Connect with us

تازه خبرونه

د افغانستان د امن او ثبات په‌څېر نړیواله سوله هم ځانګړی ارزښت لري – سراج الدین حقاني

خپور شوی

د

(Last Updated On: ليندۍ ۱۲, ۱۴۰۲)

د کورنیو چارو وزارت چارسمبالي د ملګرو ملتونو د عمومي منشي له ځانګړې استازې سره په لیدنه کې ویلي؛ اسلامي امارت ته د افغانستان د امن او ثبات په‌څېر نړیواله سوله هم ځانګړی ارزښت لري او اسلامي امارت له ګاونډیانو سره د رښتيني چلند لپاره لازم ګامونه هم اوچت کړي دي.

هغه زياته کړې، چې نړیوال اړخونه هم باید د وسله‌والو جنایتکارانو د څانې لپاره د اسلامي امارت له هڅو ملاتړ وکړي.

سراج الدین حقاني ټينګار کړی، چې پخوانۍ ستونزې او نميګړتياوې بايد په اسلامي امارت پورې و نه تړل شي او دغه راز د ګاونډ هېوادونو کورني مسايل بايد په بهر کې میشتو افغان کډوالو ته د ستونزو رامنځته کېدو لامل نه‌شي.

د کورنيو چارو وزارت چارسمبالي سراج الدين حقاني زیاته کړې: افغان حکومت بېرته راستنېدونکیو کډوالو ته په بېلابېلو برخو کې لازمې آسانتياوې رامنځته کړي او د چارو منظم ترسراوي لپاره يې د بېلابېلو ادارو له کارکوونکیو څخه جوړو شویو کميتو ته دنده سپارلې، چې د يادو کډوالو لاسنيوي او خپلو مېنو ته د لېږد په برخه کې د پام وړ مرسته ترسره کړې او دا بهیر بريالی روان دی.

د کورنیو چارو وزارت د ایکس پاڼې د څرګندولو له مخې؛ د ملګرو ملتونو د عمومي منشي ځانګړې استازې یا د یوناما مشرې روزا اوتونبایوا د دې وزارت له چارسمبالي سراج الدین حقاني سره د لیدنې پر مهال د دې وزارت خوندي امنيت او له مخدره توکو سره مبارزه وستایله او وایي؛ په‌دې تړاو يې د بېلا بېلو هېوادنو له استازیو سره کتلي او ټول په‌دې باور دي، چې له مخدره توکو سره د مبارزې، پر مخدره توکو د روږدو کسانو د درملنې او حرفوي زده‌کړو سربېره کروندګرو ته د بدیل معیشت په برخه کې هم لازمې آسانتياوې رامنځته شي.

میرمن اوتونبایوا ویلي: له ګاونډ هېوادونو څخه د افغان کډوالو جبري راستنېدا ياد کډوال له ګڼو ستونزو سره مخ کړي دي.

هغې د راستنېدونکیو کډوالو د مديريت په برخه کې د اسلامي امارت له هڅو هرکلی وکړ او وایي، چې اسلامي امارت و کولی شول، چې په دغه بهیر کې له نړیوالې ټولنې سره هم ښه تعامل ثابت کړي.

ویل کیږي، چې د دې ليدنې پر مهال سراج الدین حقاني د نړيوالې ټولنې د عمومي منشي له ځانګړې استازې څخه په هېواد کې له مخدره توکو سره د مبارزې، راستنېدونکیو افغان کډوالو سره د همکارۍ او په مخدره توکو د روږدو کسانو د درملنې لپاره د نړيوالې ټولنې له همکارۍ مننه وکړه.

تازه خبرونه

نړۍ دې د دښمنۍ پاللو او بندیزونو پر ځای له افغانستان سره همکاري وکړي

Published

on

(Last Updated On: وری ۲۱, ۱۴۰۳)

د اسلامي امارت ویاند ويلي، چې د نړیوالې ټولنې هیڅ فشار ته به تسلیم نشي او د نړۍ لپاره غوره ده، چې د فشارونو او بندیزونو پر ځای له افغانستان سره همکاري وکړي.

د اسلامي امارت د واکمنۍ له دوه نیم کالو څخه ډېر وخت تېریږي او اوس هم نړیواله ټولنه پر اسلامي امارت فشار راوړي، چې د ټولګډونه حکومت په جوړولو کې پاتې راغلي او له بشري حقونو او په ځانګړي توګه د نجونو او میرمنو له حقونو څخه سرغړونې کوي.

اسلامي امارت وايي، چې هیڅکله به د نړۍ فشارونو ته تسلیم نشي او د بندیزونو او فشارونو سیاست د افغانستان د ستونزې په حل کې مرسته نشي کولی، بلکې نړۍ باید د تعامل لاره خپله کړي.

د اسلامي امارت ویاند ذبیح الله مجاهد وايي: لکه څنګه، چې په تېرو شل کلونو کې فشارونو او بندیزونو په افغانستان کې مثبته نتیجه نده ورکړې؛ د تېرو ترخو تجربو تکرار هم د افغانستان د ستونزې په حل کې مرسته نشي کولی.

ربیح الله مجاهد زیاتوي؛ په څه له پاسه دوه نیمو کلونو کې ګڼو هېوادونو له اسلامي امارت سره ښې اړیکې او تعاملات پیل کړي دي.

د نوموړي د څرګندونو له مخې؛ ځينې لويديځ هېوادونه اوس هم د تېرو جګړو له کبله له اسلامي امارت سره دښمني پالي.

کارپوهان په دې باور دي، چې نړیواله ټولنه او اسلامي امارت باید د ټکر سیاست یوې خواته کړي او د افغانستان مسلې له ډیپلوماټیکو لارو حل کړي.

د دوی د څرګندونو له مخې؛ د هېواد اوسنیو حالاتو ته پر کتو اسلامي امارت ته لازمه ده، چې له ملي ګټو او اسلامي ارزښتونو سره سم له نړیوالې ټولنې سره په خپله تګلاره کې نرم دریځ غوره کړي.

دا په داسې حال کې ده، چې په تېرو دوه نیمو کلونو کې هیڅ هېواد اسلامي امارت پر رسمیت ندی پېژندلی او نړیوالې ټولنې هم خبرداری ورکړی، چې که اسلامي امارت پخپلو سختو سیاستونو له سره غور ونکړي؛ پر رسمیت به یې ونه‌پېژني.

اسلامي امارت تل ټینګار کړی، چې د مشروع حکومت ټول شرطونه لري؛ خو نړۍ د اسلامي امارت په وړاندې دښمنانه دریځ خپل کړی دی.

Continue Reading

تازه خبرونه

د افغانستان لپاره د ځانګړي استازي پر ټاکلو بحثونه روان دي – م.م

Published

on

(Last Updated On: وری ۲۱, ۱۴۰۳)

د ملګرو ملتونو ویاند ويلي، چې د افغانستان په چارو کې د دې ټولنې د ځانګړي استازي په اړه خبرې اوس هم روانې دي.

د ملګرو ملتونو ویاند سټیفن دوجاریک د دوشنبې پر ورځ په یو خبري کنفرانس کې څرګنده کړې: دا بهیر روان دی. هرڅومره ژر، چې مونږ د عامه پوهاوي لپاره نوي معلومات ترلاسه کړو؛ نو هیله من یم، چې تاسې ته به یې وړاندې کړم.

د تېر کال په ډسمبر میاشت کې د ملګرو ملتونو امنیت شورا د افغانستان لپاره د ځانګړي استازي د ټاکلو غوښتنه وکړه؛ روسیې او چین دې پرېکړه لیک ته ممتنع رای ورکړه او اسلامي امارت هم د امنیت شورا د ځانګړي استازي د ټاکلو پر پرېکړه نیوکه وکړه.

اسلامي امارت په دې باور دی، چې د ملګرو ملتونو د ځانګړي ماموریت (یوناما) په موجودیت کې د افغانستان لپاره د بل استازي ګمارل نا اړین دي؛ ځکه، چې دا هېواد په جګړه کې ندی او اوس د مرکزي حکومت له حاکمیته برخمن هېواد دی.

د راپورونو له مخې؛ د ملګرو ملتونو د ځانګړي استازي دنده به دا وي، چې سیاسي هوکړې ته د رسېدو لپاره بین الافغاني ( خپلمنځي ) خبرې پیل کړي.

د جاپان ټایمز ورځپاڼې د یوې خپرې شوې مقالې له مخې؛ د افغانستان لپاره د ملګرو ملتونو د ځانګړي استازي د څوکۍ لپاره درې نوماندان وړاندیز شوي: تادامیچي یاماموتو؛ جاپانی ډیپلوماټ، چې له ۲۰۱۶ څخه تر ۲۰۲۰ ز. کال پورې د افغانستان لپاره د ملګرو ملتونو د عمومي منشي ځانګړی استازی و؛ په افغانستان کې د بریټانیا پخوانی سفیر نیکولاس کي او په کابل کې د ترکیې پخوانی سفیر جهاد ارګنای.

Continue Reading

تازه خبرونه

چین واخان سړک ته په نغوته کې افغانستان ته د همکارۍ ډاډ څرګند کړ

Published

on

(Last Updated On: وری ۲۱, ۱۴۰۳)

د کلیو د بیارغونې او پراختیا وزارت چارسمبالي محمد یونس اخوندزاده په کابل کې د چین له سفیر ژاو شینګ سره وکتل.

په دې کتنه کې د چین سفیر د چین تر پولې پورې د واخان سړک جوړولو ته په نغوته ( اشاره ) کې څرګنده کړه؛ هېواد یې له افغانستان سره د پراختیایي او بنسټیزو پروژو د تطبیق او پراختیا لپاره خپلې همکارۍ روانې ساتي.

دغه راز محمد یونس اخوندزاده له اسلامي امارت سره د چین د سیاسي او اقتصادي همکاریو د ستاینې ترڅنګ ویلي، چې د واخان – چین سرحدي سړک لومړني کارونه چټک روان دي او په نږدې راتلونکي کې به بشپړ شي.

ویل کیږي، چې د دغه سړک بنسټیزه جوړېدا نه یوازې د دواړو هېوادونو د اقتصادي ودې لپاره اړینه ده، بلکې د منځنۍ آسیا هېوادونو ته به هم ګټه ورسوي.

Continue Reading

Trending

Copyright © 2022 Ariana News. All rights reserved!