Connect with us

تازه خبرونه

د اسلامي امارت سرپرست حکومت ناقانونه لاریونونه منع کړل

Published

 on

(Last Updated On: وږی ۱۹, ۱۴۰۰)

د روان کال د زمري پر ۲۴ / د اګست ۱۵ / له هغې څو ورځې وروسته، چې طالبانو په کابل کې د واکمنۍ تشه ډکه کړه او کابل یې ونیوه؛ یو شمېر افغان ښځو د افغانستان د هرات، مزارشریف او کابل په ګډون په لویو ښارونو کې د خپلو حقونو د ترلاسه کولو لپاره لاریونونه پیل او غږونه پورته کړې.

دغه راز د طالبانو پر ضد د احمد مسعود په مشرۍ د پنجشیر جبهې وسلوال مقاومت پیل کړ؛ خو د طالبانو لخوا د دغه مقاومت له ځپلو وروسته د مقاومت مشر د ملي پاڅون غږ راپورته کړ او ورسره په هرات، کابل او مزارشریف کې اعتراضي غبرګونونه پراخه شول.

د دغو لاریونونو په ځواب کې د اسلامي امارت سرپرستې ادارې د کورنیو چارو وزارت په یوه اعلامیه کې پر ناقانونه لاریونونو بندیز ولګاوه او ویې ویل، چې له اجازې او قانوني اسنادو پرته د محدود شمېر خلکو روان لاریونونه به هېوادنی امنیت او ورځنی ژوند ګډوډ کړي؛ نو اړینه ده، چې د اعتراضي لاریونونو او مظاهرو د تر سره کولو لپاره د عدلیې وزارت اجازه ترلاسه شي.

د یادې سرچینې د څرګندونو له مخې: د اعتراضي لاریون یا مظاهرې څخه باید لږ تر لږه څلیریشت ګړۍ مخکې د وخت، ځای او غوښتنو په اړه باید چارواکو ته خبر ورکړ شي او اړوند اجازه واخیستل شي.

دغه راز ټینګار شوی؛ دمګړۍ دې افراد، اشخاص او دلې تر بېلابېلو نومونو لاندې د خپلو غوښتنو لپاره له ناقانونه لاریونونو ډډه وکړي او د سرغړونې په صورت کې به د هرې پېښې د رامنځته کېدو ځواب ورکوونکي وي او قانوني چلند به ورسره تر سره شي.

تازه خبرونه

له افغانستان سره په تعامل کې باید د شانګهای ټولنې وړتیاوې وکارول شي  

Published

on

(Last Updated On: سلواغه ۱۱, ۱۴۰۱)

سرګي لاوروف د دوشنبې پر ورځ په مسکو کې له خپل پاکستاني سیال بلاول بوتو زرداري سره یوه ګډ خبري کنفرانس ته په ډاګه کړه، چې د افغانستان له وضعیت سره د مرستې لپاره باید د شانګهای وړتیاوې وکارول شي.

په دې کتنه کې دواړو لوریو په افغانستان کې د سولې او امنیت، د سرحدونو د امنیت او بشري حقونو او د کار او زده‌کړې په برخه کې د ښځو او نجونو د حقونو په اړه خبرې وکړې.

د روسیې او پاکستان د بهرنیو چارو وزیران وايي، چې د ټولډونه حکومت جوړول د نړیوالې ټولنې شرط ندی، بلکې اسلامي امارت په خپله د دې حکومت د جوړولو ژمنه کړې، چې باید عملي یې کړي.

سرګي لاوروف د دوشنبې پر ورځ د سلواغې پر ۱۰ په مسکو کې له خپل پاکستاني سیال سره په ګډه خبري غونډه کې وویل، چې د ټولګډونه حکومت جوړول او د بشري حقونو درناوی د نړیوالې ټولنې غوښتنه نده، بلکې د افغانستان سرپرست حکومت یې د عملي کولو ژمنه کړې ده.

روسیه د ټولګډونه حکومت جوړښت د نړۍ لپاره هم مهم ګڼي.

د روسیې د بهرنیو چارو وزیر سرګي لاوروف وایي: روسیه او پاکستان د مسایلو په اړه ډېر ګډ دریځونه لري؛ زه د پاکستان د بهرنیو چارو د وزیر خبرې په بشپړه توګه تائیدوم؛ هغه که د یوه ټولګډونه حکومت د جوړولو مسله وي یا د ترهګرۍ او یا د بشري حقونو. هغه ژمنې، چې د افغانستان سرپرست حکومت له نړیوالې ټولنې سره کړي او زه باور لرم، چې که دوی پرې عمل وکړي له مونږ سره به مرسته وي او مونږ به له دوی سره مرسته وکړو.

د پاکستان د بهرنیو چارو وزیر ويلي، که لنډمهاله حکومت له نړیوالې ټولنې او د افغانستان له خلکو سره کړې ژمنې پوره کړي؛ نو ګاونډ هېوادونه به د نوي حکومت د پر رسمیت پېژندلو ته لاره اواره کړي.

د پاکستان بهرنیو چارو وزیر بلاول بوتو زرداري وایي: په افغانستان کې د ټولګډونه حکومت جوړول د نړیوالې ټولنې لخوا اعلان شوی شرط ندی، بلکې دا هغه ژمنه ده، چې طالبانو کړې ده.  هغوی ویلي؛ د ټولګډونه حکومت جوړول د دوی یو هدف دی او په طبیعي توګه نړیواله ټولنه تمه لري، چې طالبان خپلې ژمنې پوره کړي. دا قضیې نړیوالې ټولنې ته مهمې دي او د پېژندلو لپاره یې زمینه برابروي.

اسلامي امارت په وار وار لنډمهالی حکومت ټولګډونه نومولی او د اصلاحاتو پر پلي کیدو یې د ټینګار ترڅنګ له هېوادونو هم غوښتي، چې د افغانستان په کورنیو چارو کې لاسوهنه ونکړي.

د اسلامي امارت له جوړېدو اتلس میاشتې تېرېږي، خو تر دې مهاله هیڅ هېواد یې په رسمیت پېژندلو ته ندی حاضر شوی. که څه هم د ځینو هېوادونو له خوا تعاملات موجود دي.

دا په داسې حال کې ده، چې د افغانستان لپاره د امریکا ځانګړي استازي تام ویست پاکستان ته رسیدلی او د پاکستان د بهرنیو چارو وزارت له مرستیال وزیر اسد مجید خان یې ولیدل.

Continue Reading

تازه خبرونه

په دولتي ادارو کې د افرادو د ګومارلو پر مهال اسلامي اصول او د رعیت ګټې په پام کې ونیسئ  

Published

on

(Last Updated On: سلواغه ۱۱, ۱۴۰۱)

د اسلامي امارت مشرتابه په یوه غږیز پيغام کې، چې د لوړو زده‌کړو وزارت له لوري خپور شویدی؛ له ټولو حکومتي چارواکو غوښتي، چې د خلکو په ګومارنه کې اسلامي اصول او د ولس ګټې په پام کې ونیسي.

په دغه غږیز پیغام کې شیخ هبة الله آخوندزاده ویلي، چې اسلامي امارت به د اسلامي شریعت په پلي کولو کې پوره پاملرنه ولري. اوس، چې د اسلامي امارت ځواکونه په ښارونو کې ځای پر ځای شوي باید د الهي نظام په پلي کولو او د خلکو په هدایت کې اغېزمن ګامونه پورته کړي.

د اسلامي امارت مشر سپارښتنه کړې: هر هغه څوک، چې مقرریږي او له ګومارنې سره یې رعیت او اسلامي نظام ته زیان رسويږي؛ باید له دندې ګوښه شي. د خلکو ګومارنه باید د رعیت د ګټو او اسلامي شریعت پر بنسټ وي.

د لوړو زده‌کړو وزارت د اسلامي امارت د مشرتابه د غږیز پيِغام له خپرولو سره ويلي، چې د اسلامي امارت مشرتابه شیخ هبة الله آخوندزاده د وزارتونو او خپلواکو دولتي ادارو د بشري سرچینو رییسانو ته په وینا کې سپارښتنه کړې، چې په دولتي ادارو کې د افرادو د ګومارلو پر مهال اسلامي اصول په پام کې ونیسي او له شخصي ذوقونو دې ډډه وکړي.

د اسلامي امارت مشرتابه زیاته کړې؛ اسلامي امارت به د اسلامي شریعت په پلي کولو کې پاتې رانشي او اوس، چې د اسلامي امارت ځواکونه په ښارونو کې ځای پر ځای شوي دي؛ باید د اسلامي شریعت د پلي کولو او خلکو ته د شریعت پر لور لارښوونه وکړي.

د اسلامي امارت مشرتابه دا هم ویلي دي، چې ملکي مامورین باید له شرعي دلیل پرته استعفا ته اړ نشي او د اسلامي شریعت په تطبیق کې به ځنډ ونه کړي.

یو شمېر پوهان بیا وايي، چې د حکومتدارۍ د ودې لپاره باید نوي قوانین جوړ شي؛ ځکه، چې اسلامي امارت پخواني قوانین لغو کړي دي.

Continue Reading

تازه خبرونه

پاکستان او روسیه به د اسلامي امارت د کړنو ارزونه وکړي

Published

on

(Last Updated On: سلواغه ۱۰, ۱۴۰۱)

د پاکستان بهرنیو چارو وزیر بلاول بوتو زرداري پر دوه ورځني رسمي سفر د روسیې پلازمېنې مسکو ته رسېدلی دی.

د پاکستان د سیمه ییزو رسنیو د راپور له مخې؛ زرداري به د دوشنبې پر ورځ په مسکو کې له خپل روسي سیال سرګي لاوروف سره وویني او خبرې به یې د افغانستان پر حالاتو راوڅرخیږي.

پاکستانيو رسنیو د رسمي سرچینو د څرګندونو له مخې په ډاګه کړې؛ پاکستان او روسیه به نه یوازې د یوه ټولګډونه حکومت د جوړولو لپاره پر نړیوالو ژمنو او له خپلې خاورې د ترهګرو ډلو د فعالیت پر مخنیوي خبرې وکړي، بلکې د اسلامي امارت پر پرمختګونو به هم بیاکتنه وکړي.

د تریبیون د راپور له مخې؛ د پاکستان د بهرنیو چارو وزیر بلاول بوتو زرداري به په مسکو کې د دوشنبې پر ورځ له خپل روسي سیال سرګي لاوروف سره وګوري او د دوی د اجنډا یوه اړینه موضوع به افغانستان وي.

زرداري د پاکستان د بهرنیو چارو د وزیر په توګه مسکو ته لومړنی سفر کوي. نوموړی اندېښمن دی، چې د تحریک طالبان پاکستان (TTP) وسلوالې ډلې په افغانستان کې پټنځایونه لري.

د روسیې د بهرنیو چارو وزارت تویت کړی، چې دواړه وزیران به له ترهګرۍ سره د مبارزې او د افغانستان، سوریې او اوکراین د وضعیت په ګډون پر یو شمېر سیمه ییزو موضوعاتو خبرې وکړي.

Continue Reading

Trending

Copyright © 2022 Ariana News. All rights reserved!