سوداگري
د افغانستان د ګمرکونو میلیونونه ډالر بې ځایه کېدل د پام وړ دي

په افغانستان کې د فساد پر وړاندې د مبارزې ضد کمیسیون د مالیې وزارت د چارسمبالي دا خبرې، چې هره ورځ د ګمرکونو شاوخوا اته میلیون ډالر بې ځایه ځي، ناورین زېږوونکې ګڼي او پدې اړه یې د څېړنو ډاډ څرګند کړی دی.
د اداري فساد پر وړاندې د مبارزې کمیسیون د رسنیو مسوول سالم صفري ویلي، چې دا فساد به د ستر مالي غلا د دوسیې په څېر تر څېړنو لاندې ونیول شي.
سالم صفري وایي: دا کمیسیون په دې برخه کې څېړنې کوي او په دې اړه له اړوند وزارته بشپړ معلومات تر لاسه کوي.
د ولسي جرګې غړي د حکومت مشرتابه په ځانګړي توګه مالیې وزارت په ګمرکونو کې د فساد اصلي عامل بولي او وایي، چې د مالیې وزارت دې د اعتراف او شکایت پر ځای د فساد مخه ونیسي.
د مالیې وزارت چارسمبالی خالد پاینده د ولسي جرګې د غړیو د پوښتنو او غوښتنو په ځواب کې ویلي، چې هره ورځ د هېواد له ګمرکونو له راټولو شویو اووه ـ اته میلیون ډالرو څخه هیڅ شی حکومت ته نه سپارل کیږي او ځانګړیو جیبونو ته ځي.
دا، چې د دې ستر فساد تر شا څوک دي؛ د ولسي جرګې اداري پلاوي یې په اړه ویلي، چې د مالیې وزارت د چارسمبالي خبرو دوی ته قناعت ندی ورکړی.
د ولسي جرګې د دارالانشا مشر حجت الله خردمند وایي: مالې وزارت دې د فساد په اړه د څرګندونو پر ځای له فساد سره مبارزه وکړي او د مفسدینو نوملړ دې په ډاګه کړي.
د کابل ښار اوسیدونکي له آریانا نیوز سره په خبرو کې وایي، چې د مالیې وزارت مسوولین په ځانګړي توګه د سر سړی یې په فساد کې ښکېل دی او د خپل بام واورې د نورو پر بام اچوي.
دوی دغه راز څرګندوي، چې د مسوولینو په ټاکنو او غوراوي کې د مالیې وزارت او چارو اداره بنسټیز رول لري.
په هېواد کې له دې مخکې ولسمشر اشرف غني کورنیو چارو وزارت د فساد زړه ګڼلی و؛ خو اوس لیدل کیږي، چې مالیې وزارت د فساد پر زړه بدل شوی دی.
سوداگري
په بلخ ولایت کې د یوه صنعتي پارک د بنسټ ډبره کېښودل شوه

د یکشنبې پر ورځ (د لیندۍ ۵ نېټه) د بلخ د صنعتي پارک د بنسټ ډبره د دغه ولایت د دولتي چارواکو او خصوصي سکتور د استازیو په شتون کې کېښودل شوه.
د صنعت او سوداګرۍ وزارت له لوري په دې مناسبت جوړو شویو مراسمو کې د بلخ مرستیال والي نورالهادي ابو ادریس له خصوصي سکتور سره د اسلامي امارت پر ملاتړ د ټینګار ترڅنګ څرګنده کړه: د ستونزو د حل لپاره هڅې کیږي او دا ډول پروژې د هېواد د پرمختګ لپاره پلي کیږي.
د سوداګرۍ او صنایعو وزارت د صنعتي پارکونو عمومي رییس سید محمد نعیم محمدي د دغه پارک د ځمکې د سپارلو او د دغه پارک د جوړېدو د پیل له کبله له مسوولینو د مننې ترڅنګ له سوداګرو او پانګوالو وغوښتل، چې په دغه پارک کې پانګونه وکړي.
د افغانستان د سوداګرۍ او صنایعو وزارت ويلي، په بلخ ولایت کې د صنعتي پارک د جوړولو لپاره د دغه وزارت لهخوا څه باندې څلور زره جریبه ځمکه ځانګړې شوې او په لومړي پړاو کې به د دغه وزارت لهخوا په ۲۴۴ جریبه ځمکه کې یو صنعتي پارک جوړ شي. د دغه صنعتي پارک د بنسټ ډبره د ۲۰ میلیون افغانیو پر لګښت د ۳ اعشاریه ۶ کیلومتره استنادي دیوالونو او ۱۰ کیلومتره سړک د جوړولو لپاره کېښودل شوه، چې چارې به یې په راتلونکیو شپږ میاشتو کې بشپړې شي.
دغه راز د صنعت او سوداګرۍ وزارت چارسمبالي نورالدین عزیزي په هلمند ولایت کې دوه صنعتي ښارګوټي پرانستي دي.
د صنعت او سوداګرۍ وزارت مطبوعاتي دفتر د یوې خبرپاڼې پر خپرولو څرګنده کړې، چې نورالدین عزیزي د دغو ښارګوټو د پرانیستلو په مراسمو کې د افغانستان پر صنعتي کېدو ټینګار وکړ.
په هلمند ولایت کې پر ۱۷۵ جریبه ځمکه د بست صنعتي ښارګوټي او پر دوه زره جریبه ځمکه ملي صنعتي ښارګوټي جوړیږي.
د صنایعو او سوداګرۍ وزارت چارسمبالي زیاته کړې: په هېواد کې د صنعتي ښارګوټو پرانیستل، د افغانستان له وارداتي اقتصاد څخه پر صادراتي انحصاري اقتصاد بدلول د اسلامي امارت د اقتصادي سیاست له لومړیتوبونو څخه دي.
دا په داسې حال کې ده، چې له دې مخکې د صنعت او سوداګرۍ وزارت چارسمبالي کندهار ولایت ته سفر کړی او هلته یې له تولیدي فابریکو لیدنه کړې ده.
سوداگري
په نږدې را تلوونکې کې به د قشقري د نفتو له نويو څاګانو هم استخراج پیل شي

د کانونو او پترولیم وزارت خبر ورکړی، چې په نږ دې راتلونکي کې به د قشقري له نویو او بیا رغول شویو څاه ګانو څخه هم د نفتو استخراج پیل شي.
د کانونو او پترو لیم وزارت مسوولین وايي، چې دم ګړۍ د سرپل د قشقري د نفتو د استخراج حجم د ورځي ۴۰۰ متریک ټنو ته رسیږي، چې په نږدې را تلونکي کې به د نويو او بیا رغول شوي څاه ګانو څخه استخراج پیل شي. له دې سره به د قشقري څخه د نفتو د استخراج په حجم کې د پام وړ زیاتوالی رامنځ ته شي.
د کانونو او پترولیم وزارت ویاند همایون افغان ویلي؛ له چینايي شرکت سره د شوي تړون پر بنسټ اوس د قشقري سیمي د استخراج حجم ۴۰۰ متریک ټن ته رسیږي؛ خو په نږ دې راتلونکي کې به د دې استخراج حجم نور هم ډېر لوړ شي.
د سوداګرۍ او پانګونې خونې مسوولین هم وايي، چې په هېواد کې پر لوړه کچه د تولید ظرفیت شته او په دې برخه کې پر کورنۍ پانګونه ټینګار کوي.
دوۍ زیاته کړې؛ د کانونو وزارت باید د کورنیو پانګوالو د هڅوني لپاره هم په دې لویو قراردادونو کې د فعالیت لپاره زمینه برابره کړي.
د سوداګرۍ او پانګونې خونې غړی خان جان الکوزی څرګندوي؛ د هېواد د نفتو او لویو کانونو په استخراج کې باید کورنیو پانګوالو ته ونډه ورکړ شي او دې سکتور ته باید یو لوی د ډېر پانګوالو ګډ شرکت جوړشي، چې هم له هېواده پانګه بهر نهشي او هم ظرفیتونه رامنځته شي.
د اقتصادي چارو شنونکيو ويلي، چې افغانستان د نفتو په ګډون په بېلابېلو برخو کې طبیعي سرچینې لري. که د دې سرچینو استخراج له منظمو پلانونو سره وشي؛ له دې سره به د افغانستان پر اقتصادي پراختیا ژورې او مثبتې اغېزې رامنځته شي.
د اقتصادي چارو شنونکی عبدالقادر جیلاني وایي؛ د چیني شرکت لهخوا د قشقري د څاه ګانو د نفتو د استحراج بهیر اوس په منظم ډول سره ښه روان دی. دا د افغانستان د اقتصاد لپاره ډېره اړینه خبره ده. هیله لرم، چې د طالبانو حګومت( اسلامي امارت) له دې ظرفیتونو څخه ښه او د ملي اقتصادي د پراختیا لپاره ډېره استفاده وکړي.
که څه هم د کانونو وزارت مسوولین د نوي انکشافاتو په اړه د قیق ارقام نهوړاندي کوي؛ خو په دې وروستیو کې د سرپل د محلي چاروا کو له قوله ویل شوي، چې د قشقري د نفتو له څاګانو څخه د تېلو د استخراج کچه د ورځې له ۶۵۰ ټنو څخه ۹۰۰ ټنو ته لوړه شوې او د ورځی عوايد يي ٦٠٠ زره دالر ښودل شوي دي. دا مهال د تېلو له ۱۵ څاګانو څخه استخراج کېږي او په راتلونکي کې به د څاګانو شمېر نور هم زیات شي.
سوداگري
د خدیجة الکبری د ملي او نړیوال نندارتون شپږمه ورځ

د صنایعو او سوداګرۍ وزارت د یکشنبې پر ورځ ( د لړم ۲۸ ) ویلي؛ د خدیجة الکبری ملي او نړیوال نندارتون د ښځینه متشبثینو د پیاوړتیا لپاره په کابل ښار کې پیل شوی، چې نن یې شپږمه ورځ ده.
د صنایعو او سوداګرۍ وزارت د معلوماتو له مخې؛ په دغه نندارتون کې د افغانستان له ولایتونو او مرکز څخه ښځینه متشبثینو خپل تولیدات نندارې ته وړاندې کړل او له ملي او نړیوالو سوداګرو سره یې بلد شول.
د دغه وزارت په خبرپاڼه کې راغلي، چې: د دغه نندارتون له پرانستې سره سم په سلګونه مینهوالو د ښځو د لاسي صنایعو او نورو تولیداتو ستاینه وکړه.
په دغه نندارتون کې ښځو له ۸۰۰ څخه په ډېرو غرفو کې خپل تولیدات نندارې ته ایښي دي.
دغه نندارتون به د لړم تر ۲۹ (دوشنبې) پورې روان وي.
-
تازه خبرونه8 hours ago
پاکستان دې ژر تر ژره له افغان کډوالو سره ناوړه چلند ودروي – د بشري حقونو د څار بنسټ
-
نړۍ3 days ago
حماس د لنډمهالي اوربند پر مهال یو شمېر نور اسرائیلیان او تایلیندیان خوشي کړل
-
تازه خبرونه4 days ago
ملګري ملتونه د افغانستان له څوکۍ د فشار د وسیلې په توګه کار اخلي – سهیل شاهین
-
تحول4 days ago
تحول: د افغانستان په اړه د ملګرو ملتونو پر سیاست نیوکه
-
نړۍ4 days ago
اسرائیلو د شنبې پر ورځ د خوشې کېدونکیو بندیانو نوملړ ترلاسه کړ
-
تازه خبرونه3 days ago
اسلامي امارت د ټولو قضیو لپاره واحد او با صلاحیته ادرس دی – امیرخان متقي
-
څار4 days ago
څار: د پاکستان او افغانستان د اړیکو ارزونه
-
تازه خبرونه3 days ago
ترکیې افغانستان ته څه باندې ۵۰۰ ټنه بشري مرستې استولي