Connect with us

لوبی

د افغانستان تنکیو ځوانانو فوتبال ملي لوبډلې له منګولیا لوبه وګټله

خپور شوی

د

(Last Updated On: تله ۱۶, ۱۴۰۱)

د افغانستان ځوانانو فوتبال ملي لوبډلې د آسيا د  ۱۷ کلنو ټیټ عمره تنکیو ځوانانو د ملتونو جام ته د غوراوي په سياليو کې د H ګروپ په لومړۍ لوبه کې منګوليا ته ۵-۰ ماتې ورکړه.

عليرضا رحیمي د دې لوبې په اړه ویلي: مونږ منګولیا ته وښودله، چې فوتبال څه معنی لري. مونږ به د تاجکستان پر وړاندې ښه لوبه وکړو.

د دې لوبډلې بل لوبغاړي حکیم خان نیازي؛ خپله بریا د افغانستان شهیدانو او خلکو ته وقف کړه.

دا سیالۍ د جمعې پر ورځ ( د تلې ۱۵) د تاجکستان په مرکز دوشنبه ښار کې ترسره شوې د ه.

په دې لوبه کې د افغانستان د سرې جامو ستوري حکیم خان نیازی و، چې په لومړۍ نیمايي کې یې درې ګولونه وکړل.

افغانستان د دوه یمې نیمايي په څلور اویایمه دقیقه کې علي رمضاني او په نهه اتیاومه دقیقه کې د لوبډلمشر علي رضا رحیمي لخوا دوه نور ګولونه ووهل شول.

د افغانستان دوه یمه او وروستۍ لوبه به د یکشنبې پر ورځ د تاجکستان له کوربه لوبډلې سره ترسره شي.

د افغانستان د فوتبال فدراسیون ويلي، چې افغانستان به د تاجکستان پر وړاندې په مخامخ سیالۍ کې د لومړۍ لوبډلې په توګه د ۱۷ کلنو آسیا جام سیالیو ته لار پیدا کړي.

لوبی

د افغانستان پر وړاندې دردوونکې ماتې مې له سترګو خوب وتښتاوه – بابر اعظم

Published

on

(Last Updated On: وری ۲۱, ۱۴۰۳)

د پاکستان کرکټ ملي لوبډلې لوبډلمشر بابر اعظم ویلي، چې د ۲۰۲۳ ز. کال په کرکټ نړیوال جام کې د افغانستان پر وړاندې د پاکستان ماتې “خورا دردونکې” وه او د لوبې له بایللو وروسته یې ټوله شپه خوب ندی کړی.

بابر اعظم A sport ته ویلي: دا لوبه زما لپاره ډېره دردونکې وه؛ ځکه، چې په نړیوال جام کې د افغانستان پر وړاندې ماتې ډېر توپیر درلود.

هغه زیاته کړې: زه فکر کوم، چې هغو ډېر ښه کرکټ وکړ او مونږ هغه څه ونشول کولی لکه څنګه، چې ورته اړتیا وه. مونږ هڅه وکړه او ښې منډې مو جوړې کړې؛ خو څرنګه، چې دواړه لوبغاړي (ابراهيم ځدراڼ او رحمت شاه) لوبه کوله، داسې نه ښکارېده، چې لخ ډګره به ووځي؛ د دوی وړتیاوې باید ومنل شي.

بابر زیاته کړې: هغه ورځ زما لپاره يوه سخته ورځ وه. ما پر هغه ورځ خوب ونشو کولی. دې [ماتې] زما زړه سخت ودرداوه.

بابر اعظم بیا د دې ناکامۍ پر څرنګوالي غور وکړ او څرګندوي، چې تجربه د داسې حالاتو په اداره کولو کې مرسته کوي.

هغه وایي: وګورئ، بریا پرې لږ څه وخت نیسي؛ یو یا دوه ورځې … هرڅومره، چې ډېره لوبه وکړئ، څومره تجربه مومئ، پوهیږئ، چې څنګه ځان سمبال کړئ.

افغانستان د ۲۰۲۳ ز. کال په کرکټ نړیوال جام سیالیو کې پاکستان ته د ۸ ویکټو پر توپیرماتې ورکړه.

رحمان الله ګربز، ابراهیم ځدراڼ او رحمت شاه له پنځوسو ډېرې منډې وکړې او نور احمد درې ویکټې واخیستې.

د دغې لوبې غوره لوبغاړي ابراهیم ځدراڼ، چې ۸۷ منډې یې کړې وې؛ خپله جایزه له پاکستان څخه د جبري ایستنې کډوالو ته ډالۍ کړه او افغانانو یې د دې کار پوره ستاینه وکړه.

دا په نړیوالو یو ورځنیو سیالیو کې د پاکستان پر وړاندې د افغانستان لومړۍ بریا وه.

د یادونې ده، چې دا دوه لوبډلې اووه ځله په دې ډول سیالیو کې له یو بل سره مخ شوي دي.

Continue Reading

لوبی

آریانا ټلویزیون د افغانستان فوټبال اتلانو لیګ درېیم پړاو خپروي

Published

on

(Last Updated On: وری ۲۰, ۱۴۰۳)

د آریانا ټلویزیون نړیواله شبکه څرګندوي، ​​چې د افغانستان فوټبال اتلانو لیګ درېیم پړاو به پر ژوندۍ قانوني او ځانګړې بڼه تولید او خپور کړي.

د آریانا ټلویزیون، فوټبال فډراسیون او ویکټور انرژی ترمنځ نن (یکشنبه د وري نولسمه) د دوه اړخیز او درې اړخیز تړون د لاسلیک مراسم ترسره شول.

د دغه تړون له مخې به آریانا ټلویزیون د هېواد د اتلانو لیګ درېیم پړاو سیالیو د تولید او خپراوي مسوولیت پر غاړه ولري.

د افغانستان اتلانو لیګ سیالۍ به د ویکټور انرژۍ پر مالي مرسته او د فوټبال فډراسیون د ۵ زره کسیز لوبغالي پر کوربتوب ترسره شي.

ټاکل شوې، چې دغه سیالۍ به د ۳۳ ورځو لپاره په ۶۶ سیالیو کې ترسره شي.

په دې سیالیو کې به د افغانستان ۱۲ غوره لوبډلې ( سرسبز یاشلر فاریاب، واحدي کندوز، اټک انرژي هرات، سرخ پوشان هرات، عصمت لغماني، ابو مسلم فراه، استقلال کابل، خدیم اف‌سي سرپل، خرآسان، عینو مېنه کندهار، عدالت فراه اف‌سي او موج ساحل) لوبډلې ګډون ولري.

د يادونې ده، چې دغه ​​زړه راکښونکې سپورټي سيالۍ به د غوایی پر لومړۍ / د اپرېل شلمه په کابل ښار کې پيل شي.

Continue Reading

لوبی

مبارز خپل فرانسوي سيال مات کړ

Published

on

(Last Updated On: وری ۱۲, ۱۴۰۳)

د ازادو سیالیو افغان لوبغاړي باز محمد مبارز خپل فرانسوي سیال ته د نمرو پر توپیر ماتې ورکړه.

دا لوبه د تایلینډ د پوکټت ښار په M2MMA ټولنه کې ترسره شوه.

دغه دوه لوبغاړي په درې پېنځه دقیقه‌یي لوبو کې سره مخ شول.

له دې سیالیو مخکې مبارز ۱۷ ځلې د خپلو سیالانو پر وړاندې لوبه کړې، چې په خپل مسلک کې ۱۱ بریاوې او ۷ ماتې لري، چې له دې سره یې دولسمه بریا خپله کړه.

Continue Reading

Trending

Copyright © 2022 Ariana News. All rights reserved!