Connect with us

تازه خبرونه

د افغانستان لپاره د پوتین ځانګړی استازی کابل ته رارسېدلی

خپور شوی

د

(Last Updated On: وری ۴, ۱۴۰۱)

د افغانستان لپاره د روسیې د ولسمشر ولادیمیر پوتین ځانګړی استازی ضمیر کابلوف نن (پنجشنبه د کب ۴) کابل ته راورسېد.

کابلوف، چې د یوه روسي پلاوي په مشرۍ کابل ته راغلی، د بهرنیو چارو له سرپرست وزیر مولوي امیرخان متقي سره یې وکتل.

د بهرنيو چارو وزارت د وياند مرستيال حافظ ضياء احمد ويلي، په دې کتنه کې دواړو لوریو د سياسي، اقتصادي، ټرانزيټي او سيمه ييزو اړيکو پر پياوړتيا خبرې وکړې.

کابلوف هم په غونډې کې د اسلامي امارت متوازن سیاست د سیمې او نړۍ د هېوادونو په ګټه وباله او د نوي حکومت د لاسته راوړنو په اړه یې خوښي څرګنده کړه.

په دې کتنه کې د بهرنیو چارو وزارت چارسمبالي افغانستان ته د روسیې د پلاوي د سفر ستاینه وکړه او وایي، روسیه کولی شي له افغانستان سره د یو لړ پراختیايي پروژو په پلي کولو کې همکاري وکړي.

مولوي متقي زیاته کړې؛ نوی حکومت د سیمې امنیت او اتصال ته ډېره پاملرنه کوي او غواړي، چې افغانستان د آسیا د زړه په توګه د سیمې د هېوادونو ترمنځ د ټرانزیټ، سوداګرۍ، صنعتي او اقتصادي اړیکو په پیاوړتیا کې مهم رول ولوبوي.

نوموړي له نشه يي توکو سره د مبارزې په برخه کې د نړيوالې همکارۍ غوښتنه هم وکړه.

کابل ته په تللي روسي پلاوي کې د دفاع، کورنیو چارو، اقتصاد، صنعت، کرنې او انرژۍ وزارتونو استازي شامل دي.

کابل ته د کابلوف سفر په داسې حال کې تر سره کېږي، چې د چین د بهرنیو چارو وزیر وانګ يي هم نن (پنجشنبه) افغانستان ته راغلی دی.

تازه خبرونه

د ازبکستان ولسمشر او د پاکستان لنډمهالي لومړي وزیر د افغانستان پر حالاتو خبرې وکړې

Published

on

(Last Updated On: وږی ۳۰, ۱۴۰۲)

د ازبکستان ولسمشر شوکت میرزایف د ملګرو ملتونو د عمومي ناستې د ۷۸ غونډې په څنډه کې د پاکستان له لنډمهالي لومړي وزیر انوارحق کاکړ سره په نیویارک کې وکتل.

په دې کتنه کې دواړه لوري د سوداګرۍ، اقتصاد، پانګونې او ترانسپورت په اړوند برخو راوڅرخېدل او تر څنګ یې د ازبکستان او پاکستان تر منځ د ستراتیژیکو همکاریو پر پیاوړتیا بحث او خبرې وشوې.

په دې کتنه کې دواړو لورو د افغانستان د حالاتو او وروستیو پرمختګونو د ارزونې ترڅنګ پر سیمه ییز امنیت هم خبرې وکړې.

په دې خبرو کې ټینګار وشو، چې د افغان – ترانس د اوسپنې پټلۍ جوړول د سیمې یوه مهمه پروژه ده.

Continue Reading

تازه خبرونه

امریکا او اسلامي امارت د نشه‌يي توکو پر مخنیوي بحث او خبرې وکړې

Published

on

(Last Updated On: وږی ۳۰, ۱۴۰۲)

د افغانستان لپاره د امریکا سفارت چارسمبالې کرن دیکر د چارشنبې پر ورځ په دوحه کې د افغانستان د اسلامي امارت له چارواکو سره د مخدره موادو پر ضد د مبارزې د اقداماتو په اړه دوه اړخیز بحث او خبرې وکړې.

نوموړې د ایکس پاڼې په یو لړ پوستونو کې څرګنده کړې: ما او همکارانو مې د اسلامي امارت له یوه کاري پلاوي سره په دوحه کې د نشه‌یي توکو د له منځه وړلو پر متقابلو اندېښنو، دوه اړخیزو مسایلو، د افغانستان له خلکو بشري ملاتړ، د مخدره توکو تولید، مخنیوی، د روږدو درملنه او د بدیل معیشت په اړه بحث او خبرې وکړې.

کرن دیکر زیاته کړې: دا غونډه په‌دې راوڅرخېده، چې نړیواله ټولنه د نشه‌یي توکو پر وړاندې د مبارزې په ټولو اړوند برخو کې د افغان ښځو د ښکېلتیا په اړه څومره مرسته کولی شي؛ ځکه دا کار مونږ ته حیاتي دی، ډېر ارزښت لري او مونږ به له دوی پرته بریالي نه‌شوو.

دغه راز په قطر کې د افغانستان اسلامي امارت استازي سهیل شاهین هم پر ایکس پاڼې لیکلي او څرګندوي، چې له کابل څخه د نشه‌يي توکو پر وړاندې د مبارزې د پلاوي غړیو؛ د نشه‌يي توکو پر وړاندې د مبارزې د څانګې مشر جانان عزیزي، د کورنیو چارو وزارت د نشه‌یي توکو پر وړاندې د مبارزې مرستیال رحمان قاسمي، د بهرنیو چارو وزارت د امنیت او سرحدونو چارو مرستیال میرویس قادري ګډون کړی و.

نوموړي زیاته کړې؛ دوی د کوکنارو د کښت، د نشه‌يي توکو د قاچاق او د روږدو کسانو د درملنې په اړه د هڅو په اړه پراخې خبرې وکړې. مونږ د ملګرو ملتونو د څارونکې ډلې او نړیوالې ټولنې هرکلی کوو او غواړو؛ په افغانستان کې دې له هغو سیمو څخه لیدنه وکړي، چې د کوکنارو کښت یې له منځه وړی دی.

نوموړي زیاته کړې: په هرصورت په افغانستان کې هغه کروندګر، چې کروندې یې له کوکنارو پاکې شوي؛ د بديل معيشت پروژې ته سخته اړتيا لري.

Continue Reading

تازه خبرونه

د افغانستان له خاورې د احتمالي ګواښونو په اړه پاکستان بیا هم اندېښنه څرګنده کړه

Published

on

(Last Updated On: وږی ۳۰, ۱۴۰۲)

د پاکستان د لنډمهالي حکومت د بهرنیو چارو وزیر یو ځل بیا د افغانستان له لوري د احتمالي ګواښونو په اړه اندېښنه ښودلې او ویلي یې دي، چې د افغانستان له چارسمبالي حکومت سره په دې اړه له نږدې خبرې کول غواړي.

د پاکستان د لنډمهالي حکومت د بهرنیو چارو وزیر جلیل عباس جیلاني د امریکا د نیویارک ښار په یوه غونډه کې ټینګار څرګند کړ، چې د پاکستان پر خلاف د تي تي پي او د داعش خراسان څانګې له لوري د افغانستان د خاورې کارول د اسلام‌اباد لویه اندېښنه ده.

د پاکستان د لنډمهالي حکومت د بهرنیو چارو وزیر په نیویارک ښار کې یوې غونډې ته د وینا پر مهال څرګنده کړه؛ دوی اندېښنه لري، چې تحریک طالبان پاکستان او د داعش خراسان څانګه د افغانستان خاوره د پاکستان پر خلاف کاروي.

جلیل عباس جیلاني وایي: مونږ دا ردوو، چې ترهګري له کوم هېواد، قوم او مذهب پورې وتړل شي. مونږ غواړو، چې د نړیوالې ټولنې پر همکارۍ ترهګري له منځه یوړل شي. د پاکستان لپاره دا مهال تر ټولو لویه اندېښنه د تحریک طالبان پاکستان او داعش خراسان څانګې  هغه وړتیاوې دي، چې غواړي د افغانستان خاوره د پاکستان پر خلاف وکاروي. مونږ په دې اړه د افغانستان له چارسمبالي حکومت سره له نږدې خبرې کوو.

دغه راز نوموړي په افغانستان کې له سولې او ثباته ملاتړ د ملاتړ ترڅنګ ویلي، چې د افغانستان له نوي حکومت سره خبرې ښې پایلې لرلی شي.

په همدې وخت کې د روسیې دفاع وزیر ایران ته د خپل سفر پر مهال د دوه اړخیزو مسایلو ترڅنګ د ایران له یوه جګپوړي پوځي چارواکي سره په کتنه کې د افغانستان او سوریې پر مسایلو هم خبرې وکړې. تر اوسه د دغو خبرو جزئیات رسنیو ته پر ډاګه شوي نه‌دي.

اسلامي امارت له افغانستان څخه د تروریستي ګواښونو په اړه هر ډول اندېښنه بې بنسټه ګڼي.

د اسلامي امارت د ویاند مرستیال بلال کریمي له افغانستان څخه د تروریستي ګواښونو په اړه د هېوادونو په ځانګړي توګه د پاکستان هر ډول اندېښنې ردوي او ټینګار کوي، چې ټول هېوادونه باید د افغانستان واقعیتونه ومني او ډاډه شي، چې افغانستان د کوم هېواد لپاره ګواښ نه‌دی.

دا په داسې حال کې ده، چې د افغانستان په چارو کې د پاکستان ځانګړي استازي اصف علي دراني ویلي، چې له افغانستان څخه د امریکايي ځواکونو له وتلو وروسته د افغانستان وضعیت په پاکستان کې د بې ثباتۍ لامل شوی دی.

اسلامي امارت ويلي، د پاکستان اوسنی وضعیت د هغه هېواد کورنۍ مسله ده؛ افغان حکومت او همدارنګه په هغه هېواد کې میشت افغان کډوال په کې هیڅ راز ښکېلتیا نه‌لري.

Continue Reading

Trending

Copyright © 2022 Ariana News. All rights reserved!