Connect with us

تازه خبرونه

د افغانستان حکومت دې د بشري حقونو د هڅاندو د خوندیتوب هڅې وکړي – د بښنې نړیوال سازمان

خپور شوی

 په

(Last Updated On: کب ۲۶, ۱۳۹۹)

د بښنې نړیوالې ټولنې نن (سې شنبه د کب ۲۶) په ډاګه کړې، چې د افغانستان د بشري حقونو د ساتونکیو پر وړاندې د ګواښونو نوې څپې ته په پاملرنه، دولتي چارواکي باید سمدستي هحې پیل کړي.

دغه سازمان په افغانستان کې د بشري حقونو د ساتونکیو د ساتنې لپاره د کمیسیون رامنځته کولو ته په نغوته کې څرګنده کړې، چې له درې میاشتو له تېررېدو وروسته هم د بشري حقونو د د ساتونکیو د ساتنې لپاره هیڅ عملي ګامونه پورته شوي ندي.

له دې مخکې په افغانستان کې د ملګرو ملتونو استازولۍ (یوناما) راپور ورکړی و، چې د افغانستان د بشري حقونو ساتونکي او د رسنیو کارکونکي د سولې خبرو له پیل راپدیخوا په موخه ییزو بریدونو کې وژل شوي دي (د سپتمبر ۲۰۲۰ – جنورۍ ۲۰۲۱).

د بخښنې نړیوال سازمان اندېښنه څرګنده کړې، چې په تېرو درې میاشتو کې د بشري حقونو د مدافعینو په وړاندې بریدونه او ګواښونه ډیر شوي دي.

د سویلي آسیا او آرام سمندر د ادارې مشرې یامیني میشرا ویلي؛ په افغانستان کې د بشري حقونو د مدافعینو د خوندیتوب د کمیسیون د اقداماتو ځنډ د بشري ژوند په بیه دی.

میرمن یامیني میشرا وایي: ګډ کمیسون باید سمدستي خپل کار ګړندی کړي، د بشري حقونو مدافعانو سمدستي امنیتې اړتیاوو ته لومړیتوب ورکړي، ټول ګواښونه، بریدونه او نورې وېرې او ترهې وڅېړي او مسوولین یې ونیسي.

میرمن میشرا زیاته کړې، چې د افغانستان د بشري حقونو د مدافعینو او ساتونکیو لپاره ګډ کمیسیون باید خپلو اهدافو ته د رسیدو لپاره اړین بشري او مالي سرچینې ولري او د افغانستان حکومت او نړیوالې ټولنې لخوا په بشپړ ډول ملاتړ وشي.

دا په داسې حال کې ده، چې د افغانستان د سولې لپاره د امریکا ځانګړي استازي زلمي خلیلزاد نن (سې شنبه د کب ۲۶) د سولې له مخکښو مدافعینو، مدني ټولنې غړیو او رسنیو چارواکو سره وکتل او د سولې بهیر د ګړندي کولو لپاره یې پر ستراتیژیو خبرې وکړې.

خلیلزاد د افغانستان د مدني ټولنې له مشرانو سره په راتلونکي سیاسي هوکړه لیک کې دنجونو او ښځو حقونو د خوندي ساتلو په اړه د دوی نظرونه واورېدل او د خوندي کولو ډاډ یې ورکړ.

زلمي خلیلزاد ټینګار کړی، چې د ښځو د مشرانو رول په دې هېواد کې سولې او ملي پخلاینې لپاره اړین او ژوند بښونکی دی.

د ځانګړي استازي د رسنیو د کارمندانو موخه ییزې وژنې او د بیان پر آزادۍ د دوی اغېزو په اړه هم خبرې وکړې.

نوموړي ویلي، چې د خبریالانو د موخه ییزو وژنې قضیې باید وڅېړل شي او عاملین یې محاکمه شي.

خلیلزاد د خبریالانو او مدني مخکښانو وژنه وغندله او د رسنیو د کارکوونکیو د امنیت غوښتنه یې وکړه.

تازه خبرونه

د افغان شخصیتونو د راستنولو کمیسیون کړنلاره تصویب شوه

خپور شوی

په

توسط

(Last Updated On: غویی ۲۷, ۱۴۰۱)

چارواکو ويلي، چې هېواد ته د افغان شخصیتونو د بېرته راستنولو کمیسیون کړنلاره تصویب شوې او ډېر ژر به اعلان شي.

له افغان شخصیتونو سره د خبرو او هېواد ته یې د بېرته راستنولو کمیسیون د سپیدارماڼۍ د لومړي وزیر په سیاسي دفتر کې تر سره شوه. په دې غونډه کې د کمیسیون غړيو خپله کاري لایحه تصویب کړه، چې له عمومي کیدو او اعلانیدو سره به په رسمي ډول خپل کار پیل کړي.

د اسلامي امارت د سیاست شنونکي حسن حقیار ویلي؛ په دې کمیسیون کې به له ټولو مخورو شخصیتونو سره، که هغه ښځې وي او که نرینه اړیکې ونیول شي او کمیسیون چمتو دی، چې وطنپاله مخکښ شخصیتونه بېرته هېواد ته راستانه کړي.

یو شمېر سیاسي هڅاندو سره دا پوښتنه رامنځته شوې، چې آیا سیاسي څېرې یوازې د عادي ژوند لپاره هېواد ته راغوښتل کیږي او که په حکومت کې د سیاسي فعالیت او ګډون لپاره ورته  زمینه برابرېږي؟!

سیاسي هڅاند سید جواد حسیني وایي: مونږ له امارت ( اسلامي امارت) غواړو، چې د کمیسیون د پروګرام د عملي کولو لپاره هغو سیاسیونو ته کاري زمینه او د فعالیتونو آسانتیاوې رامنځ ته کړي، چې له هېواده وتلي او د هر چا د راستنیدو تضمین باید وړاندې شي؛ ځکه هر څوک باید ځان د حکومت په هېنداره کې وویني.

د افغانستان په ګاونډ کې ایران، چې د یو شمېر سیاسي څېرو کوربه هم دی، یو ځل بیا په افغانستان کې د یوه ټولګډونه حکومت د جوړېدو غوښتنه کړې ده.

په دې وروستیو کې د  د سیاستوالو د راستنولو د کمیسیون غړي انس حقاني ویلي، چې شاوخوا ۵۰ پخواني حکومتي چارواکي افغانستان ته راستانه شوي او د نورو سیاسي شخصیتونو د بېرته راوستلو هڅې هم روانې دي.

Continue Reading

تازه خبرونه

د ګډ امنیت ټولنې غړیو هېوادونو د پولو پر امنیت ټینګولو ټینګار څرګند کړ

خپور شوی

په

توسط

(Last Updated On: غویی ۲۷, ۱۴۰۱)

د منځنۍ آسیا له هېوادونو سره د افغانستان د پولې په اوږدو کې د امنیت موضوع د ګډ امنیت ټولنې د غړیو هېوادونو د بحث وړ ګرزېدلې ده.

د ګډ امنیت ټولنې غړیو هېوادونو مشرانو  په مسکو کې جوړې شوې غونډې ته ویلي، چې دوی له افغانستان سره د غړیو هېوادنو د پولو د امنیت پر ټینګولو کار کوي.

د روسیې ولسمشر ولادیمیر پوتین د خبرو پر مهال څرګنده کړې؛ د ګډ امنیت ټولنه په افغانستان کې ناکراریو او په پولو کې ناامنیو ته په کتو چمتو ده، چې د غړیو هېوادونو په سرحدونو کې د امنیت د خوندیتوب لپاره ډېر څه وکړي.

دغه راز د قزاقستان ولسمشر د مسکو په سرمشریزه کې ویلي، چې په افغانستان کې بې ثباتي او د وسلوالو ډلو د فعالیت دوام د غړیو هېوادونو امنیت او ثبات له ګواښ سره مخ کوي.

په دې سرمشریزه کې د قزاقستان ولسمشر قاسم جمارت تکوایف د منځنۍ آسیا د هېوادونو د پولو امنیت ته پر ډېرې نورې پاملرنې ټینګار وکړ.

نوموړي زیاته کړې: شوني ګواښونه باید پ نښه شي؛ ځکه، چې په افغانستان کې بې ثباتي او د وسلوالو ډلو دوامدار فعالیت د غړیو هېوادونو امنیت او ثبات له ګواښ سره مخ کوي او د منځنۍ آسیا د هېوادونو د پولو امنیت ته باید زیاته پاملرنه وشي.

اسلامي امارت وايي؛ د افغانستان پولې تر بل هر وخت ډېرې خوندي دي او هیڅ هېواد به له افغانستان څخه يرغل ونکړي، ځکه هیڅ وسلوالې ډلې په افغانستان کې فعاليت نکوي، چې د اړوند پولو امنيت له ګواښ سره مخ کړي.

د اسلامي امارت د ویاند مرستیال بلال کریمي د یادې سرمشریزې د مشرانو له اندېښنو سره سره وايي، چې په ټول افغانستان کې امنیت خوندي شوی او هيڅ مخالفه ډله دومره فعاله نده، چې د نورو هېوادونو امنیت ته ګواښ وګڼل شي. یاد هېوادونه باید پدې اړه اندېښنه ونکړي.

د ګډ امنیت ټولنې د غړیو هېوادونو مشرانو په تېره غونډه کې اعلان کړی و، چې له افغانستان سره پر پوله به تر ۲۰۲۲ کال پورې د نشه يي توکو د قاچاق او له ترهګرۍ سره د مبارزې د مخنیوي لپاره درې پړاوه عملیات ترسره کړي.

Continue Reading

تازه خبرونه

د هند په کوربتوب د ترهګرۍ په اړه د شانګهای ټولنې غونډه جوړه شوه

خپور شوی

په

توسط

(Last Updated On: غویی ۲۶, ۱۴۰۱)

په هند کې د افغانستان په اړه د شانګهای همکارۍ ټولنې د غړیو هېوادونو سرمشریزه نه یوازې پر سیاسي، اقتصادي او بشري وضعیت را څرخي، بلکې پر ترهګرۍ او نورو سیمه ییزو مسلو هم بحث کوي.

په دې غونډه کې د لومړي ځل لپاره د پاکستان یوه درې کسیز پلاوي هم ګډون کړی؛ د روسیې، چین، ازبکستان، تاجکستان، قزاقستان، قرغزستان، ترکمنستان او ایران لوړ پوړي چارواکې یې نور ګډونوال دي.

د دې څلور ورځنۍ غونډې ګډونوال به د سیمه ییز جوړښت په چوکاټ کې د ترهګرۍ پر ضد اقداماتو او د افغانستان پر امنیتي وضعیت خبرې وکړي.

د پراخ او ټولګډونه حکومت جوړېدل او د ښځو د حقونو ترڅنګ د بشري ناورین او د افغانستان په ثبات، سوکالۍ، پرمختګ او امنیت کې د سیمې د هېوادونو ونډه نور هغه موضوعات دي، چې د دې غونډې غړي به پرې بحث او خبرې وکړي.

د اسلامي امارت ویاند بلال کریمي ويلي؛ له هرې هغې غونډې هرکلی کیږي، چې د افغانستان په ګټه وي.

د تېر کال په نومبر میاشت کې هم نوي ډیلي د افغانستان په اړه د سیمه ییز امنیت د خبرو اترو کوربه و، چې د ایران، قزاقستان، قرغزستان، روسیې، تاجکستان، ترکمنستان او ازبکستان د ملي امنیت سلاکاران یې ګډونوال ول.

Continue Reading

Trending

Copyright © 2022 Ariana News. All rights reserved!