Connect with us

سیمه ییز خبرونه

د افغان ځواكونو په اړه د امريكا د كانگرس نوى رپوټ

Published

 on

(Last Updated On: لړم ۱۲, ۱۳۹۱)

اداري فساد، په نړېوالو سرتېرو د افغان ځواكونو بريدونه او د افغان ځواكونو كمزورتيا هغه مهم ټكي دي، چې په دغه رپوټ كې ورته نغوته شوې ده. رپوټ وايي، چې افغان دولت به له ۲۰۱۴ م كال وروسته د خپلو ځواكونو د ساتنې توان ونه لري.

د امريكا د كانگرس نوى رپوټ، چې د افغانستان امنيتي وضع يې څېړلې په بهرنيو سرتېرو د افغان ځواكونو بريدونه له شرمه ډك بللي دي.

د دغه رپوټ له مخې د دغو بريدونو دوام نه يوازې د ناټو ځواكونو روحيه زيانمنوي، بلكې د افغان ځواكونو په روحيه هم اغېزه ښندي.

د امريكا د كانگرس نوې رپوټ وايي، چې په ۲۰۱۴ م كال كې د نړيوالو ځواكونو په وتلو سره ښايي د افغانستان حكومت د خپلو ځواكونو د ساتنې توان ونه لري، هغه نظر چې افغان چارواكي يې ردوي.

په دې رپوټ كې دغه راز په روان كال كې د افغانستان لپاره د امريكا مرستو ته هم اشاره شوې، خو وېل شوي چې د اداري فساد موجوديت، د عدلي او قضايي بنسټونو ناتواني او له بشري حقونو څخه دوامداره سرغړونه د دغه مرستو اغېز ننگولى دى.

په همدې وخت كې سياسي كارپوه سرور جوادي په افغان امنيتي ځواكونو كې د انگېزې نشتوالى، د تجهيزاتو كموالى او په دولت كې د سياسي ارادې نشتوالى اساسي ستونزې گڼي.

نوموړى زياتوي كه په دې برخو كې تر ۲۰۱۴ م كال پورې لازم كاروشي ټولې اندېښنې به له منځه لاړې شي.

په دې رپوټ كې له طالبانو سره د افغانستان حكومت د سولې د بې پاېلې خبرو په اړه اندېښنه ښودل شوې ده.

رپوټ د افغانستان په سرحدي سيمو د پاكستان د توغنديزو بريدونو او وسله والو طالبانو تگ راتگ ته هم نغوته كړې ده.

Advertisement

سیمه ییز خبرونه

ننګرهار کې ماین چاودنې ۳۰ کسانو ته مرګ و ژوبله اړولې

Published

on

(Last Updated On: غبرګولى ۳۰, ۱۴۰۱)

د ننګرهار ولایت د غني خېل ولسوال څرګنده کړې؛ نن سهار ۹ بجې د یادې ولسوالۍ په شېرګړ بازار کې د ولسوالۍ د روغتيا د برخې د مدیر پر کرولا ډوله موټر نښلېدونکي ماین چاودنه کړې.

د ننګرهار ولایت د غني خېل ولسوالۍ ولسوال مولوي صدیق الله ویلي، چې په دې چاودنه کې دوه ملکي وګړي وژل شوي او د اسلامي امارت د پېنځه سرتېرو په ګډون اته ویشت کسان ټپیان دي.

ولسوال زیاته کړې؛ ټپیان د درملنې لپاره ننګرهار حوزوي روغتون ته لېږدول شوي او روغتیایي حالت یې د ډاډ وړ ښودل شوی دی.

په کابل کې د یوناما دفتر دا برید غندلی او څرګندوي، چې دا چاودنه په یوه بازار کې رامنځته شوې او د ماشومانو په ګډون یې ملکي وګړي زیانمن کړي دي.

دغه بنسټ پر ملکي وګړیو د پرلپسې بریدو نو د درولو غوښتنه کړې ده.

د یادونې ده، چې د يادې پېښې پړه تر دې دمه چا پرغاړه نده اخستې.

Continue Reading

سیمه ییز خبرونه

په بدخشان ولايت کې سيلابونو مالي زيانونه رامنځته کړي

Published

on

(Last Updated On: غبرګولى ۲۶, ۱۴۰۱)

د بدخشان ولایت سیمه ییزو چارواکو تائید کړه، چې نن په دغه ولایت کې سیلابونو د زیباک ولسوالۍ  خلکو ته پراخ مالي زیانونه اړولي دي.

د زیباک ولسوالۍ د پراختيايي شورا مشر فضل احمد فيضي ویلي؛ ګلخانه، ډنډ، دشت خان، نوآباد او خالخان د دې ولسوالۍ هغه سيمې دي، چې تر ټولو ډېرې زيانمنې شوې دي.

هغه وایي: دغه سيلابونه د سختو بارانونو له کبله رامنځته شوي دي.

فيضي باختر آژانس ته په ډاګه کړې: دغو سيلابونو ٤٤ هکتاره کرنيزه ځمکه، کښتونه، اته کورونه، د اوبو لګولو ډنډونه او هغه سړک، چې دوه کلي سره نښلوي زيانمن کړي دي.

د چارواکو په خبره په سیلابونو کې د اړوند کلیو څاروي هم مردار شوي دي.

Continue Reading

سیمه ییز خبرونه

په بدخشان ولایت کې د طبیعي ډبرو او منرالونو د پروسس او پلور مرکز جوړ شو

Published

on

(Last Updated On: غبرګولى ۲۴, ۱۴۰۱)

په بدخشان ولایت کې د لومړي ځل لپاره د صنایعو او کانونو خونه او همدارنګه د طبیعي ډبرو او منرالونو د پروسس او پلور مرکز جوړ شو.

د اقتصاد وزارت د چارسمبالی قاري دين محمد حنيف پر مشرۍ یو پلاوي د صنایعو او کانونو خونې او د قیمتي ډبرو د پروسس او پلور د مرکز د پرانستلو په موخه بدخشان ته تللی دی.

قاري دين محمد حنيف وايي؛ په تېرو کلونو کې ميلياردونه ډالر بیځایه لګول شوي او هیڅ داسې کار ندی شوي، چې افغانستان له اقتصادي انحصاره خلاص کړي.

دی وايي، چې افغانستان هر کال یوازې د برښنا له درکه ۳۴۰ میلیون ډالره نورو هېوادونو ته ورکوي. د دغه مرکز له جوړېدو څخه مو موخه ملي او نړیوالو بازارونو ته د قیمتي او نیمه قیمتي ډبرو چمتو کول او پروسس کول دي.

د اقتصاد وزارت چارسمبالي قاري دین محمد حنیف د دغه مرکز د پرانېستې پر مهال څرګنده کړه: سره له دې، چې په تېرو کلونو کې میلیونونه ډالر افغانستان ته راغلل؛ خو افغانستان له اقتصادي انحصاره خلاص نشو او هیڅ بنسټیز کار ندی شوی.

د سوداګرۍ او صنایعو خونې اجرائیوي مشر رحیم الله سمندر ويلي، چې بدخشان لسګونه ډوله قیمتي ډبرې او طبیعي کانونه لري، چې د دغه مرکز له جوړېدو سره به قیمتي ډبرې پروسس او په ملي او نړیوالو بازارونو کې به پلور ته وړاندې شي.

د بدخشان خلک هم هیله لري، چې د دغه مرکز له جوړیدو او د طبیعي زیرمو په ځانګړي توګه د قیمتي ډبرو استخراج سره به دوی ته د کار او روزګار ډاډمنه زمینه هم برابره شي.

بدخشان ولایت د طبیعي زیرمو له پلوه بډای ولایت دی، چې په تېرو څو لسیزو کې سیمه ییز چارواکي د دغو زیرمو په ناقانونه استخراج او بهرنیو هېوادونو ته پر قاچاق تورن شوي دي.

Continue Reading

Trending

Copyright © 2022 Ariana News. All rights reserved!