمه کولو له کبله تاریخ تېر شوی دی.

د امریکا بهرنیو چارو وزارت مرستیال مایکل ریګاس د قانون جوړوونکو د یوې پوښتنې په ځواب کې ویلي؛ دا پرېکړه د امریکا د نړیوالې پراختیا ادارې د له منځه وړلو سره تړلې ده.

ضایع شوي بسکټونه به په متحده عربي اماراتو کې کثافاتو ته واستول شي یا به سوځیږيي، چې له منځه وړل یې ۱۰۰ زره ډالر لګښت لري.

Continue Reading

تازه خبرونه

مونږ د بریټانویانو له‌خوا د افشا شویو اسنادو کارولو ته اړتیا نه‌وینو – اسلامي امارت

د افغانستان اسلامي امارت د ویاند مرستیال حمدالله فطرت په یوه خبرپاڼه کې څرګنده کړې، چې د افغانستان د اسلامي امارت رهبر د ټولو لپاره عمومي بښنه اعلان کړې ده.

Published

on

د افغانستان اسلامي امارت ويلي؛ د اشخاصو د محاکمه کولو لپاره مونږ د بریټانویانو له‌خوا افشا شویو اسنادو کارولو ته اړتیا نلرو؛ ځکه په هېواد کې مو عمومي بښنه اعلان شوې ده.

د افغانستان اسلامي امارت د ویاند مرستیال حمدالله فطرت په یوه خبرپاڼه کې څرګنده کړې، چې د افغانستان د اسلامي امارت رهبر د ټولو لپاره عمومي بښنه اعلان کړې ده.

د نوموړي د څرګندونو له مخې؛ په دې فرمان کې ټولو ته بښنه شوې ده او هیڅوک پر تېرو کړنو نه نیول شوي، نه وژل شوي او نه هم محاکمه شوي او نه به هم محاکمه شي.

په خبرپاڼه کې راغلي: “هغه راپورونه، چې د ځینو اشخاصو نومونه له افشا کېدو وروسته د دوی د محاکمې په اړه خپاره شوي؛ ناسم او بې بنسټه دي. د استخباراتو ریاست اړتیا نلري؛ هغه اشخاص محاکمه کړي،  چې په عمومي بښنه کې راغلي دي.”

خبرپاڼې زیاته کړې: “د دغو اشخاصو پورې اړوند ټول اسناد او معلومات په دفاع وزارت، کورنیو چارو وزارت او د استخباراتو ریاست کې شته دی او مونږ د بریټانویانو له‌خوا افشا شویو اسنادو کارولو ته اړتیا نه‌وینو.”

په خبرپاڼه کې ټینګار شوی، چې له بښنې فرمان سره – سره؛ هیڅوک به محاکمه یا تر څارنې لاندې ونه‌نول شي. هغه اوازې ناسمې دي، چې پ دې اړه خپریږي. یوازې د خلکو د وېرولو او د هغوی د کورنیو ترمنځ د اندېښنې رامنځته کولو لپاره دي، چې مونږ یې پر کلکه ردوو.

حمد‌الله فطرت ویلي: “د افغانستان اسلامي امارت له هیچا سره د غچ اخیستلو چلند نه‌کوي او هیڅوک حق یا اجازه نلري، چې څوک تعقیب او تر پوښتنې لاندې ونیسي او یا زیان ورورسوي.”

همدارنګه د ډیلي ټیلګراف په ګډون یو شمېر بریټانوي رسنیو د سې‌شنبې پر ورځ د جولای پر بېنځلسمه راپور ورکړ، چې د بریټانیا حکومت د بریټانوي ځواکونو د شاوخوا ۲۵ زره افغان همکارانو او د هغوی د کورنیو غړو په لېږد او بیا میشتېدنه کې نږدې ۷ میلیارډ پونډه لګښت کړی، چې د پناه غوښتنه یې کړې وه.

د ورځپاڼې د څرګندونو له مخې؛ د بریټانیا دفاع وزیر د سې‌شنبې پر ورځ د هېواد پارلمان ته له هغو افغانانو څخه بښنه وغوښته، چې معلومات یې پر ناڅاپي بڼه د “تخنیکي څارنې” له کبله افشا شوي وه.

په خبرپاڼه کې راغلي؛ د نوملړ ناڅاپه افشا کېدل د ۲۰۲۲ کال په فبرورۍ کې رامنځته شول، چې وروسته د بریټانیا حکومت هڅه وکړه، چې په نوملړ کې شاملو افغانانو ژوند د رسنیو له لارې د دې موضوع د راپور ورکولو او په نوملړ کې د شاملو کسانو د لېږدولو د پلان په پلي کولو سره نور هم له خطر سره مخ نه‌کړي.

Continue Reading
Advertisement

Trending

Copyright © 2025 Ariana News. All rights reserved!