لوبی
د المپیک نړیوالې کمیټې مشر له ناندریزې سوکوهونکې ایمان خلیفي ننګه وکړه
توماس باخ په یوه خبري کنفرانس کې ویلي: مونږ دوه سوکوهونکې لرو، چې ښځې زېږېدلي دي؛ د میرمنو غوندې لویې شوي، په پاسپورټونو کې يې ښځینه جنسیت ثبت شوی او له کلونو راپدېخوا يې د میرمنو په توګه هڅې او مبارزه کړې ده. دا د یوې ښځې د ښځیتوب څرګنده پېژندنه ده. هغه دا ټینګار هم کړی، چې پرته له شکه دوی ښځې دي.

د المپیک د نړیوالې کمیټې مشر په یوه خبرپاڼه کې له الجزایري سوکوهونکې ایمان خلفي ننګه کړې او د دې هېواد اولمپیک کمیټې هم رسماً د المپیک نړیوالې کمیټې ته د ایمان خلیفي پر وړاندې د چلندونو په اړه اندېښنه ښودلې ده.
د المپيک نړيوالې کميټې مشر توماس باخ د الجزايري سوکوهونکې ايمان خليفي او د تايوان سوکوهونکې لين يو تينګ ته د ښځو د اولمپيک په سياليو کې د ګډون د اجازه ورکولو له کميټې د پرېکړې دفاع وکړه. هغه په دې اړه ویلي: مونږ به کلتوري جګړې ته، چې ځینې وختونه سیاسي انګېزې لري؛ ورنننوځو.
توماس باخ په یوه خبري کنفرانس کې ویلي: مونږ دوه سوکوهونکې لرو، چې ښځې زېږېدلي دي؛ د میرمنو غوندې لویې شوي، په پاسپورټونو کې يې ښځینه جنسیت ثبت شوی او له کلونو راپدېخوا يې د میرمنو په توګه هڅې او مبارزه کړې ده. دا د یوې ښځې د ښځیتوب څرګنده پېژندنه ده. هغه دا ټینګار هم کړی، چې پرته له شکه دوی ښځې دي.
باخ زیاته کړې: ځینې اوس غواړي، چې ښځه بل راز راوپېژني. زه یوازې دوی ته بلنه ورکولی شم، چې د ښځې په اړه د علم پر بنسټ یوه نوې پېژندنه وړاندې کړي.
هغه زیاته کړه؛ په دې اړه د المپیک نړیواله کمېټه چمتو ده، چې هر څه واوري.
دغه راز هغه خبرداری ورکړی، چې مونږ به په کلتوري جګړه کې ښکېل نه شو؛ ځکه ځینې وختونه یې انګېزه سیاسي دلایل وي.
هغه همدا راز ټینګار کړی: اجازه راکړئ ووایم، چې په ټولنیزو شبکو کې په دې اړه له کرکې او سپکاوي ډک الفاظ کاریږي، چې په بشپړه توګه د منلو وړ ندي.
د اولمپیک لوبې د الجزایري ایمان خلیفي او د تایوان لین یو تینګ له جنسیتي ازموینې څخه د راپورته شوې ناندرې له کبله د سوکوهنې نړیوال فدراسیون (IAB) د پرېکړې له مخې د تېر کال نړیوال اتلولۍ څخه بې برخې شول او د ازموینو د پایلو جزئیات یې هم هیڅکله خپاره شوي ندي.
په اولمپیک کې سوکوهنه د سوکوهنې د نړیوالې ټولنې تر مدیریت لاندې نده. دا فډراسیون د مدیریت د ستونزو له کبله له ۲۰۲۳ کال راپدېخوا د المپیک نړیوالې کمیټې لخوا پر رسمیت نه پېژندل کیږي.
د یوې ایټالوي سوکوهونکې پر وړاندې د الجزایر سوکوهونکې وتوانیده، چې خپلې سیالې ته په ۴۶ ثانیو کې ماتې ورکړي او ایټالوي سوکوهونکې په داسې حال کې، چې رسۍ یې پر منګولو کلکه کړې وه لو روزونکیو پورته نیولې وه؛ اوښکې تویولې.
د هغې یو روزونکي محمد چاوا ویلي: دا سخته ده، هغې ډېرې ستونزې زغملي؛ د ماشوم په توګه او اوس د یوې اتلې په توګه په دې لوبو کې ډېر ځورېدلی ده.” انسانیت چېرته دی؟ د ښځو د حقونو ټولنې چېرته دي؟ هغه (خلیفي) قرباني ده.
د خليفي پلار عمار رويټرز خبري سرچینې ته ويلي، چې پخپلې لور وياړي او د الجزاير لپاره يې د مډال له ګټلو ملاتړ کړی دی.
د الجزایر المپیک کمیټې د المپیک نړیوالې کمیټې ته له خپلې ښځینه سوکوهونکې ایمان خلیفي سره د چلند په اړه رسمي شکایت کړی دی.
د ډیلي میل د راپور له مخې؛ د هنګري د سوکوهنې فډراسیون او د بلغاریا المپیک کمیټې هم د المپیک له نړیوالې کمیټې سره اړیکې نیولی او د ۲۰۲۴ ز. کال په لوبو کې یې د هغې د ګډون په اړه اعتراض کړی او د دغو دوه هېوادونو سوکوهونکیو د دې الجزایري سوکوهونکې په اړه له سپکاوي ډکې څرګندونې کړې دي.
د خلیفي راتلونکې سیالې انا لوکا هاموري په ټولنیزو رسنیو کې د هغې په اړه یو لړ له سپکاوي ډکې لیکنې پوسټ کړې او د الجزایر د المپیک او سپورټ کمیټه یې وهڅوله، چې د المپیک نړیوالې کمیټې ته رسمي اندېښنه وړاندې کړي.
د الجزایر د المپیک کمیټې په خبرپاڼه کې راغلي: د المپیک نړیوالې کمیټې له سرغړوونکیو څخه وروستۍ بښنه وغوښته او زمونږ د اتلې په اړه یې د هر راز لیکنو د لرې کولو امر وکړ. مونږ حق لرو، چې ټول هغه کسان محاکمه کړو، چې د ایمان خلیفي پر ضد په ناوړه کمپاین کې ښکېل دي.
اړوند خبرونه:
د ۲۰۲۴ اولمپيک لوبو د سرو زرو لومړی مډال د چين پر برخه شو
په پاریس المپیک کې فرانسوي لامبووهونکي په ۲ ساعتونو کې ۲ د سرو زرو دوه مډالونه وګټل
لوبی
د آریانا سنوکر اتلولۍ مینهوال دې د لوبو په اړه لاندې اړین معلومات ولولي
داځل د سپورټ او سپورټي ټولنې د ودې او پراختیا لپاره ATN ژمنه کړې، چې دا سیالۍ به په کابل کې ترسره شي. دا ټورنمنټ د افغانستان د بلیارډ او سنوکر فډراسیون پر همکارۍ د ATN لخوا په پام کې نیول شوی دی.

د سېشنبې پر ورځ( د سلواغې درویشتمه) له غرمې وروسته ۳ بجې به په ټول هېواد کې د سپورټ مینهوال د آریانا سنوکر اتلولۍ د زړهراکښونکو لوبو د پیل لیدونکي وي. دا لوبې به د آریانا راډیو او ټلویزیون (ATN) له لارې پر ژوندۍ او قانوني بڼه خپره شي.
داځل د سپورټ او سپورټي ټولنې د ودې او پراختیا لپاره ATN ژمنه کړې، چې دا سیالۍ به په کابل کې ترسره شي. دا ټورنمنټ د افغانستان د بلیارډ او سنوکر فډراسیون پر همکارۍ د ATN لخوا په پام کې نیول شوی دی.
د هېواد شپاړس غوره سنوکر لوبغاړي به په دې یو اوونیز ټورنمنټ کې د اتلولۍ لپاره سیالي وکړي.
ګروپي پړاو سېشنبه او چارشنبه هره ورځ پر ۴ لوبو ترسره کیږي. ټول لوبغاړي به بیا حذفي پړاو ته ولاړ شي، چې د روانې اوونۍ د پنجشنبې او جمعې په ورځو کې ترسره کیږي.
د کوارټر فاینل لوبې د شنبې پر ورځ د سلواغې پر اووهویشتمه / د فبرورۍ پر پېنځلسمه او نیمه پایلوبه د یکشنبې پر ورځ ترسره کېږي. د اونۍ پای به له فاینل سره پای ته ورسیږي، چې د دوشنبې پهرورځ د سلواغې نههویشتمه / د فبروري اووهلسمه ټاکل شوې ده.
د لوبو ګډونوال څوک دي؟
د هغو لوبغاړو تر منځ، چې باید ورته پاملرنه وشي؛ صالح محمدي دی، چې په ۵۳ کلنۍ کې د هېواد لومړی مقام لري.
د ښي لاس دا لوبغاړی له ۱۹۹۰ ز. کال راپدېخوا په سیالیو کې لوبه کوي او له ۵۰ څخه په ډېرو نړیوالو ټورنمنټونو کې یې ګډون کړی دی.
یو بل د درانده وزن لرونکی ۳۵ کلن ښيلاسی نوید نادري دی، چې په هېواد کې دوهیم مقام لري.
په هېواد کې د درېیم مقام لرونکی علي احمد دی، چې هغه هم لوبې ته ولاو دی او د سېشنبې پر ورځ به په درېیمه لوبه کې ولوبیږي. دی هم د ښيلاس لوبغاړی دی.
د ټورنمنټ بڼه
په ګروپي پړاو کې لوبغاړي به په اووه چوکاټونو کې سیالي وکړي. ناک آوټ پړاو او کوارټر فاینل دواړه به نهه چوکاټونه وي. نیمه پایلوبه به ۱۱ چوکاټونه او وروستۍ لوبه به ۱۳ هغه وي.
لوبغاړي او د لوبې جوړښت
ATN به دا پروګرام پر ژوندۍ او ځانګړي بڼه د سېشنبې دسلواغې درړیشتمه / د فبرورۍ یوولسمه او چارشنبه د سلواغې څلیریشتمه / د فبرورۍ دولسمه د ماسپښین پر ۳ بجو پیل کړي.
لومړۍ لوبه: سې شنبه – م. صالح محمدي د ساحل ابراهیمي پر وړاندې. لوبه د ماسپښین له ۳ بجو وروسته پیل کیږي.
دوهیمه لوبه: سېشنبه – م. اقبال حساس د نوید نادري پر وړاندې. لوبه د مازدیګر پر ۴:۲۵ پیل کیږي.
درېیمه لوبه: سېشنبه – علي احمد د صدیق محمدي پر وړاندې. سیالي د ماښام پر ۵:۳۵ پیل کیږي.
څلورمه لوبه: سېشنبه – م. رییس هوتک د علي سخي پر وړاندې. خپرونه پر ۶:۵۰ پیل کیږي
پېنځمه لوبه: چارشنبه – زلمی سلامخېل د اسماعیل محمدي پر وړاندې. سیالي د ماسپښین پ ۳ بجو پیل کیږي.
شپږمه لوبه: چارشنبه – اجمل یوسفزی د حسیبالله سلطاني پر وړاندې. سیالي پر ۴:۲۵ پیل کیږي.
اوومه لوبه: چارشنبه – محمد میر نورزی د ابراهیم محمدي پر وړاندې. سیالي د ماښام پر ۵:۳۵ پیل کیږي.
اتمه لوبه: چارشنبه – نادر خان روحاني د م. عثمان محمدي پر وړاندې. سیالي د ماښام پر ۶:۵۰ پیل کیږي.
مینهوال دې د شته غوراویو د لیدلو لپاره لاندې لښتيیلیک(جدول) وګورئ.
په ټول هېواد کې د ې د سنوکر مینهوال د دغو زړهراکشونکو لوبو په اړه د وروستیو خبرتیاوو لپاره د آریانا ټلویزیون( ATN) او آریانا نیوز(ATNN ) ټولنیزې پاڼې وګوري.
لوبی
راشد خان په شل اوریزو لوبو کې د نړۍ تر ټولو مخکښ ویکټ اخیستونکی شو
له دې مخکې دا ریکارډ د ویسټ انډیز له لوبغاړي ډي جي براوو سره و، چې په شل اوریزو لوبو کې یې ۶۳۱ ویکټې اخیستې وې.

د افغانستان کرکټ ملي لوبډلې نومیالی او وړ توپاچوونکی راشد خان تېره شپه د سویلي افریقا د غوره لیګ په شل اوریزو لوبو کې د خپلو ویکټو شمېر ۶۳۳ ته ورساوه؛ دوه لوبغاړي لرې کړل او یو نوی نړیوال ریکارډ یې جوړ کړ.
له دې مخکې دا ریکارډ د ویسټ انډیز له لوبغاړي ډي جي براوو سره و، چې په شل اوریزو لوبو کې یې ۶۳۱ ویکټې اخیستې وې.
د افغان او نړیوال کرکټ ځوان ستوري په لږ عمر کې دا ممکنه کړې، چې په راتلونکو کلونو کې خپل ریکارډ نور هم پیاوړی کړي.
هغه په فیسبوک پاڼه کې لیکلي: “زه د خدای شکر ادا کوم، چې ما په کرکټ کې یوه بله لاسته راوړنه ثبت کړه.” هر څه، چې یوو؛ د خپل وطن پر نوم یوو او هر پرمختګ، چې کوو د خپل وطن لپاره دی. زه خوښ یم، چې په نړیوالو شل اوریزو لوبو کې مې ۶۳۳ ویکټې واخیستې او په نړۍ کې لومړی توپاچوونکی شوم. “ستاسې له دعاګانو او ملاتړ څخه یوه نړۍ مننه.”
هغه مخکې د هند غوره لیګ په شل اوریزو سیالیو کې د نړۍ د غوره توپاچوونکي لقب ګټلی دی.
دا په داسې حال کې ده، چې د کرکټ نړیوالې شورا په ۲۰۱۷ کال کې د افغانستان د کرکټ ملي لوبډلې لوبغاړي او نومیالي توپاچوونکي راشد خان ته د غوره دوهیمې درجې لقب ورکړی و.
لوبی
عظمت الله عمرزي د ۲۰۲۴ کال د غوره کرکټ لوبغاړي جایزه ترلاسه کړه
عمرزي د کرکټ نړیوالې شورا څخه دا جایزه ترلاسه کړې ده.

د هېواد د کرکټ ملي لوبډلې لوبغاړی عظمت الله عمرزی د ۲۰۲۴ کال د یو ورځنیو سیالیو د غوره لوبغاړي په توګه وپېژندل شو.
عمرزي د کرکټ نړیوالې شورا څخه دا جایزه ترلاسه کړې ده.
د افغانسټان کرکټ بورډ ويلي، چې د هغه غوره هڅې او وړتیاوې د دې علت شوې، چې هېواد ته دا لوی مقام ثبت کړي.
کرکټ بورډ زیاته کړې، چې د عمرزي “ځانګړې او هر اړخیزه ” هڅه د ۲۰۲۴ کال په سیالیو کې د هېواد د ملي کرکټ لوبډلې د بریاوو کېلي وه.
کرکټ بورډ هیله څرګنده کړې، چې عمرزی به په راتلونکو سیالیو کې نور هم ښه وځلېږي.
عمرزي د ۲۰۲۴ کال د کرکټ لوبو په پړاو کې ټولټال ۱۴ لوبې وکړې، چې په کې یې ۴۱۷ منډې جوړې او ۱۴ ویکټې یې واخیستې.
-
تازه خبرونه3 days ago
افغانستان ته د نغدو پیسو لېږل روان ساتل شوي – د یوه امریکایي سناتور ادعا
-
نړۍ3 days ago
ټرمپ د انټوني بلینکن او جیک سالیوان امنیتي باور لیکونه لغوه کړل
-
تازه خبرونه3 days ago
افغانستان او چین په واخان دهلیز کې پر همکاریو ټینګار وکړ
-
تازه خبرونه3 days ago
یونیسف په افغانستان کې د ۲۱۳ خوارځواکو ماشومانو له درملنې خبر ورکړ
-
تازه خبرونه3 days ago
سعودي عربستان د فلسطینیانو د بې ځایه کېدو په اړه د نتانیاهو څرګندونې وغندلې
-
سیمه ییز خبرونه2 days ago
مصر به د عربي هېوادونو د بېړنۍ سرمشریزې کوربتوب وکړي
-
نړۍ2 days ago
د اوکراین د سولې په خبرو کې پرمختګ شوی – ټرمپ
-
تازه خبرونه2 days ago
پاکستان به له اسلامآباد څخه زرګونه افغان کډوال وباسي