Connect with us

تازه خبرونه

د اشرف غني وروستۍ خبرو د خلکو بېلابېل غبرګونونه راپارولي

خپور شوی

 په

(Last Updated On: زمری ۲۸, ۱۴۰۰)

ډېر شمېر افغانان د تښتیدلي ولسمشر اشرف غني وروستۍ څرګندونې د هېواد او خلکو لپاره د هغه د نه پاملرنې پایله بولي او څرګندوي، چې نوموړي هېواد په ټولنیز او سیاسي بحران کې پریښود او میلیونونه خلک یې بې برخلیکه کړل.

دا په داسې حال کې ده، چې سلګونه کسان د بهرنیو سفارتونو په دروازو او هوايي ډګر کې لالهانده شول. دوی وايي، چې د اشرف غني تېښتي خلک له دې حالت سره مخ کړي دي.

د کابل اوسیدونکې شازیه وایي: د اشرف غني دې کور وران شي؛ د هېواد پیسې یې غلا کړې او خلک ورسره بې برخلیکه شول.

د کابل اوسیدونکي رباني نومي ویلي؛ ملامت اشرف غني دی او دا ټول ملت ته ښکاره شي.

د کابل اوسیدونکي عزت الله د اشرف غني د تېښتې او څرګندونو په اړه ویلي؛ خلک حیران پاتې دي، چې څه وکړي؛ ټول له ولږې او بېوسۍ تښتي.

اشرف غني له افغانستان څخه عربي متحده اماراتو ابوظبۍ ته پناه وړې او له هېواده د تېښتې کیسه یې په یوه ثبت شوي پیغام کې داسې پیل کړې ده:

ماسپښین مهال د کابل ښار د نظم او ادارې لپاره دفاع وزارت ته روان وم، چې ناڅاپه زما د فزیکي امنیت مسوولین د دې لپاره راغلل، چې یوه لویه فزیکي دسیسه یې شنډه کړې او زه یې له سیمې ویستم.

هغه له افغانانو غوښتي؛ هغه ګنګوسي و نه منئ، چې ګواکې ده پیسې له ځان سره لېږدولي دي.

دی په دې اړه وایي: زه په داسې حال کې له افغانستان څخه وایستل شوم، چې د څپلیو ایستلو او بوټانو د پر پښو کولو وخت مې و نه موند؛ … کتابونه، د یاداښتونو سلګونه کتابچې او شخصي لپټاپ او ټول محرم او دولتي اسناد مې… د نورو لاس ته ولویدل. 

اشرف غني دا هم ویلي، چې له یو شمېر سیاستوالو سره پر سلا مشورو بوخت دی، چې بېرته هېواد ته ستون شي.

متحده عربي اماراتو منلې، چې اشرف غني او کورنۍ یې دلته پناه اخیستې.

اشرف غني په یوه ویډیويي پیغام کې ویلي، چې: هغه د ترور له وېرې هېواد پریښود او ډېر ژر بېرته ستنیږي؛ خو د اشرف غني د حکومت بهرنیو چارو وزارت یوه لوړ پوړي چارواکي ویلي، چې هغه څو ورځې دمخه له بهرنیو چارو وزارته خپل سیاسي پاسپورټ ترلاسه کړی و او هغه پوهیده، چې یوه ورځ به له دې هېواده تښتي.

طالبانو تر اوسه د اشرف غني د دغو تازه څرګندونو په اړه څه ندي ويلي.

له راپورونو له مخې؛ له اشرف غني سره په دې تېښته کې حمدالله محب، فضل محمود فضلي او لسګونه نور کسان لومړی اربکستان او له هغه ځایه د اماراتو ابوظبۍ ته تللي دي.

تازه خبرونه

امریکا له پاکستان سره د اړیکو پراخولو هڅه کوي – انتوني بلینکن

خپور شوی

په

توسط

(Last Updated On: غویی ۲۹, ۱۴۰۱)

د امریکا د بهرنیو چارو وزیر انتوني بلینکن د چارشنبې پر ورځ د پاکستان له بهرنیو چارو وزیر بلاول بوټو زرداري سره د اړیکو او ملګرتیاوو پر پراخولو خبرې وکړې.

د امریکا د بهرنیو چارو وزیر له خپل پاکستاني سیال سره په افغانستان کې د ثبات پر ټینګښت ټینګار کړی دی.

د امريکا د بهرنيو چارو وزير ويلي، چې پاکستان د امريکا لپاره د يوه ستراتيژيک ملګري په توګه خپل دريځ ساتلى او واشنګټن ژمن دی، چې د پاکستان له نوي حکومت سره د دواړو هېوادونو لپاره د ترهګرۍ د خطر په ګډون پر سيمه ييزو ستونزو کار وکړي.

د پاکستان د بهرنیو چارو وزیر، چې ظاهراً د خواړو د خوندیتوب په نړیواله غونډه کې د ګډون لپاره امریکا ته تللی، وايي؛ له امریکا سره د اړیکو بیارغول او د باور رامنځته کول یې بنسټیزه موخه ده.

امريکا ته له تللو يو ساعت وروسته بلاول بوټو زرداري له خپل امريکايي سيال انتوني بلينکن سره ليدنه وکړه، چې له امريکا سره يې د پياوړیو او ښو اړيکو پر لرلو ټينګار وکړ.

د پاکستان د بهرنیو چارو وزیر بلاول بوټو ویلي؛ پاکستان د ترهګرۍ په ګډون له ډېرو ستونزو سره مخ دی او نن زه خوشحاله یم، چې دواړه هېوادونه د خپلو اړیکو نوی پړاو پیلوي او مونږ د ښې او پراخې همکارۍ او اړیکو هیله لرو.

په دې کتنه کې دواړه هېوادونه دې هوکړې ته ورسېدل، چې له ترهګرۍ سره به ګډه مبارزه کوي.

دوی په افغانستان کې د ثبات پر تامین هم ټینګار شوی دی.

د امریکا د بهرنیو چارو وزیر انتوني بلینکن وایي: مونږ پر ډېرو مسایلو خبرې وکړې او دواړه هېوادونه په ګډه کار کوي. مونږ د امنیتي مسایلو، تروریزم او د دواړو هېوادونو ترمنځ د پراخو او هر اړخیزو اړیکو  پر پیاوړتیا وغږیدو.

له دې لیدنې مخکې دواړو لوریو د دوه اړخیزو اړیکو، سیمه ییزو پرمختګونو او د افغانستان پر وضعیت خبرې وکړې.

د امریکا او ترکیې د بهرنیو چارو وزیرانو هم د خواړو د خوندیتوب د نړیوالې غونډې په څنډه کې د افغانستان په اړه خبرې کړې دي.

Continue Reading

تازه خبرونه

د خوراکي توکو د نړیوال بحران مخه باید ونیول شي – م.م

خپور شوی

په

توسط

(Last Updated On: غویی ۲۹, ۱۴۰۱)
د م.م عمومي منشي انتونیو ګوترش په نیویارک کې د نړۍ د خوراکي توکو د تامین په یوه لویه غونډه کې ویلي، جګړې په لسګونه میلیون انسانان د خوراکي‌ توکو د کموالي له تهدید سره مخ کړي‌ دي.

نوموړي زیاته کړې؛ له دغه کړکیچ وروسته ممکن خوارځواکي، لوږه او پراخه  قحطي د کلونو لپاره پاتې شي.

ګوتیریش او نورو چارواکو له روسیې وغوښتل، چې د اوکراین د غله جاتو صادراتو ته اجازه ورکړي. روسیه او اوکراین یوازې د نړۍ ۳۰ سلنه غنم تولیدوي.

پر اوکراین د روسیې برید او په ځواب کې پرهغه هېواد د نړیوالې ټولنې اقتصادي بندیزونه د دې لامل شول، چې د دواړو هېوادونو د غنمو، کیمیاوي سرې او نورو توکو د صادراتو په بهیر کې خنډ او خنډ رامنځته شي.

دغه بدلونونه همدارنګه د نړۍ په پرمختللیو هېوادونو کې د خوراکي‌ توکو او تېلو د قیمتونو د لوړیدو لامل شوي دي.

د ملګرو ملیتونو سرمنشي انتونیو ګوترش وایي: په اوکراین کې کړکېچ او روانې جګړې پر میلیونونه خلک د خوراکي توکو له ناامنۍ یا د خوارځواکۍ، لوږې او پراخې قحطۍ سره مخ کړي دي. یو داسې بحران، چې که حل نشي، کیدای شي د کلونو لپاره دوام وکړي.

 د افغانستان  په  بازارونو کې هم خلک د لومړینو خورا کې توکو د قیمتونو له لوړیدو اندېښنه ښیي او له  اسلامي امارته غوښتنه کوي، چې په هېواد کې د خواړو توکو د قیمتونو د کنټرول تر څنګ باید د ستراتیژیکو زیرمو په منظم  کولو کار پیل کړي، چې د خواړو له مصونیت برخمن پاتې شوو.

د کابل اوسیدونکي غلام سخي ویلي؛ مونږ ورځ تر بلي د خوراکي توکو له ستونزو سره مخ کیږو. اوس زمونږ هر څه  مخ پر قیمته کیدو ډي؛ اوړه، غوړي، وریجي او داسي نور توکي. 

د بلخ اوسیدونکي قربان ویلي؛ کار نشته، غربي نشته. بیخي حیران یم، چې څه چاره وکړم. هره ورځ قیمتونه پر لوړیدو روان دي. سړی څه وکړي په دې برخه کې هیڅ نه پو هیږو.

د اقتصادي چارو کارپوهان د افغانستان له اسلامي امارته غوښتنه کوي، چې د خواړو د راتلونکي نړیوال بحران د مدیریت لپاره باید د سترا تیژیکو او لومړینو تو کو زیرمې جوړې کړي.

Continue Reading

تازه خبرونه

امریکا ختیځې آسیا ته د جوبایډن د سفر په درشل کې شمالي کوریا وګواښله

خپور شوی

په

توسط

(Last Updated On: غویی ۲۹, ۱۴۰۱)

رویټرز خبري آژانس راپور ورکړی، چې سپینې ماڼۍ ويلي؛ جنوبي کوریا او جاپان ته د ولسمشر جوبایډن د سفر پر مهال امریکا چمتو ده، چې د شمالي کوریا د هر راز شونې هڅې ځواب ووایي.

د امریکا د ملي امنیت سلاکار جیک سلیوان پرون (چهارشنبه د غویی ۲۸) یوې خبري غونډې ته وویل، امریکا داسې معلومات تر لاسه کړي، چې شمالي کوریا غواړي د امریکا د ولسمشر جو بایډن د سفر په درشل کې د خپلو لرې واټن ویشتونکیو توغندیو او اټومي وسلو تجربه ترسره کړي.

جیک سلیوان زیاته کړې؛ امریکا ختیځې آسیا ته د ولسمشر د سفر په بهیر کې د ورته پارونو د شونتیا په ګډونه د هرې پېښې د شنډولو لپاره ځوابي چمتووالی نیولی دی.

دغه لوړپوړي امنیتي چارواکي ویلي، چې واشنګټن له سویلي کوریا او جاپان سره نږدې مشورې لري او د چین له لوړ پوړي ډیپلوماټ یانګ جیچیوف سره د ټیلیفوني اړیکې پرمهال یې ورسره د سهیلي کوریا د د شونې هڅې په اړه هم خبرې کړې دي.

ټاکل شوې، چې بایډن به په روانه اوونۍ کې خپل لومړنی آسیایي درې ورځنی سفر سیول ته پیل کړي او له یکشنبې څخه تر سې شنبې پورې به جاپان ته سفر وکوي.

Continue Reading

Trending

Copyright © 2022 Ariana News. All rights reserved!