لوبی
د افغانستان او آسټرالیا د ټېسټ لوبې وروستۍ نېټه اعلان شوه

د افغانستان کرکټ بورډ څرګنده کړې، چې د افغانستان او آسترالیا یوازنۍ ټېسټ لوبه به د روان ۲۰۲۱ کال د نومبر میاشتې له ۲۷ نېټې څخه د ډسمبر تر لومړۍ نېټې د آسټرالیا د هوبارټ ښار په بلن سټون کرکټ لوبغالي کې ترسره شي.
یاد بنسټ ویلي؛ دا د افغانستان لومړۍ ټېسټ لوبه ده، چې د آسټرالیا پر وړاندې ترسره کیږي.
د افغانستان کرکټ بورډ عمومي مشر فرهان یوسفزي دغه سیالۍ د افغانستان لپاره اړینې بولي او وایي، چې: آسټرالیا د کرکټ په نړۍ کې یوه له غوره لوبډلو څخه ده. دا د دوی پر وړاندې زموږ لومړۍ ټېسټ لوبه ده او زه ډاډه یم، چې دا به د دواړو لوبډلو لپاره یوه غوره لوبه وي او مونږ ورته تمه هم لرو.
د یادونې، چې د افغانستان او آسټرالیا ترمنځ دغه ټېسټ لوبه ټاکل شوې وه د تېر ۲۰۲۰ کال په پیل کې ترسره شوې وای؛ خو د کرونا ویروسي ناروغۍ د محدودیتونو له کبله ځنډول شوې وه.
لوبی
د افغانستان د کرکټ د اتم لیګ سیالیو مهالوېش په ډاګه شو

د افغانستان کرکټ بورډ د دوشنبې پر ورځ د غبرګولي دېرشمه) د کرکټ د اتم لیګ سیالیو مهالوېش اعلان کړ.
ټاکل شوې دغه لیګ په کابل کې د چنګاښ پر ۲۷ پیل او د زمري تر ۱۴ روان وي.
د افغانستان کرکټ بورډ ویلي، چې په دې لښتیلیک یا جدول کې ټول مهم ټکي په پام کې نیول شوي او ټولې لوبډلې به د لښتیلیک له مخې ډګر ته وردانګي.
ټاکل شوې د دغه لیګ په لومړۍ لوبه کې د کابل عقابان لوبډله د مس عینک له لوبډلې سره مخامخ شي.
د یادونې ده، چې سږ کال به په دغه لیګ کې د پامیر زلمي او د هندوکش ستوري نومې دوه نوې لوبډلې له نورو لوبډلو سره یوځای لوبې وکړي.
لوبی
قطر د فیفا نړیوال جام له رسمي پوسټره مخکتنه وکړه

د قطر ۲۰۲۲ نړیوال جام ترسره کوونکې کمېټې د چارشنبې پر ورځ د غبرګولي پېنځه ویشتمه د خپلو اړوند سیالیو له رسمي پوسټره مخکتنه وکړه.
د ۲۰۲۲ نړیوال جام سیالۍ د روان کال په مني کې د قطر پر کوربتوب ترسره کیږي.
دا پوسټر قطریانو څلورڅنډیز ډیزاین کړی؛ توپ او هیا ۲۰۲۲ پرې انځوریز شوی، چې نړیوال جام ته د بلنې پوره معنا وړاندې کوي.
د نړیوال جام دغه پوسټر د لومړي ځل لپاره یوې ښځینه هنرمندې ډیزاین کړی دی.
د قطر ښځینه هنرمندې بوثینه المفتاح د ۲۰۲۲ نړیوال جام د پوستر مخکتنه وکړه، چې په قطر او عربي نړۍ کې د فوټبال له نندارې د ملاتړ سمبول دی.
المفتاح څرګندوي: زما الهام د ټولنیزې حافظې ساتنه ده. زما ټول کار پر تېرو تجربو او یادونو راڅرخي، چې له اوسنيو غوښتنو او پوښتنو سره یې نښلوي او په نوې بڼه یې خوندي کوي. ومې غوښتل، چې پوستر جوړوونکي همدا ارزښت خوندي کړي او د قطري فوټبال هڅوب او فرهنګ وړاندې کړي. هو! ما غوښتل، چې دا پوستر په قطر کې د فوټبال ننداره او مینه والو دواړه وښیي. یعنې دا پوستر د ګوترا او ایګل (سنتي سرپوښ) انځوریز کوي، چې په هوا کې څپه ییزه ننداره جوړوي. دا هغه څه دي، چې مینه وال یې د ګول کولو په وخت کې ترسره کوي.
لوبی
د افغانستان کرکټ لوبډلې د ۲۰۲۳ کال نړیوالو سیالیو ته لار پیدا کړه

افغانستان کرکټ لوبډلې د سې شنبې پر ورځ د زمبابوې پر وړاندې د شل آوریزو لوبو لړۍ وګټله او د ۲۰۲۳ زېږدیز کال نړیوالو سیالیو ته یې لار پیدا کړه.
په دې لوبه کې محمد نبي تر ټولو زیاتې ۳۱ منډې جوړې کړې، افسر ځاځي ۲۴ او احسان الله جنت په ترتیب سره ۲۰ منډې جوړې کړې او زمبابوی ته یې د ۱۲۶ منډو موخه وټاکله؛ خو زمبابوې لوبډله موخې ته ونه رسیده او ټول لوبغاړي یې د ۹۰ منډو له کولو وروسته له لاسه ورکړل.
نور احمد په څلور آورونو کې د زمبابوې څلور لوبغاړي له ډګره وویستل او یوازې لس منډې یې ورکړې. شرف الدین اشرف هم ښه توپ اچونه وکړه. هغه په څلور آورونو کې ۱۳ منډې ورکړې او د مقابل لوري دوه لوبغاړي یې وسوځول.
د افغانستان له زمبابوې سره لومړۍ او دوه یمه شل آوریزه سیالي هم ګټلې وه.
افغانستان زمبابوې ته په یو ورځنۍ سیالیو کې هم درې د صفر په وړاندې ماته ورکړې وه او د کرکټ ۲۰۲۳ کال جام ته د رسیدو لپاره یې دئرش ارزښتناک پواینټونه ترلاسه کړي وه.
افغانستان دا وخت د دیارلس لوبډلو په درجه بندۍ کې د ۱۰۰ نمرو له لرلو سره، په دوه یم مقام کې دی.
له دې بریا سره افغانستان زمبابوې ته د شل آوریزو لوبو لړۍ کې ۳ د صفر پر وړاندې په بشپړ ډول سپینه ماته ورکړه.
-
تازه خبرونه4 days ago
د پکتیکا د عامې روغتیا مشر له زلزله ځپلو سره د بېړنۍ مرستې غوښتنه وکړه
-
تازه خبرونه5 days ago
په افغانستان کې ۶.۱ درجې زلزلې مړګ و ژوبله مخ پر ډېرېدو ده
-
تازه خبرونه3 days ago
د پکتیکا او خوست ولایتونو زلزله ځپلي د بیات بنیاد له مرستو برخمن شول
-
نړۍ4 days ago
د پاکستان مرکزي بانک په تېلو کې د سپما لپاره خپلو کارکوونکیو ته له کوره د کار کولو سپارښتنه وکړه
-
تازه خبرونه5 days ago
په تېرو لس میاشتو کې له ۲۵۰ زره ډېر افغانان پاکستان ته کډوال شوي
-
تازه خبرونه4 days ago
بیات بنیاد د افغان زلزله ځپلو لپاره د مرستې بېړنۍ نړیواله غوښتنه پیل کړه
-
تازه خبرونه1 day ago
د پکتیکا ولایت د ګیان ولسوالۍ زلزله ځپلي اوس هم خوراکي توکو او سرپناه ته اړ دي
-
تازه خبرونه2 days ago
تایوان د افغانستان له زلزله ځپلیو سره یو میلیون ډالري مرسته اعلان کړه