Connect with us

تازه خبرونه

د اروپا پارلمان د افغان ښځو په اړه ځانګړې غونډه جوړوي

Published

 on

(Last Updated On: سلواغه ۱۲, ۱۴۰۰)

د اروپا پارلمان د اسلامي امارت له واکمنۍ وروسته د افغان ښځینه هڅاندو او نړیوالو ټولنو د استازیو په ګډون د افغان ښځو پر وضعیت دوه ورځنۍ ناسته جوړوي.

سرچینې زیاته کړې په دې غونډه کې به د طالبانو له واکمنېدو وروسته د افغان ښځو د اندېښمنوونکي حالت په اړه خبرې وشي.

د اروپا پارلمان څرګنده کړې، چې د سلواغې پر ۱۲ او ۱۳ / د فبرورۍ پر لومړۍ او دوه یمه د دې پارلمان ځینې غړي د افغان ښځینه هڅاندو(سیما ثمر، حبیبه سرابی، آریانا سعید، ظریفه غفاری، حوریه مصدق و شهرزاد اکبر) په ګډون د نړیوالو ټولنو استازي د افغان ښځو ورځ  تر سرلیک لاندې غونډه جوړوي.

حبیبه سرابي په دې اړه وایي: دا پروګرام د افغان ښځو د ستاینې په خاطر پر لاره اچول شوی او ښځې له خپلو ۲۰ کلنو لاسته راوړنو له خوندي کولو سره مرسته کوي او د ښځو د وضعیت د ښه کولو لپاره خپل پلانونه اعلانوي.

همدارنګه په کابل کې د ښځو د حقونو یو شمېر هڅاندو ويلي؛ دوی تمه لري، چې د افغان ښځو په استازیتوب هغو ښځو ته بلنه ورکړ شي، چې په هېواد کې د ښځو د حقونو لپاره مبارزه کوي.

د ښځو د حقونو یوې هڅاندې ترانه ادیب څرګندوي؛ هغه ښځې باید دې غونډې ته بلل شوې وې؛ تر اقتصادي او سیاسي فشار لاندې یې ژوند کړی او د ښځو د حقونو لپاره یې مبارزه کړې ده.

د ښځو د حقونو یوې بلې هڅاندې  مونسه مبارز ویلي: هغه ښځې باید ببل شوې وی، چې د نورو ښځو لپاره یې مبارزه کړې ده. دا ښځې په افغانستان کې نه وې، چې زمونږ له حاله خبرې شوې وي.

عربي متحده امارات وايي، د دا ډول غونډو ملاتړ کوي؛ خو یوازې هغه وخت، چې پایله یې د افغان ټولنې په ګټه وي.

د اسلامي امارت د ویاند مرستیال انعام الله سمنګاني ویلي: که د دې ټولنې د اعلامیې پایله د افغانستان په ګټه وي؛ مونږ یې ملاتړ کوو او که د اختلاف پایله وي، مونږ به ورته هیڅکله خوشبین نشو.

په هېواد کې د اسلامي امارت له بیا واکنېدو راپدیخوا د ښځو له حقونو د سرغړونې په اړه اندېښنې زیاتې شوي او د ملګرو ملتونو په ګډون نړیوالې ټولنې پر نوي افغان حکومت غږ کړی، چې د ښځو حقونه تامین او په دې برخه کې شته اندېښنو ته د پای ټکی کېدي.

تازه خبرونه

امریکا د اسلامي امارت ځینو چارواکو ته د ویزو پر ورکولو بندیز ولګاوه

Published

on

(Last Updated On: سلواغه ۱۳, ۱۴۰۱)

د امریکا بهرنیو چارو وزارت په افغانستان کې د ښځو د تعلیم او کار په وړاندې د پرلپسې بندیزونو او محدودیتونو په غبرګون کې د اسلامي امارت پر ځینو مشرانو د ویزو بندیز لګولی دی.

د امریکا بهرنیو چارو وزارت په یوه بیان کې ویلي؛ واشنګتن به د اسلامي امارت د مشرانو، اشخاصو او د کورنیو پر غړیو بندیزونه تر هغې روان وساتي، چې د دوی دا کړنې به د پام وړ قیمت ولري او له نړیوالې ټولنې سره د دوی اړیکې څومره خرابوي.

هغه ویلي؛ د اسلامي امارت له لوري د ښځو او نجونو د زده کړې او کار د محدودولو له امله له یو میلیون څخه زیاتې نجونې او میرمنې له تعلیم  څخه بې برخې او زیات شمېر ښځې بې روزګاره شوې دي.

د امریکا د بهرنیو چارو وزارت په اعلامیه کې راغلي: مونږ دا اقدام کوو او دا محدودیت د طالبانو( اسلامي امارت) پر ځینو اوسنیو او پخوانیو غړیو، پر امنیتي ډلو او هغو کسانو لګوو، چې ګومان کیږي پر ښځو او نجونو د لګول شویو بندیزونو مسوول دي.

په ملګرو ملتونو کې د امریکا دایمي استازې څرګنده کړې؛ مونږ د دوی د عملونو له مخې قضاوت کوو، ځکه دوی په ملګرو ملتونو کې ندي پېژندل شوي او مونږ دلته په امریکا کې ندي پېژندلي.

اسلامي امارت وايي، د بندیزونو لګول به د افغانستان د ستونزو په حل کې مرسته ونکړي او نړۍ باید خپله تګلاره بدله او افغانستان منزوي نکړي.

اسلامي امارت د اسلامي امارت د ویاند مرستیال بلال کریمي وايي، د اسلامي امارت د چارواکو پر سفرونو د بندیزونو زیاتول سمه پالیسي نده او د ستونزو په حل کې به مرسته ونکړي؛ ځکه له بندیزونو سره به افغانستان نور هم منزوي شي.

یو شمېر پوهانو ويلي، چې اسلامي امارت باید داسې پالیسي غوره کړي، چې داخلي ستونزې حل کړي او نړیواله ټولنه ورسره مثبت تعامل ولري.

د امریکا لخوا د اسلامي امارت د چارواکو پر سفر نوي بندیزونه په داسې حال کې لګول کیږي، چې د ملګرو ملتونو امنیت شورا د اسلامي امارت د دیارلس چارواکو د سفر معافیت ندی تمدید کړی.

Continue Reading

تازه خبرونه

د افغانستان دفاع وزیر د هېواد له پخوانیو جنرالانو سره وکتل

Published

on

(Last Updated On: سلواغه ۱۳, ۱۴۰۱)

د دفاع وزارت له لوري نن په یوه خپره شوې خبرپاڼه کې ویل شوي، چې د ملي دفاع وزیر او د وسلوال پوځ ستر درستیز له پخوانیو جنرالانو او افسرانو سره په لیدنه کې د هغو د هراړخیزو ستونزو د حل ډاډ څرګند کړ.

په دې کتنه کې، چې پرون (چارشنبه، د سلواغې ۱۲ ) ترسره شوې؛ دفاع وزیر محمد یعقوب مجاهد ویلي؛ اوس ټول هدف سوله، امنیت او له ځمکني بشپړتیا دفاع ده او مونږ به په هر قیمت د دې اسلامي نظام د ساتنې هڅه کوو.

دفاع وزیر او د پوځ ستر درستیز قاري فصیح الدین فطرت څرګنده کړې؛ اوس ټول هدف سوله، امنيت او د ځمکنۍ بشپړتيا دفاع ده او مونږ بايد په هر قيمت دا اسلامي نظام وساتو.

د یاد وزارت په خبرپاڼه کې راغلي، چې په يادو پخوانيو پوځيانو کې بريد جنرال افضل امان، ډګرجنرال محمد زمان احمدزي، تورنجنرال شهرګل، تورن جنرال نبي الله، بريد جنرال فريد، ډګروال افندي او يو شمېر نور جنرالان او د قول اردو پخواني قومندانانو نومونه د یادونې وړ دي.

په دې کتنه کې مجاهد وویل، چې د دوی یوازنۍ موخه په هېواد کې د سولې ټینګښت او د تېرو زخمونو مرهم کول دي.

هغه وایي، چې د تعصب د ختمولو لپاره اخلاص او مينې ته اړتيا ده.

دفاع وزير د پخوانيو پوځي افسرانو ستونزې او وړانديزونه هم واورېدل او ژمنه يې وکړه، چې د هغوى ستونزې به حل شي. نوموړي دوی ته د امنیت ډاډ هم ورکړ.

Continue Reading

تازه خبرونه

د امریکا استازي او پاکستانيو چارواکو د اسلامي امارت د ښځینه‌وو پر بندیزونو خبرې وکړې

Published

on

(Last Updated On: سلواغه ۱۲, ۱۴۰۱)

د افغانستان لپاره د امریکا ځانګړي استازي توماس ویست پاکستان ته په دوه ورځني ( د سلواغې ۱۰ – ۱۱ ) سفر کې د جنرال سید عاصم منیر په ګډون له لوړ پوړیو چارواکو سره د ترهګرۍ او د اسلامي امارت د ښخینه‌وو پر تعلیمي بندیزونو خبرې کړي دي.

د امریکا سفیر د سې شنبې پر ورځ تویت کړی او د افغانستان په اړه یې د دوه ورځنیو ګټورو غونډو په لړ کې د پاکستان میلمه پالنه ستایلې ده.

ویست څرګندوي؛ هغه د پاکستان د پوځ له مشر جنرال عاصم منیر، سفیر محمد صادق او د بهرنیو چارو له سکرتر اسد مجید خان سره لیده کاته کړي دي.

د دې لیدنو په لړ کې توماس ویست ویلي، چې دوی د تروریزم او امنیتي وضعیت، نړیوال یووالي اړتیا او د میلیونونو افغانانو حیاتي مرستو او تعلیم ته د لاسرسي په اړه د طالبانو ( اسلامي امارت) خطرناکو اغېزو په اړه خبرې وکړې.

د امریکا یاد استازي د ملګرو ملتونو دا کار مهم ګڼلی او له پلي کوونکیو څخه یې د ملاتړ غوښتنه هم کړې، چې د ښځینه مرستندویه کارکوونکیو او ښځینه زده‌کړې په اړه د اسلامي امارت د بندیزونو د لغو کولو غوښتنه وکړه.

هغه ټینګار کړی، چې: له زړورو افغان ښځو سره مې وکتل؛ هغوی مهمې غوښتنې او نیوکې وړاندې کړې. په افغانستان کې چارسمبالې ښځې له کړاوونو سره مخ دي او نړیواله ټولنه باید د هغو اړتیاوو ته لومړیتوب ورکړي.

ویست ویلي؛ ښځې او نجونې، چې په کورونو کې محدودې دي، له سختو ذهني او رواني فشارونو سره مخ دي.

ویست پر زده‌ګړو ‌او کار بندیزونه بې رحمانه برید ګڼلی او ډاډ ورکوي، چې د پاکستان ترڅنګ ولاړ یوو.

هغه دغه راز په پېښور کې د تروريستي بريد له کبله د زياتو بې ګناه خلکو پر وژل کيدو هم ژوره خواشيني څرګنده کړې ده.

دا په داسې حال کې ده، چې د اسلامي امارت د رسنیو پر خپرونو د څار مشر عبدالحق حماد ويلي، د نجونو د زده‌کړې مطلق بندول افراط دی او بې چوکاته بریښودل یې تفریط دی. د اسلامي امارت تګلاره د اعتدال پر بنسټ ولاړه ده او افراطیت نه مني.

Continue Reading

Trending

Copyright © 2022 Ariana News. All rights reserved!