سوداگري
د افغانستان د ګمرکونو ۴۰ سلنه عواید شخصي جیبونو ته لویږي ـ ارغندیوال

د افغانستان د ګمرکونو څلوېښت سلنه عواید د اداري فساد له کبله تالاترغۍ او شخصي جیبونو ته لویږي.
دا په داسې حال کې ده، چې د افغانستان عادي او پرمختیايي بودجه پر بهرنیو مرستو تکیه ده.
د ماالیې وزارت چارسمبالي عبدالهادي ارغندیوال د راتلونکي مالي کال د ملي بودجې د سپارلو پر وخت مشرانو جرګې ته ویلي؛ که د کورنيو عوایدو پر شفاف ډول راټولولو بریالي شي، افغانستان به په عادي بودجه کې نړیوالو مرستو ته اړ نه وي.
د مشرانو جرګې غړي ګل احمد اعظمي بیا پر حکومت نیوکه کوي، چې پرمختايي بودجې ته پيسې بېلوې؛ خو پروژې نه پلې کوي.
د مشرانو جرګې مشر فضل الهادي مسلمیار وايي، چې دوی به په لس ورځو کې د ملي بودجې ارزونه بشپړه او خپلې سپارښتنې به وړاندې کړي.
له دې مخکې د افغانستان د روڼتیا څار بنسټ ویلي وه، چې د افغانستان د ګمرګونو پنځوس تر اویا په سلو کې عواید حیف او میل کیږي.
تازه خبرونه
آذربایجان په افغانستان کې د غالۍ اوبدلو روزنیز مرکز تمویلوي
دا نوښت، چې “د دودیزو افغان لاسي صنایعو د ودې لپاره د غالۍ اوبدلو د تخنیکي او مسلکي روزنې مرکز جوړول” تر سرلیک لاندې په پام کې نیول شوی دی، چې موخه ترې د افغانستان د غالۍ اوبدلو بډایه میراث ساتل او د مسلکي روزنې له لارې د ځایي هنرمندانو پیاوړتیا ده.

د افغانستان د کلتوري میراث او اقتصادي پراختیا د ملاتړ لپاره د آذربایجان نړیوالې پراختیا ادارې (AIDA) د دوشنبې پر ورځ د دې هېواد د سفارت له لارې په دې اړه رسمي تړون لاسلیک کړ، چې په کابل کې د اسلامي همکاریو ټولنې (OIC) استازي دفتر ته بودجه ولیږدوي، چې د غالۍ اوبدلو لپاره د تخنیکي او مسلکي روزنې مرکز جوړ کړي.
دا نوښت، چې “د دودیزو افغان لاسي صنایعو د ودې لپاره د غالۍ اوبدلو د تخنیکي او مسلکي روزنې مرکز جوړول” تر سرلیک لاندې په پام کې نیول شوی دی، چې موخه ترې د افغانستان د غالۍ اوبدلو بډایه میراث ساتل او د مسلکي روزنې له لارې د ځایي هنرمندانو پیاوړتیا ده.
دا پروژه، چې د AIDA لخوا تمویل کیږي؛ د دودیزو او عصري غالیو اوبدلو تخنیکونو، سوداګرۍ پراختیا، بازار موندنې او کورنیو او نړیوالو بازارونو ته لاسرسي ډاډمن کړي.
تمه ده، چې دا پروګرام به د افغان غالیو اوبدونکو ژوند ته د پام وړ وده ورکړي او سیمهییزو خلکو ته به دوامداره اقتصادي فرصتونه برابر کړي.
چارواکو ویلي، چې دا روزنیز مرکز به د مهارتونو د پراختیا او کلتوري ساتنې لپاره د یوه اړین مرکز په توګه د باکیفیته لاسي غالیو د تولید لپاره د نړیوالو مرکزونو په توګه د افغانستان د موقعیت په رامنځته کولو کې مهم رول ولوبوي.
دا همکاري په افغانستان کې د بشري او پرمختیایي هڅو د ملاتړ لپاره په ځانګړي توګه د تخنیکي زدکړو او کلتوري صنایعو د ودې په برخو کې د آذربایجان ژمنه روښانه کوي.
سوداگري
په ۱۴۰۳ کال کې له هند سره د افغانستان سوداګري ۸۹۰ میلیون ډالر وه
د دې وزارت ویاند عبدالسلام جواد ویلي، چې په دې موده کې هند ته د افغانستان صادرات ۶۲۷ میلیون ډالرو ته رسېدلي په داسې حال کې، چې ۲۶۳ میلیون ډالر یې واردات ول.

د صنایعو او سوداګرۍ وزارت ویاند عبدالسلام جواد ویلي، چې په ۱۴۰۳ کال کې له هند سره د افغانستان سوداګري ۸۹۰ میلیون ډالرو ته رسېده، چې ډېره برخه یې د افغانستان صادرات دي.
د دې وزارت ویاند عبدالسلام جواد ویلي، چې په دې موده کې هند ته د افغانستان صادرات ۶۲۷ میلیون ډالرو ته رسېدلي په داسې حال کې، چې ۲۶۳ میلیون ډالر یې واردات ول.
د عبدالسلام جواد د څرګندونو له مخې؛ هند ته د افغانستان ډېری صادراتي توکي وچ انځر، هنجه، د هنجې تخمونه، زعفران، ممیز، زیره او بادام دي، چې په هندي بازارونو کې ځانګړی ځای لري.
افغانستان له هند څخه بوره، کتان، ماشین الات، اومه توکي او نور کالي واردوي.
هند د افغانستان لپاره یو مهم سیمهییز سوداګریز شریک پاتې شوی؛ خو د دواړو هېوادونو ترمنځ د سوداګرۍ کچه د ژیوپولیټیک او لوژستیکي ننګونو سره مخ ده.
د نړیوالو اړیکو کارپوهان په دې باور دي، چې د چابهار بندر پراختیا د هېواد اقتصاد ته ګټوره ده او د سیمې له هېوادونو سره به د اقتصادي تعاملاتو پراختیا ته لار اواره کړي.
سوداگري
يو افغان سوداګر د پنجشېر د اوسپنې کان پر کیندنه ۱۲ میلیون ډالر پانګونه کوي
د سیف الدین لټون د څرګندونو له مخې؛ دا سوداګر به د پریان ولسوالۍ په ۲۲ مربع کیلومټره ساحه کې د اوسپنې پر کانکېندنه پانګونه وکړي.

د پنجشیر ولایتي ادارې ویاند سیف الدین لټون ويلي؛ یو افغان سوداګر چمتو دی، چې د ولایت د اوسپنې کانونه په معیاري او تخنیکي ډول له ۳ څخه تر ۱۲ میلیون ډالرو پر پانګونه استخراج کړي.
د سیف الدین لټون د څرګندونو له مخې؛ دا سوداګر به د پریان ولسوالۍ په ۲۲ مربع کیلومټره ساحه کې د اوسپنې پر کانکېندنه پانګونه وکړي.
نوموړي زیاته کړې؛ د دې پروژې تړون د افغانستان اسلامي امارت د ریاست الوزراء د اقتصادي مرستیالۍ لخوا منظور شوی دی.
د کانونو پر استخراج سربېره دا سوداګر په همدې ولایت د اوسپنې د پروسس چارې ترسره کوي، چې ورسره نور اضافي ارزښت هم رامنځته کړي.
لټون روښانه کړه، چې په لومړي پړاو کې به شرکت د شپږ میاشتو په اوږدو کې د زیرمو د اکتشاف پروګرام پیل کړي، چې ورسره به شاوخوا ۵۰۰ کسانو ته د کار زمینه برابره شي. کله، چې دا پړاو بشپړه شي ورسره سم د استخراج رسمي بهیر پیل کیږي.
-
تازه خبرونه3 days ago
ایران او افغانستان په ملک پوله کې بندیان تبادله کړل
-
سوداگري5 days ago
د کرنې مرستیال وزیر په یوه نندارتون کې د ګډون لپاره ایران ته روان شو
-
سوداگري3 days ago
يو افغان سوداګر د پنجشېر د اوسپنې کان پر کیندنه ۱۲ میلیون ډالر پانګونه کوي
-
نړۍ2 days ago
د امریکا په هوايي برید کې ۶۸ حوثیان ووژل شول
-
سیمه ییز خبرونه3 days ago
د بندر عباس چاودنې د مړو شمېر ۴۰ کسانو ته پورته شو
-
تازه خبرونه1 day ago
آذربایجان په افغانستان کې د غالۍ اوبدلو روزنیز مرکز تمویلوي
-
تازه خبرونه3 days ago
د غبرګولي پر اوومه د ۱۴۰۴ کال د کانکور ازموینه اخیستل کیږي
-
سیمه ییز خبرونه4 days ago
پر کشمیر د هند د اوبو بندولو په پاکستان کې وېره خپره کړه