تازه خبرونه
د افغانستان-پاکستان د ترانزیتي ستونزې حل اړوند امیدونه

د سوداګرۍ او صنایعو وزارت وايي چې له پاکستان سره د ترانزیت ستونزې به ژر حل شي، او دا چې صادرات به د تورخم او سپین بولدک له لارې پیل شي.
د سوداګرۍ او صنایعو وزارت مسولین وایي دوی توانیدلي له پاکستان سره داسې هوکړه وکړي چې د سپين بولدک او تورخم لارې به د اونۍ شپږ ورځې د سوداګریزو مالونو د لیږد لپاره پرانیستې وي.
دوی زیاتوي چې له عید الفطر څخه وروسته به د افغانستان صادرات هم له همدې لارې څخه پيل شي.
د سوداګرۍ او صنایعو وزارت د مسوولینو په وینا د پاکستان له لارې صادرات دافغان سوداګرو لپاره تر ټولو اقتصادي تمامیږي.
خو د خصوصی سکټور غړي بیا له یاد وزارت څخه غواړي چې د هیواد د صادراتو لپاره له پاکستان پرته، په نورو بدیلو لارو هم فکر وکړي. دوۍ وایی: “د پا کستان لاره نږدې ده، خو ډاډمنه نه ده.”
بلخوا، د کرنې اومالدارۍ خونې مسولین وایی د هیواد د تازه میوې فصل د رسیدو سره سم باید ورته د صادراتو زمینه خوندي وي.
دوۍ له سوداګرۍ او صنایعو وزارت څخه غوښتنه کوي چې د پاکستان د مسیر پرځای په بدیلو لارو کار وکړي؛ او زیاتوي چې، یاد وزارت باید د هېواد صادراتو ته د منځنۍ اسیا لارې او چابهار بندر پرانیزي.
کارپوهان او د اقتصادي چارو شنونکي هم د سوداګرۍ او صنایعو په وزارت غږ کوي چې دهیواد د صادراتو بهیر د پراختیا لپاره باید حکومت پهر بیلابیلو، هوایي او ځمکني، دهلیزونو ټینګار وکړي.
دوی په دې باور دی چې حکومت باید د کورنیو کرنیزو محصولاتو لپار د بهرنیو بازارونو د موندلو ترڅنګ، په کوردننه د پروسس زمینه برابره کړي تر څو ټول کرنیز خام تو کي په هېواد کې پروسس او بیرته په کوردننه وکارول شي
تازه خبرونه
چین د ټرانس-افغان اوسبنېپټلۍ پروژې تمویل ته لېواله دی – اسحاق ډار
ډار نن (پنجشنبه د غبرګولي لومړۍ) په یوه خبري کنفرانس کې دا هم ویلي، چې بیجینګ ته د خپل سفر پر مهال یې له چینایي او افغان چارواکو سره د ټرانس-افغان اوسپنېپټلۍ پروژې په اړه خبرې کړې دي.

د پاکستان د لومړي وزیر مرستیال او د بهرنیو چارو وزیر اسحاق ډار ويلي، چې چین د افغانستان له لارې د ازبکستان او پاکستان ترمنځ د اوسپنېپتلۍ پروژې د تمویل لپاره لېوالتیا ښودلې ده.
ډار نن (پنجشنبه د غبرګولي لومړۍ) په یوه خبري کنفرانس کې دا هم ویلي، چې بیجینګ ته د خپل سفر پر مهال یې له چینایي او افغان چارواکو سره د ټرانس-افغان اوسپنېپټلۍ پروژې په اړه خبرې کړې دي.
هغه ټینګار کړی، چې د دې پروژې د پرمخ بیولو وخت رارسېدلی دی.
تازه خبرونه
په لغمان کې د ۱۰ میګاواټه لمریزې برښنا پروژه پرانیستل شوه
ملا برادر د دې پروژې پیل د پاکې انرژۍ د تولید په برخه کې یو مهم ګام وباله او وایي، چې د اقلیمي بدلون پر وړاندې به د دې سیمې مقاومت نور هم زیات شي.

په لغمان ولایت کې د ۱۰ میګاواټه لمریزې برښنا د تولید پروژې عملي کار نن (پنجشنبه د غبرګولي لومړۍ) د ریاست الوزراء د اقتصادي مرستیال ملا عبدالغني برادر لخوا پرانیستل شوه.
ملا برادر د دې پروژې پیل د پاکې انرژۍ د تولید په برخه کې یو مهم ګام وباله او وایي، چې د اقلیمي بدلون پر وړاندې به د دې سیمې مقاومت نور هم زیات شي.
نوموړي ويلي، چې د افغانستان اسلامي امارت د برښنا په سکتور کې د ځانبسیاینې ترلاسه کولو لپاره دې طرحې ته ورته اړینې پروژې تر کارلاندې نیولي دي.
هغه وایی؛ دا پروژې به نه يوازې د برښنا په توليد کې اغېزمنې وي، بلکې د ملي اقتصاد په پياوړتيا، کار پيدا کولو، پانګونې راجلبولو او خلکو ته خدمات وړاندې کولو او ښه کولو کې هم ډېر اهميت ولري.
اقتصادي مرستیال دا هم ویلي، چې له څه وخت راپدېخوا په ټول هېواد کې د ۲۲۸ میګاواټو څخه ډېر ظرفیت لرونکو اووه مهمو برښنایي پروژو قراردادونه لاسلیک شوي، چې د لغمان لمریزه برښنا پروژه یې هم یوه برخه ده.
ملا برادر د اسلامي امارت اقتصادي سټراټیژي په بهرنیو سرچینو د تکیه کمولو او له کورنیو ظرفیتونو څخه د ګټې اخیستنې پر بنسټ ولاړه وګڼله او ټینګار یې وکړ، چې افغانستان اوسمهال پر وارداتي برښنا ډېره تکیه کوي، چې له کبله یې له هېواده د پام وړ اسعار بهر ته ځي.
هغه همدارنګه امنیت د اقتصادي پروژو د پیل او بریالیتوب لپاره تر ټولو مهم عامل وباله او دا ډاډ یې هم څرګند کړ، چې اسلامي امارت د کورنیو او بهرنیو پانګوالو بشپړ ملاتړ کوي.
اقتصادي مرستیال د افغانستان د برښنا په سکټور کې پانګوالو ته د پانګونې بلنه ورکړه او زیاته یې کړه، چې اسلامي امارت اړینې آسانتیاوې برابرې کړي او هر اړخیزه همکاري به هم ورسره وشي.
تازه خبرونه
د افغانستان خلک د شفقت او ښه چلند مستحق دي – شیخ هبةالله
د اسلامي امارت رهبر ویلي، چې د افغانستان خلک له کلونو جګړو او تاوتریخوالي څخه ځوریدلي دي او اوس د شفقت، مهربانۍ او ښه چلند مستحق دي.

د افغانستان اسلامي امارت رهبر شیخ هبةالله آخوندزاده د ښاروالیو لپاره په یوه ځانګړي سیمینار کې له خلکو سره د ښه چلند او د زور او فشار له کارولو څخه د ډډه کولو پر اړتیا ټینګار وکړ.
د اسلامي امارت رهبر ویلي، چې د افغانستان خلک له کلونو جګړو او تاوتریخوالي څخه ځوریدلي دي او اوس د شفقت، مهربانۍ او ښه چلند مستحق دي.
هغه د خلکو پر وړاندې د زور یا جبر کارولو پر مخنیوي ټینګار وکړ.
د اسلامي امارت رهبر دغه راز ویلي، چې مسوولیت کوم عزت او غوره والی ندی، بلکې یو امانت دی، چې له مخې یې باید خلکو ته خدمت وشي.
شیخ هبةالله آخوندزاده دا هم روښانه کړه، چې مسوولیت امتیاز ندی، بلکې د خلکو د خدمت لپاره یو امانت دی.
هغه ټینګار وکړ، چې د ښاروالیو مالي سرچینې په حقیقت کې د خلکو شتمني ده، چې د عامه خدماتو د وړاندې کولو لپاره ورکول کیږي او باید د خلکو د رضایت او هوساینې سره سم مصرف شي.
د اسلامي امارت رهبر همدارنګه له ښاروالیو وغوښتل، چې د ښارونو د پاکوالي، د عامه ګټو او عامه شتمنیو د ساتنې او د خپلو دندو په ترسره کولو کې له غفلت او بېپروایۍ څخه ډډه وکړي.
دا په داسې حال کې ده، چې د کورنیو چارو وزارت چارسمبالي سراج الدین حقاني له پکتیکا والي سره په لیدنه کې ویلي، چې د اسلامي امارت اصلي هدف د خلکو خدمت کول دي او د هغو د استازو له لارې د ولایتونو د ستونزو د حل لپاره هڅې روانې دي.
-
سوداگري5 days ago
نړیوال بانک د افغان پروژو د تادیاتو په اړه څرګندونې وکړې
-
سیمه ییز خبرونه5 days ago
بریټانیا، کاناډا او فرانسې د غزې په خاطر اسرائیلو ته د بندیزونو ګواښ وکړ
-
نړۍ5 days ago
روسیې او اوکراین د اوربند په اړه له سمدستي خبرو اترو سره هوکړه وکړه – ټرمپ
-
لوبی3 days ago
ممبي انډینز لوبډلې د هند غوره لیګ بل پړاو ته لار پیدا کړه
-
سیمه ییز خبرونه3 days ago
د پاکستان په بلوچستان ایالت کې د ښوونځي پر بس ځانمرګي برید کړی
-
نړۍ3 days ago
واشنګټن ډي سي کې د اسرائیلو سفارت پر کارکوونکو وسلوال برید وشو
-
روغتيا5 days ago
په افغانستان کې ساري ناروغۍ زیاتې شوي – د روغتیا نړیواله ټولنه
-
تازه خبرونه2 days ago
چین د ټرانس-افغان اوسبنېپټلۍ پروژې تمویل ته لېواله دی – اسحاق ډار