Connect with us

تازه خبرونه

د آمو سیند د تېلو ورځنی استخراج به له دوه زره ټنو زیات شي – افچین شرکت

خپور شوی

د

(Last Updated On: )

د افغانستان د کانونو او پټرولیم وزارت د یکشنبې پر ورځ د چینايي کمپنۍ افچین د مشر د څرګندونو له مخې خبر ورکړ، چې په ۲۰۲۴ ز. کال کې د ۲۴ نویو څاګانو له فعالېدو سره به د ورځنیو تېلو د استخراج کچه دوه زره ټنو ته لوړه شي.

د یاد وزارت د خبرپاڼې پر بنسټ، د یاد شرکت مشر د کانونو او پټرولیم وزارت له چارسمبالي سره د ۲۰۲۴ ز. کال د پلانونو، د ۶ زره ټنو پر وړتیا د تېلو د زېرمو جوړولو، د تېلو د چاڼ‌خونې جوړېدو، د دوه نافعالو څاګانو رغولو او د ۲۲ نویو څاګانو د کیندلو په اړه خبرې کړې دي.

د افچین شرکت اوس‌مهال د ۴ زره ټنو پر وړتیا د تېلو زیرمه لري او په پام کې ده، چې په قشقري سیمه کې د ۶ زره ټنو پر وړتیا د تېلو نوې زېرمه جوړه کړي.

د کانونو او پټرولیم وزارت سرپرست شهاب الدین دلاور د افچین شرکت له رییس سره په کتنه کې د کانونو پر روڼتیا ټینګار وکړ.

هغه ويلي: د تېلو د څانګوالو ( متخصصينو) او انجنيرانو په استخدام کې بايد يوازې افغانانو ته د درې زره ۹۰۰ امريکايي ډالرو پر حد اکثر معاش زمينه برابره شي او که په افغانستان کې متخصصين نه‌وي، د سيمې پر کچه د معاشونو پر ورکولو دې بهرنيان وګومارل شي.

دا په داسې حال کې ده، چې د اسلامي امارت چارواکو ویلي؛ هڅه کوي افغانستان د ګاز او تېلو په برخه کې پر ځان‌بسیا شي.

تازه خبرونه

تحول: په افغانستان کې د ټا‌پي پروژې د پیلولو لپاره هڅې

Published

on

(Last Updated On: )

Continue Reading

تازه خبرونه

د کانونو او پټرولیم وزارت نوي چارسمبالي په کانونو کې د پانګونو غوښتنه وکړه

هدایت الله بدري نن (سې شنبه د چنګاښ نولسمه) د کانونو او پټرولیم وزارت کارکوونکیو ته د معرفۍ په مراسمو کې ویلي؛ دوی به اجازه ورنکړي، چې خام مواد له هېواده بهر ولېږدول شي.

Published

on

(Last Updated On: )

د کانونو او پټرولیم وزارت نوي چارسمبالي هدایت الله بدري پر کورنیو او بهرنیو پانګوالو غږ وکړ، چې د هېواد د کانونو په برخه کې پانګونه وکړي.

هدایت الله بدري نن (سې شنبه د چنګاښ نولسمه) د کانونو او پټرولیم وزارت کارکوونکیو ته د معرفۍ په مراسمو کې ویلي؛ دوی به اجازه ورنکړي، چې خام مواد له هېواده بهر ولېږدول شي.

هغه په ​​دوامدار ډول په قراردادونو کې پر شفافیت ټینګار وکړ.

بدری وایي: مونږ کورنۍ او بهرنۍ پانګونه راجلبوو. مونږ هڅه کوو، چې د هېواد دننه کانونه پروسس او د اومه توکو د صادراتو مخه ونیسو. مونږ پر بشپړ شفافیت قراردادونه تر سره کوو او خپله تخنیکي وړتیا لوړوو.

په دې مراسمو کې د چارو ادارې مشر ټینګار وکړ، چې په حکومت کې تبدیلي او بدلون یوه عامه خبره ده او د کارونو په ترسره کولو کې هیڅ ډول ستونزې نه رامنځته کیږي.

د چارو ادارې مشر نورالحق انور وايي: د شريعت له مخې امير ټاکونکی او خپل مکلفيتونه لري او څوک، چې ټاکل کېږي هم خپل مکلفيتونه لري. شريعت د دواړو خواوو لپاره خپلې سپارښتنې او هدایتونه واضح کړي دي. تر ټولو مهمه مسله دا ده، چې امیر په خپلو ګمارنو کې د شریعت ټول معیارونه مراعاتوي او څوک، چې په جوړښت کې دننه کیږي په رښتیا هم وړ اهلیت لري.

دغه راز د کانونو او پټرولیم وزارت پخوانی چارسمبالی شهاب الدین دلاور هم په حکومت کې د بدلون راوستل اصولي بولي او وايي، چې دوی د مشرتابه د امر تابع دي.

شهاب الرین دلاور هم د سرې میاشتې ادارې د مشر په توګه خپله دنده پیل کړه.

هغه ويلي: د اسلامي نظام خدمتونه بايد د ټولو لپاره يو شان وي؛ خو لومړيتوب بايد هغو کسانو ته ورکړ شي، چې ډېر ځورېدلي دي.

په دې وروستیو کې د اسلامي امارت رهبر د اسلامي امارت ۹ مسوولان له خپلو پخوانیو دندو ګوښه او پر نویو دندو وګمارل، چې نن یې دې دوه کسانو پر دندو پیل وکړ.

اوږند خبرونه:

اسلامي امارت د کانونو وزارت او د مرکزي بانک چارسمبالي بدل کړل

                                                                    

Continue Reading

تازه خبرونه

پاکستان له افغانستان سره د ستونزو پر حل ټینګار وکړ

بلاول یو ځل بیا ټینګار کړی، چې ډېر هېوادونه او ځواکونه هلته ناکام شوي دي.

Published

on

(Last Updated On: )

د پاکستان د خلکو ګوند مشر بلاول بوټو زرداري د دوشنبې پر ورځ (د چنګاښ اتلسمه) په یوه خبري غونډه کې ویلي، چې د پاکستان او افغانستان تر منځ ستونزې یوازې د ساده ناستو له لارې حل کېدی نشي.

هغه د دواړو هېوادونو پر وړاندې د پېچلو مسايلو د حل لارې موندلو پر اړتیا ټينګار وکړ.

بلاول یو ځل بیا ټینګار کړی، چې ډېر هېوادونه او ځواکونه هلته ناکام شوي دي.

 هغه وايي: افغانستان ته په سفر کې د چايو پر څښلو ستونزې نه حل کېږي. ما د بهرنیو چارو د وزیر په توګه د چین، پاکستان او افغانستان ترمنځ د خبرو اترو زمینه برابره کړه. د افغانستان او پاکستان ستونزې د حل وړ دي؛ خو باید وپوهیږو، چې ټولې مسلې د افغانستان تر ادارې لاندې ندي.

ویل کیږي، چې اسلامي امارت له ګاونډ هېوادونو سره ښې اړیکې غواړي او باید د افغانستان او نورو هېوادونو ترمنځ د مثبتو اړیکو، ښو سیاسي اړیکو او د باور فضا زمینه رامنځته شي.

اړوند خبرونه:

د پاکستان لنډمهالي حکومت له نورو سره له مشورې پرته افغان کډوال ایستلي – بلاول بوتو زرداري

اسلام‌آباد باید د افغانانو او ترهګرو ترمنځ توپیر ومني – د پاکستان بهرنیو چارو پخوانی وزیر

Continue Reading

Trending

Copyright © 2022 Ariana News. All rights reserved!