Connect with us

سوداگري

د افغانستان بانک ۳.۵ میلیارد دالر شتمني د سویس بانک ته لېږدول شوې – احدي

Published

 on

(Last Updated On: ليندۍ ۵, ۱۴۰۱)
په سویس کې د افغانستان بانک زیرمې ته د جوړ شوي وجهي صندق د بورد غړي انورالحق احدي له آریانا نیوز سره په ځانګړې مرکه کې ویلي؛ د سویس بانک ته لېږدول شوې آزاده شوې پانګه ده، چې د دغه جوړ شوي بورد د ۴ غړیو لخوا ساتل کیږي.

انوارالحق احدي زیاته کړې، چې څلور کسیز بورد، چې د پیسو د لګښت په اړه څارنه کوي او په پرېکړو کې د ویټو حق هم لري. د دغه بورد له اجماع پرته به د پیسو د لګښت په اړه هیڅ کومه پرېکړه عملي نشي.

د احدي د څرګندونو له مخې؛ د افغانستان د دې پانګې د څارنې په بورد کې د افغانستان بانک استازی نشته؛ خو د مشورتي کمیته له جوېدو سره شونې ده، چې وروسته د افغانستان بانک استازی هم په کې وي.

په سویس کې د افغانستان د پیسو د وجهي صندوق د بورد غړی انورحق احدي په ډاګه کړې؛ د افغانستان د ټولو کنګل شویو شتمنیو ۳ اعشاریه ۵ میلیارد دالر په سویس کې د BIS بانک ته سپارل شوي او یو څلور کسیز پلاوی یې څارنه کوي.

احدي زیاتوي؛ دا پانګه د افغانستان بانک حق ده؛  خو پر افغانستان د بندیزونو له کبله امریکا نه غواړي، چې دغه پیسې افغانستان بانک ته ولیږل شي.

احدي زیاتوي؛ که له نړۍ سره د افغانستان اړیکې عادي شي، دا پیسې به د افغانستان بانک په واک کې ورکړ شي.

په سویس کې د افغانستان د پیسو د وجهي صندوق د بورد غړی انوار الحق احدي ویلي؛ سویس ته لېږدول شوې پیسې د لګښت لپاره ندي، بلکې د صندوق د تګلارې له مخې هغه ضروري لګښتونه ترې ورکول کېدای شي، چې افغان حکومت یې له ورکړې عاجز وي.

د احدي د څرګندونو له مخې؛ د افغانستان د پیسو د وجهي صندوق د جوړیدو هدف د پیسو خوندي کول او په دوران کې اچول دي تر څو ګټه وکړي.

احدي دا هم ویلي، چې د نویو پیسو د چاپ لګښت مونږ ورکولو ؛ خو د افغانستان بانک بریالی شوی، چې د نویو چاپ شویو پیسو لګښت ورکړي.

د احدي د څرګندونو له مخې اوسمهال د افغانستان بانک شتمني په سویس کې امانت ده؛ لګښت ترې ندی شوی او په دوران کې اچول، چې مونږ ته یې تر اوسه ۳۶ میلیون ډالره ګټه رسولې ده.

امریکا څه موده مخکې اعلان کړی، چې د افغانستان ۳.۵ میلیارد کنګل شوي دالر به د سویس په یوه بانک کې د افغانستان وجهي صندوق ته لېږل کیږي؛ خو د امريکا دغه پرېکړه د اسلامي امارت له سخت غبرګون سره مخ شوه. اسلامي امارت ټینګار کړی، چې دا پيسې د افغان ملت دي او له د افغانستان بانک پرته بل هیڅوک یې د کارولو او لګولو واک نلري.

سوداگري

د سیګار وروستی راپور له حقیقته لرې دی – اسلامي امارت

Published

on

(Last Updated On: سلواغه ۱۷, ۱۴۰۱)

د اسلامي امارت مالیې وزارت په افغانستان کې د انجوګانو او موسساتو په اړه د سیګار وروستی راپور له حقیقته لرې ګڼي او رد یې کړ.

په هغې اعلاميه کې، چې پرون (يکشنبه د سلواغې ١٦) د دغه وزارت لخوا خپره شوې راغلي: د افغانستان لپاره د امريکا د ځانګړي تفتش دفتر سيګار د امريکا کانګرس ته په خپل درې مياشتني راپور کې ادعا کړې؛ د افغانستان اسلامي امارت له هغو ادارو او بنسټونو څخه، چې د بشري مرستو په برخه کې کار کوي؛ د جواز د فیس، مالیې او اداري فیسونو تر نامه لاندې پیسې ترلاسه کوي او افغانستان ته د عوایدو لویه برخه چمتو کوي.

د افغانستان اسلامي امارت د مالیې وزارت یاد راپور له حقیقته لرې ګڼي او هغه پوره ردوي.

په اعلاميه کې ويل شوي: ماليې وزارت هغه موسسې او انجوګانې، چې د بشري مرستو په برخه کې فعال دي؛ مالیه ورته بښلې.

د مالیې وزارت دغه راز زیاته کړې، چې د هېواد په ټولو ګمرکونو کې د دغو موسسو لخوا پر وارد شویو توکو ګمرکي تعرفه صفر ته رسېدلې او د یادو بنسټونو مالونه له مالیې پرته هېواد ته داخلېږي.

د دغه وزارت د معلوماتو له مخې، له بهرنيو موسسو او بنسټونو څخه يوازې د جواز پیسې اخيستل کېږي، چې هغه کمه اندازه ده او قانوني چوکات لري او له نورو هېوادونو سره انډول وي او د افغانستان پر ملي عايد هیڅ اغېز نکوي.

مالیې وزارت ډاډ ورکړی، چې د مالیې وزارت په ګډون د اسلامي امارت ټول ارګانونه د هغو ادارو او انجوګانو لپاره، چې د بشري مرستو په برخه کې فعالیت کوي اداري، مالي او امنیتي اسانتیاوې برابروي او په دې برخه کې خپلو ټولو ژمنو ته ژمن دي او د بشردوستانه مرستو په وېش او لیږلو کې دوی ورسره همکار دي.

Continue Reading

سوداگري

افغانستان او پاکستان د دوه ګونه مالیاتو د مخنیوي د کنوانسیون مسوده لاسلیک کړه

Published

on

(Last Updated On: سلواغه ۱۵, ۱۴۰۱)

پاکستانيو رسنیو خبر ورکړی، چې پاکستان او افغانستان د دوه ګونه مالیاتو د مخنیوي د کنوانسیون مسوده لاسلیک کړې ده.

د دی نيوز ورځپاڼې د څرګندونو له مخې؛ د پاکستان او افغانستان پلاويو په تېرو درې ورځو کې د دوه ګونه مالياتو د مخنيوي کنوانسيون په اړه د خبرو اترو د درېيم پړاو لپاره په اسلام‌آباد کې سره وکتل.

په دې غونډه کې د افغان پلاوي مشري د مالیې وزارت د عوایدو د عمومي ریاست د حقوقي او پالیسۍ خدمتونو رییس ندا محمد صدیقي کوله او د عوایدو د فدرالي بورد د نړیوالو مالیاتي فعالیتونو عمومي رییس ساجدالله صدیقي د پاکستاني لوري مشري کوله. دواړو پلاویو د ۲۰۲۱ ز. کال په دسمبر کې د اسلام‌آباد پر کوربتوب د خبرو اترو د دوه‌م پړاو پر پاتې ټولو مسلو بشپړې خبرې وکړې.

خبرې اترې په دوستانه فضا کې ترسره شوې اودواړو لوریو خپل نظریات وړاندې کړل. له بشپړو خبرو وروسته دواړو لوریو د افغانستان او پاکستان ترمنځ د دوه ګونه مالیاتو د مخنیوي لپاره د کنوانسیون پر مسودې هوکړه وکړه.

د غونډې په پای کې د پاکستان د عوایدو د فدرالي بورد رییس عاصم احمد پاکستان ته د افغان پلاوي د سفر له کبله مننه وکړه او هیله یې څرګنده کړه، چې د دوه ګونه مالیاتو د مخنیوي کنوانسیون به د دواړو هېوادونو ترمنځ اقتصادي اړیکې نورې هم پیاوړې کړي.

د افغانستان لپاره د پاکستان ځانګړي استازي محمد صادق د دغې طرحې لاسلیکول یو بل اړین ګام بللی دی.

محمد صادق تویت کړی: له دې پړاوه تېرېدو شاوخوا ۱۲ کاله ونیول. پانګوال، قراردادیان او د دواړو خواوو سوداګر به د پام وړ ګټه ترې پورته کړي.

Continue Reading

سوداگري

د حیرتان – مزارشریف د اوسپنې پټلۍ له لارې ترانسپورتي لېږد رالېږد وځنډول شو

Published

on

(Last Updated On: سلواغه ۱۳, ۱۴۰۱)

د افغانستان د اوسپنې پټلۍ ریاست څرګنده کړې، چې د حیرتان – ازبکستان د ریلګاډي له لارې د مالونو لیږد رالېږد تر بلې خبرتیا پورې ځنډول شوی دی.

د افغانستان اسلامي امارت ویاند ذبیح الله مجاهد په ډاګه کړې، چې د حیرتان – ازبکستان د ریلګاډي پټلۍ په موقتي توګه تړل شوې ده.

هغه زیاته کړې، چې د افغانستان د ریلپټلۍ په تخنیکي او عملیاتي برخو کې کومه ستونزه نشته او د ازبکستان لخوا تړل شوې ده.

مجاهد د ریلګاډي پټلۍ تړل لنډمهاله ګڼي او له سوداګرو يې وغوښتل، چې صبر زغم ولري او د اړتيا وړ توکي د آقینې- اندخوى د ریلګاډي پټلۍ له لارې وارد کړي.

د افغانستان د ریلګاډي ادارې د حیرتان – ازبکستان د ریلپټلۍ د موقتي بندیدو د علت له بیانولو سره ویل چې دا اداره له تېرو درې میاشتو راپدیخوا د ریلپټلۍ د ټولو چارو د مدیریت په سپارلو بوخته ده او په راتلونکیو دوه ورځو کې به یو پلاوی افغانستان ته راواستوي. له افغانستان څخه به ازبکستان ته ولاړ شي، چې پدې اړه وروستی هوکړه لیک لاسلیک کړي.

د افغانستان د ریلپټلۍ ویاند زیاته کړې: د دغه هوکړه لیک له لاسلیکولو وروسته به د حیرتان- مزارشریف له لارې د ترانسپورت بهیر یو ځل بیا پیل شي او په عادي توګه به دوام وکړي.

د افغانستان د اوسپنې پټلۍ ادارې تېره میاشت اعلان وکړ، چې د افغان لوري او د ازبکستان د ریلګاډي د چارواکو تر منځ د خبرو اترو په پایله کې د حیرتان – مزار شریف د ریلګاډي د پټلۍ مسوولیت له ازبکستان څخه افغانستان ته سپارل شوی دی.

د افغانستان د اوسپنې پټلۍ ادارې په یوه خبرپاڼه کې څرګنده کړې، چې د دې هوکړه لیک له مخې به د حيرتان- مزارشريف د رېلپټلۍ د غزولو مسووليت، چې له تېرو يوولس کلونو راپدیخوا د سوګديانا ترانس نومي ازبکي شرکت لخوا پر مخ وړل کېده، چې د یوه منظم مهالوېش له مخې به د افغانستان اوسپنې پټلۍ ادارې ته ولېږدول شي.

Continue Reading

Trending

Copyright © 2022 Ariana News. All rights reserved!