لوبی
د افغانستان د کرکټ د اتم لیګ سیالیو مهالوېش په ډاګه شو

د افغانستان کرکټ بورډ د دوشنبې پر ورځ د غبرګولي دېرشمه) د کرکټ د اتم لیګ سیالیو مهالوېش اعلان کړ.
ټاکل شوې دغه لیګ په کابل کې د چنګاښ پر ۲۷ پیل او د زمري تر ۱۴ روان وي.
د افغانستان کرکټ بورډ ویلي، چې په دې لښتیلیک یا جدول کې ټول مهم ټکي په پام کې نیول شوي او ټولې لوبډلې به د لښتیلیک له مخې ډګر ته وردانګي.
ټاکل شوې د دغه لیګ په لومړۍ لوبه کې د کابل عقابان لوبډله د مس عینک له لوبډلې سره مخامخ شي.
د یادونې ده، چې سږ کال به په دغه لیګ کې د پامیر زلمي او د هندوکش ستوري نومې دوه نوې لوبډلې له نورو لوبډلو سره یوځای لوبې وکړي.
لوبی
ګجرات د هند غوره لیګ لومړۍ لوبه د څه باندې سل زره نندارچیانو په مخکې وګټله

ګجرات تایتانز د جمعې پر ورځ په احمد آباد ښار کې چینای سوپر کینګز ته پر پېنځه ویکتو ماتې ورکولو سره د هند غوره لیګ ګټل پیل کړل.
چینای سوپر کینګز لوبډلې ګجرات لوبډلې د ۱۷۹ منډو هدف وټاکه، چې دې هدف ته رسېدل ورته پوره ستونزمن ول؛ خو راشد خان پر درې توپونو لس منډې وکړې او د ګچرات تایتانز بریا ته یې لاره اواره کړه.
د ګجرات تایتانز لپاره شوبمن ګیل ۶۳، وجې شنکر ۲۷ او ریدیمن ساها ۲۵ منډې جوړې کړې.
په دې لوبه کې د چینای سوپر کینګز کپتان ایم ایس دوني پر زړه راکښونکې بڼه له معین علي پرته یوازې پېنځه توپ اچونکي وکارول او غوره یې وګڼله، چې راویندرا جدیجا او مچل سانتنر د مسوولیتونو د کارولو ولوبوي.
راجواردان هنګرګیکار په ۴ اورونو کې له ۳۶ منډو ورکولو سره درې ویکتې واخیستې. په داسې حال کې، چې جدیجا او دیشپانده یوه یوه ویکته واخیسته.
د چینای لوبډلې د توپ وهنې په برخه کې روتوراج ګایکواد په یوازې ځان ۹۲ منډې وکړې. معین علي هم ۲۳ منډې ورزیاتې کړې.
راشد خان د لوبې غوره لوبغاړی اعلان شو؛ ځکه، چې هغه معین علي او بین ستوکس وسوځول او یوازې ۲۶ منډې یې ورکړې.
د هند غوره لیګ سږنۍ سیالۍ د جمعې پر ورځ (د وري یوولسمه / د مارچ یودېرشمه) پیل شوې او میلیونونه افغان مینهوالو ته به هره ورځ د آریانا او آریانا نیوز اوبپاڼو له لارې د لاسرسي او لیدو وړ وي.
په دې لیګ کې ټولټال لس لوبډلې ونډه لري او د اتلولۍ تر پړاو پورې به ۷۰ سیالۍ وکړي.
پای لوبه به د غبرګولي پر ۷ / د می پر ۲۸ د احمد آباد په نریندرا مودي لوبغالي کې ترسره شي.
د سږ کال لیګ لوبډلې:
- د الف ګروپ لوبډلې: ممبي اندینز، راجستان رویالز، کلکته نایت رایدرز، دیلي کپیتلز او لکنو سوپر جاینتز.
- د ب ګروپ لوبډلې: ګجرات تایتانز، چینای سوپر کینګز، پنجاب کینګز، سانرایزرز حیدرآباد، رویال چلنجرز بنګلور
هغه افغان لوبغاړي، چې په سږني لیګ کې لوبیږي:
سږ کال به پېنځه افغان لوبغاړي په بېلابېلو لوبډلو کې ولوبېږي، چې نومونه یې دا دي:
- د کلکتې په نایت رایدرز لوبډلې کې رحمان الله ګربز
- په ګجرات تایانز لوبډله کې راشد خان او نور احمد
- په سانرایزرز حیدرآباد لوبډله کې فضل حق فاروقي
- په لکنو سوپر جاینتز لوبډله کې نوین الحق
لوبی
آریانا تلویزیون د هند کرکت غوره لیګ د خپرولو دیجیتل حق ترلاسه کړ

آریانا تلویزیوني شبکې په خپل دیجیتل پلیت فارمونو کې د کرکت تر ټولو لویې او تر ټولو ډېرې کتل شوې لوبې د هند کرکت غوره لیګ د خپرولو حق ترلاسه کړی دی.
د هند غوره لیګ یا (IPL) سږنۍ سیالۍ، چې د جمعې پر ورځ (د وري یوولسمه / د مارچ یودېرشمه) پیلېږي؛ میلیونونه افغان مینهوالو ته به د آریانا او آریانا نیوز اوبپاڼو له لارې د لاسرسي او لیدو وړ وي.
دغه سیالۍ هره ورځ د آریانا نیوز او آریانا تلویزیون د اوبپاڼو له لارې په ژوندۍ بڼه خپریږي، چې هېوادوال کولی شي؛ دا په زړه پورې سیالۍ له واټن پرته په خپلو کورونو او هر ځای کې ننداره کړي.
په دغه لیګ او سیالیو کې به د لوبغاړیو په ګډون د کرکت د نړۍ یو شمېر مشهور ستوري یو ځل بیا د کرکت په یوه ستره سیالۍ کې خپل استعدادونه نندارې ته وړاندې کړي.
هغه څه، چې باید پرې پوه شئ:
دا لیګ او سیالۍ به د جمعې پر ورځ ( د وري پر ۱۱ / د مارچ پر ۳۱ ) پیل شي. د تېر کال د اتلولۍ لرونکې لوبډله ګجرات تایتانز به په لومړۍ لوبه کې له چینای سوپر کینګز سره مخ شي.
ټولټال لس لوبډلې به په دې سیالیو کې ونډه ولري او د اتلولۍ تر پړاو پورې به ۷۰ سیالۍ وکړي.
پای لوبه به د غبرګولي پر ۷ / د می پر ۲۸ د احمد آباد په نریندرا مودي لوبغالي کې ترسره شي.
آریانا تلویزیون څنګه په دیجیتل پلیت فارمونو کې وګورو؟
- د آریانانیوز اوبپاڼه کېکاږئ
- د آریانا تلویزیون اوبپاڼه کېکاږئ
د هند غوره لیګ کرکت سیالیو بشپړ مهالوېش:
- د سیالۍ مهالوېش
په سږني IPL کې رامنځته شوي بدلونونه:
سږ کال د هند کرکت بورد (BCCI) د IPL په قوانینو او بڼه کې بدلون رامنځته کړی دی.
- د هندوستان د کرکت بورد د غوره لیګ د شپاړسمې دورې د کورنۍ او بهرنۍ سیالۍ تنظیم کړي او لس لوبډلې یې پر دوه ګروپونو وېشلي، چې هر یو یې پېنځه لوبډلې لري. هره لوبډله به د لیګ په پړاو کې ۱۴ لوبې کوي، چې په کې ۷ کورنۍ او ۷ بهرنې لوبې په پام کې نیول شوي دي.
- سږنی لیګ به ۵۲ ورځې په ۱۲ بېلابېلو ځایونو کې ترسره شي
- او په سږني لیګ کې نور ټولیز بدلونونه راغلي دي
د سږ کال لیګ لوبډلې:
- د الف ګروپ لوبډلې: ممبي اندینز، راجستان رویالز، کلکته نایت رایدرز، دیلي کپیتلز او لکنو سوپر جاینتز.
- د ب ګروپ لوبډلې: ګجرات تایتانز، چینای سوپر کینګز، پنجاب کینګز، سانرایزرز حیدرآباد، رویال چلنجرز بنګلور
هغه افغان لوبغاړي، چې په سږني لیګ کې لوبیږي:
سږ کال به پېنځه افغان لوبغاړي په بېلابېلو لوبډلو کې ولوبېږي، چې نومونه یې دا دي:
- د کلکتې په نایت رایدرز لوبډلې کې رحمان الله ګربز
- په ګجرات تایانز لوبډله کې راشد خان او نور احمد
- په سانرایزرز حیدرآباد لوبډله کې فضل حق فاروقي
- په لکنو سوپر جاینتز لوبډله کې نوین الحق
د راپورونو له مخې، ټول افغان لوبغاړي هند ته رسېدلي دي.
لوبی
افغانستان له پاکستان سره په ۲۰ آووریزو لوبو کې له تاریخي بریا برخمن شو

د يادې سيالي پچه پاکستان لوبډلې وګټله او لومړی يې د توپ وهنې پرېکړه وکړه او وتوانېدله، چې د ۶ لوبغاړیو پر سوځېدو خپلې سيالې افغان لوبډلې ته ۱۳۱ منډې هدف جوړ کړي.
د افغانستان لپاره فضل الحق فاروقي ۲, راشد خان درې، نوين الحق او کريم جنت یوه ـ یوه ويکته ترلاسه کړه.
دغه راز افغان لوبډلې د رحمن الله ګربز پر ۴۴ منډو وکولی شول، چې په وروستي آوور کې ياد هدف ته ځان ورسوي او دغه ستره بريا ترلاسه او افغانستان د یادې لوبې ګټونکی شي.
د یادې لوبې غوره لوبغاړی فضل الحق فاروقي ونومول شو، چې په څلور آوورونو کې یې ۱۹ منډې جوړې او دوه لوبغاړي یې وسوځول.
د افغانستان د کرېکت په تاریخ کې دا لومړی ځل دی، چې پاکستان ته یې په یوه نړیواله لړۍ کې ماتې ورکړه.
بايد يادونه وشي، چې دغه لوبې د افغانستان پر کوربتوب، د اماراتو په شارجه لوبغالي کې ترسره کېږي، چې په پيل کې افغان لوبډلې د یادو سیالیو لومړۍ او دويمه لوبه وګټله او د دوشنبې پر ورځ به وروستۍ لوبه ترسره شي.
-
لوبی2 days ago
آریانا تلویزیون د هند کرکت غوره لیګ د خپرولو دیجیتل حق ترلاسه کړ
-
تازه خبرونه4 days ago
افغان بیسیم د کونړ په چغان کې 3G خدمتونه فعال کړل
-
سیمه ییز خبرونه4 days ago
د چین ولسمشر شي د سعودي له ولیعهد سره په خبرو کې د سعودي او ایران له اړیکو ملاتړ څرګند کړ
-
سیمه ییز خبرونه2 days ago
عربستان له شانګهای ټولنې سره د یوځای کېدو پرېکړه وکړه
-
روغتيا2 days ago
په چیلي کې د الوتونکیو د انفلونزا لومړنۍ انساني پېښه وپېژندل شوه
-
نړۍ4 days ago
د تنسي مسیحي ښوونځي پخوانۍ زدهکوونکې پر ډزو۳ ماشومان او ۳ لویان وژلي
-
تازه خبرونه3 days ago
د ملګرو ملتونو امنیت شورا غړیو په افغانستان کې پر ملکي وګړیو د برید غندنه وکړه
-
تازه خبرونه3 days ago
د افغانستان په اووه ولایتونو کې ۶۴۵ کورنۍ سیلابونو ځپلي دي- اوچا