Connect with us

سیمه ییز خبرونه

د افغانستان د پارلمان يوه پلاوي امريكا ته سفر كړى

Published

 on

(Last Updated On: لړم ۳, ۱۴۰۱)

د افغانستان پارلماني پلاوى په هغه پروگرام كې برخه اخلي، چې د پارلمانونو د ظرفيتونو د لوړولو په خاطر جوړ شوى دى.

په پام كې ده، چې دا پلاوى په افغانستان كې د روانو حالاتو په اړه له امريكايي چارواكو او د  كانگرس له غړيو سره هم و گوري .

د افغانستان د پارلمان دغه پلاوى د نړيوال بانك او د امريكا د نړيوالې پرمختيايي ادارې په بلنه امريكا ته سفركړى دى.

د دې پلاوي د سفر موخه د بوديجې او مالياتو په برخه كې د تجربو شريكول او د روزنيزو پروگرامونو له لارې د وړتياوو لوړول گڼل شوي دي.

نوموړى پلاوى به د امريكا د كانگرس د كميسيونو له استازيو سره هم  وگوري او د نشه يي توكو، بې كارۍ، نا امنۍ او امنيتي ستونزو په اړه به ورسره خبرې وكړي.

د امريكا د كانگرس چارواكو له دې پلاوي سره په خبرو كې ټينگاركړى، چې:

د ۱۹۹۰ع كال په شان به په افغانستان كې خپله تېروتنه تكرار نه كړي.

په پام كې ده، چې د افغانستان د پارلمان دا پلاوى د نړيوال بانك له چارواكو سره هم وګوري او د افغانستان د ماليي وزارت او نړيوال بانك ترمنځ د رامنځ ته شوې ستونزې لپاره د حل لارې چارې ولټوي.

دا كسان له امريكايي چارواكو سره د كتنو پايلې مثبتې گڼي.

دا پلاوى نيويارك ښار ته هم سفر وكړي او له امريكايي چارواكوسره به وگوري.

Advertisement
Click to comment

Leave a Reply

Your email address will not be published. Required fields are marked *

سیمه ییز خبرونه

د جلال آباد ښار په صرافۍ مارکت کې چاودنه شوې

Published

on

(Last Updated On: ليندۍ ۱۵, ۱۴۰۱)

نن څه کم دوه بجې د ننګرهار ولايت مرکز جلال آباد ښار په صرافۍ مارکيت کې چاودنه رامنځته شوې ده.

د ننګرهار ولایت سیمه ییزو سرچینو ویلي؛ نن څه کم دوه بجې د ننګرهار ولايت مرکز جلال آباد ښار د لومړۍ ناحيې اړوند د تالاشۍ چوک په صرافۍ مارکيت کې د ځای پر ځای شويو چاوديدونکیو توکو د چاودنې له کبله شپږ ملکي وګړي ټپيان شوي، چې روغتیایي حالت یې ښه دی.

د سرچینې د څرګندونو له مخې؛ امنيتي مسوولينو د پېښې څرنګوالي او د مجرمينو د نيولو په موخه هڅې پيل کړي دي.

عيني شاهدان وايي پيښه د صرافانو په بولۍ کې رامنځته شوې، چې په کې يو شمېر کسان ټپيان شوي دي.

د ننګرهار حوﺯوي روغتون ځينې سرچينو آريانانيوﺯ ته ويلي، چې د پېښې له ځايه ورته نهه ټپيان ورلېږدول شوي؛  خو امنیتي ادارو تر دې دمه په دې اړه څه ندي ويلي.

تر دې دمه د پېښې پړه هیچا نده منلې.

Continue Reading

بلخ @ps

په مزار شریف ښار کې ماین چاودنې ۱۷ کسانو ته مرګ و ژوبله اړولې

Published

on

(Last Updated On: ليندۍ ۱۵, ۱۴۰۱)

 د پولیسو د څرګندونو له مخې؛ نن د سې شنبې پر  سهار په مزارشریف ښار کې د نفتي توکو د ادارې د کارکوونکيو پر یوه بس موټر ماین چاودنه شوې ده.

په بلخ ولایت کې له نسبي آرامۍ وروسته یو ځل بیا په مرکز مزارشریف ښار کې خونړۍ چاودنه رامنځته شوه. 

د بلخ د امنیه قومندانۍ ویاند محمد آصف وزیري د لومړنیو معلوماتو له مخې ويلي، نن سهار ۷:۰۰ بجې د مزارشریف ښار د درېیمې امنیتي حوزې اړوند په سید آباد څلور لاري کې د سړک غاړې د ماین چاودنې له کبله ۷ تنه وژل شوي او ۶ نور ټپیان دي.

هغه زیاته کړې، چاودنه د سړک غاړې ته په يوه کراچۍ کې د ځاى پر ځاى شوي ماين له امله رامنځته شوې ده.

د عامې روغتیا ریاست رییس نجیب الله توانا ویلي، چې د چاودنې له سیمې څخه روغتون ته ۸ جسدونه او ۹ ټپیان ورلېږدول شوي دي.  

د نوموړي د څرګندونو له مخې؛ د اته ټپيانو روغتيايي حالت ښه او د يوه روغتيايي حالت د اندېښنې وړ دى.

د دغې پېښې ټپيان وايي، چې په دوی کې هیڅ نظامي کس نه و؛ وژل شوي او ټپيان ټول بېوزلي ملکي کسان دي، چې د نفتي توکو په رياست کې يې کار کاوه.

پر پښه ټپي ظریف نومی وایي؛

“د سهاراووه بجې وې؛ مونږ د کار پر لوري روان وو، چې په سیدآباد چوک کې چاودنه وشوه. نه پوهیدم، چې څه پېښ شول؛ خو کله، چې مې ولیدل ټول ټپیان شوي وه. نه پوهېږم، چې په غرفه کې چاودنه رامنځته شوه که څنګه؛ خو موټر مو پر ځمکه ولګېده.

یو بل ټپي ویلي: دا څو کاله کیږي، چې مونږ د نفتي توکو په برخه کې کار کوو؛ خو بد مرغه ټول بېوزله خلک ټپيان او شهيدان کړل. مونږ کارګران وو، وسلې مو نه درلودې. مونږ کوم بد کار نه دی کړی، د خلکو خدمت مو کاوه.

دې چاودنې په سیمه کې خلکو ته مالي زیانونه هم اړولي دي.

دا  د مزارشریف ښار په سه دکان جومات کې له چاودنې وروسته تر ټولو خونړۍ پېښه ده.

تر دې دمه هیچا د پېښې پړه پر غاړه نده اخیستې.

دا په داسې حال کې ده، چې د شنبې پر ورځ ماښام مهال د ننګرهار په مرکز جلال آباد ښار کې د یوې چاودنې له کبله لږ تر لږه شپږ کسان ټپیان شوي او په سیمه کې یې هټیو ته سخت زیانونه واړول.

په دې چاودنه کې د ښار د یوازنی سیکهـ اوسیدونکي ګلچرن او هټۍ ته یې هم زیان رسېدلی دی.

د ځايي چارواکو په وينا، تر دې دمه د پېښې په اړه څېړنې روانې دي.

د جلال آباد امنيتي چارواکو ويلي، چې چاودنه د لومړۍ ناحیې د اړوند سیمې په يوه ګلدان کې د ځاى پر ځاى شوي ماين له کبله رامنځته شوې ده.

تر اوسه کومې ډلې یا شخص د دې چاودنې مسوولیت هم پر غاړه ندی اخیستی.

د ښار اوسیدونکیو له اسلامي امارت غوښتي، چې په راتلونکي کې دې د دا ډول پېښو مخه ونیسي.

Continue Reading

سیمه ییز خبرونه

د سمنګان ولایت په یوه دیني مدرسه کې چاودنې ۱۵ کسان وژلي

Published

on

(Last Updated On: ليندۍ ۹, ۱۴۰۱)

د سمنګان ولایت د اطلاعاتو او فرهنګ رییس امدادالله مهاجر ويلي، د سمنګان ولایت مرکز ایبک ته څېرمه په «الجهادي» نومې دیني مدرسه کې چاودنه شوې ده.

د امداد الله مهاجر د څرګندونو له مخې، چاودنه هغه مهال رامنځته شوه، چې د دې مدرسې زدکوونکي د لمانځه په حال کې ول.

د نوموړي د څرګندونو له مخې، په دې پېښه کې ۱۵ طالب العلمانو خپل خوږ ژوند له لاسه ورکړی دی.

امداد الله مهاجر زیاته کړې؛ د چاودنې د ټپیانو کره شمېر تر اوسه پوره معلوم ندی.

هغه وايي، چې ټول قربانيان د دغې ديني مدرسې زدکوونکي وه او هیڅ دولتي چارواکي هلته شتون نه درلود.

د کورنیو چارو وزارت هم دغه پېښه تائید کړې ده.

د کورنیو چارو وزارت ویاند عبدالنافع ټکور وايي، په دې پېښه کې لس کسان وژل شوي او یو شمېر نور ټپیان دي.

تر اوسه کومې ډلې د دې پېښې مسوولیت ندی منلی.

Continue Reading

Trending

Copyright © 2022 Ariana News. All rights reserved!