Connect with us

تازه خبرونه

دا مهال په ټول هېواد کې ۲.۷ میلیون نجونې په ښوونځیو کې دي – د پوهنې وزارت

Published

 on

(Last Updated On: غویی ۱۰, ۱۴۰۱)

د پوهنې وزارت وايي، په ټول هېواد کې شل زره ښوونځي د نجونو او هلکانو پر مخ پرانیستي، لس میلیون ماشومان او تنکي ځوانان په ښوونځیو کې دي، چې ۲.۷ میلیون یې نجونې دي.

په دې وروستیو کې د پوهنې وزارت چارسمبالي په یوه پیغام کې ویلي، چې دا مهال په ټول هېواد کې د نجونو او هلکانو شاوخوا ۲۰ زره ښوونځي د زدکوونکیو پر مخ پرانیستي دي او ۱۰ میلیون ماشومان او تنکي ځوانان ښوونځیو ته ځي، چې ۲،۷ میلیون یې نجونې دي.

پوهنې وزارت څرګنده کړې؛ شاوخوا ۲۵۰ زره ښوونکي د هېواد د ماشومانو پر ښوونه او روزنه بوخت دي، چې سل زره ښځینه ښوونکي هم په منظم ډول هره ورځ تدریس لپاره ښوونځیو ته ځي او دا مهال ۲.۷ میلیون نجونې په زدکړو بوختې دي. د ښځینه کارکوونکیو امتیازات پرته له دې، چې فزیکي حضور یې په پام کې ونیول شي، په منظمه توګه ورکول کېږي.

د پوهنې وزارت ویاند عزیزاحمد ریان وایي: هر کله، چې د اسلامي امارت مشران وغواړي، چې د تړلیو ټولګیو ور پرانستل شي؛ مونږ یې پیلولو ته پوره چمتووالی لرو.

له بلې خوا د اسلامي امارت مشر ملا هبة الله اخوندزاده په خپل اختریز پیغام کې، چې پرون خپور شو ویلي؛ دوی د پوهنې د بهیر د پیاوړتیا لپاره پراخې هڅې کړې دي.

د ښځو د حقونو یو شمېر هڅاند بیا وايي، چې د پنځوس سلنه نجونو د زدکړې حق تر پښو لاندې شوی دی.

دوی له شپږم ټولګي څخه د پورته ښوونځیو د تړل کېدو په غبرګون کې له اسلامي امارت څخه غواړي، چې ژر تر ژره په افغانستان کې د نجونو د مینځنیو او لیسو د پرانستلو پرېکړه وکړي.

د ښځو هڅانده ډېوه پتنګ وایي: که غواړئ یوې سمې ادارې ته ورسیږئ؛ د خلکو پر غږ ټینګار وکړئ او د ښځو او نجونو د زدکړې حق ورکړئ.

د ښځو یوه بله هڅانده ترانه ادیب وایي؛ د اسلامي امارت له راتګه څه نا څه ۸ میاشتې تېریږي؛ خو اوسم پخپلو ژمنو ولاړ ندی او ورځ تر بلې محدودیتونه رامنځته کوي.  

له دې مخکې د ملګرو ملتونو وجهي صندوق په خپل یوه راپور کې ویلي وه، چې په هېواد کې شاوخوا ۸۰ سلنه ماشومان، چې ۱،۱ میلیون یې نجونې دي د زدکړو له حقه بې برخې شوي.

د یادونې ده، چې د روان کال له پيله کابو یوه میاشت تېرېږي؛ خو اوس هم منځني ښوونځي او لیسې د نجونو پر مخ پرانيستل شوې ندي. 

تازه خبرونه

افغانستان او پاکستان د تګ راتګ د اسانتیا لپاره پر کاري ډلې جوړولو هوکړه وکړه

Published

on

(Last Updated On: غبرګولى ۷, ۱۴۰۲)

د افغانستان اسلامي امارت د بهرنیو چارو وزارت څرګنده کړې، چې د دواړو هېوادونو ترمنځ د وګړیو د تګ راتګ د اسانتیا لپاره به د دغه وزارت قونسلي ریاست او په کابل کې د پاکستان سفارت تر منځ یوه ګډه کمیته جوړه شي.

د دغه وزارت د معلوماتو له مخې؛ د دې کمیتې د جوړېدو هوکړه د شنبې پر ورځ ( د غبرګولي ۶ ) د افغانستان د بهرنیو چارو د وزیر امیرخان متقي او په کابل کې د پاکستان سفارت د چارسمبالي عبیدالرحمن نظاماني ترمنځ په کتنه کې وشوه.

د بهرنيو چارو وزارت د ویاند مرستيال حافظ ضياء احمد تکل څرګنده کړی، چې د اسلامي امارت د بهرنيو چارو وزير پر غوښتنه او ټينګار د دغې کمیتې پر جوړېدو هوکړه شوې ده.

حافظ ضیا احمد تکل په ډاګه کړې: د پاکستان سفارت چارسمبالي د هغو پاکستانيو محصلینو لپاره، چې افغانستان ته د زده‌کړو لپاره راځي؛ د ویزې د وخت غزولو غوښتنه وکړه.

د بهرنیو چارو وزارت د ویاند مرستیال د څرګندونو له مخې؛ متقي په دې برخه کې د اسلامي امارت له همکارۍ ډاډ څرګند کړ.

ویل کیږي، چې د دواړو هېوادونو تر منځ پر ګنو نورو دوه اړخیزو مسایلو هم خبرې شوي او د متقابلو اغېزمنو همکاریو پر دوام ټینګار شوی دی.

Continue Reading

تازه خبرونه

د رښتر پر کچه ۵ اعشاریه ۲ درجې زلزلې افغانستان ولړزاوه

Published

on

(Last Updated On: غبرګولى ۷, ۱۴۰۲)

د امریکا د ځمکپوهنې ادارې په ډاګه کړې؛ د یکشنبې پر ورځ  ۱۰:۱۹ د افغانستان په شمال ختیځ کې د رښتر پر کچه ۵ اعشاریه ۲ درجې زلزله رامنځته شوه، چې مرکز یې د جرم ولسوالۍ سهیل ختیځ لوري ته په ۳۶ کیلومترۍ کې دی.

د زلزلې ټکانونه د هند، پاکستان او جنوبي تاجکستان په ګډون په ټوله سیمه کې احساس شوي دي.

تر اوسه د زلزلې له کبله د ځاني او مالي زیان په اړه راپورونه  ورکړ شوي نه‌دي.

Continue Reading

تازه خبرونه

له تېرې یوې میاشتې راپدیخوا په افغانستان کې د طبیعي پېښو له کبله ۴۲ کسان مړه شوي

Published

on

(Last Updated On: غبرګولى ۷, ۱۴۰۲)

د طبیعي پېښو پر وړاندې د مبارزې وزارت وايي، له تېرې یوې میاشتې راپدیخوا د افغانستان په ۱۳ ولایتونو کې د طبیعي پېښو له کبله لږ تر لږه ۴۲ کسان مړه او ۴۵ نور ټپیان شوي دي.

د دغه وزارت ویاند شفیع الله رحیمي په په ډاګه کړې؛ دغه راز۳۴۱ کورونه بشپړه یا جزوي ویجاړ شوي، ۱۹۵۷۳ جریبه کرنیزه ځمکه او بڼونه ویجاړ شوي دي.

د رحيمي د څرګندونو له مخې، د دغو پېښو له کبله په يادو ولايتونو کې ١٣٥٤ څاروي له منځه تللي دي.

د يادونې ده، چې دغه پېښې په کاپيسا، ميدان وردګ، تخار، بدخشان، غور، کندهار، کونړ، نورستان، لغمان، پکتيا، خوست، دايکندي او ننګرهار ولايتونو کې رامنځته شوې دي.

Continue Reading

Trending

Copyright © 2022 Ariana News. All rights reserved!