Connect with us

تازه خبرونه

د آسیا پراختیایي بانک مشرانو بورډ د بانک بودجه تصویب کړه

Published

 on

(Last Updated On: غبرګولى ۲, ۱۳۹۹)

د آسیا پراختیایي بانک د مشرانو بورډ په خپل کلنۍ ناسته کې د دغه بانک د مالي لګښتونو بودجه تصویب کړه.

د آسیا پراختیایي بانک په خپله رسمي ویب پاڼه کې لیکلي چې د دې د مشرانو بورډ د بانک د مالي لګښتونو او د کال ۲۰۱۹ د خالص عاید تخصیص نن په کلنۍ ناسته کې تصویب کړه.

دغه کلنۍ ناسته نن د جمعې پر ورځ د کرونا رنځ له ویرې د ویډیو له لارې په مجازي توګه ترسره شوه.

ښاغلي ماساسوګو آساکاوا، د دغه بانک مشر، غونډې ته د خپلو څرګندونو په لړ کې وویل: “زمونږ سمدستي لومړیتوب د پرمختللي غړو هیوادونو لپاره حیاتي ملاتړ چمتو کول دي ځکه چې دوی د کوویډ۱۹ وبا سره لاس او ګریوان دي او باید خپل اقتصاد د دوامداره ودې په حالت کې وساتي.”

هغه زیاته کړه: “د مالي لګښتونو او د خالص عاید تخصیص په اړه نن ستاسو تصویب ډاډ ورکړ چې مونږ د لویو ننګونو د حل لپاره مالي ثبات لرو چې دا ډاډ سیمه کې د میلیونونو خلکو پر ژوند او اقتصاد ښه اغیزه کوي.”

د مشرانو د بورډ رئیس بیا داسی وویل: “نن ورځ زمونږ انتخاب او هڅې به دا څرګنده کړي چې آیا مونږ کولی شو د اوسنی روغتیایي ناورین او اقتصادي بحران باندې بریالي شو که نه!”

هغه زیاته کړه: “د آسیا پراختیایی بانک باید اوسنې بحران یو فرصت ته واړوي، د کوویډ۱۹ په اړه د موندنو د شریکولو ترڅنګ باید له نادارو هیوادونو مالي ملاتړ پراخ کړل شي.”

د مشرانو د بورډ لخوا یو پریکړه لیک تصویب شو چې پر اساس یې د کال ۲۰۱۹ عادي پانګې له سرچینو څخه، ۱ اعشاریه ۰۶۹ ملیارډ ډالر د خالص عاید په څیر تخصیص کړل شو.

یاد تخصیص شوي رقم به په دا ډول وویشل شي؛ ۶۱۵ اعشاریه ۷ ملیون ډالر د خالص عاید تولید لپاره د آسیا پراختیایی بانک د پانګوالي ملاتړ لپاره، د آسیا پراختیایی بودجې ته ۲۵۹ اعشاریه ۵ ملیون ډالر چې د آسیا پراختیایی بانک لږعایدلرونکي غړو هیوادونو ته وړیا مرستې ورکوي، د تخنیکي مرستو ځانګړي بودجې ته ۱۳۰ ملیون ډالر، چې په دي کې د کوویډ-۱۹ رنځ د مبارزې ملاتړ هم ښکیل دی، د سیمه ییزې همکارۍ بودجې ته ۳۰  ملیون ډالر، د اقلیم بدلون بودجې ته ۲۴ ملیون ډالر، او ۱۰ ملیون ډالر د آسیا د اوقیانوس ناورین د غبرګون بودجې ته، ورکول کیږي.

د آسیا پراختیایي بانک تل په فعاله توګه خپلو غړو سره مرسته کړې؛ لکه څرنګه چې یې د اپریل په ۱۳ مه د کوویډ-۱۹ پر وړاندې د مبارزې کڅوړې ته ۲۰ ملیارد ډالرو ور وغورځول.

تازه خبرونه

د سمنګان ولایت په مدرسه کې چاودنه په پراخه کچه وغندل شوه

Published

on

(Last Updated On: ليندۍ ۱۰, ۱۴۰۱)

د سمنګان ولایت د مرکز ایبک ښار په الجهادي نومې مدرسه کې د چارشنبې خونړۍ چاودنې، چې له یو شمېر ماشومانو او تنکيو ځوانانو یې خوږ ژوند واخیست او یو شمېر نور یې ټپیان کړل؛ ملي او نړیوال غبرګونونه راوپارول.

د کورنیو چارو وزارت ویاند عبدالنافع ټکور ویلي: نن ماسپښین د سمنګان ولایت مرکز ایبک ښار په یوه دیني مدرسه کې چاودنه رامنځته شوې، چې له کبله یې شاوخوا ۱۰ زدکوونکي وژل شوي او یو شمېر نور ټپیان دي.

د افغانستان لپاره د امریکا ځانګړي استازي توماس ویست په یو لړ تویتونو کې دا برید وحشتناک بللی دی.

ویست څرګنده کړی: ټول افغان ماشومان حق لري، چې پرته له وېرې مدرسې ته ولاړ شي؛ امریکا د بې ګناه ملکي وګړیو پر وړاندې دا بې رحمانه بريد غندي.

د بښنې نړیوالې ټولنې دغه چاودنه خواشینوونکې نومولې او په یوه تویت کې یې زیاته کړې، چې دا نړۍ وریادوي، چې د افغانانو کړاوونه اوس هم پای ته ندي رسیدلي.

د بښنې نړیوال سازمان ویلي، افغانستان د نړۍ پام غواړي او د دغه هېواد د خلکو د خوندیتوب لپاره باید کلکې هڅې وشي او د دغه ډول بزدلانه بریدونو مسوولین محاکمه شي.

د ملګرو ملتونو د ماشومانو وجهي صندوق (یونیسف) هم په خپل غبرګون کې څرګنده کړې، چې د دغې چاودنې له کبله سخت خواشیني شوي دي.

یونیسف زیاته کړې، چې د روان کال په لومړۍ نیمایي کې هم لږ تر لږه ۲۸۸ ماشومان وژل شوي یا ټپیان شوي، چې په هغو کې پر ښوونځیو او تعلیمي چاپېریال بریدونه هم شامل دي.

د دې ادارې د څرګندونو له مخې؛ داسې انګیرل کیږي، چې اصلي شمېر خورا لوړ دی.

د ملګرو ملتونو د ماشومانو وجهي صندوق ویلي، چې ماشومان باید هیڅکله د تاوتریخوالي هدف نه وي.

د ناروې د بهرنیو چارو وزیرې انیکن هویتفیلد دغه چاودنه غندلې او خپله خواشیني داسې څرګندوي: د افغانستان په سمنګان ولایت کې پر یوه ښوونځي برید حشتناکه و؛ ځکه، چې بې ګناه خلک او زدکوونکي یې ووژل او ټپیان کړل. دا ظلمونه یوازې په افغانستان کې د بحرانونو ګڼه ګوڼه زیاتوي. زما فکر د قربانیانو کورنیو او د دوی عزیزانو ته ورګرزي.

جرمني هم د سمنګان په ښوونځي کې چاودنه غندلې او ویلي یې دي، چې ماشومان باید له وېرې او زیان پرته ښوونځي ته ولاړ شي.

د آلمان د بهرنیو چارو وزارت څرګنده کړې؛ مونږ د افغانستان په شمال ایبک ښار کې پر یوه ښوونځي د برید په اړه د ماشومانو او ځوانانو په ګډون د ګڼو کسانو د وژل کېدو او ټپي کېدو د راپورونو له کبله ټکان وخوړ. ماشومان باید پرته له وېرې او زیان ښوونځي ته ولاړ شي. زموږ فکرونه د هغو کسانو سره دي چې د خپلو عزیز پر وژل کېدو غمجن دي.

د سمنګان ولایت د اطلاعاتو فرهنګ رییس امدادالله مهاجر ويلي، د چارشنبې پر ورځ د سمنګان ولایت مرکز ایبک ښار ته څېرمه په جهاديه مدرسه  کې د لمانځه پر مهال چاودنې ١٥ زدکوونکي وژلي او يو شمېر نور ټپيان دي.

دغه برید په کور دننه هم په پراخه کچه وغندل شو.

د اوسني حکومت سیاسي مرستیال مولوي عبدالکبیر د سمنګان په دیني مدرسه کې چاودنه پر کلکو ټکو غندلې او ویلي یې دي، چې دا د ټولو اسلامي او بشري اصولو خلاف او د نه بخښلو وړ جنایت دی.

مولوي کبیر تویت کړی د افغانستان او اسلام دښمنانو په دې برید د قرآن او سنتو زدکوونکي زیانمن کړل او له اسلام سره یې خپله دښمني څرګنده کړه. زه ډاډ درکوم، چې د دغه جنایت عاملین به بې ځوابه پاتې نشي.

د کورنیو چارو وزارت هم چاودنه تائید کړې ده.

د کورنیو چارو وزارت ویاند عبدالنافع تکور وايي:د سمنګان د مرکز ایبک په یوه دیني مدرسه کې چاودنې ۱۰ زدکوونکي وژلي او ګڼ نور یې ټپیان کړي دي.

په ټولنیزو رسنیو کې راپورونه ښيي، چې د تلفاتو شمېر له دې ډېر دی.

د سمنګان د ولایتي روغتون چارواکي وايي، د دغه ولایت په جهاديه مدرسه کې د چاودنې د قربانیانو شمېر ۱۹  کسانو  ته رسیدلی دی. د دغه روغتون رییس زیاتوي، د پېښې ۹ ټپيان، چې روغتیايي وضعیت نازک و د بلخ ولایت حوزوي روغتون لېږدول شوي دي.

تر اوسه کومې ډلې د دې چاودنې مسوولیت پر غاړه ندی اخیستی.

په همدې حال کې اسلامي امارت وايي، چې د دې چاودنې د څرنګوالي په اړه یې پلټنې پیل کړي او ډېر ژر به د دغې پېښې عاملین وپېژندل شي او مجازات به شي.

Continue Reading

تازه خبرونه

اسلامي امارت د افغانستان په ۱۳ ښارونو کې د آزادي راډیو خپرونې بندې کړې

Published

on

(Last Updated On: ليندۍ ۱۰, ۱۴۰۱)

د افغانستان د اسلامي امارت د اطلاعاتو او فرهنګ وزارت د نشراتو رییس ویلي، چې د افغانستان په ۱۳ ښارونو کې یې د آزادۍ ایف ایم رادیو خپرونې بندې کړې دي.

د اطلاعاتو او فرهنګ وزارت د نشراتو د څارنې مسوول عبدالحق حماد څرګنده کړې؛ دا رادیو د ژورنالیستیکو اصولو خلاف او یو اړخیز خبرونه خپروي.

حماد زياته کړې: دغه رسنۍ د امريکايي اشغال پر مهال خپرونې پيل کړې وې او د ژورناليستيکي اصولو د نه مراعاتولو او يو طرفه خپرونو د خپرولو او منفي تبلیغاتو له کبله تړل بنده شوې ده.

په ورته وخت کې امریکا غږ هم خبر ورکړی، چې د افغانستان د اطلاعاتو او فرهنګ وزارت د نویو لارښوونو له مخې به د دسمبر له لومړۍ نېټې څخه د افغانستان له دننه څخه د امریکا غږ رادیو خپرونې بندې شي.

Continue Reading

تازه خبرونه

حکومت دې له وړتیاوو برخمن ځوانان پر کارونو وګوماري – ځوانان

Published

on

(Last Updated On: ليندۍ ۸, ۱۴۰۱)

د هرات ځوانان له حکومته غواړي، چې د حکومتوالۍ په برخه کې له لوستي او پر کار پوه نسل څخه کار واخلي.

د اسلامي امارت له بیا واکمنېدو شاوخوا یو نیم کال تېرېږي او په دې موده کې ګڼشمېر لوستو ځوانانو خپل هېواده پرېښی او ځيني یې، چې په دولت کې یې کار کاوه د دندو پریښودو ته اړ شوي دي.

په همدې حال کې د هرات ځوانان د ځوان نسل د استعدادونو او وړتیاوو په برخه کې د حکومت پر نه پاملرنې نیوکه کوي.

دغه ځوانان له دې کبله اندېښمن دي، چې ډېر لوستي کسان هېواد پرېږدي او یا له حکومته ایستل کېږي.

د اطلاعاتو او فرهنګ وزارت د ځوانانو مرستیال وايي؛ ځوانان د هېواد ۶۷ سلنه نفوس جوړوي او حکومت ژمن دی، چې له دغو ظرفیتونو او استعدادونو څخه د حکومتوالۍ د ښه والي او پراختیايي چارو په برخه کې کار واخلي.

د ځوانانو چارو مرستیال په دې وروستيو کې د هېواد بیارغونې ته د ځوانانو د هڅولو پروګرامونه پيل کړي او په ولايتونو کې یې له ځوانانو سره خبرې هم کړې دي.

مدني هڅاند عبدالهادي قانع وایي: له بده مرغه، چې څه باندې یو کال تېر شو؛ خو مونږ ونشو کولی، چې د ځوانانو د رواني فشار او د بې روزګارۍ له ستونزې سره مقابله وکړو؛ ځکه، نو لږ تر لږه له ځوانانو سره د لنډ مهاله او ګټورو پلانونو لپاره په ولایتونو کې د ځوانانو د غوښتنو د اورېدلو لپاره ملي خبرو اترو ته اړتیا ده.

د اطلاعاتو او فرهنګ وزارت د ځوانانو چارو مرستیال په دې ورځو کې د هېواد د بېلابېلو ولايتونو له ځوانانو سره په خبرو بوخت دى؛ هغه د هرات له ځوانانو سره په لیدنو کې ژمنه وکړه، چې له ځوان نسل څخه به د حکومتوالۍ په برخه کې کار اخلي. هغه وايي، دا مهال ځوانان د هېواد شل میلیون وګړي جوړوي، چې نیمايي یې نجونې دي؛ خو حکومت ژمن دی، چې د ځوانانو له ظرفیتونو او استعدادونو کار واخلي.

د اطلاعاتو او فرهنګ وزارت د ځوانانو چارو مرستیال محمد یونس راشد وایي: له بده مرغه زمونږ دښمنان وايي چې ځوانان د افغانستان په ټولنه، دولت او اقتصاد کې د پام وړ ونډه نلري؛ خو دا منفي تبلیغات دي. د افغانستان اسلامي امارت ژمن دی، چې د هېواد د ګرانو ځوانانو په حق کې ونډه واخلي. اوس په وزارتونو او دولتي ادارو کې زیاتره کاري ځواک ځوانان دي.

که څه هم د هرات ځوانان په دې باور دي، چې په تېرو دوه لسیزو کې د ځوان نسل لپاره کوم لوی کار ندی شوی؛ خو اوس هیله من دي، چې د اسلامي امارت مسوولین به لوستي او با استعداده نسل ته دا فرصت ورکړي، چې له وړتیاوو او استعدادونو یې ګټه واخیستل شي.

د هرات اوسېدونکی غلام یحیی عزیزي وایي: د اطلاعاتو او فرهنګ وزارت د ځوانانو چارو ریاست باید د ولسوالیو په کچه د سواد زدکړه، انګلیسي ژبه او تعلیمي پروګرامونه پیل کړي، چې ځوانان وکولی شي له دغو پروګرامونو ګټه پورته کړي او د خپلو زدکړو کچه لوړه کړي.

د هرات یو بل اوسېدونکی احمد فرزاد فخري وایي: مونږ غواړو، چې ځوانان په لویه کچه کار وکړي او د ځوانانو له استعدادونو څخه د سترو موخو لپاره کار واخیستل شي. نن ورځ مونږ ډېر ځوانان لرو، چې استعدادونه او وړتیاوې لري؛ خو د هغوی له ظرفیت څخه کار نه اخیستل کیږي.

د هرات د اطلاعاتو او فرهنګ رییس نعیم الحق حقاني ویلي: زمونږ تر ټولو لویه هڅه دا وه، چې ځوانان مو د امید جوړونې او هوساینې پر لوري وهڅول شي او تر یوه حده مو ځوانانو ته ډېر تعلیمي پروګرامونه او کورسونه وړیا برابر کړي دي.  

که څه هم د اطلاعاتو او فرهنګ وزارت چارواکي په بېلابېلو غونډو کې له لوستي او ځوان ځواک سره نوې ژمنې کړي دي؛ خو ځوانان په دې باور دي، چې دا ژمنې باید پاې او عملي شي.

Continue Reading

Trending

Copyright © 2022 Ariana News. All rights reserved!