Connect with us

ساینس او ​​ټیکنالوژي

د اتومي جګړې ګواښ د ۵ میلیارد انسانانو د وژنې اندېښنه رامنځته کړې – څېړنه

Published

 on

(Last Updated On: زمری ۲۶, ۱۴۰۱)

د راتګرز پوهنتون ساینس پوهانو په ډاګه کړې، چې د امریکا او روسیې ترمنځ اتومي جګړه کیدای شي پېنځه میلیارد انسانان ووژني.

څېړونکیو ادعا کړې، چې عصري اتومي جګړه او په پایله کې یې نړیوال قحط کولی شي پېنځه میلیارد خلک ووژني.

د بلومبرګ د څرګندونو له مخې؛ د امریکا د راتګرز پوهنتون ساینس پوهانو د اتومي جګړې د شپږ احتمالي سناریوګانو احتمالي اغېزې تحلیل کړي. دوی په خپلو څېړنو کې څرګنده کړې، چې د امریکا او روسیې تر منځ یوه بشپړه جګړه، چې تر ټولو بده پېښه ده؛ د ځمکې پر مخ به له نیمايي ډېر انسانان له منځه یوسي.

دوی ویلي: په اتومي جګړه کې، ښارونه او صنعتي سیمې په نښه کیږي؛ بمونه به اورونه پیل او د ځمکې اقلیم ګډوډ کړي، چې ځمکني او سمندري خواړه هم ترې اغېزمن کیږي.

د راپور له مخې، حتا یوه نسبتا کوچنۍ جګړه به هم د نړۍ د خواړو تولید لپاره ویجاړونکې پایلې ولري. د هند او پاکستان تر منځ سیمه ییزه جګړه به په پېنځه کلونو کې د تولید سطحه په سلو کې اووه کمه شي. په داسې حال کې، چې د امریکا او روسیې اټومي جګړه به له درې څخه تر څلور کلونو د خواړو په تولید کې ۹۰ سلنه کمښت راولي.

له بلې خوا پر اوکراین د ولادیمیر پوتین له برید وروسته د امریکا او روسیې ترمنځ ترینګلتیا ډېره شوې ده. په دې اړه د روسیې د بهرنیو چارو وزیر سرګي لاوروف د اپریل په میاشت کې خبرداری ورکړ، چې د اتومي جګړې جدي خطر شته دی.

د دې څېړنې یو لیکوال پروفیسور الان روبک وايي: زمونږ معلومات یو شی ښیي؛ مونږ باید د اتومي جګړې مخه ونیسو.

ساینس او ​​ټیکنالوژي

مونږ د تیک تاک ټولنیزه شبکه او د پابجي لوبه بندوو- مخابراتي شرکتونه

Published

on

(Last Updated On: وږی ۲۷, ۱۴۰۱)

د شنبې پر ورځ (د وږي شپږویشتمه) د افغانستان د مخابراتو او معلوماتي تکنالوژۍ وزارت او مخابراتي شرکتونو د مسوولینو په ګډه غونډه کې د ټولنیزې شبکې تیک تاک او پابجي لوبې پر بندولو بحث او خبرې وشوې.

دغه غونډه د مخابراتو او تکنالوژۍ د وزیر نجیب الله حقاني په مشرۍ د کورنیو چارو وزارت، د استخباراتو د عمومي ریاست، د امر بالمعروف او نهی عن المنکر او شکایتونو وزارت، برښنا شرکت او د چارو ادارې د استازیو پر حضور ترسره شوه.

د مخابراتو او معلوماتي تکنالوژۍ وزارت د څرګندونو له مخې؛ په دې ناسته کې د اړوند وزارتونو او ادارو څانګوالو ډلو، چې له مخابراتي شرکتونو سره یې د پابجي او تیک تاک د بندولو په برخه کې په ګډه کار کړی، خپلې لاسته راوړنې، راپورونه او هغه لارې چارې یې وړاندې کړې، چې د مخابراتي شبکو د بندولو په برخه کې اغېزمنې دي.

وزارت په ډاګه کړې؛ په پای کې مخابراتي شرکتونو ژمنه وکړه، چې د یوې میاشتې دننه تیک تاک ټولنیز شبکه او په درې میاشتو کې پابجي لوبه بنده کړي.

له هند او پاکستان وروسته افغانستان درېیم هېواد دی، چې پر دې لوبې بندیز لګوي.

دا په داسې حال کې ده، چې د افغانستان اسلامي امارت د روان کال په پیل کې د تیک تاک اپلیکیشن او انلاین لوبې پابجي د بندولو امر وکړ، چې ځوان نسل د ګمراهۍ سبب ګرځي.

Continue Reading

ساینس او ​​ټیکنالوژي

اروپایي اتحادیې له انترنیت سره د نښتو ځیرکو وسیلو د امنیت ساتنې ډاډ څرګند کړ

Published

on

(Last Updated On: وږی ۲۶, ۱۴۰۱)

اروپايي ټولنه په پام کې لري، چې له انترنیت سره نښتی کمپیوتر، یخچال او ځیرک ګرځند له سایبري بریدونو خوندي کړي؛ د مقرراتو د پلي کولو پروګرام جوړ کړی دی.

د اروپایی کمیسیون له وړاندیز شوي پلان سره سم هغه شرکتونه، چې له انترنیت سره نښتي ځیرک ګرځند  محصولات تولیدوي؛ باید د سایبر بریدونو خطرونه و ارزوي او د دې بریدونو د مخنیوي هڅې ترسره کړي.

په نړۍ کې سایبري بریدونه او باج اخیستونکي وسایل د پام وړ ډېر شوي، چې له کبله یې اروپایي اتحادیې یو لړ قوانین تصویب کړي، چې که د ځیرکو محصولاتو جوړونکي یې د مخنیوي هڅې په پام کې ونلري؛ ۱۵ میلیون یورو یا ۲ اعشاریه ۵ سلنه معادل یې باید جریمه شي.

پدې توګه شرکتونه مکلف دي، چې د خپلو محصولاتو سایبري امنیت خوندي او خطرونه وارزوي او له پېنځه کلونو څخه تر ۱۰ کلونو پورې، چې د محصولاتو کاري وخت دی؛ د سایبري بریدونو پروړاندې هڅې درېدل یقیني کړي.

هغه شرکتونه، چې بهرني ځیرک محصولات واردوي او وېشل یې ترسره کوي؛ باید ډاډ ترلاسه کړي، چې تر لاسه شوي محصولات د هکرانو او سایبري بریدونو څخه خوندي دي.

Continue Reading

ساینس او ​​ټیکنالوژي

د راتلونکی آرتمیس توغولو هڅه د سپتمبر تر وروستیو وځنډېده

Published

on

(Last Updated On: وږی ۲۰, ۱۴۰۱)

ناسا ویلي؛ له تېرې ناکامې هڅې وروسته مو پرېکړه کړې، چې د راتلونکي آرتمیس توغندي د توغولو  بریالۍ هڅه به د سپتمبر په وروستیو کې ډاډمنه شي.

د امریکا فضايي ادارې د څرګندونو له مخې: که دا هڅه ناکامه شي؛ نو بیا اړ یوو، چې تر اوکتوبره پورې تم شو او د توغندي د توغولو هڅه نوره هم وځنډوو.

ناسا د تېرې اوونۍ په پای کې د هایدروجني سوندبې د سوري او لیک کېدو له کبله د راتلونکي آرتمیس او اورین بېړۍ د توغولو وروستۍ هڅه، چې توغندی ترې زیانمنېدو؛ وځنډوله.

ناسا وايي: تمه ده، چې د سپتمبر پر ۲۳ یا ۲۷ نېټه مو دا توغندی فضا ته وتوغول شي.

راتلونکی ارتمیس توغندی به هغه لومړنۍ بېړۍ ولېږدوي، چې له ۱۹۷۰ کلونو راپدیخوا د اوږدمهاله انساني لیږد لپاره دیزاین شوې ده.

اړوند سرچینه څرګندوي، چې که دا ماموریت بریالی شي؛ نو ورسره د خلایي اکتشافاتو نوې پړاو هم پیلیږي او په پای کې به ناسا مریخ ته د ځمکني انسان لېږدول پیل کړي.

د ناسا د ځمکني اکتشافي سیستمونو د پروګرام ترسره کوونکی مایک بولګر ډاډ څرګندوي، چې کاري ډله یې د ټولو ستونزو په حل کې له ښه پرمختګه برخمنه ده.

Continue Reading

Trending

Copyright © 2022 Ariana News. All rights reserved!