Connect with us

تازه خبرونه

د افغانستان د سولې امریکایي استازی به له هندي چارواکو سره هم وغږیږي

Published

 on

(Last Updated On: وږی ۲۵, ۱۳۹۹)

ټاکل شوې، چې د افغانستان د سولې لپاره د امریکا ځانګړی استازی زلمی خلیلزاد به نن د بهرنیو چارو له وزیر اس جي شنکر او د هند د ملي امنیت له سلاکار اجیت دوول سره د افغانستان د سولې د بهیر په اړه خبرې وکړي.

زلمي خلیلزاد، چې د دوشنبې پر ورځ د پاکستان د پوځ له ستردرستیز قمر جاوید باجوه سره ولیدل؛ د سې شنبې پر ورځ د وږي ۲۵/ د سپتمبر ۱۵ به هندوستان ته سفر وکړي.

د هندي رسنیو د راپور له مخې؛ خلیلزاد به له هندي چارواکو سره د افغانستان د خپلمنځي خبرو اترو په بهیر کې پر وروستيو پرمختګونو خبرې اترې وکړې.

هند د شنبې پر ورځ د افغانانو د خپلمنځي خبرو اترو د پیل د پرانستې په مراسمو کې ونډه درلودلې، چې جي پي سنګهـ  د پاکستان ، افغانستان او ایران ګډ سکرتر او د هند د بهرنیو چارو وزیر جي شنکر د ویدیو کنفرانس له لارې خبرې وکړې.

اس جي شنکر د افغانستان پر ځمکني بشپړتیا او د لږکیو او ښځو پر ملاتړ ټینګار وکړ.

هغه د هند پر دریځ بیا ټینګار وکړ، چې له طالبانو سره مستقیم  تعامل نکوي؛ خو بیا هم څرګندوي، چې د سولې بهیر باید د افغانانو پر واک او مشرۍ ترسره شي.

دا په داسې حال کې ده، چې د ملي پخلاینې عالی شورا مشر عبدالله عبدالله د دوحې په پرانستونکیو خبرو په څنده کې له ښاغلي سنګهـ سره کتلي او د هند له ملاتړه یې مننه کړې ده.

تازه خبرونه

پاکستان او روسیه به د اسلامي امارت د کړنو ارزونه وکړي

Published

on

(Last Updated On: سلواغه ۱۰, ۱۴۰۱)

د پاکستان بهرنیو چارو وزیر بلاول بوتو زرداري پر دوه ورځني رسمي سفر د روسیې پلازمېنې مسکو ته رسېدلی دی.

د پاکستان د سیمه ییزو رسنیو د راپور له مخې؛ زرداري به د دوشنبې پر ورځ په مسکو کې له خپل روسي سیال سرګي لاوروف سره وویني او خبرې به یې د افغانستان پر حالاتو راوڅرخیږي.

پاکستانيو رسنیو د رسمي سرچینو د څرګندونو له مخې په ډاګه کړې؛ پاکستان او روسیه به نه یوازې د یوه ټولګډونه حکومت د جوړولو لپاره پر نړیوالو ژمنو او له خپلې خاورې د ترهګرو ډلو د فعالیت پر مخنیوي خبرې وکړي، بلکې د اسلامي امارت پر پرمختګونو به هم بیاکتنه وکړي.

د تریبیون د راپور له مخې؛ د پاکستان د بهرنیو چارو وزیر بلاول بوتو زرداري به په مسکو کې د دوشنبې پر ورځ له خپل روسي سیال سرګي لاوروف سره وګوري او د دوی د اجنډا یوه اړینه موضوع به افغانستان وي.

زرداري د پاکستان د بهرنیو چارو د وزیر په توګه مسکو ته لومړنی سفر کوي. نوموړی اندېښمن دی، چې د تحریک طالبان پاکستان (TTP) وسلوالې ډلې په افغانستان کې پټنځایونه لري.

د روسیې د بهرنیو چارو وزارت تویت کړی، چې دواړه وزیران به له ترهګرۍ سره د مبارزې او د افغانستان، سوریې او اوکراین د وضعیت په ګډون پر یو شمېر سیمه ییزو موضوعاتو خبرې وکړي.

Continue Reading

تازه خبرونه

اسلامي امارت دې ښځو ته د زده‌کړو او کار اجازه ورکړي – د اسلامي همکاریو ټولنه

Published

on

(Last Updated On: سلواغه ۱۰, ۱۴۰۱)

د اسلامي همکاریو ټولنې (OIC) د یکشنبې پر ورځ د افغانستان اسلامي امارت له چارواکو وغوښتل، چې د نجونو لپاره دې د ښوونځیو او پوهنتونونو د بیا پرانستلو هلې ځلې وکړي، چې د زده‌کړو له ټولو کچو برخمنې شي.

د اسلامي همکاریو ټولنې عمومي سکرتریت د شنبې پر ورځ د اسلامي امارت د لوړو زدکړو وزارت ته د هغې پرېکړې په اړه خپله ناهیلي څرګنده کړه، چې د ټول هېواد په ټولو دولتي او خصوصي پوهنتونونو کې سږکال د ښځینه زده‌کړیالانو یا محصلینو د داخلیدو مخه نیسي.

د اسلامي همکاریو ټولنې تویت کړی؛ دا وروستی فرمان د کابل د رسمي چارواکو لخوا ښوونې، روزنې او عامه کارونو ته د نجونو او ښځو د لاسرسي په اړه اعلان شوي پراخ محدودیتونه نور هم سختوي.

یادې ټولنې د اسلامي امارت له چارواکو غوښتي، چې د نجونو لپاره د منځنیو ښوونځیو، لیسو او پوهنتونونو د بیا پرانستلو لپاره هڅې وکړي او دوی ته د زده‌کړو زمینه برابره او په ټولو هغو کچو اوتخصصونو کې، چې ورته اړتیا ده زده‌کړې او کار وکړي.

یادې ټولنې له اسلامي امارته وغوښتل، چې پر وروستۍ پرېکړه او پخوانیو فرمانونو له سره غور وکړي.

Continue Reading

تازه خبرونه

د امریکا ځانګړی استازی له بهرنیو همکارانو او افغان کډوالو سره د خبرو نیت لري

Published

on

(Last Updated On: سلواغه ۱۰, ۱۴۰۱)

د امریکا د بهرنیو چارو وزارت څرګنده کړې؛ د افغانستان لپاره د امریکا ځانګړی استازی توماس ویست په روانه اوونۍ کې پاکستان، جرمني او سویس ته له ملګرو، افغانانو او د بشري مرستو له موسسو سره د خبرو لپاره سفر کوي.

یاد  وزارت یکشنبه ناوخته (د سلواغې ۹ ) څرګنده کړه، چې توماس ویست به دغو هېوادونو ته په خپل څلور ورځني سفر کې له امریکايي همکارانو، افغانانو او مرستندویه بنسټونو سره پر سلا مشورو سربېره د افغانستان په اړه هم خبرې وکړي.

د یادې سرچینې د څرګندونو له مخې؛ پاکستان، جرمني او سویس ته د توماس ویست د څلورورځني سفر موخه دا ده، چې له شریکانو او افغان کډوالو سره د هغو د ګڼو ننګونو په اړه سلا مشورې وکړي، چې دمګړۍ د افغانستان خلک، ښځې او نجونې ورسره مخ دي.

توماس ویست تویت کړی: زه به د جنورۍ له ۲۹ څخه د فبرورۍ تر ۴ پورې پاکستان، جرمني او سویس ته سفر وکړم، چې له شریکانو، افغانانو او بشردوستانه مرستندویه موسسو سره د هغو غیر معمولي ننګونو په اړه مشوره وکړم، چې مونږ د افغانانو د ملاتړ په برخه کې ورسره مخ یوو.

بهرنیو حکومتونو او نړیوالو مرستندویه موسسو په وار وار د اسلامي امارت له چارواکو غوښتي، چې دا پرېکړه بېرته واخلي او افغان میرمنو او نجونو ته د زده‌کړو، کار، سپورت او عامه ژوند کولو اجازه ورکړي؛ خو تر اوسه کوم تعامل ته رسېدلي ندي.

Continue Reading

Trending

Copyright © 2022 Ariana News. All rights reserved!