Connect with us

سوداگري

د اسلامي امارت مشرتابه د ګمرکونو له مسوولینو سره وکتل

Published

 on

(Last Updated On: کب ۲۷, ۱۴۰۱)

د اسلامي امارت د مالیې وزارت ويلي، چې د هېواد د رهبرۍ پلاوي مشرتابه د مالیې وزارت د ګمرکونو له مسوولینو سره وکتل.

لومړی د مالیې وزارت د عوایدو او ګمرکونو مرستیال او د دغه وزارت د ګمرکونو عمومي رییس د خپلو کارونو په اړه د وزارت ټول بشپړ راپور وړاندې کړ او هم یې د اسلامي امارت له مشرتابه سره خپل وړاندیزونه شریک کړل.

د مالیې وزارت د معلوماتو له مخې، په دې کتنه کې شیخ هبة الله آخوندزاده راغلی پلاوي ورسپارل شویو مسوولیتونو ته متوجه کړ.

همدا راز یې د اسلامي حاکمیت د ښه خدمت، له خلکو سره د ښه چلند، سوداګرو او نورو اړوندو څانګو ته د اسانتیاوو د برابرولو لپاره هم لازمې لارښوونې او سپارښتنې وکړې.

سوداگري

د اړتیا وړ خوراکي توکو ګمرکي محصول ۷۰ سلنه راټیټ شوی

Published

on

(Last Updated On: کب ۲۹, ۱۴۰۱)

د مالیې وزارت ويلي، د افغانستان اسلامي امارت د رهبرۍ د پرېکړې له مخې په تېر لمریز لېږدیز کال کې پر لومړنیو خوراکي توکو ګمرکي محصول له ۵۰ څخه تر ۷۰ سلنې راټیټ شوی دی.

دې وزارت دا هم په ډاګه کړې، چې د دې پرېکړې په پایله کې سږ کال د ۶ اعشاریه ۷ میلیون افغانیو پر ارزښت ګمرکي محصول کم شوی دی.

په سيمه ييزو بازارونو کې پر خوراکي توکو؛ اوړو، غنمو، غوړيو، وريجو او بورې د ګمرکي محصول د کمولو پرېکړه د بيو د راټيټوالو لپاره رامنځته شوې ده.

Continue Reading

سوداگري

د کندوز ولایت د صنعت او سوداګرۍ ریاست په عوایدو کې ۴۸ سلنه زیاتوالی راغلی

Published

on

(Last Updated On: کب ۲۸, ۱۴۰۱)

د کندور ولایت د سوداګرۍ او صنعت ریاست مسوولینو د څرګندونو له مخې؛ په روان کال کې تولیدي شرکتونو ته د جواز د ورکړې او تمدید له کبله څه باندې ۱۲ میلیون افغانۍ عواید تر لاسه شوي.

د کندوز ښاروالۍ مسوولینو ويلي، په تېرو یوولس میاشتو کې د عوایدو له بېلا بېلو ادارو څخه ۱۲۰ میلیون افغانۍ عواید راټول شوي، چې د تېر کال پر پرتله ۴۰ سلنه زیاتوالی ښیي.

د کندوز ښاروالۍ ویاند تاج الدین صحاک ویلي؛ په تېرو یوولس میاشتو کې د صفایۍ محصول، د کار جواز وېش، ګمرکي تعرفو او د جایدادونو د کرايې له درکه یې  ۱۲۰ میلیون افغانۍ عواید راټول کړي، چې د ښار جوړونې پر چارو لګول شوي دي.

د کندوز د سوداګرۍ او صنعت رییس محمد رحیم سیرت رییس هم وايي؛  د ۳۰۳ تولیدي شرکتونو لپاره د جواز تمدیدولو او ۱۳۰ شرکتونو ته د جواز له ورکولو د دوی په عوایدو کې ۴۸  سلنه زیاتوالی راغلی دی .

د تولیدي شرکتونو خاوندان د بازار د نشتوالي له کبله د خپلو تولیداتو له کموالي شکایت کوي او په دې برخه کې د حکومت له لوري د لازمو اسانتیاوو په رامنځته کولو ټینګار کوي.

دوی ویلي؛ په تېر کې یې له هېواد څخه بهر ته صادرات درلودل، خو دا مهال یې صادرات کم شوي دي.

د کندوز سیمه‌ییز مسوولینو څرګنده کړې؛ دوی د سوداګر و او پانګوالو لپاره د اسانتیا د برابرولو لپاره تل هڅه کړې او تمه ده، چې په راتلونکي کال کې به د تولیدي شرکتونو لپاره له هېواده بهر د بازار موندنې په برخه کې لازمې هڅې وکړي.

Continue Reading

سوداگري

په کندهارکې ډېر ژر به د سيمنتو د توليد يوه فابريکه جوړه شي

Published

on

(Last Updated On: کب ۲۵, ۱۴۰۱)

د کانونو او پترولیم وزیر، چې په کندهار کې يي د خپل اړوند رياست له کارمندانو سره ليدنه درلوده ويلي؛ ډېر ژر به په کندهار کې د سيمنتو د توليد يوه فابريکه فعاله او ۵ زره کسانو ته د کار زمينه برابره شي.

په دې وروستيو کې د جنوب لويديخې حوزې اړوند ولايتونوته د اسلامي امارت د کابينې دغړیو سفرونه ډېر شوي، چې په دې لړ کې د کانونو او پتروليم وزير شهاب الدين دلاور کندهار ولايت ته د سفر پر مهال د دې ولايت د کانونو او پتروليم رياست له کارکوونکیو سره وکتل.

نوموړي ویلي: مونږ د سمنتو فابریکې په اړه یو تړون لاسلیک کړ. دغه فابریکه به په شوراندام کې جوړه شي او تر ۱۰۰ میلیون دالرو پورې پانګونه به پرې وشي او زمونږ ۵ زره ځوانانو ته به په مستقیم او غیر مستقیم ډول د کار زمینه برابره شي.

د دلاور د څرګندونو له مخې؛ د دې فابريکې ورځنی ټوليد به ۳۶۰۰ ټنه وي. نوموړي په هرات ولايت او جبل السراج کې هم د ورته فابريکو د جوړېدو خبره هم وکړه او زياته يي کړه، چې ډېر ژر به مونږ د سيمتو له پلوه پر ځان بسيا شو .

نوموړي په دې ليدنه کې ويلي؛ د اسلامي امارت له راتګ سره د هېواد په ټولو ولايتونو کې شته کانونه د زوراکو، غير قانوني استخراج او غلاوو څخه خلاص او د دولت په حاکميت کې راغلل او ټول به د رڼو تړونونو له لارې د هېوادوالو د هوساینې لپاره کارول کيږي .

د کانونو او پتروليم وزیر شهاب الدين دلاور وايي؛ دا مهال د هېواد ټول کانونه د دولت تر واک او څارنې لاندې دي او د هرډول غلا، غير قانوني کېندنو او زورواکو لاسونه ترې لنډ شوي دي.

نوموړي همداراز د بي بي ګوهر د سربو د لوی کان يادونه هم وکړه او وایي، چې د دې کان د استخراج تړون لاسليک شوی، چې په پیسو به یې د کندهار، روزګان لويه لار پخه او اساسي ورغول شي .

د کانونو او پتروليم سرپرست وزير ډاډ وړاندې کړ، چې د هېواد ټول کانونه به د شفافو قرادادونو له لارې استخراج او دعوايدو څخه به يې د هېواد په بيا رغونه کې کار اخستل کيږي.

Continue Reading

Trending

Copyright © 2022 Ariana News. All rights reserved!