Connect with us

تازه خبرونه

د افغانستان کنګل شوې پولي زیرمه د خلکو ده – مولوي متقي

Published

 on

(Last Updated On: ليندۍ ۱, ۱۴۰۰)

د اسلامي امارت د بهرنیو چارو وزارت چارسمبالي ويلي؛ د امریکا له لوري د مرکزي بانک کنګل شوې پیسې د افغانستان د خلکو دي او طالبانو ته نه رسیږي.

افغانستان اقتصادي ناورین ته دننه کېدو په حال کې دی، چې وتل یې ترې په امریکا کې د افغانستان د کنګل شوو پیسو له آزادېدو سره تړلي دي.

د افغانستان بانک د بانکي زیرمو کنګل کیدو د اسلامي امارت حکومتداري هم له اقتصادي ستونزو سره مخ کړې؛ خو  د اسلامي امارت د بهرنیو چارو وزارت وروستي لیک ته د افغانستان په چارو کې د امریکا ځانګړي استازي ویلي؛ د دوحې د خبرو پرمهال یې اسلامي امارت ته خبرداری ورکړی و، چې که د زور له لارې واک ترلاسه کړي د واشنګټن نابشري مرستې به ورباندې ودرول شي.

د هېواد د بهرنیو چارو وزارت چارسمبالی مولوي امیرخان متقي د دغو پیسو پر آزادېدو ټینګار کوي او وايي، چې د مرکزي بانک کنګل شوې پیسې د افغانستان په خلکو پورې اړه لري او طالبانو ته نه رسیږي.

 امیرخان متقي ټینګار کوي، چې په هېیواد کې د بشري او اقتصادي بحران د مخنیوي په موخه باید دغه پیسې آزادې شي.

نوموړی وایي: امریکایانو ته مو ویلي، چې اوس له یو بل سره پوځي مخالفت نلرو او په سنګر کې نه جنګیږو؛ د دوحې تړون له لاسلکیدو وروسته مونږ تاسې ته کومه ستونزه نده جوړه کړې، نو دغه پیسې مو په کوم دلیل کنګل کړي. هیڅ کوم دلیل نشته او دا هغه پیسې ندي، چې د طالبانو جیب ته به ورشي؛ دا د هېواد له اقتصاد او خلکو پورې اړه لري.

د امریکا له لوري د افغانستان کنګل شوې پیسې څه کم لس میلیارډ ډالر دي، چې د دغو پیسو د آزادېدو لپاره د امریکا د خوښې ټولګډونه حکومت جوړېدل، د لږکیو، ښځو او نجونو حقونو خوندیتوب او د افغانستان له خاورې د ترهګریزو ګواښونو پر له منځه وړلو پورې مشروطې دي.

داسې اټکل کیږي، چې امریکا به د نړیوالې ټولنې لخوا د افغانستان د نوي دولت تر رسمیت پېژندلو پورې دغه پیسې همداسې کنګل وساتي.

د اقتصادي چارو کارپوه سید مسعود وایي: په حقیقت کې دغه پیسې نه آزادیږي؛ ځکه، چې حقوقي او قانوني ستونزې لري او دا په دې معنا ده، چې د دغو پیسو حقوقي شخصت پخوانی دولت و، چې دغه پیسې یې امریکا او نړیوال بانک ته سپارلې وې او دغه پیسې د یوه حکومت په غوښتنه بېرته ورکول کیږي. دا، چې تر اوسه پورې دولت په رسمیت ندی پېژندل شوی او ملګرو ملتونو ته د دغو پیسو ورکړه ناممکنه ده.

د هېواد اوسیدونکي وايي، چې اقتصادي ستونزو نور پر دوی د ژوندانه کړۍ را تنګه کړې؛ نو دوی له امریکا او اسلامي امارت څخه غواړي، چې خلک د خپلو سیاستونو قرباني نکړي.

د کابل اوسیدونکی قیام نومی وایي: له دغه حکومت سره دې خبرې وکړي او یوې پایلې ته دې ورسیږي، چې دغه اقتصادي او بشري ناورین ته نور د پای ټکی کیښودل شي.

کابل ښاري محمد زبیر ویلي؛ مونږ له بهرنیو بنسټونو او اسلامي امارت څخه غواړو، چې د افغانستان د کنګل شویو پیسو پر آزادېدو کار وکړي او یوې هوکړې ته ورسیږي، چې خلک له اقتصادي ستونزو راووځي او سوداګر له ملي ډاډ برخمن شي.

تېره چارشنبه د ملګرو ملتونو د امنیت شورا په یوه ځانګړې ناسته کې د افغانستان د اقتصادي او بشري ناورین په اړه اندېښنه څرګنده کړه او د افغانستان په چارو کې د نوموړې ټولنې ځانګړي استازی د افغانستان له خلکو سره د بشري مرستو د ترسره کولو غوښتونکی شو؛ د چین او روسیې استازیو هم په دغه ناسته کې د امریکا له لوري د افغانستان د کنګل شویو پیسو پر آزادېدو ټینګار څرګند کړ.

تازه خبرونه

زه اوس هم د افغانستان ولسمشر یم

Published

on

(Last Updated On: زمری ۲۰, ۱۴۰۱)

د افغانستان پخواني ولسمشر اشرف غني، چې تېر کال یې د اګست پر ۱۵ له هېواده تېښته کړې؛ په خپلې لومړۍ تلویزیوني مرکه کې وایي: د هېواد د اساسي قانون له مخې اوس هم د هېواد ولسمشر یم.

په راتلونکیو څو ورځو کې د افغانستان د جمهوري نظام د سقوط او له هېواده د پخواني ولسمشر اشرف غني د تېښتې یو کال پوره کېږي.

اشرف غني د جمهوري نظام له سقوط وروسته په خپله لومړنۍ تلویزیوني مرکه کې، چې له A.B.N تلویزیون سره یې کړې؛ ادعا کوي، چې د اساسي قانون له مخې اوس هم د افغانستان ولسمشر ګڼل کېږي او تر هغې، چې د هېواد وګړي په قانوني بڼه بل څوک د ولسمشر په توګه و نه ټاکي، نو پخپل ځای به پاتې وي.

هغه وایي: زه د اساسي قانو پر بنسټ ولسمشر یم او تر هغې، چې د افغانستان خلک په قانوني بڼه بل څوک ونه ټاکي؛ زه ولسمشر یم.

اشرف غني د دې پوښتنې په ځواب کې، چې ولې له افغانستان څخه وتښتېد وايي؛ هغه وروستی کس و، چې له افغانستان څخه ووت. د هغه په خبره؛ دا کار یې، ځکه وکړ، چې د داکتر نجيب الله له برخلیک سره مخ نشي.

هغه زیاته کړې، چې له ده مخکې د ملي دفاع وزير په ګډون د کابينې ډېر غړي له افغانستان څخه تښتېدلي وه.

اشرف غني وایي: زه وروستی کس وم، چې له هېواده ووتم او دا هم د دې لپاره، چې د افغانستان د ولسمشر داکتر نجیب ترخه تجربه تکرار نشي.

دغه راز نوموړي زیاته کړې؛ د نظام په سقوط کې ټولو سیاستوالو ونډه درلوده.

هغه د ملي پخلاینې شورا پخوانی مشر عبدالله عبدالله د جمهوريت د ړنګېدو مسوول بولي او پر زلمی خلیلزاد هم نیوکې کوي.

نوموړی په دې اړه وایي: داکتر عبدالله د جمهوریت د نه ټینګښت مسوول دی. په ځانګړي توګه په وروستیو اووه کلونو کې. دوه یم دا، چې د افغانستان د سولې شورا مسوول وې؛ کوم ګام دې پورته کړ؛ د کاغذ پر مخ دې کومه طرحه وړاندې کړه او یا په عمل کې کله ، چې دوحې ته په ځانګړې الوتکه کې ولاړې او د اختر پر ورځ بېرته راغلې؛ ماته دې وویل، چې طالبان هیځ راز حرکت ته چمتو ندي.

د هېواد یو شمېر وګړي د اشرف غني دغه خبرې د شرم وړ بولي او وايي، چې د اوسنیو ټولو اقتصادي بدمرغیو لامل له افغانستان څخه د اشرف غني وتل دي.

د هېواد یو شمېر نور وګړي بیا وایي؛ اشرف غني د بښنې پر ځای بې ګټې خبرې وکړې، ځکه د ده تېښته د حکومت د سقوط لامل شوه، امنیتي بنسټونه له ماتې سره مخ شول او د نجونو ښوونځي اوس هم تړلي دي.

دوی د اوکراین له ولسمشر زیلینسکي سره د ده د پرتلې په اړه وايي، هغه د یو موټي ولس ولسمشر دی او امر يې د هېواد ټول امنیتي ځواکونه مني.

دا په داسې حال کې ده، چې له افغانستان څخه د اشرف غني له وتلو وروسته د هغه لومړي مرستیال امرالله صالح د افغانستان د اساسي قانون له مخې ځان د ولسمشرۍ مشروع سرپرست اعلان کړی دی.

Continue Reading

تازه خبرونه

اسلامي امارت د حجاب په ګډون د شریعت پلي کولو ته ژمن دی

Published

on

(Last Updated On: زمری ۲۰, ۱۴۰۱)

د امربالمعروف او نهی عن المنکر وزارت چارسمبالي ننګرهار ته د سفر پرمهال يوې جوړې شوې غونډې ته څرګنده کړې؛ د حجاب په ګډون ټول صادرشوي فرمانونه تطبيقوو او د مخنیوي په اړه به د نړیوالې ټولنې فشارونو ته تسلیم نشو.

هغه وایي؛ د نړيوالو هيڅ ډول فشار ته نه تسلیمیږي او ټول صادر شوي فرمانونه به تطبيقوي.

نوموړي له امربالمعروف له غړیو سره همکاري د ولس، ملاامامانو او ټولو مسوولينو ګډ مسووليت وباله او زياتوي، چې په تېرو شل کلونو کې فکري او فزيکي يرغل د افغان ملت راتلوونکي نسل ته سخته صدمه رسولې ده.

شیخ محمد خالد حنفي  ويلي؛ په ټول هېواد او ولسواليو کې کابو ۸ زره هڅاند غړي لري، چې د اجتماعي او فردي اصلاحاتو د راوستو لپاره کار کوي.

هغه همداراز د فرمانونو تطبيق په ولسي او حکومتي کچه عام کار وباله او زياتوي، چې هيڅوک ترې مستثنا ندی.

د نوموړي د څرګندونو له مخې؛ د اسلامي امارت فرمانونه تدريجي تطبيقوي او د تطبيق په برخه کې ټول مسوولين اړ دې، چې د امربالعمروف له کارکوونکیو سره همکاري وکړي.

دغه راز د غونډې ګډونوالو د تشکيل د زياتوالي، ترانسپورت او په نورو برخو کې له وزارت څخه د لازمې همکارۍ غوښتنه هم وکړه.

د امربالعمروف سرپرست همداراز ويلي، چې يو شمېر بهرنۍ کړۍ هڅه کوي، چې د يو شمېر خلکو پر مټ  اسلامي امارت تخريب کړي؛ خو هيڅ په لاس نه ورځي.

هغه ویلي، چې د ښځو حقوقو ته درناوی د تېرو شل کلونو پر پرتله په اسلامي امارت کې ډېر غښتلي او خوندي دي.

Continue Reading

تازه خبرونه

حکومت د انرژي او اوبو وزارت په سکتور کې د پانګونې د یو ورځنی کنفرانس کوربتوب وکړ

Published

on

(Last Updated On: زمری ۲۰, ۱۴۰۱)

د انرژۍ او اوبو وزارت په سکتور کې د خصوصي پانګونې د راجلبولو لپاره په کابل کې د دولتي چارواکو، نړیوالې ټولنې د استازیو او د خصوصي سکتور د غړیو په ګډون یو ورځنی کنفرانس جوړ شو.

د رییس الوزرا اقتصادي مرستیال ملا عبدالغني برادر په خپله پرانیستونکې وینا کې څرګنده کړې، چې د افغانستان اسلامي امارت د هېواد پرمختګ او پراختیا ته ژمن دی؛ خو له خلکو یې وغوښتل، چې زغم ولري او زیاتوي؛ ځکه دا هېواد مونږ پخپله جوړوو.

ملا برادر دغه راز په ډاګه کړه، چې افغانستان بالقوه یو بډایه هېواد دی، چې د پانګونې ډېر ښه فرصتونه لري.

نوموړي له سوداګرو وغوښتل، چې په افغانستان کې پانګونه وکړي او افغان حکومت به ورته نه یوازې د آسانتیاوو، بلکې د بشپړ امنيت زمینه هم برابره کړي.

هغه افغانانو ته ډاډ ورکړ، چې د کانونو د استخراج، بندونو په جوړولو او نورو برخو کې پانګونه او کارونه ورځ تر بلې زیاتېږي؛ ښايي په لږ وخت کې افغانستان پر ځان بسیا شي.

د انرژی او اوبو وزارت چارسمبالي عبداللطیف منصور هم استازیو ته په وینا کې ویلي، چی د افغانستان د اوبو لګولو اداره د اوبو مدیریت او د انرژۍ تولید ته ژمنه ده.

عبداللطیف منصور ویلي، چې کنفرانس د پانګوالو لپاره د اوبو او انرژۍ په سکتورونو کې د شته فرصتونو د په ډاګه کولو لپاره جوړ شوی، چې د کورنیو، سیمه ایزو او نړیوالو سوداګرو ته په اړوند سکتورونو کې د پانګوونې زمینه برابروي.

د کانونو او پټرولیم وزارت سرپرست شهاب الدین دلاور هم استازیو ته د وینا پر مهال ویلي؛ اوس د دې وخت رارسېدلی، چې د هېواد خپلواکي وساتو او له طبیعي زېرمو ګټه واخلو.

د کانونو او پترولیم وزارت چارسمبالي شهاب الدین لاور په ډاګه کړې؛ کوچني کانونه د کورنيو پانګوالو لپاره ځانګړي دي، خو که بهرنۍ کمپنۍ غواړي پانګونه وکړي، مشر يې بايد افغان وي.

د دلاور د څرګندونو له مخې، اوس مهال ٥١ واړه کانونه د استخراج په حال کې دي.

د کانونو او پترولیم وزیر شهاب الدین لاور بیات پاور ته هم نغوته وکړه او په ډاګه یې کړه، چې بیات پاور دا مهال ۴۰ میګاواته برښنا تولیدوي او غواړي دغه کچه ۲۵۰ میګاواته ته لوړه کړي.

هغه څرګنده کړه: مونږ د دغه شرکت له پرېکړې هرکلی کوو.

Continue Reading

Trending

Copyright © 2022 Ariana News. All rights reserved!