Connect with us

لوبی

درې افغان کډوال ورزشکاران د المپیک کډوالو لوبډلې ته ومنل شول

Published

 on

(Last Updated On: غبرګولى ۱۹, ۱۴۰۰)

د اولمپیک نړیوالې کمېټې (آی او سي) د ټوکیو المپیک سیالیو ته د کډوالۍ ډلې غړي اعلان کړل، چې په کې درې افغان کډوال راغلي دي.

د دغې لوبډلې اووه غړي هغه کډوال دي، چې په آلمان کې اوسیږي.

دغه راز د افغانستان المپیک ملي کمیټې ویلي، چې معصومه علیزاده د فرانسې یوه بایسکل چلوونکی، د بلجیم د تکواندو مبارز عبدالله صدیقي او له روسیې څخه د جودولوبغاړې نګاره شاهین د ټوکیو المپیک ته بلنلیکونه ترلاسه کړي دي.

د افغان ورزشکارانو لنډه پېژندنه، چې د المپیک لپاره غوره شوي:

عبدالله صدیقي: نوموړی له اته کلونو راپدیخوا د تکواندو تمرین کوي.

څلیریشت کلن صدیقي، چې دا مهال په بلجیم کې روزل کیږي؛  په دې وروستیو کې یې له المپیک نړیوالې کمیټې سره په یوه مرکه کې څرګنده کړې، چې له هېواده د کډوالۍ  او د کرونا ویروس د خپرېدو پر مهال یې سپورت د لارې مشال ګرځېدلی دی.

معصومه علی‌زاده: د علیزاده لپاره ټول شیان د فرانسوي ټلویزیون له هغه پروګرام وروسته بدل شول، چې د کابل کوچني شاهزادګۍ نومی یو مستند فلم یې خپور کړ.

دې مستند فلم د هغې له خور زهرا سره په افغانستان کې د یوې ښځې په توګه د بايسکل چلولو ستونزې ښودلې.

علیزاده ای ایف پي ته ویلي: په افغانستان کې نرینه فکر کوي، چې بایسکل ځغلول د ښځو لپاره نامناسب دي.

د المپیک نړیوالې کمیټې د څرګندونو له مخې؛ د دې مستند فلم له لیدو وروسته پاټریک کمونال یو متقاعد فرانسوي وکیل د دغو دوه خویندو ته په فرانسه کې د استوګنې د برابرولو لپاره بشردوستانه پلان جوړ او  دواړه خويندې په فرانسه کې استوګن شول.

علی زاده وایي، د بایسکل چلول د نرینه او ښځینه دواړو لپاره خورا آسانه او مناسب دي.

نګاره شاهین:  په افغانستان کې زیږیدلې او د جودو لوبغاړې ده، چې وزن یې له ۷۰ کیلو ګرام څخه کم دی.

هغه په ۱۱ کلنۍ کې د جودو تمرین پیل کړ او د پاکستان په پېښور ښار کې کډواله وه؛ ځکه، چې د ورزش هنر یې یو کورنی دود و.

هغه د روسیې په یکاټرینبرګ پوهنتون کې د نړیوالې سوداګرۍ زدکړه کوي او په پام کې لري د ماسټرۍ سند هم ترلاسه کړي.

دا ورزشکاران د خپلو وړتیاوو له مخې غوره شوي او په دې لوبو کې به د افغانستان تر درې رنګه بیرغ لاندې لوبیږي.

د دویچه ویلې؛ د دې ډلې اووه غړي په آلمان کې پناه غوښتونکي دي.

د جاپان په المپیک کې سږکال ، له ۱۳ هېوادونو څخه ۵۵ ورزش کوونکیو د پناه غوښتونکیو په المپیک لوبو کې د غړیتوب لپاره د سیالۍ کولو فرصت درلود. پر آلمان سربېره ۲۰ نورو هېوادونو هم پناه غوښتونکو ته د اولمپیک په لوبو کې د ګډون فرصتونه برابر کړي دي.

د جولای پر ۲۳ د المپیک د دغو لوبو لومړۍ ورځ ټاکل شوې مشري له کینیا څخه د نړۍ اتل لیګلا لورپ لخوا کیږي.

د کډوالۍ لوبډلې لومړی ځل د ۲۰۱۶  کال په ټورنمنټ کې برخه واخیسته. په دې وخت کې د ایتوپیا، سوریې، سویلي سوډان او د کانګو ډیموکراټیک جمهوریت لس ورزشکارانو برخه اخیستې وه.

 

د اولمپیک نړیوالې کمېټې د اکتوبر په ۲۰۱۸ کې پرېکړه وکړه، چې د المپیک کډوالۍ سیالۍ برنامې ته وده ورکړي. د دې لوبو ملاتړ د ملګرو ملتونو د مهاجرینوعالي کمیشنري کوي.

د یادونې ده، چې د دې لوبو ټورنمنټ د کرونا له کبله یو کال و ځنډول شو؛ خو اوس به په دوبي کې ترسره شي.

لوبی

افغان لوبډله درې نړیوالو شل آووریزو سیالیو لپاره عربي متحده اماراتو ته سفر کوي

Published

on

(Last Updated On: سلواغه ۹, ۱۴۰۱)

د افغانستان کرکت ملي لوبډله به په راتلونکې فبروري میاشت کې د درې نړیوالو شل آووریزو سیالیو لپاره عربي متحده اماراتو ته سفر وکړي او د یاد هېواد پر وړاندې به له شپاړسمې څخه تر نونسمې نېټې درې نړیوالې شل آوریزې سیالۍ ترسره کړي.

د افغانستان کرکت ملي لوبډله به په راتلونکې فبرورۍ کې د درې نړیوالو شل آووریزو سیالیو لپاره عربي متحده اماراتو ته سفر وکړي او د یاد هېواد پر وړاندې به د یادې میاشتې له ۱۶مې تر ۱۹مې نېټې درې نړیوالې شل آووریزې سیالۍ ترسره کړي، چې په همدې موخه نن د افغانستان کرکت بورد د یاد سفر د ځای او نېټو د اعلانولو ترڅنګ د روزنیز جوړښت لپاره ۲۳ کسیز نوملړ هم وټاکه.

د افغانستان کرکت ملي لوبډله به د کوربه عربي متحده اماراتو لوبډلې پر وړاندې خپله لومړۍ سیالي د فبروري میاشتې پر ۱۶ نېټه د ابوظبۍ په کرکت لوبغالي کې ترسره کړي، دغه راز به د دواړو لوبډلو ترمنځ دوه نورې سیالۍ د همدې میاشتې پر ۱۸ او ۱۹ نېټه په همدې لوبغالي کې ترسره شي.

د افغانستان کرکت بورد د یادو سیالیو لپاره ۲۳ کسیز نوملړ غوره کړی، چې ډېر شمېر ځوان لوبغاړي په کې دي؛ راشد خان لوبډلمشر، رحمن الله ګربز ویکت ساتونکی، عبدالرحمن رحماني، افسر ځاځی، عظمت الله عمرزی، بلال سمیع، فرید احمد ملک، فضل الحق فاروقي، کریم جنت، ګلبدین نایب، حضرت الله ځاځی، ابراهیم ځدراڼ، مجیب الرحمن، نجیب الله ځدراڼ، ننګیال خروټی، نوین الحق، نجات مسعود، نور احمد، رحمت شاه، صدیق الله اتل، شاهد الله کمال، شرف الدین اشرف او ظاهر خان یې غړي دي.

یاد ۲۳ لوبغاړي به راتلونکې اوونۍ د عربي متحده اماراتو ته سفر وکړي، چې به د کوربه لوبډلې پر وړاندې د سیالیو لپاره د غوره چمتووالي په موخه په ابوظبۍ کې یوه روزنیزکمپ کې برخه واخلي، چې له منځه به یې ۱۵-۱۷ لوبغاړي د یادو سیالیو لپاره وټاکل شي.

د افغانستان کرکت بورد په دې هڅه کې دی، چې د خپلو اوږدمهالو پلانونو له مخې یو شمېر ځوان لوبغاړي هم ملي لوبډلې ته وټاکي، چې په راتلونکي کې د شل آووریزو سیالیو لپاره یوه پیاوړې او متوازنه لوبډله ولري.

دغه سیالۍ د افغانستان او عربي متحده اماراتو د کرکت بوروونو ترمنځ د دوه اړخیزو همکاریو د تړون له مخې، چې څه موده وړاندې د دواړو هېوادونو ترمنځ لاسلیک شو، ترسره کېږي.

د یاد تړون له مخې به د افغانستان کرکت ملي لوبډله هر کال د عربي متحده امارتو پر وړاندې درې شل آووریزې نړیوالې سیالۍ ترسره کوي، چې په بدل کې به یې د افغانستان کرکت بورد په یاد هېواد کې د لوبو د اجازې له فیسونو پرته د نورو لوبډلو کوربتوب کوي.

د افغانستان کرکټ بورد اجرائیوي رییس نصیب خان له عربي متحده اماراتو سره د تړون له مخې د لوبو پر پیل خوښي څرګنده کړه او وايي: مونږ له عربي اماراتو سره د خپلو خبرو اترو په پایلو خوښ یوو. دغه درې نړیوالې شل آووریزې سیالۍ د دواړو هېوادونو ترمنځ د اوږدمهاله تړون لومړی پړاو دی.

د افغانستان کرکت بورد په راتلونکي کې هم له یاد هېواد سره د لا زیاتو غوره او مؤثره اړیکو لرلو ته لېواله دی.

د یادونې ده، چې عربي متحده اماراتو ته د افغان لوبډلې دغه سفر به په روان کال کې د افغانستان کرکت ملي لوبډلې لومړنی بهرنی سفر وي، چې په راتلونکیو څو میاشتو کې نړیوال جام او آسیا کپ په ګډون د ګڼشمېر نورو دوه اړخیزو سیالیو لپاره د لوبډلې او لوبغاړیو په چمتووالي کې غوره رول لوبولی شي.

Continue Reading

لوبی

دیزرت وایپرز په ۲۰ آووریز نړیوال لیګ کې خپله بریا د شارجه واریرز پر وړاندې پیل کړه

Published

on

(Last Updated On: مرغومی ۲۶, ۱۴۰۱)

د متحده عربي اماراتو په ۲۰ آووریز نړیوال لیګ کې د یکشنبې د ورځې په دوه یمه لوبه کې دیزرت وایپرز د شارجه واریرز پر وړاندې خپله بریا ترلاسه کړه.

الیکس هیلز ۸۳ ناسوزېدلې منډې وکړې. په داسې حال کې، چې سام بیلینګز ۴۹ منډې جوړې کړي او خپلې لوبډلې ته یې پر ۷ ویکتو بریا پربرخه کړه. شارجه واریرز لومړی توپ وهنه وکړه او ۱۴۵منډې یې جوړې کړې.

په له دې مخکې لوبه کې د عربي متحده اماراتو چټک توپ اچوونکی سانچیت شرما په زاید کرکت لوبغالي کې د (۳-۹) پر توپیر روښانه کړه، چې خلیج جاینتس ابوظبي نایت رایدرز ته پر شپږ ویکتو ماتې ورکړه.

د شرما په زړه پورې لوبې د جیانتس سره مرسته وکړه، چې نایت رایدرز د نهو لوبغاړیو پر سوزېدو ۱۱۴ ته محدود کړي. له دې وروسته د ګلف جاینتز لوبډلمشر جیمز وینس په ۴۴ توپونو د ۶۵ منډو پر جوړولو د خپلې لوبډلې هدف په ۱۴.۱ آوورونو کې پوره کړ.

ابوظبي نایت رایدرز د لوبې له پچې ګټلو او توپ وهنې پرېکړه وکړه؛ خو ونه توانید، چې خپل اننګز له پیل څخه سم پرمخ بوځي. سانچیت شرما په څلورم آوور کې کولن انګرام په توپونو ۷ منډې جوړې کړې او په پرله پسې توپونو یې دوه ویکتې واخیستې او براندن کینګ او کونور ایستروزین وسوځول.

د ۲۰۲۳ نړیوال شل آوریز لیګ د لوبډلو جوړښت:

د ابوظبي نایت رایدرز لوبډله: سونیل ناراین (لوبډلمشر) آندرې رسیل، جاني بیرستو، پال سترلینګ، لیهرو کومارا، چریت سلانکا، برندون ګوور، کالین اینګرام، عقیل حسین، سیکوګي پراسانا، راوي رامپال، ریمون ریفر، کینار لیویس، مطیع الله خان، فرهاد نواز، صابر علي، علي خان، زوار فرید او زمان خان.

دیزرت وایپرز لوبډله: کالین مونرو (لوبډلمشر)، ونیندو هسرنگا، سام بیلینګز، الیکس هیلز، تام کوران، سندیپ لمیچاني، ثاقب محمود، شېرفاني روترفورد، بین دوکیت، بیني هاویل، شیلدون کاتریل، روبین ترمپیلمن، اعظم خان، روحان مصطفی، شېراز احمد، علي نصیر، روناک پانولي، آرین لکرا او روزونکی: جیمز فوستر.

د دوبۍ کپیتلز لوبډله: روفمن پاول (لوبډلمشر)، دشمنتا چمیرا، حضرت الله ځاځي، فبیان آلن، مجیب الرحمن، سکندر رضا، ایسورو ادانا، نیروشان دیکویلا، داسون شناکا، بنوکا راجاپاکسا، دان لارینس، بلیسنګ مضرباني، جورج مونسي، فرید کلاسن، جوروت، رابین اوتاپا، روي بوپارا، حضرت لقمان، چراغ سوري، جیش جیاناني، عاکف راجا، یوسف پتان، راهول باتیا او  روزونکی: فیل سایمونز.

د ګلف لوبډله: جیمز وینس (لوبډلمشر) کریس جوردن، کریس لین، شیمرون هیتمیر، تام بینتون، دامینیک دریکز، دیوید ویس، لیام داسن، سی پی رضوان، جیمی آورتون، قیس احمد، ریچارډ ګلیسن، ایلی پاپ، ریحان احمد، وین مدسین، آیان افضل خان، انش تاندون، سانچیت شرما، اشونت ولتپا او روزونکی: اندي فلاور.

د ام آی اماراتو لوبډله: کایرون پولارد (لوبډلمشر)، دوین برافو، نیکولاس پوران، ترینت بولت، اندری فلیچر، عمران طاهر، سمیت پتیل، ویل سمید، باسل حمید، جوردن تامپسن، نجیب الله ځدران، ظاهر خان، فضل الحق فاروقي، براد ویل، بیس دی لید، محمد وسیم، ویریتیا اراویند، ظهور خان، لورکان تکر، جانتن فیګي او روزونکی: شین باند.

د شارجه واریرز لوبډله: معین علي (لوبډلمشر) دیوید مالان، ایوین لیویس، محمد نبي، کریس ووکس، نور احمد، رحمان الله ګاربز، نوین الحق، تام کوهلر کادمور، کریس بینیامین، دني بریګز، مارک دیال، بلال خان، جي جي سمیت, کارتیک میاپان, علي شان شرف, جنید صدیق , محمد جاویدالله او روزونکی: پاول فاربریس.

سیالۍ څنګه وګورو؟!

 

په افغانستان کې د کرکت مینه وال یو ځل بیا کولی شي، چې په آریانا تلویزیون کې د نړۍ پر کچه دغه سیالۍ پر ژوندۍ بڼه او په خپلو کورونو کې وګوري.

 

د بشپړ نشراتي مهالویش لپاره داځای کېکاږئ

 

Continue Reading

لوبی

د اماراتو لوبډلې په نړیوال ۲۰ آوریز لیګ سیالیو کې شارجه وګتله

Published

on

(Last Updated On: مرغومی ۲۶, ۱۴۰۱)

په ابوظبي کې د ام آی امارات کرکت لوبډلې د شنبې پر ورځ د دغو سیالیو دوه یمه لوبه له شارجه واریرز لوبډلې څخه پر ۴۹ منډو وګټله او د کرکت په نړیوال شل آوریز لیګ کې یې د بریاوو پر لوري ګام پورته کړ.

د سیالیو د اصولو له مخې، لوبډلې کولی شي په خپله لوبډله کې یوازې دوه ځايي لوبغاړي ولري، خو د اماراتو لوبغاړی محمد وسیم په خپله لوبډله کې د نورو ستورو پر پرتله ډېر وځلېده او پر ۳۹ توپونو یې  ۷۱ منډې جوړې کړې. د اماراتو لوبډلې د ۵ لوبغاړیو پر سوځیدو ټولټال ۲۰۴ منډې جوړې کړې او د شارجه واریرز په وړاندې یې بریا خپله کړه.

وسیم پېنځه شپږیزې ووهلې او هغه مهال له وسوځېده، چې پېنځه نیم آوورونه پاتې ول. مخکې له دې، چې هغه لرې شي، کریس ووکس د دوه منډو لپاره ویل سمید لرې کړ او اندریو فلیچر یې لرې کړ؛ ځکه، چې رحمان الله ګربز د فلیچر شاته توپ ونیوه.

ووکس په څلور آورونو کې یوازې ۲۳ منډې ورکړې.

معین علي، کارتک میاپن، محمد نبي او جو دینلي په اته آورونو کې سیالې لوبډلې ته ۹۸ منډې وکړې.

د ویسټ اندیز لوبغاړی نیکولاس پورن هم ښه وځلید او ۴۹ منډې یې وکړې؛ خو نجیب الله ځدراڼ په لومړي توپ له منځه ولاړ، چې ګربز توپ له هوا ونیوه.

د شارجې لوبډلې لپاره کریس ووکس او رحمن الله ګربز په ترتیب سره ۶۲ او رحمن الله ګربز ۴۳ منډې جوړې کړې؛ خو هدف ته ونه رسید او په ۲۰ آوورونو کې یې د ۹ لوبغاړیو پر سوځیدو ۱۵۵ منډې جوړې کړې.

دا سیالۍ څنګه وګورو؟!

په ټول افغانستان کې د کرکت مینه وال کولی شي دغه نړیوالې سیالۍ په ژوندۍ بڼه په خپلو کورونو کې د آریانا تلویزیون له لارې وګوري.

د مهالوېش د لیدلو لپاره دلته کلیک وکړئ.

Continue Reading

Trending

Copyright © 2022 Ariana News. All rights reserved!