په افغانستان فوټسال غوره لیګ څلورم پړاو کې د پنجشنبې پر ورځ دوه پر زړه پورې سیالۍ ترسره شوط دي.

د دې سیالیو په څلورشپېتمه لوبه کې اتحاد اف‌سي د زیتون اف‌سي پر وړاندې ۴ پر صفر بریالۍ لوبه ترسره کړه.

په پېنځه‌شپېتمه لوبه کې صداقت لوبډلې د جوانان میهن پر وړاندې ۱۰ پر ۱ ۱ بریا ترلاسه کړه.

د جمعې د ورځې مهالوېش:

– امید اف‌سي د آریا فورج پر وړاندې له غرمې وروسته ۳:۳۰ او پیروزي پنجشېر د نورزاد لوبډلې پر وړاندې مازیګر ۵:۴۵ .

د فوټسال مینه‌وال کولی شي ټولې دغه لوبې پر ژوندۍ بڼه له آریانا ټلویزیون څخه وګوري.

په افغانستان فوټسال غوره لیګ کې د سې‌شنبې پر ورځ دوه لوبډلو بریالۍ سیالۍ ترسره کړې؛ په شپېتمه لوبه کې صداقت اف‌سي زیتون لوبدلې ته ۲ بر ۱ زړه‌راکښونکې ماتې ورکړه او یوښپېتمه لوبه نورزاد لوبډلې له آریا فورج څخه ۲ د ۱ پر توپیر وګتله.

د چارشنبې پر ورځ به پیروزي پنجشېر د ظاهر اسد اف‌سي پر وړاندې له غرمې وروسته ۳:۳۰ ولوبیږي او امید لوبډله له دیار سنايي سره د مازیګر پر ۵:۴۵ لوبه وکړي.

مینه‌وال کولی شي دا سیالۍ په آریانا ټلویزیون ATN کې پر ژوندۍ او ځانګړې بڼه وګوري.

د افغانستان فوټسال غوره لیګ د دوشنبې پر ورځ په کابل کې اته‌پنځوسمه او نهه‌پنځوسمه زړه‌راکښونکې دوه سیالۍ تر سره کړې.

په اته‌پنځوسمه لوبه کې امید او جوانان میهن لوبډلې یوه د لیدو وړ لوبه ۲-۲ مساوي پای ته ورساوه. سره له دې، چې ګټونکی یې نه درلود؛ خو لوبه د تخنیکي او سپورټي لېوالتیا له کبله ډېره لیدونکې وه، چې لیدونکي یې تر وروستۍ شېبې پورې بوخت وساتل.

په نهه‌پنځوسمه لوبه کې اتحاد لوبډلې وکولی شول، چې پیروزي پنجشېر اف‌سي ته د ۳ د ۱ پر توپیر ماتې ورکړي.

دې بریا اتحاد ته درې ارزښتناکې نمرې پر بخه کړې او د سیالۍ په جدول کې یې د لوبډلې ځای لوړ کړ.

د سې‌شنبې د لوبې مهالوېش:

صادقت د زیتون پر وړاندې ماسبښین مهال ۳:۳۰

 دغه راز نورزاد د آریا فورج پر وړاندې د مازیګر ۵:۴۵

د سیالیو مینه‌وال کولی شي دا سیالۍ پر ژوندۍ او ځانګړې بڼه له آریانا ټلویزیون ATN څخه وګوري.

دا ژوندۍ خپرونه د کورنیو لوبو د ودې او د هېواد له فوټسال استعدادونو څخه د ملاتړ لپاره یو اړین ګام ګڼل کیږي.

لکه څنګه، چې د لیګ اړین پړاوونه نږدې کیږي؛ سیالي رالندیږي او هره لوبه کولی شي د لوبډلو برخه‌لیک بدل کړي.