تازه خبرونه
د اسلامي امارت په رسمیت پېژندل د ملګرو ملتونو د امنیت شورا د دایمي غړیو پرېکړې ته اړتیا لري

د افغانستان لپاره د پاکستان ځانګړي استازي ویلي، چې د اسلامي امارت پر رسمیت پېژندل د ملګرو ملتونو د امنیت شورا د پېنځه دایمي غړیو له پرېکړې سره تړاو لري او د دغو هېوادونو هر ډول اقدام به د دې هېواد په اړه د نړۍ د ټولو هېوادونو دریځونه اغېزمن کړي.
آصف علي دراني د پاکستان د څېړنو او امنیتي مطالعاتو له مرکز سره په مرکه کې ویلي: اوسمهال د نړۍ هیڅ هېواد چارسمبالی حکومت پر رسمیت نهدی پېژندلی. د چارسمبالي حکومت پر رسمیت پېژندل د امنیت په شورا کې د نړۍ د پېنځو ځواکمنو هېوادونو له پرېکړې سره تړاو لري. که دغه پېنځه هېوادونه په هر ډول اقدام وکړي، د افغانستان په اړه به د ټولې نړۍ دریځ اغېزمن کړي.
د هغه د څرګندونو له مخې؛ پاکستان پر یوازې ځان دا کار نهشي کولی.
آصف علي دراني په ډاګه کړې؛ نړیواله ټولنه له افغان حکومت سره تربګڼي کوي، لږ تر لږه باید پر افغان ولس، چې له فقر او اقتصادي کړکېچ سره مخ دي، رحم وکړي.
آصف علي دراني له نړیوالې ټولنې وغوښتل: که د افغانستان پر واکمنو مهربانه نهوي؛ لږ تر لږه دې د دغه هېواد له خلکو سره، چې له اقتصادي بحران سره مخ دي، خواخوږي وکړي.
هغه دغه راز له نړیوالو وغوښتل، چې افغانان خپل سیاسي، اقتصادي او مدني نظام جوړولو ته پریږدي؛ ځکه تېرو تجربو ښودلې، چې په دې هېواد کې لاسوهنه د نړۍ پر ګټه نهده.
نوموړي له نړیوالې ټولنې غواړي؛ د افغانستان چارسمبالي حکومت ته دې اجازه ورکړي، چې خپل سیاسي نظام په خپله خوښه جوړ کړي.
د افغانستان لپاره د پاکستان ځانګړی استازی آصف علي درانی وایي: افغانستان ته فرصت نهدی ورکړشوی، چې حکومت پخپله اداره کړي او پخپله د ځانبسیاینې لپاره کار وکړي. په نړۍ کې پاچاهۍ شته، دیکتاتورۍ شته؛ خو نړۍ پرې کار نهلري. د افغانستان په چارو کې لاسوهنه هیڅکله ګټه نهکوي.
نوموړي دا هم ویلي؛ افغانستان شپږ ګاونډيان لري، چې ټول يې ترې امنيتي اندېښنې لري.
د ده په وینا؛ په افغانستان کې وضعیت اوس هم آرام نهدی.
دغه راز د افغانستان په شمالي ګاونډ کې د روسیې د بهرنیو چارو وزیر د تاجکستان پلازمېنې دوشنبې ته رسېدلی او له خپل تاجکستاني سیال سره یې د افغانستان په اړه خبرې کړې دي.
دوی وايي، چې دواړه هېوادونه د افغانستان په اړه ګډ دریځ لري.
د دوشنبې پر ورځ د روسیې او تاجکستان د بهرنیو چارو وزیرانو یو ځل بیا په افغانستان کې د ټولګډونه حکومت د جوړېدو غوښتنه وکړه او له ترهګرۍ او نشهيي توکو سره مبارزه یې د دواړو هېوادونو ګډ دریځ وباله.
د روسیې د بهرنیو چارو وزیرسرګي لاوروف ویلي؛ مونږ د افغانستان په اړه خبرې وکړې. مونږ په منظمه توګه نږدې محرمې مشورې کوو. مونږ په قومي او سیاسي لحاظ د ټولګډونه دولت د جوړولو په اړه ګډ دریځونه لرو. له افغانستان څخه باید ترهګري ګاونډ هېوادونو ته باید خطر جوړ نهکړي او د نشه يي توکو د قاچاق او غیر قانوني کډوالۍ مخه دې ونیول شي.
د تاجکستان د بهرنیو چارو وزیر سراج الدین مهرالدین وایي: مونږ د افغانستان په اړه منظم تماسونه لرو؛ ځکه، چې مونږ د امنیت او ترهګرۍ په اړه ګډې اندېښنې لرو، زمونږ ګډه هیله دا ده، چې په افغانستان کې ټولګډونه حکومت رامنځته شي، د ترهګرۍ او د نشهيي توکو د قاچاق مخه ونیول شي.
دا څرګندونې په داسې حال کې کېږي، چې د افغانستان لپاره د امریکا ځانګړي استازي تام ویست به د افغانستان په اړه د بریتانیا او عربي متحده اماراتو له چارواکو سره د خبرو لپاره سفر پیل کړي. هغه تویت کړی، چې دی به د جون له پېنځمې تر نهمې نېټې په لندن او ابوظبي کې د افغانستان پرګډو ګټو خبرې وکړي.
تازه خبرونه
امیر خان متقي په ترانس همالیا غونډه کې د ګډون لپاره چین ته ولاړ

د بهرنیو چارو وزارت سرپرست امیر خان متقي د یوه پلاوي پر مشرۍ چین ته د نړیوالې همکارۍ لپاره د ترانس همالیا په درېیمه غونډه کې د ګډون لپاره دغه هېواد ته ولاړ.
د بهرنيو چارو وزارت د ویاند مرستیال حافظ ضیا احمد پر ایکس پاڼه لیکلي، چې د دې وزارت د چارسمبالي امير خان متقي پر مشرۍ يو پلاوی د چين ولسي جمهوریت پر بلنه د چین شيژانګ ايالت اړوند د ترانس هماليا فورم په درېیمه ناسته کې د ګډون لپاره د چين پر لوري روان شو.
په یاد فورم کې د هماليا د غرونو شاوخوا هېوادونو ترمنځ پر اقتصادي همکاریو، سيمهييز اتصال او ايکولوژيکي بدلونونو بحثونه کېږي.
نوموړي زیاته کړې؛ د بهرنیو چارو وزیر او مل پلاوی به د دې فورم په څنګ کي د چین ولسي جمهوریت د بهرنیو چارو وزیر او د نورو هېوادو له استازو سره دوه اړخیزې ناستي هم ولري.
ویل کیږي، چې په پلاوي کې د اقتصاد وزارت مسلکي مرستیال داکتر عبدالطيف نظري او یو شمېر نور مسوولین هم برخه لري.
تازه خبرونه
پاکستان د افغانانو د ورتګ قوانین نور هم سخت کړل

اسلاماباد پرېکړه کړې، چې د راتلونکې میاشتې له پیله به د نورو هېوادونو د وګړیو په څېر ټول افغان وګړي هم اړ وي، چې پر باوري پاسپورت او ویزې پاکستان ته دننه شي.
د پخوانۍ تګلارې له مخې؛ د دیورند کرښې دواړو غاړیو ته د قومونو تر منځ وېشل شويو خلکو کولی شول، چې پر ځانګړې سفري اجازې پاکستان ته داخل شي.
د امریکا غږ د خبر له مخې: د یوې رسمي لارښوونې له مخې، چې د افغانستان په ټولو پولو کې د کډوالۍ چارواکو ته لیږل شوې؛ پاسپورتونه به د ۲۰۲۳ ز. کال د نومبر له لومړۍ نېټې څخه د یوازني سفري سند په توګه د ټینګار وړ وي.
په دې لارښوونه کې راغلي: له افغانستان څخه پاکستان ته د سفر لپاره کوم بل سند نه منل کېږي.
د پاکستان حکومت تر اوسه د نوې تګلارې په اړه رسمي اعلان نهدی کړی.
یوه پاکستاني چارواکي امریکا غږ ته ویلي؛ هیله لري، چې د اسلامي امارت چارواکي به د نوې تګلارې په پلي کولو کې همکاري وکړي او د یاغیانو او قاچاقبرانو د ناقانونه تګ راتګ مخه ونیول شي.
اسلامي امارت تر اوسه په دې اړه څه نهدي ویلي.
دغه راز پاکستان په دغه هېواد کې په ناقانونه توګه د میشتو افغانانو پر وړاندې خپلې هڅې چټکې کړې دي.
د تېرې پنجشنبې پر ورځ د پاکستان بهرنیو چارو وزارت لنډمهالي وزیر جلیل عباس جیلاني اعلان وکړ، چې حکومت به له افغانستان او نورو هېوادونو څخه غیر قانوني کډوال شړي.
تازه خبرونه
په هلمند کې بهرنيو سیلانیانو له تاریخي سیمو لیدنه وکړه

په افغانستان کې د امنیت له ټینګیدو سره بهرنیو سیلانیانو د دغه هېواد له تاریخي سیمو لیدنه پیل کړې، چې له لسیزو راپدیخوا د سیلانیانو ورتګ ناشونی و.
د سیلانیانو یوې ډلې د هلمند ولایت په مرکز لښکرګاه کې د بستکلا، چې درې زره کاله لرغونې او د ۱۱ پېړۍ د جومات د پاتې شوي محراب له کبله نومیالۍ شوې ده.
د آلمان، آمریکا، نیوزیلند او سویلي آفریقا څخه د ۱۱ کسانو په دې ډله کې پېنځه میرمنې هم شته، چې ټولو یې د هېواد د دې کلا او نورو تاریخي سیمو له لیدو ستاینه کړې ده.
سیلانیانو ویلي، چې د سولې د ټینګښت له کبله افغانستان ته د راتګ ښه وخت دی.
د سويلي آفريقا يوه سيلاني ويلي: افغانستان د کانونو له پلوه يو بډايه هېواد دى، دوى بايد د خپلو خلکو او هېواد لپاره کار وکړي، چې د نورو هېوادونو له انحصار څخه ځان وژغوري.
يوه امريکايي سيلاني څرګنده کړې: خوښ يم، چې له خپلو ملګرو سره مې د دغه تاريخي ولايت بستکلا او ځينو نورو تاريخي سيمو ليدنه وکړه.
دا په داسې حال کې ده، چې دهلمند اطلاعاتو او فرهنګ رييس سلطان محمدحنيف ويلي، چې د اسلامي امارت له رامنځته کېدو راپديخوا دې ولايت ته له بېلابېلو هېوادونو ګڼشمېر سيلانيانو سفرونه کړي دي.
-
روغتيا2 days ago
تېر کال په افغانستان کې دوه زره کسان د زړه د ناروغۍ له کبله مړه شوي
-
لوبی1 day ago
اجی جدیجا د نړیوال جام لپاره د افغانستان کرکت ملي لوبډلې د سلاکار روزونکي په توګه وټاکل شو
-
روغتيا1 day ago
د ۲۰۲۳ کال د نوبل روغتیايي جایزه د کرونا ویروس د دوه واکسین جوړوونکیو پر برخه شوه
-
تحول5 days ago
تحول: له روزا اتونبایوا سره د افغانستان په چارو کې د امریکا د ځانګړي استازي لیدنه
-
سیمه ییز خبرونه2 days ago
پاکستان د مستونګ په خونړۍ چاودنه کې هندي استخبارات تورن کړل
-
څار5 days ago
څار: د افغانستان د اوسني امنیتي وضعیت ارزونه
-
لوبی4 days ago
د افغانستان او سویلي افریقا تمریناتي لوبه د سخت باران له کبله ونهشوه
-
تازه خبرونه3 days ago
په هند کې د افغانستان سفارت رسماً خپل فعالیتونه وځنډول